من منكم يساعدني حياتي الزوجية أصبحت مملة

[رضا زوجي غايتي]

السلام عليكم ورحمة الله انا اليوم قصدتكم وكلي أمل ان اجد من يساعدني :sdf::sdf:رجاءا انا سيدة متزوجة منذ ّ8سنوات ولم ارزق بأولاد لاداعي لذكر الأسباب وانا اود ان اتكفل بطفل يتيم او مجهول النسب رجاءا كل من يعرف الطريقة او الى اين اتوجه يفيدني ماعرفتش وين نروح ولا ويشمن جيهة نقصد رحت لسبيطارات قالولي ماعادوش يمدوهم اللي عندو اي معلومة يفيدني ارجوكم ارجوكم ارجوكم وجزاكم الله خير

[rose de sable s]

حسب علمي اظن انه يجب ان تدهبي الي دار طفولة مسعفة

[rima rimas]

السلام عليكم اختي عندي قصة نحكيهالك كنت نعرف سيدة لمدة 11سنة لم تنجب أولاد حاولت كل الطرق بما فيها اطفال الأنابيب لكن فشلت فكرت دير كيما انت لكن ربي خلاها تخمم بطريقة مليحة لوكان تجيب طفل يكبر و يولي اجنبي عليها و هي ملتزمة متقدرش تضهر قدامو بلا حجاب و إذا جابت طفلة راجلها متقدرش يتعامل معاها كابنت و ميعطيهاش الحنان الكافي و بالتالي تنازلت على هذي الفكرة و خممت تجيب لرجلها زوجة صغيرة و تم الأمر. و عندهم بنت صغيرة مربينها لزوج هذة السيدة و ضرتها و هم مرتاحين مع العلم المشكل فيها

[KARIO]

معنديش معلومات بزاف ولكن نفيدك باللي نعرفه روحي سجلي نفسك ف la dase و حتى هي للاسف لازملك فيها العرف و كل ولاية و كيفاش الله يفرج عليك و يرزقك

[krimo19918]

احسن حل ان تتكفلي باحد ابناء اقاربك كابن اختك او ابن اخيك او ابن اخو زوجك .... و تقومين بالاجراءات في المحكمة و اقول كفالة لا تبني

[نواعم]

ربي يفرجها عليك اختي

[رضا زوجي غايتي]

احسن حل ان تتكفلي باحد ابناء اقاربك كابن اختك او ابن اخيك او ابن اخو زوجك .... و تقومين بالاجراءات في المحكمة و اقول كفالة لا تبني

يا أخي من الأقارب مانقدرش صراتلي وقلت لمرت سلفي كي تولدي أعطيني وليدك نربيه وهي كانت جابت 3 الله يباركلها مورا بعضاهم وتعبت فالتربية نتاعهم تخيلي وش قاتلي قاتلي انا نمدهولك بصح غير تكبريه رجعيهلي خير وليدي يرجع يا مانخليهش عندك هنيني منو ضركا ومنبعد يرجع ليماه قلتلها خلاص ماندي وليدك مايتحرق قلبي عليه غاضتني وبكيت حسيتها حرجتني قدام لافامي

[لحن الحياة.]

شوفي من اقاربكم كاش طفل او طفلة ماتو والديه احسن ملي تجيبي من سبيطار
ربي يفرج عليك

[Om mimi]

فكرة انه تشوفي امرأة مطلقة عندها اولاد أو دار الأيتام قرب المستشفى دائما وصي عليهم وسجلي

[فاطمة شلف]

السلام عليكم ورحمة الله وبركاته
اختي الكريمة اتمنى من الله ان يرزقك ذرية صالحة ان شاء الله
قولي الى اي احد يجبلك ذكار النخلة من الصحراء ثم دقيه ورونيه بالعسل الحر سبعة
حبات كولي في الصباح على الخوى انت حبة وزوجك حبة مدة 7 ايام
وروش لي بقى بعدما تصيره لوه في حزام طويل وتحزمي بيه مدة متاكلي
او يوجد عشبة خاصة بالحمل في مكة المكرمة ثانيا
ثالثا او اذهبي انت وزجك وعند العبة اطلبي الذرية
الاحتمال الرابع واخيرا اذا تبني طفل من المراكز الخاصة بالاطفال
والاجر عند الله
الله يجبلك الخير

[فاطمة شلف]

معذرة الكعبة

[solinne]

عمتي قعدت 20سنة زواج وربي ما رزقهاش جابت طفل من عند عايلة فقيرة وتنازلت عليه نهائيا وكي جابتو عطاتو لمرت عمي الي هي مرت خوها رضعاتو مع وليدها
انا ننصحك جيبي ربي طفل احسن من طفلة وديري الطريقة الي قلت عليها باش يكون من المحارم. والله المستعان

[رضا زوجي غايتي]

السلام عليكم ورحمة الله وبركاته
اختي الكريمة اتمنى من الله ان يرزقك ذرية صالحة ان شاء الله
قولي الى اي احد يجبلك ذكار النخلة من الصحراء ثم دقيه ورونيه بالعسل الحر سبعة
حبات كولي في الصباح على الخوى انت حبة وزوجك حبة مدة 7 ايام
وروش لي بقى بعدما تصيره لوه في حزام طويل وتحزمي بيه مدة متاكلي
او يوجد عشبة خاصة بالحمل في مكة المكرمة ثانيا
ثالثا او اذهبي انت وزجك وعند العبة اطلبي الذرية
الاحتمال الرابع واخيرا اذا تبني طفل من المراكز الخاصة بالاطفال
والاجر عند الله
الله يجبلك الخير


بارك الله فيك ردودكم أسعدتني شكرا أختي وانا درت الوصفة لي قلتيلي عليها ومانجحتليش راني جربت كلش وماكان والو

[رضا زوجي غايتي]

عمتي قعدت 20سنة زواج وربي ما رزقهاش جابت طفل من عند عايلة فقيرة وتنازلت عليه نهائيا وكي جابتو عطاتو لمرت عمي الي هي مرت خوها رضعاتو مع وليدها
انا ننصحك جيبي ربي طفل احسن من طفلة وديري الطريقة الي قلت عليها باش يكون من المحارم. والله المستعان

ادعيلي غير نصيب عايلة ويعطوني وليدهم نربيه ياااااااااااااارب والله نحطو في عينيا

[رضا زوجي غايتي]

فكرة انه تشوفي امرأة مطلقة عندها اولاد أو دار الأيتام قرب المستشفى دائما وصي عليهم وسجلي

ياختي ماخليت حتى بلاصة وماوصيتش والله راني وين تبانلي نجري ونوصي بصح المطلقة مستحيل تفرط في ولادها وتمدهلي

[الأصيــل]

لما لا تبحثى عن طفل او طفلة سورية فهم موجودين بالجزائر و تتكفلين به ام يجب ان يكون جزائري ؟؟

[رضا زوجي غايتي]

لما لا تبحثى عن طفل او طفلة سورية فهم موجودين بالجزائر و تتكفلين به ام يجب ان يكون جزائري ؟؟
أين أجدهم انا المهم ان اتكفل بيتيم لايهم سوري او جزائري فإذا كانت لديك أي معلومات أفدني أخي بارك الله فيك

[loubna86]

عمل نبيل ربي يكون في العون

[kaltum]

جارتنا لم ترزق بااولاد طيلة 11سنة تخيلي بعد الرقية الشرعية هي الآن بفضل الله بأربعة أولاد ماشاء الله المسكينة عملولها سحر ليها ولراجلها بعد جلسات الرقية خرجت منها أشياء غريبة حاولي أختي ترقى ممكن قضية رقية شرعية وربي يوفقك

[ياسمين قدسي]

الله يرزقك ويسعدك يا اختي ...الحمد لله ديما خليها في فمك لعل الله ما عطاكش باش يعوضك بحاجة خير ...وان شاء الله تلقاي يارب

[زيان.]

السلام عليكم اختي عندي قصة نحكيهالك كنت نعرف سيدة لمدة 11سنة لم تنجب أولاد حاولت كل الطرق بما فيها اطفال الأنابيب لكن فشلت فكرت دير كيما انت لكن ربي خلاها تخمم بطريقة مليحة لوكان تجيب طفل يكبر و يولي اجنبي عليها و هي ملتزمة متقدرش تضهر قدامو بلا حجاب و إذا جابت طفلة راجلها متقدرش يتعامل معاها كابنت و ميعطيهاش الحنان الكافي و بالتالي تنازلت على هذي الفكرة و خممت تجيب لرجلها زوجة صغيرة و تم الأمر. و عندهم بنت صغيرة مربينها لزوج هذة السيدة و ضرتها و هم مرتاحين مع العلم المشكل فيها
سبحان الله ...والله الدنيا مازالها بخير
زوجة متقية لحدود الله

[زيان.]

أنا بدوري بدل أن أنصحك أدعولك من صدق وخالص دعائي أختي :
اللهم لإنّ أَمَتَكَ هذه تريد الولد فارزقها ذرية من حيث لا تحسب و اجعلها مفتاحا للخير عليهم مغلاقا للشر
اللهم فرج عليها في القريب العاجل بتوأم يسعدها وزوجها
آمين يارب

[randa13]

السلام عليكم
اختي كاينة قناة اسمها المجد
نتاع القران الكريم
انا نديرها الصباح
لاحظت بلي حاطين رقم هاتف و كاتبين للتكفل بطفل سوري يتيم
ممكن ينفعك الموضوع
ربي يسهل

["سمية"]

السلام عليكم أختي
وحدة قريبة ليا بزاف عندها 8 سنوات تماما كيما نتيا
و الحمد لله ضرك حملت و السبة أنو دلكت عند عجوزة و مدتلها شميعات تاع عشوب كذلك و قالتلها الوالدة تاعك راهي دايرة و من سابع المستحيلات تحملي هكذا و بالتالي دورتهالها و قالتلها بإذن ماتفوتيش شهر تكوني بالحمل و الحمد لله ربي أكرمها و حملت
و العجوزة هاذي من شلالة العذاورة بولاية المدية و إذا حبيتي تتصلي بيها ندبرلك رقم الهاتف إذا قدرت و لا حوسي كاش وحدة في الأنترنت تسكن ثم بلاك تقدر تساعدك
ربي يفتح عليك أختي
في أمان الله

[abdelkrimch]

أكثري من الإستغفار والدعاء في الثلث الأخير وسيرزقك الله إن شاء الله

[om nour elyagine]

السلام عليكم الحمد لله انت استاذة لديك زوج اختي بلغت 45 سنة لازوج ولا عمل ماكثة بالبيت تربي الاؤلاد للعاملات وايمانها بالله قوي
فسبحان مقسم الارزاق اكثري من الصدقة والدعاء والاستغفار
قولي ياحنان يامنان

[aoufi kamel]

الزواج مجرد صبر ليس الا

[زوجي الغالي]

ربي يفرجها عليك و علينا ان شاء الله انا ثاني راني محرومة من الاولاد حتى صبري نفذ و الله العظيم سخفت نكون بالحمل و نجيب بيبي يعمرنا الدار بصح الله غالب هدا هو قدرنا

[salamsi]

يجب ان تدهبي الي دار طفولة مسعفة