كرهت كرهت كرهت وعيييت

[versace13]

السلام عليكم ورحمة الله وبركاته،إن شاء الله تكونوا بخير ؟لبنات الله يخليكم حبيتكم تساعدوني بكيفية ناجحة لتحضير المطلوع!راجلي يحبو بزاف وقالي لاااااااازم تتعلميه والمشكل انو يجيني ثقيل ومعجن!الله يخليكم ويفرحكم اللي تعرف تعملو وناجحة فيه تعطيني الوصفة بالتفصيل وادا كاين سر معين باش ينجحلي تعطيهولي وربي يجازيكم كل خير ،نتمنى من كل قلبي ما تخيبونيش!حابة يجيني كيما القطن!

[أم سدرة]

اختي شوفي هاد الرابط ان شاء الله يفيدك
http://www.djelfa.info/vb/showthread.php?t=1958893

[sunshine2013]

يعني هاد الوصفة اللي فيها السميد ما يتعجنش و يجي عادي؟؟؟؟ يعطيك الصحة

[versace13]

اختي شوفي هاد الرابط ان شاء الله يفيدك
http://www.djelfa.info/vb/showthread.php?t=1958893



ختي ربي يفرحك ويجازيك بصح المشكل اني غير درك عملت مطلوع العشر دقائق بصح الطريقة مختلفة شوية وجاني معجنننننن!انتي:mad: جربتي هاد الوصفة؟عندك فكرة على النتيجة كيفاش عاملة؟

[om obaida]

حنونة انا بدون زوخ والله المطلوع يجيني كي السفنج وكامل يشكرو فيه نحط السميد معشوية فرينة واختياري كاين وين منديرش نحط لخميرة الملح وشوية سكر ومغرفة زيت ونبلها بالماء لا مندلكها نغطيها ونحطها تتشمخ نقضي شغلي ومن بعد نروح ندلكها وقبل منقسمها نحط مغرفة زيت ونلم فيه لعجينة ومن بعد نقسمها حطهم يطلعو ومن بعد نقرصها ونحطها تطلع ونطيبها هذي طريقتي واقسم بالله يجيني هايل

[versace13]

حنونة انا بدون زوخ والله المطلوع يجيني كي السفنج وكامل يشكرو فيه نحط السميد معشوية فرينة واختياري كاين وين منديرش نحط لخميرة الملح وشوية سكر ومغرفة زيت ونبلها بالماء لا مندلكها نغطيها ونحطها تتشمخ نقضي شغلي ومن بعد نروح ندلكها وقبل منقسمها نحط مغرفة زيت ونلم فيه لعجينة ومن بعد نقسمها حطهم يطلعو ومن بعد نقرصها ونحطها تطلع ونطيبها هذي طريقتي واقسم بالله يجيني هايل


الله يبارك،معليش تعطيني المقادير بالضبط؟وشحال تحتاج وقت باش تريح؟؟ربي يخليك حبيبة
والسميد كيفاش نوعو رطب متوسط...,؟:sdf:

[om obaida]

الله يبارك،معليش تعطيني المقادير بالضبط؟وشحال تحتاج وقت باش تريح؟؟ربي يخليك حبيبة
والسميد كيفاش نوعو رطب متوسط...,؟:sdf:

اسمحيلي مشفتش الرد الدقيق عادي وانا عيني هي ميزاني لكن رايحة نعطيك طريقة زوجة اخي في الكيل علبة طماطم نتاع رطل ديرلك قرصةا نا كل قرصة ندير مغرفة خميرة المغرفة نستعمل نتاع حليب ليبيبي ومغرفه نتاع ماكلة سكر وتقدر تزيدي حسب الكمية ومغرفة زيت وتقدري زيدي شوية والملح شمخيها قد ماتحبي جربي ورجعيلي لخبر

[محبة الكتاب]

اختي هذا االموضوع درتو من قبل وايجي المطلوع بطريقة جديدة لكنو نفس الطعم انتاع المطلوع هايل وهشوش ان شاء الله السلام عليكم لبنات هذي وصفة بطريقة جديدة انتاع المطلوع راهو فعلا روووعة رووعة جربوه وماتندموش
3 كيسان حليب دافئ( ايه ايه حليب ديروها وتشوفوا )+نص كاس زيت +3 مغارف ماكلة خميرة خبز + كيس خميرة حلويات + مغرف سكر + ملح وديري بعدها خليط متساوي من فرينة ودقيق عادي وضيفي بالشوي للخليط حتان اتكون عندك عجينة تكون متلاصقة شوي (شوي برك) في ايدك خليها تتخمر ولما يتضاعف خجمها و راكي تلقيها اخلاص ماعادتش تتلاصق وحكمت روحها اعجني بالتقطاع (هذا السر اللي قالولي اعليه في المطلوع باش ايكون مليح يعني انتي تعجني وكل شوي تقطعي فيه ) وكملي طريقة المطلوع عادي قرصيها وخليها تعاود تثور وطيبيها في الطاجين عادي وماتكبروش الحبة كي تكون متوسطة راهي تجي ابن واخف وكيتطيب لفوها مليح في منديل كتان كبير وامبعد في صاشي تبقى سخونة وطرية صحة فطوركم
نقولك حسب خبرتي المتواضعة شوفي انتي بعدماتعجنيه غطيه و خليه يتخمر مليح وامبعد اقسميها كويرات وعاودي غطيه خليه يتخمر وقرصيه بالصح ماتخليهاش خشينة ياسر لانو كيتتخمر تكبر تطيح هاذيك هي وغطيه وخليه يتخمر وامبعد كيتحطيها في الطاجين السخون ثقبيها بعود رقيق باش تطيبلك من الداخل وماتبقالكش معجنة والنار متوسطة وبعدما تطيب غميها في طرشونة باش تبقالك طرية وان شاء الله تصلحلك

[versace13]

اسمحيلي مشفتش الرد الدقيق عادي وانا عيني هي ميزاني لكن رايحة نعطيك طريقة زوجة اخي في الكيل علبة طماطم نتاع رطل ديرلك قرصةا نا كل قرصة ندير مغرفة خميرة المغرفة نستعمل نتاع حليب ليبيبي ومغرفه نتاع ماكلة سكر وتقدر تزيدي حسب الكمية ومغرفة زيت وتقدري زيدي شوية والملح شمخيها قد ماتحبي جربي ورجعيلي لخبر



بارك الله فيك حبيبة راح نجربو إن شاء الله ونرجعلك الخبر.شكرااااااااااا

[versace13]

اختي هذا االموضوع درتو من قبل وايجي المطلوع بطريقة جديدة لكنو نفس الطعم انتاع المطلوع هايل وهشوش ان شاء الله السلام عليكم لبنات هذي وصفة بطريقة جديدة انتاع المطلوع راهو فعلا روووعة رووعة جربوه وماتندموش
3 كيسان حليب دافئ( ايه ايه حليب ديروها وتشوفوا )+نص كاس زيت +3 مغارف ماكلة خميرة خبز + كيس خميرة حلويات + مغرف سكر + ملح وديري بعدها خليط متساوي من فرينة ودقيق عادي وضيفي بالشوي للخليط حتان اتكون عندك عجينة تكون متلاصقة شوي (شوي برك) في ايدك خليها تتخمر ولما يتضاعف خجمها و راكي تلقيها اخلاص ماعادتش تتلاصق وحكمت روحها اعجني بالتقطاع (هذا السر اللي قالولي اعليه في المطلوع باش ايكون مليح يعني انتي تعجني وكل شوي تقطعي فيه ) وكملي طريقة المطلوع عادي قرصيها وخليها تعاود تثور وطيبيها في الطاجين عادي وماتكبروش الحبة كي تكون متوسطة راهي تجي ابن واخف وكيتطيب لفوها مليح في منديل كتان كبير وامبعد في صاشي تبقى سخونة وطرية صحة فطوركم
نقولك حسب خبرتي المتواضعة شوفي انتي بعدماتعجنيه غطيه و خليه يتخمر مليح وامبعد اقسميها كويرات وعاودي غطيه خليه يتخمر وقرصيه بالصح ماتخليهاش خشينة ياسر لانو كيتتخمر تكبر تطيح هاذيك هي وغطيه وخليه يتخمر وامبعد كيتحطيها في الطاجين السخون ثقبيها بعود رقيق باش تطيبلك من الداخل وماتبقالكش معجنة والنار متوسطة وبعدما تطيب غميها في طرشونة باش تبقالك طرية وان شاء الله تصلحلك



شكرا حبيبة ربي يفرحك ويبارك فيك،بصح ثلاث كيسان حليب ماشي بزاف؟؟؟

[محبة الكتاب]

كان تحبي نقصي الكمية يعني مثلا ديري نص الكيفية كل شي اقسميه على اثنين بالصح ماتخافيش راهو ايجي بنين وخفيف ايهبل ان شاء الله وماتنسيش تثقبيه

[أم *عائشة*]

رانا فلهوا سوى ههههه مزية لقيت وحدة تعاني كيفي راني حاسة بيك اذا نجحتلي كاش وصفة نعطيهال مازلت غير نرمي ههههههه و يستمر الفشل هههههههه

[nanoua7]

شوفي اختي ولي كل مرة فالغداء و العشاء ديري قيس مطلوعة ولا زوج جربي فيهم حتى تتعلمي هاكدا كي يولي عجين قليل ما تكرهيش و الوصفات راهم سبقوني البنات وعلى ما قريت يجيك معجن اولا لازم تسخني طاجين مليح وتاني ما تخشنيش المطلوعات ياسر وحمريهم مليح باه يطيبو من داخل وفي رأيي ابداي بمطلوع عشر دقائق بما انك مبتدئة راه مضمون وما يحتاجش عجين حتى تتعلمي العجن ولازمك طولي بالك وإرادة وكامل فتنا على هاد المرحلة عندنا ما رمينا ههههه

[اريج 07]

راهم حطولك وصفات هايلين اهم شي ديري القرصات رقااااااااااااق

[خوخة02]

سلاااام عليكم
شوفي اختي سر المطلوع في الطياب تقدري تديري اي وصفة وتجيك نورمال انت راكي تزيدي للنار بزاف لا لا سخني الطاجين مليح وديري القرصة انتاعك ومن بعد نقصيلو شوية باه تطيب في غرضها وما يجيكش معجن والسميد الرقيق هو اللي يجي مطلوع وبالتوفيق

[versace13]

رانا فلهوا سوى ههههه مزية لقيت وحدة تعاني كيفي راني حاسة بيك اذا نجحتلي كاش وصفة نعطيهال مازلت غير نرمي ههههههه و يستمر الفشل هههههههه



ههههههههه حتى انا كي قريت موضوعك حسيت بيك!معليش نونسوا بعضانا واللي حكمت العفسة فينا تعاون ختها !وتستمر المعاناة مع المطلوع !

[versace13]

بارك الله فيكم لبنات وربي يفرحكم:راح نجرب وصفاتكم وكامل نصائحكم وياااااااارب ننجح

[محبة الكتاب]

انضحكك اعليا كنت في نفس الازمة كون تشوفي اندير مثلا وصفتين كل وصفة من عند اخت ونجرب حتان صلحتلي الوصقة اللي درتهالك والوصفة ثاني انتاع خبز الدار انتاع الكوشة ثاني تجي تهبل انا كانت غلطتي ماكنتش انثقبها وثاني ماكنتش نصبر اعليها غير برك تتخمر شوي نبدا نطيب تجيني طعمتها اشغل خميرة نية بالصح الحمد عادت تجيني قطن انتي ديريها كيكون الراجل في الخدمة باش اللي ماتصلحش ترميها هههههه وان شاء الله تصلحلك ياربي

[اميريم19]

انا تاني يا اختي كان عندي نفس المشكل عامين وانا ندير المطلوع ومايجينيش مليح جربت كل الوصفات والنصائح وفي الاخير اكتشفت اني ماكنتش نسخن الطاجين مليح ضرك عدت نخليه يسخن نصف ساعة قلت ممكن تكون هذه هي مشكلتك انت ايضا المهم جربي وزيدي وان شاء الله تنجحي

[versace13]

انضحكك اعليا كنت في نفس الازمة كون تشوفي اندير مثلا وصفتين كل وصفة من عند اخت ونجرب حتان صلحتلي الوصقة اللي درتهالك والوصفة ثاني انتاع خبز الدار انتاع الكوشة ثاني تجي تهبل انا كانت غلطتي ماكنتش انثقبها وثاني ماكنتش نصبر اعليها غير برك تتخمر شوي نبدا نطيب تجيني طعمتها اشغل خميرة نية بالصح الحمد عادت تجيني قطن انتي ديريها كيكون الراجل في الخدمة باش اللي ماتصلحش ترميها هههههه وان شاء الله تصلحلك ياربي



ههههههههههه شفتي حنا النسا دايما مع المعاناة!الحمد لله كاين الزواوش لووووول٠
انا مزال ما عملت العرس حبيبة مزالني فدارنا لحسن حظي وعلى هاد الشي حبيت نتعلم الطبخ مليييييح باش كي نروح مايضحكش عليا راجلي:o

[Marc Edouard]

شوفي راني رايحا ندلك الان ونصورلك بالتفصيل باش تتهني هههههههههههههههههه ان ندلكو لابي راهو عندي جا باش يحضر المولود النبوي...

[versace13]

انا تاني يا اختي كان عندي نفس المشكل عامين وانا ندير المطلوع ومايجينيش مليح جربت كل الوصفات والنصائح وفي الاخير اكتشفت اني ماكنتش نسخن الطاجين مليح ضرك عدت نخليه يسخن نصف ساعة قلت ممكن تكون هذه هي مشكلتك انت ايضا المهم جربي وزيدي وان شاء الله تنجحي


شـكراااااا حبيبة وربي يخليك ويفرحك،راني نستنا غير فالنهار اللي مايكونش كاين الخبز فالدار ونجربو إن شاء الله وراح نعمل بنصائحكم وندعييييييلكم
بارك الله فيك

[versace13]

شوفي راني رايحا ندلك الان ونصورلك بالتفصيل باش تتهني هههههههههههههههههه ان ندلكو لابي راهو عندي جا باش يحضر المولود النبوي...



راني نستناااااااااااااا،شكرا حبيبة وربي يجيبلك باباك بخير♥♥

[سحابة باردة]

هو ساهل مع الممارسة يصلح

[abdounardjesse]

اختي العزيزة ما تكرهي ماوالوا رايحا تتعلمي غير بالشوية كلنا كنا هكذا . المطلوع ديري كار طماطم نتاع كيلو معمر دقيق وزيدي شوية فرينةقدر كاس. مبعد ديري زوج مارف خميرة كسرة ورشة سينوج والملح حسب الذوق ومغرف صغيرة سكروبلي بالماء دافيئ مش سخون ، لانو اذا كان سخون يفسدلك لخميرة، ثم بليها مرخوفة واذا كنتي تعجني بيدك خليها تريح خمس دقايق وامبعد كل مرة زيدي الما واعجني حتان تترخف واذا كان بالعجانة مباشرة اعجنيها وضيفي الماء بالشويةوديري زوج قطع ، ديري الفرية فوق المناديل وقرصي بالشوية وقلبيها ماديريهاش خشينة بزاف. خليها تخمر مليح، حتان تشوفيها طلعت وجات ريحتها، والطاجين سخنيه نصف ساعة قبل .وكي تطلعلك في الطاجين تتم تم قلبيها وكون دير فقاعات في الطاجن اثقبيهم ما تخافيش .
راه السر انك:1 تبليها المرة الاولى مرخوفة
2 تزيدي الما غير بالشوية وتدلكي
3 الماء ما يكونش سخون
4 الطاجين يكون سخون

[manel 16]

اختي راني حاسة بيك كنت كيفك او اكثر ما نعرفش للمطلوع و الرخساس و المسمن ...و الان الحمد لله بالاصرار و التكرار وليت ندير مطلوع هايل منفخ و فارغ من الداخل ما امنتش روحي هههه.اولا الفضل الاول للاخت الوهرانية من المنتدى في طريقة الكيس المبلول و الله تغنيك عن الدلك و العجن.شوفي سميد رقيق ماء دافي ملح و خلطي مليح المكونات ديريها في كيس مبلل بدون ما تعصريه و خليه مدة 30 د.تم ولي ليه تكوني خلطتي خميره و سكر و ماء دافي دخليه في العجينة تاعك ودلكيها شووووية برك و جريها شوية ماشي كيما تاع المسمن اقل.ورديها في كيس مبلل هاد المره معصور من الماء و خليها تخمر مليه في الدفء طبعا

[sali kanouza]

جربي الوصفة لي قالولكعليها الاخوات وبعد ها ان شاء الله راح تنجحي

[manel 16]

هدا التخمار هو لي يعوض الدلك.تم امليهم قرصات ديريهم صغار ماعليش حتى تدربي حبيبتي ههههه رمديهم في السميد الرطب و قرصيهم و خليهم يزيدو يخمرو من بعد ديريهم فوق السيار و سيري السميد الزائد اللي رمدتي بيه ثم هبطيها بيدك حتي تولي رقيقة و ارميها في الطاجي على نار قاوية باش تطيب طرية .ماخرا اشريت طاجين تاع حديد مخصص للمطلوع فيه شبكة و غطاء هاااااايل.اختي اتمنى اني افدتك.هده طريقتي لي ما نبدلهاش.ادا سؤال انا في الخدمة

[زومبي]

السلام عليكم أختي شوفي موضوع الأخت إلهام07 عن المطلوع راح نحوسلك على الرابط أو اكتبي مطلوع إلهام 07 في قوقل رايخ يخرجلك
هاهو الرابط:
http://www.djelfa.info/vb/showthread.php?t=1229176

[paloma.laila]

ربع كيلو فورص
م،ك خميرة دالخبز
2 م،ك زيت
م،ص سكر
م،ص ملح
والأهم كاس كبيرمن لبن.

تعجني بالطريقة المعتادة،وتخليه يخمر ربع ساعة، من بعد قسمي الخبيزات الحجم اللي بغتي، كرصيهم بالسميدة ،وخليهم يخمروا حتى يتضاعف حجمهم جرحيهم برازوار جديد طبعا. دخليهم لفران سخون مسبقا ، تكون درجة الحرارة متوسطة

مدة الطبخ تراوح مابين 20 و25 دقيقة
و بالصحة و الراحة
assir dialo howa lban

[versace13]

شكرااااااااا لبنات ربي يحفظكم ويبارك فيكم،ليوم إن شاء الله راح نجرب وصفة من الوصفات ونردلكم الخبر.♥