مشاركتي في مسابقة احسن طبق تقليدي

[ام رويدة]

السلام عليكم ورحمة الله وبركاته
بسم الله والصلاة والسلام على رسول الله
الشكر لله والأخت زينب على إتاحتها لنا هده الفرصة الجميلة ومجهوداتها في احياء هدا الركن...بارك الله فيك اختي زينب
فأحببت أن أشارك معكم في هده المسابقة الممتعة والتي نتعرف من خلالها على موروث أمهاتنا وجداتنا من الطبخ العريق والأصيل
والتي تزخر بها ولايات الجزائر الحبيبة من الشمال إلى الجنوب ...ومن الشرق إلى الغرب
اخترت من بينها طبق من شرق الجزائر من الساحرة جيجل معشوقة الملايين
وملهمة الشعراء والمحبين....طبق البورديمة ..في طريقه للاندثااار معروف بكثرة عند أهالي العوانة تكسانة سلمى يشبه نوعا ما للبركوكس لكنه يختلف في طريقة فتله وطريقة تحضيره
المهم ناس جيجل ينوعو في طريقة تحضير البركوكس فنجد بركوكس يحضر بالفول اليابس وآخر بالسلق وآخر بعشبة واسمها اربيط. .بركوكس بالخليع..بركوكس بالخضر..بركوكس بالحليب والدهان ووو

صراحة انا مانعرفش نفتلو فتلتهولي خالتي ربي يحفظها يجي رقيق
شوية يعني نفس طريقة فتل بركوكس برك الحبات مانطلعوهومش
خشان حتى اني اول مرة نحضرو بإشراف امي ربي يحفظها هي تجييد ذلك ...
وحضرتو خصوصا لهاذ المسابقة للتعريف به لأنني بحثت عنه في النت ولم أجد له اثرا
ندخل في تحضير طبقنا المختار
نحضرو مرق بصل توم وتوابل ف حار وعكري ورأس الحانوت
نقلي مع قطع اللحم وجاج وكي يتقلاو شوية نضيف طماطم حب ومغرفة ماشي معمرة مصبرة كي يتقلاو مليح نمرق ونلوح الخضار
حبة بطاطا حبة لفت حبة قرعة حبة جزر نرحوهم فالمرق وحبيبات اوقطع فقطللتزيين انا ماهدرتش القرعة ماعنديش
نفورو البورديمة تاعنا مرة الاولى عادي مدهون بشوية زيت نفوروه
ونعاودو نشمخوه كيما الطعام وندهنوه بالزيت ونعاودو نفوروه المرة الثانية وخلاص
نولو للمرق نرحو الخضر نتحصلو على مرق خاثر نوعا ما
نسقو البورديمة تاعنا فالكسكاس ونخلوه يتشرب ومبعد نقلبوه
فجفنة وندهنوه بزيت الزيتون ونزيدولو زوج فصاص ثوم مرحي يعطيه نكهة خيااااااااال ونقدموه مع شوية مرق كاضافة هو يتكل
هكداك بصح كاين اللي يزيدلو شوية مرق

http://www13.0zz0.com/2016/11/26/14/771793631.jpg (https://www.0zz0.com)

http://www13.0zz0.com/2016/11/26/14/819264564.jpg (https://www.0zz0.com)

http://www12.0zz0.com/2016/11/26/14/475105542.jpg (https://www.0zz0.com)

http://www6.0zz0.com/2016/11/26/14/535850152.jpg (https://www.0zz0.com)

http://www12.0zz0.com/2016/11/26/14/838403065.jpg (https://www.0zz0.com)

http://www9.0zz0.com/2016/11/26/14/182722644.jpg (https://www.0zz0.com)

http://www2.0zz0.com/2016/11/26/14/577651969.jpg (https://www.0zz0.com)
http://www8.0zz0.com/2016/11/26/14/312604255.jpg (https://www.0zz0.com)

http://www9.0zz0.com/2016/11/26/14/173835762.jpg (https://www.0zz0.com)

[انا هي رزيقة]

يايا مامي شكون دخلت و جابت معاها خير اجدادنا الطيبون من جيجل الساحرة مشاء الله و تبارك الرحمان و الله طبق و عليه لكلام من ايدين حرة من حراير الجزائر ياي سخفتيني يا ام رويدة و انا نموووت على هذ الصوالح يعطيك الربح ...... خخخخ .... ربي يبارك فيك و في خالتك حبيبتي و يديم علينا هذ الخيرات الطيبة بالتوفيق اختي

[fadila34]

يعطيك الصحة ام رويدة انا اول مرة نشوف ونسمع بهذا الطبق بصح رروعة وباين بنين بارك الله فيك واحلا تقييم لعيونك بتوفيق

[نور الإسلام26]

سلام عليك
يعطيك الصحة بالتوفيق ان شاء الله

[القبايلية]

أم رويدة يعطيك الصحة على الطبق راني نشوف جيجي غنية بالوصفات و جيجليات الله يبارك بارعات في الوصف حتا شهاونا

[ام رويدة]

يايا مامي شكون دخلت و جابت معاها خير اجدادنا الطيبون من جيجل الساحرة مشاء الله و تبارك الرحمان و الله طبق و عليه لكلام من ايدين حرة من حراير الجزائر ياي سخفتيني يا ام رويدة و انا نموووت على هذ الصوالح يعطيك الربح ...... خخخخ .... ربي يبارك فيك و في خالتك حبيبتي و يديم علينا هذ الخيرات الطيبة بالتوفيق اختي
يااااعمري شكوووون طل ونووووور موضووووعي من أول وهلة
حبيبة قلبي الغالية زقزوووقة علابالي بلي عاشقة للتقليدي والدليل الاطباق
الجميلة اللي امتعتينا بها وهدا واجبنا أننا نحمي هاد الموروث الجميل في فن الطبخ...صدقيني كنت حابة ندير عدة اشياء والله رووووووعة والهدف كلو التعريف لاغير بصح وقتي ضيق جدا لهدا تأخرت في وضع الموضوع ومازال مارديتش
على اخواتي اللي حطو ابداعاتهم
الف شكر زقزووووقة تسلمي غاليتي على الكلام الطيب والمرور الجمييييل
تحيااااتي

[نوال عيسى]

امممممممممممم الله يبارك خرجلك روووعة يعطيك الصحة انت وخالتك والوالدة
بالتوفيق

[x ام رحاب x]

ماشاء الله على الحراير واش دايرين تسلم ايدك انت وخالتك والله غير روعة وايشهي احلى تقيم يالعزيزة

[ام سارة18]

يا ام رويدة سبحان الله انا في الاول خممت ندير البورديمة لكن زوجي مايحبوش الصراحة سخفتيني فيه وخرج من ايديك روعة يعطيك الصحة وسؤال اخر شفتك تعرفي تقاليدنا انت من جيجل ولا عندك اقرباء الا ماحبيتيش تجاوبي ماعليش وشكرا على الجهد المبدول

[حياة نور الدين]

يا عمري على ام رويدة طبق رووووعة وانا من عشاق البركوكس معنتها راح يهوسني المداق تاعو خاصة من يديك حبيبتي راكي شيف بدون منازع ونتمنى طول العمر للطبق وميندثرش والله تحففة جيجلية حببتي بالتوفيق

[*زهرة اللوتس*]

يعطيك الصحة طبق رووووعة واول مرة نشوفو والله شهاني وخاصة كي قلتي تزيدو الثوم في الاخير والله تشهيتو وتخيلت ذوقو بمرق الخضار مممممم، موفقة اختي الحبيبة :19:

[mosta*limoges]

يعطيك الصحة ام رويدة طبق رووووعةبالتوفيق

[البحر الصافي]

الله يبارك طبق رائع اول مرة نشوفوبهذه الطريقة وانت عرفتينا عليه يبدو شعي
بارك الله فيك على المجهود

[أم أسرار]

الله يبارك أختي بصحتكم و الله يدوم عليكم و علينا النعم ما ضهر منها و ما بطن أمين

[*أم كوثر*]

الله يبارك
كذلك اول مرة نسمع بيه
فعلا جيجل زاخرة باطباق تقليدية عريقة
موفقة

[زينب 83]

ايييي ام رويدة الغالية شحال توحشتك و توحشت اطباقك و مواضيعك الله لا يحرمنا من طلتك البهية
ما شاء الله كالعادة موضوع رائع و البركوكس راح ينطق ما شاء الله
احلى تقييم حبيبتي

[sousou 16]

طبق يشهي، نتمنى نذوقو في يوم من الأيام

[ام هدول]

بركوكس هااايل من تقلدنا العرقية لي راهي فيالاندثار بارك الله فيك لي خخمتي فيه وجبتيه ....احسنت الاختيار ...

[زهرة الريف*]

بارك الله فيك اختي أم رويدة على هذا الطبق فالحقيقة منعرفوش ومتمنية نذوقوا يعطيك الصحة وبالتوفيق إن شاءالله

[ام رويدة]

يعطيك الصحة ام رويدة انا اول مرة نشوف ونسمع بهذا الطبق بصح رروعة وباين بنين بارك الله فيك واحلا تقييم لعيونك بتوفيق

الله يسلمك غاليتي فضيلة مرورك الارووووع بارك الله فيك
سلام عليك
يعطيك الصحة بالتوفيق ان شاء الله
وعليك السلام الله يسلمك شكرا على المرور
أم رويدة يعطيك الصحة على الطبق راني نشوف جيجي غنية بالوصفات و جيجليات الله يبارك بارعات في الوصف حتا شهاونا
الله يسلمك أختي بالفعل جيجل غنية باطباق متنوعة مثلها مثل ولايات الجزائر الحبيبة والأهم أن نعرفها ونحافظ عليها
مرورك أسعدني شكرا جزبلا

[ام رويدة]

امممممممممممم الله يبارك خرجلك روووعة يعطيك الصحة انت وخالتك والوالدة
بالتوفيق
الله يسلمك حبيبتي اسعدنيييي مرورك
ماشاء الله على الحراير واش دايرين تسلم ايدك انت وخالتك والله غير روعة وايشهي احلى تقيم يالعزيزة
الله يسلمك غاليتي أم رحاب نورت موضوعي
[quote=ام سارة18;3996334486]يا ام رويدة سبحان الله انا في الاول خممت ندير البورديمة لكن زوجي مايحبوش الصراحة سخفتيني فيه وخرج من ايديك روعة يعطيك الصحة وسؤال اخر شفتك تعرفي تقاليدنا انت من جيجل ولا عندك اقرباء الا ماحبيتيش تجاوبي ماعليش وشكرا على الجهد المبدول[/quote
أهلا أم سارة ....نعم اختي حنا جواجلة من سكان العاصمة
كون درتيه كون فرحت أكثر مما كي درتو انا ....معليش حبيبتي ديريه بردي قلبك ونحي السخفة ولو كمية قليلة
انا صدقيني نمووووووووت عليه
قوليلي تعرفي تفتليه?
شكرا على مرورك الجمييل

[oum islem]

جزاك الله خيرا أم رويدة

من الأطباق النادرة ان لم نقل أنها اندثرت
يسلموا يديك وألف شكر على الوصفة الجديدة والشرح الممتاز
بالتوفيييييق

[أم سدرة]

يعطيك الصحة أم رويدة بركوكس وعليه الكلام
موفقة ان شاء الله

[شمس الملوك]

يعطيك الصحة بالتوفيق

[جنة الفردوسْ]

يمممممممممم طبق يشهي تسلم الايادي غاليتي وبالتوفيييييييييق

[RIMA.87]

السلام عليكم اختي ام رويدة،
بسم الله ما شاء الله عليك ،
ربي يحفظك و يحفظلك الوالدة و ربي يبارك في خالتك لي ،طبق قمة في الرووووعة ،كان الشرف كليتو مرة من عند جارتنا جاني بين البركوكس و الطعام و طعمو ما شاء الله ،

على فكرة فرغي صندوق الرسائل ديالك اذا امكن ،
لك مني احلى تقيييم ،
بالتوفيق في المسابقة

[ريتاج 09]

الله يبارك ام رويدة خرجلك روعة فكرتيني بيه كنت ناكلو عند خوالي اممممممم شحال بنين

وماكنتش نعرف بلي حتى انت جيجلية خخخخخ متشرفين بنت بلادي الفحلة
الله يبارك جيجل فيها بزاف اكلات حتى انا تمنيت نحط شحال من طبق والله غالب الوقت ماكانش كما اربيط والفتات واغروف

[البدرية]

اللهم بارك أختي أم رويذة طبق يشهي سلمت يذاك



بالتوفيق ان شاء الله

[ام حمزة22]

السلام عليكم

يعطيك الصحة ام روبدة الطبق يشهي
بارك الله فيك وبالتوفيق ان شاء الله

[nanoua7]

اول مرة نسمع بيه مسابقة حابت فائدة عرفتنا باطباق بصحتكم

[اسيل الباتول]

روووووعة نموت على المردود
بالتوفيق

[اريج 07]

اممممممممممممممم روعة بالتوفيق

[ام رويدة]

ايييي ام رويدة الغالية شحال توحشتك و توحشت اطباقك و مواضيعك الله لا يحرمنا من طلتك البهية
ما شاء الله كالعادة موضوع رائع و البركوكس راح ينطق ما شاء الله
احلى تقييم حبيبتي
يتوحشك الخيييير زينوبة الغالية صدقيني شعور متببادل
توحشنا ابداعاتك الراءعة وكلامك ونصائحك....ألف شكر على هاد الفكرة الرائعة
اللي خلاتنا نتعرفو على خيرات بلادنا
ربي يحفظك ولايحرمنا من صدقك واخلاصك وبارك الله في كل جهودك
وشكرا على الكلام الجميل واىتقييم:19:

[ام رويدة]

سوسو أم هدول زهرة الريف تسلموا حبيباتي تمنيت كون تقدروا تذوقوه وتمدوا رأيكم فيه
ربي يحفظكم ويبارك فيكم ومن يدري ربما تطيحو فيه يوما ما أو تحضروه

[ام رويدة]

أم إسلام نورتينا هدي غيبة تسلمي غاليتي وان شاء الله تكوني ريحتي

[ام رويدة]

جنة الفردوس شمس الملوك نعنوعة أم حمزة البدرية سعدت كثيرا بمروركن
بارك الله فيكم ربي يحفظكم

[ام رويدة]

ريتاج تسلمي غاليتي مام انا تمنيت
ننوع بصح الله غالب فرصة أخرى بإذن الله
ريمة أهلا غاليتي شكرا على الدعوات الجميلة ربي يحفظك وران فرغت الصندوق وما لحقتنيش رسالتك

[ام رويدة]

اسيل اريج تسلموا غالياتي شكرا على مروركن

[بورواحة]

يعطيك الصحة

[بورواحة]

تسلموااااااااااا

[بورواحة]

تسلمي غاليتي

[بورواحة]

روعة بالتوفيق

[om wafaa]

يعطيك الصحة

[jenah]

مشاء الله عليك

[أ م ساجد وسيم]

روعة يعطيك الصحة