مشكلة محرجة مع طالب لي تابع

[مشكلتي]

السلام عليكم شكرا لكل من شارك مايش لايمة على اي احد بالصح ماتسرعوش ديما اولا انا لا البس لا لباس ضيق ولافاتن عندي حجاب سامبل وخمار سامبل لا ملون ولامزركش ثانيا انا تابعة لقطاع التربية اي ان له نظام خاص في حدود التعامل مع هاته الفئة تذكرت انه في مرة اخرجته لانه لم يسلمني هاتفه ونادى المراقب ومنه تم فض الخلاف ثالثا وهو المهم يمكن نقسم الحلول لقسم يطلب بالمواجهة وقسم بالتجاهل بغيت هنا نركز على نقطة ذكرتها الاخت بنفسجية وهي مهمة جدا وانو مجمتعنا ذكوري وهذا مافكرت فيه راح يقفوا في صفوا وتكبار لحكاية ونفي نفس الوقت مابغيتش الوضع يستمر لذا من كل حلولكم جاتني فكرة واريد رايكم انو نتحقق في القسم بسؤالهم عن مشكلة النظر ومنها نقوله كمثال فهنا حيثبت ولاحينفي وفي كلتا الحالتين اما او وعندها ان نفى ساعرض حالته امام زملائه واش رايكم

[- بصمة خير -]

و الله ما ترحمك الناس
راني قريت و شوفت الظواهر هذه
كامل في وجهك رانا معاك
و في ظهرك يلوموك و يمسحو الموس فيك
و مجلس تأديبي او او او ما رايح يدير والو
راني عارفة واش راني نقول

صح فكرة
تقدري المرة الجاية
تشوفيها يدير هكذا

قوليلو فلان بني
خير واش بيها عينك؟؟
مريض؟؟؟
تروح للطبيب؟؟ كاين طبيب في المؤسسة
قوليلو اذا مريض معليش بني
حط راسك و ارقد
و الا ممكن راك تبات تسهر تقرى
عليها عينك تعبانة
و تبداي ديريلهم محاضرة على القراية

الخطوة ممكن تنجح
كما ممكن يزيد عناده و يخشن راسه اكثر
على حساب الشخص
كيفاه مداير

الله يستر عليك فوق الارض
و تحت الارض
و يوم العرض

[karimtito]

السلام عليكم ورحمة الله وبرؤكاته :
يأختي أنت طرحتي موضوعك ليقترح عليك البقية حلولا
لذا لا تنزعجي فكل يرى بعينه الحل ويقترحه وانت
تحمصين الحلول وتختاري الأفضل انا اقترح عليك
حل كوني كنت طالبا او تلميذا هذا النوع يا اختي
تجاهليه فقط صدقيني سيكره سواء هو يتعمد او
طبيعته هكذا الحكمة تقتضي ذالك تاكدي ان قمتي بما ترينه
انت وكان متعمد سيستمر بشكل اخر وتصرفات أخرى
التجاهل يفقد ه كل شيء وانت حرة اعملي ما ترينه مناسبا

ربي يجيب الخير ليك ربما لو كان لك قريب يدجرس لطلبت ان يتكلم معه
فهذا ايظا حل ربي يسهلك اموووورك

[الأصيــل]

يا اختى انا في التربية والتعليم ما يفوق 20 سنة .. ما هذا الكلام "مجتمع ذكوري؟؟ له نظام خاص ؟
مشكلتك الاولى انك لا تعرفين القانون بل تخافين من القانون اصلا
ثانيا انك بالحل الذي ستفعلينه معناه ستعطيه فرصة انه يستمر لأنه حقق مراده وقد اوصل رسالته لكى بأنك انتبهتى لما يفعله والمشكلة ليست في اللباس
فالتلميذ يمر بمرحلة مراهقة فيكفي ان يتأثر بوجهك اوصوتك او اي حركة تفعلينها لذا انا نصحتك سابقا وما زلت في رايي
كونى صارمة امام التلاميذ وواجهيه مباشرة و تواصلي مع الادارة لاستدعاء ولى امره و قدمي تقريرا للمدير
مجتمع ذكوري ؟؟

[قدور بن عاشور]

أنا أقترح أن تكون مواجهتك له عفوية، بعد إنتهاء الحصة أطلبي منه البقاء في القسم، و بعدها اسأليه إن كان عنده مشكل في عينه ترف أو إذا كان يتمهبل، إن كانت الأولى فلابأس، أما إن كانت الثانية فقولي له أنه إن كان يتمهبل فليس المدرسة المكان المناسب و لا المعلمة الشخص المناسب للإستهبال. في اليوم التالي إذا فعل نفس الشيء، أطلبي منه أن يعتدل في جلوسه مثلا و أحرجيه بأسئلة أمام زملائه و هكذا

[sohaibdz]

هو بالحركة هديك حب يحرجك رديلو انت بالمثل مثلا طلعيه للطابلو كيما يكون مش قاعد يتبع ، مديلو اسئلة ... واذا كمل يدير هكاك قولي للادارة و ديري استدعاء و بهدليه قدام الولي تاعو

[abdelka22]

هناك عدة أنواع من التلاميذ منهم النوع ليراكي تهدري عليه و هو نوع يجب معاملته بتجاهل لأنك لو تزعزعتي أمامه راح يوصل لمبتغاه و هي تخويف الأستاذ منه و يجعل من نفسه بطل في القسم ..كذلك العكس لا تقومي بشكايته للإدارة لأنك سوف تدخلين معه إلى لعبة القط و الفأر و ماراحش تكوني مليحة مورالمون ..
لذا أنا ننصحك بأنك تتجاهليه و تعامليه كأنه ماراهش في القسم و قعدي تشاركي الكلام مع أصدقائه بأن تسأليهم أسئلة عن الدروس الملقات و كوني لبقة معهم عسى أنه يغير و يقول بلي العقلية تاعي هاذي متخرجنيش أمالي نستعقل كي صحابي و نربح الأستاذة

[سفير الأيام]

نقول لك حاجة اختي ..................... ماتديكش العاطفة مع التلاميد مكان لا ولدك لا بنتك انت خدمي خدمتك وبس


حتى واحد ما ينفعك لا الادارة لا حتى واحد ............. والتجربة تبين لك



عمل لك هدا الشيء يعني راه غير متكيف تربويا


كتبي فيه تقرير وربيه مليح وفوتيه للمجلس التاديبي ولوكان يعاودها نوضيه وصقليه بكف يحبوا غير التقساح

والرزق على ربي

المهم كرامتك قبل كل شيء

الله ينعل الدل

[زبدة ذايبة]

خليه يغمز، وش اللي يزعج فيه !!!!!!!!!!!!

تجاهليه

راكي كبيرة عليه بسنوات

من أول مرة شكيت قلت ممكن في الجامعة هذ الحادثة

لكن تبين أنك في الثانوي على ما أعتقد

يعني راه كيما وليدك

عندك خوف وضعف كبير

مشكلة هذا التلميذ حاجة عابرة

لكن المشكلة راهي فيك انت

وهذا التلميذ فاقلك أنك ضعيفة ولاحظ توترك وعارف أنك ماتقدري ديري حتى حاجة

وهذا التوتر اللي يصرالك هو يعطيلوا تفسير واحد أنه وصل للشيء اللي يريد الوصول إليه

وكلما توترتي كلما تفنن في إزعاجك من الغمزة إلى .................

كيفاش ماتقدريش تتعاملي معاه ببرود وكأنك ماتعرفيش مدلول الحركة اللي يقوم بيها

لازم تتجاهليه نهائيا

لاتطرحي الأسئلة ولاهم يحزنون راكي رايحة تزيدي الوضع سوء وتولي من الغمزة لحاجة ثانية أسوأ

ماتسحقيش تعطي للمشكلة أكبر من حجمها ، ومهما كان انت كبيرة حتى ولا غمزلك ماديريش عليه

راح يلعب بأعصابك أكثر مما أنت عليه الآن

لو كانت مشكلتك في الجامعة نقولك هذي مشكلة حقيقية لكن في الثانوي تقدري تكسريلوا راسو بلاما يهدر

عندك آلاف الطرق لتوقيفه ماعدا الطريقة اللي كتبتيها الآن

اسمحيلي التلميذ هذا حس بضعفك، وحس أنه يقدر يلعب بأعصابك ويشكك في نفسك وماشي مستبعد أنه تراهن مع تلاميذ ثانيين على هذ الغمزة

إذن وطني نفسك أنك تكوني حازمة حتى لايصبح بدل التلميذ الواحد عشرة وبدل الغمزة أشياء ثانية أكثر جرأة

حينها ماراكي رايحة تلقاي حتى واحد يوقف معاك.

أنا كي نقولك تجاهليه ماشي يعني تحبطي عينيك منو وتغضي البصر لا واجهيه وكوني شرسة

هذا اللي راكي ديري فيه ماشي تجاهل هذا ارتباك منك وتأكيد على أن الطالب وصل لمبتغاه وهذا والله عين الضعف والخذلان

لازم تنظري ليه في كل مرة واحرجيه بالأسئلة وركزي عليه وعيطي عليه وسبيه وقللي من الاحترام تاعو قدام صحابو ماتخليهش يرتاح

كل مرة ديريلو مشكلة وكوني جريئةو شرسة .اللهم إلا إذا كنت تخافي وماتقدريش، هنا أنا نقولك ماتصلحيش للتعليم في الثانوي خلي المكان لغيرك

راح يشيع خبرك بين الطلاب وماتسلكيش معاهم

عوض اللي راكي تحبطي عينيك وتتهربي منو وهو أصغر منك ؟؟؟؟؟؟

لو كان جا راجل راشد لو كان فهمنا لكن تلميذ !!!!!!!!!!!!

هاوليك كسريلوا راسو ماتخليهش حتى يبطل من هذا التصرف

انفضي على روحك الضعف والجبن راكي معلمة.

نتمنالك التوفيق

[زبدة ذايبة]

السلام عليكم شكرا لكل من شارك مايش لايمة على اي احد بالصح ماتسرعوش ديما اولا انا لا البس لا لباس ضيق ولافاتن عندي حجاب سامبل وخمار سامبل لا ملون ولامزركش ثانيا انا تابعة لقطاع التربية اي ان له نظام خاص في حدود التعامل مع هاته الفئة تذكرت انه في مرة اخرجته لانه لم يسلمني هاتفه ونادى المراقب ومنه تم فض الخلاف ثالثا وهو المهم يمكن نقسم الحلول لقسم يطلب بالمواجهة وقسم بالتجاهل بغيت هنا نركز على نقطة ذكرتها الاخت بنفسجية وهي مهمة جدا وانو مجمتعنا ذكوري وهذا مافكرت فيه راح يقفوا في صفوا وتكبار لحكاية ونفي نفس الوقت مابغيتش الوضع يستمر لذا من كل حلولكم جاتني فكرة واريد رايكم انو نتحقق في القسم بسؤالهم عن مشكلة النظر ومنها نقوله كمثال فهنا حيثبت ولاحينفي وفي كلتا الحالتين اما او وعندها ان نفى ساعرض حالته امام زملائه واش رايكم

اسمحيلي نزعف عليك

وش بيك هكذا ضعيفة ؟؟؟؟

تلميذ لاراح ولا جا يديرلك هكذا؟؟؟؟؟؟

المجتمع ذكوري ،،،،، ونطرح الأسئلة ،،،،،،؟؟؟؟؟؟؟؟

وين راكي رايحة بهذا الأسلوب ؟؟؟؟؟؟؟

ماراكيش قادرة تواجهي تلميذ !!!!!!!!!!!!!!!!!!!!

ديريه كيما هو كيما الصرصور اللي يدخل للدار

ضربة بالصباط (أكرمكم الله ) وانت ارتحتي منو

قالو ناس بكري المندبة كبيرة والميت فار.

ماراكيش قادرة خلي مكانك للرجال بزاف اللي راهم بلا خدمة وريحي في الدار ولا روحي للإبتدائي

[>>أثر الفراشة~~]

تعجبت من كلمة مجتمع ذكوري؟؟؟ وجل المؤسسات التربوية اصبحت انثوية اكثر منها ذكورية

ارى أنه انتي من وضعتي نفسك في هذه المشكلة

والتلميذ استغلها لما راى من تاثيرها عليك

اصبحت عادته اليومية

استعيني بعيني الصقر او الاسد وسترين النتيجة

على فكرة ان قررتي ان تشكين فما يكون السبب تلميذ يغمزلي؟؟ عيطوله وجا تعرفي شايقلهم عيني ترمش وحدها ؟؟

والبقية تعرفيه

[أم درين]

خليه يغمز، وش اللي يزعج فيه !!!!!!!!!!!!

تجاهليه

راكي كبيرة عليه بسنوات

من أول مرة شكيت قلت ممكن في الجامعة هذ الحادثة

لكن تبين أنك في الثانوي على ما أعتقد

يعني راه كيما وليدك

عندك خوف وضعف كبير

مشكلة هذا التلميذ حاجة عابرة

لكن المشكلة راهي فيك انت

وهذا التلميذ فاقلك أنك ضعيفة ولاحظ توترك وعارف أنك ماتقدري ديري حتى حاجة

وهذا التوتر اللي يصرالك هو يعطيلوا تفسير واحد أنه وصل للشيء اللي يريد الوصول إليه

وكلما توترتي كلما تفنن في إزعاجك من الغمزة إلى .................

كيفاش ماتقدريش تتعاملي معاه ببرود وكأنك ماتعرفيش مدلول الحركة اللي يقوم بيها

لازم تتجاهليه نهائيا

لاتطرحي الأسئلة ولاهم يحزنون راكي رايحة تزيدي الوضع سوء وتولي من الغمزة لحاجة ثانية أسوأ

ماتسحقيش تعطي للمشكلة أكبر من حجمها ، ومهما كان انت كبيرة حتى ولا غمزلك ماديريش عليه

راح يلعب بأعصابك أكثر مما أنت عليه الآن

لو كانت مشكلتك في الجامعة نقولك هذي مشكلة حقيقية لكن في الثانوي تقدري تكسريلوا راسو بلاما يهدر

عندك آلاف الطرق لتوقيفه ماعدا الطريقة اللي كتبتيها الآن

اسمحيلي التلميذ هذا حس بضعفك، وحس أنه يقدر يلعب بأعصابك ويشكك في نفسك وماشي مستبعد أنه تراهن مع تلاميذ ثانيين على هذ الغمزة

إذن وطني نفسك أنك تكوني حازمة حتى لايصبح بدل التلميذ الواحد عشرة وبدل الغمزة أشياء ثانية أكثر جرأة

حينها ماراكي رايحة تلقاي حتى واحد يوقف معاك.

أنا كي نقولك تجاهليه ماشي يعني تحبطي عينيك منو وتغضي البصر لا واجهيه وكوني شرسة

هذا اللي راكي ديري فيه ماشي تجاهل هذا ارتباك منك وتأكيد على أن الطالب وصل لمبتغاه وهذا والله عين الضعف والخذلان

لازم تنظري ليه في كل مرة واحرجيه بالأسئلة وركزي عليه وعيطي عليه وسبيه وقللي من الاحترام تاعو قدام صحابو ماتخليهش يرتاح

كل مرة ديريلو مشكلة وكوني جريئةو شرسة .اللهم إلا إذا كنت تخافي وماتقدريش، هنا أنا نقولك ماتصلحيش للتعليم في الثانوي خلي المكان لغيرك

راح يشيع خبرك بين الطلاب وماتسلكيش معاهم

عوض اللي راكي تحبطي عينيك وتتهربي منو وهو أصغر منك ؟؟؟؟؟؟

لو كان جا راجل راشد لو كان فهمنا لكن تلميذ !!!!!!!!!!!!

هاوليك كسريلوا راسو ماتخليهش حتى يبطل من هذا التصرف

انفضي على روحك الضعف والجبن راكي معلمة.

نتمنالك التوفيق

اختي صاحبة المشكلة راكي من الحبة درتي قبة
تلميذ خلاك تخممي فيه؟؟؟ اصلا هاذا هو الشيء اللي راه حاب
حابك تعطيلوا اعتبار وتخممي كيفاه تحبسيه وتجي تكتبي موضوع هنا وتدوحي على خطط
اتقي الله في نفسك هذا هو الشي لي راه حاب
ما تعطيهش اعتبار واش من خطط؟؟؟؟؟؟؟ هبلتي؟؟؟؟
ما تهبطيش عيناك ربي يهديك هو لي يحشم ولا نتي؟
خلي النظرة ديالك من حديد ما يكسركش تلميذ قد ابنك
وعاودي قراي رد الاخت (زبدة ذايبة ) وركزي مليح فيه وان كان يلزم عليه تعديل بسيط -من وجهة نظري-
جزاها الله عرفت كيفاش تهدر معاك
***
ما تفضحيش روحك علاجال والووو
وترجعي مضرب الامثال
تكبر المشكلة وتولي بدل تلميذ تلاميذ وبدل هذا لتصرف تصرفات -خطيك جيل فاسد لا حول ولا قوة الا بالله-
ربي يسترنا واياك فوق الارض وتحت ويوم العرض

[طالب له هدف]

عندك الاف الطرق لكي تضع له حدا
اطلعي على العقوبات الادارية

[*Mahmoud*]

اسمحيلي نزعف عليك

وش بيك هكذا ضعيفة ؟؟؟؟

تلميذ لاراح ولا جا يديرلك هكذا؟؟؟؟؟؟

المجتمع ذكوري ،،،،، ونطرح الأسئلة ،،،،،،؟؟؟؟؟؟؟؟

وين راكي رايحة بهذا الأسلوب ؟؟؟؟؟؟؟

ماراكيش قادرة تواجهي تلميذ !!!!!!!!!!!!!!!!!!!!

ديريه كيما هو كيما الصرصور اللي يدخل للدار

ضربة بالصباط (أكرمكم الله ) وانت ارتحتي منو

قالو ناس بكري المندبة كبيرة والميت فار.

ماراكيش قادرة خلي مكانك للرجال بزاف اللي راهم بلا خدمة وريحي في الدار ولا روحي للإبتدائي

علاه راكي حاسدتها على خدمتها
هي تحشم وتخجل وتتريث في احكامها و هدي صفة المرأة الصالحة ثم هي لا تريد أن تقحم نفسها في مشاكل لا غنى عنها ربما هو عنده حساسية في عينه او لا يبصر جيدا امالا علاه تروح تظلمه

[عيدة نور الهداية]

السلام عليكم
اختي عندي في القسم تلميذ كثير الكلام وغير مهتم ويفعل مثلما ذكرتي يرمش بعينه ويغمز وبعد تجاهله عدة مرات اكتشفت انه شخص منطوي ومريض نفسيا وحمدت الله انني لم اكبر الموضوع ومبهدلتوش امام صحابوا لان طبيعتي انني اتعامل بصرامة مع التلاميذ وخاصة المشاغبين لاكسب اهتمامهم بالمادة وعدم الازتهزاء . اذن تأكدي اختي ممكن هذا التلميذ مريض .

[أبو معاذ محمد رضا]

لا يوجد شيء اسمه "مجتمع ذكوري"
خلق الله الذكر والأنثى يتكاملان ويتعاونان كل واحد فيما يصلح له
لا كما يصوره الأعداء من أنه صراع وكل طرف يلقي باللائمة على الآخر.

[رَكان]

السلام علكيم
قد نصحك الكثيرون وأركز بصفة خاصة على الثبات يعني ثباتك وعدم اهتزازك لحركة ذلك الصبي ..
عليك التأكد أولا ..أن الحركة التي يقوم بها هي حركة ارادية .متعمدة ..لأن هناك من الأشخاص من هو مصاب عضويا فلايتحكم في حركة جفن عينه ..
كيف السبيل الى ذلك ..؟
بالطريقة التي انصحك بها ستضربين عصفورين بحجر واحد ..
استبقيه في القسم من دون زملائه ...ووجها لوجه ..عيناك في عينيه .مباشرة وبتركيز شديد..اسأليه ما الذي يجعله يقوم بتلك الحركة ..سؤال قصير مباشر ..ثم انتظري ردة فعله ..فإن أجابك على جنح السرعة أن الحركة لاإرادية وهي ملازمة له في كل الأوقات والمحال ..فتجاوزي الأمر ..وإن انحرف بنظره وتلعثم في كلامه ..فطلبي منه بكل ثبات وصرامة أن يتوقف عن ذلك وإلا فإنك سترفعين شأنه الى الإدارة...
على الهامش ..
هناك من يعترض على القول بأن مجتمعنا الشرقي مجتمع ذكوري ...هذه حقيقة ..فهناك نظرة دونية للمرأة في مجتمعنا ..وعلاه تغطوا الشمس بالغربال ..في كثير من الأسر البنت صاحبة العشرين يجب عليها احترام طلبات أخيها الذي يصغرها بعشر من السنين ليس من باب الدلال لصغره إنما لأنه رجل ...خوك راجل ماتقلقيهش ..ياسبحان الله هذا واقع مجتمعنا ..

[رحمه المغامسي]

اسمحيلي بصح شخصيتك ضعيفة خطاك من التعليم

[جويرية الإيمان]

حبيت نقلك على هاذي الحركة

نتاع الغمز

ممكن جدا تكون لا إرادية

فإبني ذو 7 سنوات كانت يغمز كثيرا بعينه

و كثيرا ما نبهناه لكنه يقول أنه لا يستطيع منع عينه من الغمز

حتى بعد مدة طويلة توقفت لوحدها

و اكتشف أن هذه الحركة ناتجة عن نقص الكلسيوم

المهم ديري في اعتبارك أنها ممكن تكوني غير مقصودة بهذا الفعل

ثانيا اسألي أستاذة اخرى إن كان يغمز في حصتها لتتأكدي

رأيي أنك تتجاهلي غمزه تماما و تعامليه عادي و كأنك لم تحظي شيئ