هل صحيح ان مول النية يربح

[جنى الجنتين]

السلام1

طرحت هاذا السؤال من باب الواقع المعاش ومن خلال تجارب الناس الذين اعرفهم

هل صحيح ان مول النية يربح :confused::confused: رغم ان الواقع يثبث العكس :mad:

مول النية غارق ف يتخبط ف المشاكل و الحيلي لاباس عليه :mad: و الله حرت

مثال حي امراة متزوجة اراد زوجها سرقة ذهبها فقام بدعوتها الى عرس في قاعة الحفلات وهو في الواقع متواعد مع عصابة باش يخونوا الذهب لمرتو

و قال قال العصابة خونت طبعا الزوجة تنبهت لما شافت القاعة فارغة وهربت الى الخارج ركبت في سيارة اجرة حتى باب دار والديها

شوفو الكارثة لي وصلنا ليها المراة مديرش النية ف الراجل حتى لما تشري شقة ولما تشري سيارة علاش مكاش النية :confused: كلشي بالحيلة

و الامثلة كثيرة و كثيرة

كيما قالو ناس زمان مابقى صاحب مابقى حبيب مول النية عايش عند الطبيب و مول الحيلة عايش عند الذيب

الله ينجينا من الذيابة

اليكم الكلمة :mh92::mh92::mh92::mh92:

[*سندوسة*]

السلام عليكم
اختي مكانش قاعدة تقول انه يربح او يخسر لكن انا عن تجربتي فالحياة نقول يربح ولكن يتألم بزاف

اختي مهما لواحد استخدم لحيلة ادا ربي حاب مايصيبكش اذى مايصيبكش
لكن لواحد مايوثقش الثقة العمياء حتى يصبح ساذج وغبي ويتعلم من دروس الحياة

وهاد الزوج انا نقول انه مكار ومخادع
على العموم ربي يهدينا اجمعين

[حية بذكر الله]

قال الله تعالى و يمكرون ويمكر الله و الله خير الماكرين. صدق الله العظيم

[جنى الجنتين]

السلام عليكم
اختي مكانش قاعدة تقول انه يربح او يخسر لكن انا عن تجربتي فالحياة نقول يربح ولكن يتألم بزاف

اختي مهما لواحد استخدم لحيلة ادا ربي حاب مايصيبكش اذى مايصيبكش
لكن لواحد مايوثقش الثقة العمياء حتى يصبح ساذج وغبي ويتعلم من دروس الحياة

وهاد الزوج انا نقول انه مكار ومخادع


على العموم ربي يهدينا اجمعين


و عليكم السلام الانسان النية لي نحكي عليه مش معناه الغبي الساذج كيما نقولو يمشي بربي ما يديرش حسابات ايه الراجل هاذا ثعلب و كبير

الله يعافينا :mh92::mh92::mh92::mh92:

[جنى الجنتين]

قال الله تعالى و يمكرون ويمكر الله و الله خير الماكرين. صدق الله العظيم


نعم اختي عندك الحق بصح مايجي خلاص ربي يلحق حتى راسك يشيب

مثال راني نستنى في ربي يخلص ف العديان و مزال ما صرالهم والو رغم اني انا المظلومة حسبي الله و نعم الوكيل

نبغي ربي يخلص و عينيا تشوف ف البلاص ياك دعوة المظلوم مكاش بينها وبين ربي حجاب مي درك ولت طول مفهمتش :confused:

[karimtito]

أنا لا أوافقك الرأي يا أختي
أنا أرى أن مول النية هو الي ديما يربح
وهذا بالتجربة ماشي كلام برك
وعموما ربماا يقصد بمول النية يربح
اي يربح في الأخرة ان لم يربح في الدنيا

مي انا الحمد لله في كثير من المرات انجح بالنية في الدنيا
مي ماشي الامور كامل ندير فيها النية كاين الامور الي لازم
تكون ماشي ذيب تكون تعرف الذيابا كيفاش يخمموا باه
تنجح وميخونوكش .
بارك الله فيك لازم يكون المؤمن كيس فطن

[مصطفى قاسمي]

السلام عليكم ورحمة الله

اختي الحذر مطلوب لكن على من على الزوج

هذه مكانش منها اذا كان الأزواج بهذه الطريقة التي وصفتيها

رانا عايشين في غابة ممكن تكون حلة لا يقاس عليها

النية ولإخلاص لازم تكون بين الزوجين باش تكون السعادة

منيش رني ندافع على الرجال ممكن تكون هناك اخطاء من البعض

ممكن نروح نخطب من اي مكان في الجزائر بدون سابق معرفة

متوكل على الله وفقط هناك مثل يقول انوى في الحجر تصيب وخلاص

مرة تصيب ومرة تخيب ربي يجيب الخير لا زم نتكل على الله

[جنى الجنتين]

أنا لا أوافقك الرأي يا أختي
أنا أرى أن مول النية هو الي ديما يربح
وهذا بالتجربة ماشي كلام برك
وعموما ربماا يقصد بمول النية يربح
اي يربح في الأخرة ان لم يربح في الدنيا

مي انا الحمد لله في كثير من المرات انجح بالنية في الدنيا
مي ماشي الامور كامل ندير فيها النية كاين الامور الي لازم
تكون ماشي ذيب تكون تعرف الذيابا كيفاش يخمموا باه
تنجح وميخونوكش .
بارك الله فيك لازم يكون المؤمن كيس فطن


سلام عليكم يا اخي الكريم شكرا لك على المشاركة وبارك الله فيك على التجربة ديالك مي صراحة صراحة انا اخالفك من قوة لي نعانق الناس بالنية ف تالي

تكتشف حيلهم و مكرهم صراتلي حتى مع صحاباتي ليس لاني غبية او ساذجة ولكني لاني طيبة و كريمة متربيتش على الحيلة و الخدع مقراوهليش والديا

ولكن الحمد الله تعلمت ربما لاني صغيرة و منخالطتش الناس بزاف هذي هي الحياة مدرسة

[جنى الجنتين]

السلام عليكم ورحمة الله

اختي الحذر مطلوب لكن على من على الزوج

هذه مكانش منها اذا كان الأزواج بهذه الطريقة التي وصفتيها

رانا عايشين في غابة ممكن تكون حلة لا يقاس عليها

النية ولإخلاص لازم تكون بين الزوجين باش تكون السعادة

منيش رني ندافع على الرجال ممكن تكون هناك اخطاء من البعض

ممكن نروح نخطب من اي مكان في الجزائر بدون سابق معرفة

متوكل على الله وفقط هناك مثل يقول انوى في الحجر تصيب وخلاص

مرة تصيب ومرة تخيب ربي يجيب الخير لا زم نتكل على الله

و عليكم السلام و رحمة الله تعالى و بركاته

بارك الله فيك اخي على المشاركة نعم راني معاك بلي الحذر مطلوب على حساب واش راني نشوف النية ف هاذ الزمان راهي قليلة بزاف

وكيما قلت لازم الانسان يتكل على ربي ومن يتوكل على الله فهو حسبه

[karimtito]

سلام عليكم يا اخي الكريم شكرا لك على المشاركة وبارك الله فيك على التجربة ديالك مي صراحة صراحة انا اخالفك من قوة لي نعانق الناس بالنية ف تالي

تكتشف حيلهم و مكرهم صراتلي حتى مع صحاباتي ليس لاني غبية او ساذجة ولكني لاني طيبة و كريمة متربيتش على الحيلة و الخدع مقراوهليش والديا

ولكن الحمد الله تعلمت ربما لاني صغيرة و منخالطتش الناس بزاف هذي هي الحياة مدرسة

وعليكم السلام
اه في هذي اوافقك الراي مع الاصدقاء ان عاملتهم بنية خالصة
وكانوا ليسوا باهل لها تتعبين ان لن انصحك بانك تولي حيلية
ولكن لازم تستفيدي ومتديريش النية بزززززاف وعموما اكي
تدي الحسنات ينفعوك احسن ربي يقدرك ولا يرينا مكروها مسك ابدا
ويبارك فيك وينفع بك ويعلي من شأنك يا اختي الفاضلة

[جنى الجنتين]

وعليكم السلام
اه في هذي اوافقك الراي مع الاصدقاء ان عاملتهم بنية خالصة
وكانوا ليسوا باهل لها تتعبين ان لن انصحك بانك تولي حيلية
ولكن لازم تستفيدي ومتديريش النية بزززززاف وعموما اكي
تدي الحسنات ينفعوك احسن ربي يقدرك ولا يرينا مكروها مسك ابدا
ويبارك فيك وينفع بك ويعلي من شأنك يا اختي الفاضلة


السلام عليكم بارك الله فيك يا اخي الكريم على دعواتك اللهم امين يا رب و لك بالمثل سوف اعمل بنصائحك

[رحمة الجوري]

صاحب النية الصافية اكيد يربح عاجلا او اجلا لكن يتالم كثيرا من كثر الخداع ومكر الناس لكن يكفيه رب العزة راض عنه

[خالد عنابي2]

لي يقولو مول النية يربح طيب .....

الدول تسير بالنية ؟

مصالح الامن تعمل بالنية ؟

رجال الاعمال يسيرون شؤونهم بالنية ؟

مول النية يسما ما عندو حتى راي او قرار وكيما دارولو الناس اداك هو مليح او موش مليح

وبلا شك القارب ذو المحرك احسن من ذلك الذي تتقاذفه الامواج ولا يدري صاحبه على اي شاطئ صخري سيتحطم به

[عثمان الجزائري.]

متأكد مئة بالمئة بلي مول النية يربح و عن تجربة...

[جنى الجنتين]

صاحب النية الصافية اكيد يربح عاجلا او اجلا لكن يتالم كثيرا من كثر الخداع ومكر الناس لكن يكفيه رب العزة راض عنه


بارك الله فيك على المشاركة الله يبعد علينا المكارين الخداعيين :mh92::mh92:

[جنى الجنتين]

متأكد مئة بالمئة بلي مول النية يربح و عن تجربة...


و انا متاكدة انو مول النية يوقع ف المشاكل على النية تاعه مين يديرها مع ناس ليسو اهلا لها معلي راك عارف القلوب صنادق منعرفوش واش فيها

ولت حتى خوك ولد يماك و باباك متامنش فيه :mad: على خاطر ذيب كبير :mad:

الله ينجينا و يعافينا