مشكلة محرجة مع طالب لي

[مشكلتي]

السلام عليكم بلاك يحسبها البعض موقف طريف لكنها ليست كذلك بالنسبة لي اريد رايكم عندي طالب بينما اكون اشرح اجده يغمز لي في البداية قلت ربما هذا طبع بالصح لقيت ان ماش هكا لحكاية نبهت بصفة عامة بلا مانقول اسمو ولاتصرفوا عن ضرورة الاحترام ولاداعي لتصرفات المراهقة والامر يتكرر واش ندير معاه للعلم راني نتاجهل النظر ليه بالصح كي طيح عيني عليه عشوائيا نلقاه يدير في هذيك الحركة التي أشمئز منها وأشعر بالحرج وشكرا لكم مسبقا

[حياتي نبع امل]

الموقف ليس طريف بل مقزز
خرجيه من القسم واهدري معاه واذا بقا بنفس العقلية ديريلو استدعاء ولا جوزيه مجلس تأديب

[المهاجرة لربها]

السلام عليكم و رحمة الله و بركاته

على ما يبدو ان هذا الطالب يتقصد فعل هذا الامر وحتى يحرجك و ينتظر منك ردة فعل هو يتناسى ان العلاقة بين الطالب و الاستاذة سوى التحفيز و تقديم الدروس و الدعم لا اكثر تجاهليه اختي الى اقصى حد و ذكريه انه مثل ابنك اي عند حديثك مع الطلاب مثلا و عند شرح الدروس و عند تقديم امثلة للدروس و كمثال على سبيل الواقع خذي كمثال اسمه متبوع بكلمة ابني ان تقولي (ناخذ على سبيل المثال ابني فلان) فهمتي قصدي على ما اظن كرري هذا دائما و قدمي لهم نصائح عامة للجميع و ضعيهم في صورة انك مثل اختهم او امهم كذلك لا تمزحي معه و لا تتكلمي كلاما عشوائ ايا فقط في حدود الدروس المقدمة لا اكثر لان ذلك سيضع حدا بينك و بينه كوني صارمة اغلب الاوقات و ان تفرضي شخصيتك بكونك صعبة المزاج و احيانا حادة لا تكون سهلة و لطيفة بالتحدث معه حتى لا يسافر تفكيره الى بعيد و يظن انه قادر على خلق اعذار لان يستمر في ازعاجك عامليه كباقي الطلاب لا اكثر و احيانا تعمدي ان تتجاهليه اكثر حتى يفهم خطأه و ان تفكيره جد منحط

لا تفكري كثيرا كيف تعاملينه و تشغلي بالك حتى لا يجعلك الامر مضطربة و حائرة و متوترة كوني صارمة فقط في اكثر الاحيان لاننا نجبر على التصرف هكذا في اغلب الاحيان حتى لا يتمرد البعض او حتى يسيئوا التفكير في امور مستحيلة و خاطئة في التفكير و بعيدة كل البعد سيطري على الوضع اختي قبل ان يتطاول و قبل ان تفلتي السيطرة بعدها مادام الامر بيدك الان و في زمام الامور موفقة باذن الله اختي اتمنى اني استطعت افادتك ولو بالقليل لا تأخذي فكرة انني اشجعك على اتخاذ القسوة كحل لكن فقط ان تجزمي على وضع النقاط على الحروف حتى لا يتبادر في ذهن هذا الطالب انه بامكانه فعل الاكثر و الكثير

وفقك الله و سدد خطاك موفقة باذن الله

[نورسين.داية]

السلام عليكم
عزيزتي هذه التصرفات غير قابلة للتنازل او التساهل ....بالتوفيق

[خالد عنابي2]

تصرف غير قابل للتنزل او التساهل فيه

راهو يطيحلك في قدرك هكا

لازم تكبري الحكاية

[- بصمة خير -]

تكبري الحكاية
راكي تندمي انتي
و انتي اللي تدفعي الثمن
وحدك
مراهق راه يجيب في الوقت بيك
و العام يخلص
ما تشوفيه جيهتو خلااااااااااص
او تعاملي عادي خلااااااااااااااااااااااااااص
كانك مش تشوفيه
رايح يموت منك
و يكره و ينسى

تكبريها في مجتمع ما يرحمش المراة
و دائما يلوم المراة
و الراجل هو كل شيء
كامل يهدرو في ظهرك
و يقولو هي اللي بدات
هي الللي تلبس حتى لو لبسك مستور
هي اللي حلتلو العين
هي اللي تحب هذا الشيء
و هي و هي و هي
راني حضرت قصص من هذا النوع
حذاري
جي داخلة للقسم اقراي اية الكرسي
اقراي المعوذتين سورة الصمد
و اقراي دعاء من خاف قوما
*لان هذا الشخص ممكن يديرلك فضيحة*
اللهم ان نجعلك في نحورهم و نعوذ بك من شرورهم
و كما تدخلي للقسم
قولي ثلاث مرات
قال رَسُولَ اللَّهِ صَلَّى اللَّهُ عَلَيْهِ وَسَلَّمَ : مَنْ نَزَلَ مَنْزِلًا فَقَالَ: أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ، لَمْ يَضُرَّهُ شَيْءٌ حَتَّى يَرْتَحِلَ مِنْ مَنْزِلِهِ ذَلِكَ.



راني مجربة الادعية هذه
جربيها انتي وشوفي النتيجة

الله يوفقك
والله يستر عليك دنيا و اخرة
يييييييييييارب يا قادر

[Boulebda]

سبحان الله وصلنا لوحد الوقت صعيب ياسر.وحد الجيل يالطيف.لازم توضعي ليه حد باي طريقة.

[Boulebda]

ولا تبعي وش قالت اختنا ولله عندها الحق الوقت تاعنا مايرحمش

[Marc Edouard]

خليه يغمز على روحه وما تبينيلهش بلي راه مقلقك باش الطلاب الاخرين ما يخدوش بالهم ويضحكو وانتى شوفي فيه نورمال متبنيلهش بلي راك ماثر فيا كامل انا في القسم منين يطلعو عينيهم يلقوني نشوف فيهم هههههههههههههه

[amine2003nes]

السلام عليكم أولا أختي لازم تقوليلنا في أي طور راكي تقري يعني باش نعرف كم عمر الطالب أو التلميذ كي نعرف طريفة التعامل مع هذه الفئة ثانية فارق العمر بينكما ..... ثالثا ربما يكون السيد مسكين مريض من عينو عندو عينو ترف تغمز وحدها و أنتي توسوستي ..... يجب معرفت بعض المعطيات لنقول لكي كيفيت التعامل أظن أن الأعضاء سيشاطرونني الرأي

[الأصيــل]

سكوتك يدفعه لتكرارها ..وتأكدي انه يفعلها معك وزملائه على علم بها ..لأن التلاميذ يفعلون امورا يتباهون بها فيما بينهم
الحل هو :
يجب ان تكون شخصيتك قوية وانظري اليه عمدا واتركيه يفعلها وبمجرد ان يفعلها اطرديه من القسم ، فإن رفض الخروج تواصلي مع الادارة الاستشارة التربوية واطلبي منهم اخراجه وعدم دخوله الا اذا احضر ولي امره وهذا من حقك
ثانيا قدمي تقريرا الى المدير عن تصرفاته اللا اخلاقية والمطالبة بحرمانه من الدراسة في المادة التي تقدمينها او احالته على المجلس التأديبي
ثالثا فضحه امام بقية التلاميذ والتحذير من اي تصرف غير اخلاقي

[أم بسملة]

زيري روحك معاه هذا ما يحشمش
كلفيه بحل التمارين في السبورة و عاقبيه بتنقيص النقطة في التقويم و هدديه بالنقطة تاع الامتحان واذذا ما استوعبش خرجيه من القسم لكن بحظور احد الاداريين حتى يشهد اذا حدثت مواجهات ا سيطري عليهم بمناداتهم باسمائهم عند طرح سؤال و اقول فلان بالسم واللقب حتى يعرف الطالب اني اعرف اسمه و لقبه و حتى تاريخ ميلاده
انا كي كنت ندرس في الثانوية كانو التلاميذ يعيطولي المسمومة لاني كنت استخدم اسلوبا صارما جدا
اعاقبهم بحل المسائل الصعبة جدا , لا اعايرهم او اسبهم لكني دائما اذكرهم ان مستواهم اقل من المتوسط على الاقل يحسنوه بالاخلاق

[نورسين.داية]

سوف اقدم لكي تجربتي الصغيرة جدا مع طلبة الشبه طبي ( هذا المنصب الظالم لمهنة الطب ) عموما ........ شهر و انا ندرس .....و ادا به احد الطلبة يدخل متاخر. نصف ساعة مع علمه التام بتخذيراتي حول التاخر .....يدخل السيد يترنح .......و ربي عطاه شوية طول الله ابارك حسبها لعبة و خلاص ياخي البوصط مضمون .....تركته يجلس ....و اعطيته الفرصة ليخرج ما في قلبه الصغير .....فجاة بدا في الضحك وحدو وحدو هههههههه فاقتربت منه و طلبت منه الوقوف ....وقف كي الغبي سالته واش راه يضحك فيك ؟ سكت ........قتلو مباشرة ماتزيدش توريني وجهك ....طير .عليا ..........خرج .....و ايام الامتحان جاني. .....و بدا يسرد لي اسطورة الطالب المجاهد و ضغوطات العائلة و الحروب السياسية العالمية و قضية فلسطين و اسرائيل .......لم يحرك في ساكن ........بعد سنة وجدته يدرس في مركز تكوين مهني استاذ ........مافهم فيها والو

[*سندوسة*]

السلام عليكم
صراحة هادي قلة ادب
اولا كيما قال الاخ من قبلي خلي حتى يخرجو تلاميذ وحذريه
وادا شفتي الموقف تكرر استدعي ولي امره ومايدخلش حتى يحضرهم وقومي بتبليغهم بتصرفات ابنهم طائشة
ومكانش لي يقولك مزال صغير ومايعرفش ظرك راهم يعرفو كلش
وادا سكتيله على امر هكدا ممكن يطور
صراحة سكوت على هاد الامور خلاهم يتماداو في حوايج وخدخرين

ربي يوفقك

[وفاء...]

نصيحتي لك اخرجيه من القسم كلما فعل ذالك . و لا تكثري معه الكلام

[beybey]

السلام عليكم ..ا اختي ادا صاح راكي حابتنا نعاونوك ولو بشيء قليل او بفكرة لازم تعاونينا انت تاني و تجاوبي معانا في الاسئلة نتاعنا مثلا هل هو شخص متمرد او ماهو السلوك الغالب عليه في القسم ادا كان عاقل او صعلوك ولازم تسالي عليه بعض اساتدة المواد الاخرى ممكن انه يقوم. بهدا السلوك بتلقائية او عفوية او انه يقوم به عن قصد بنية الاستحقار او الايتفزاز وعلى كل حال لكل مقام مقال وفي كل الاحوال تجاهلي هدا التصرف الثصادر منه كون تلميذ يبقي صغير علي انه تعطيه وجه لتصرفاته حاولي تخلقي نوع من النشاط حاولي تلقي الدرس وتتعاملي معه وطرحي عليه اسئلة يعني دخليه في صلب الدروس بمشاركته مثلا كان تنوظيه يمسح الصبورة مرة علي مرة وكدلك مرة يكتب الدرس ومرة علي مرة تساليه ادا فهم الدرس و ادا مفهمش الدرس عاودي شرحيله عامليه علي اساس عضو نشيط ومشارك بعيدا تن انه تستفزيه او تخرجيه عن المواضيع تدفعيه لاعلان الاستبداد بطريقته هو بهده التصرفات راه يفرض فؤ نفسه

[sarl02]

هاته المشكلة وما شابهها موجودة بكثرة في مختلف مؤسساتنا التعليمية...هذا التصرف طائش من طفل مراهق لا علينا يمكن التصرف معه بشتى السبل وللاستاذ الحرية في اختيار السبيل المناسب في اطار القانون طبعا سواء باستدعاء ولي التلميذ او كتابة تقرير مفصل للادارة للنظر في امره اما اذا كان الاستاذ تاكل على روحو احل الموضوع بينه وبين التلميذ دون تدخل احد...لكن في المقابل هناك ظاهرة تفشت كثيرا في مؤسساتنا التربوية وهي تفنن الاستاذات الشابات خصوصا واذا علمنا ان جلهن من مواليد نهاية الثمانينات وبداية التسعينات في كل انواع اللباس الفاتن ..يعني خمار مالفوق وفيزو او سروال سليم والمئزر كوبي يعني فوق الركبة ...يا جماعة اتخيلو الموقف مع طالب في الثانوي او في الرابعة متوسط ماشي غيراولي يغمز برك اولي افرفر ...هندام الاستاذ ووقوفه في القسم يجبر الجميع على احترامه بما فيهم التلاميذ الطائشون ...هذا الجانب لا ينبغي اغفاله في حدوث مثل هاته المشاكل...وفق الله الجميع.

[طيور الجنان]

اختي ماتتساهليش معاه عيطيلو و قولو اذا ماخبس هاذ التصرف اللااخلاقي راكي راح جوزيه لمجلس التأديب هذا وقت كان الاستاذ و الاستاذة كي يشوف فيك تخاف تهبط عينك و دوك الاستاذ ولا يتحرج كي يشوف في التلميذ ربي يكون معاك اختي.

[كلنا راحلون]

اولا الله يهديه ثانيا ربما راجعي نوع اللباس....ظاهرة الغمز خط احمر اما النظر مرحلة فاتت على الكل حتى الفتيات ينظرن الى الأساتذة (الرجال اعجاب وسرحان الخيال العلمي).....

اقتباس
نورسين.داية (http://www.djelfa.info/vb/member.php?u=261761)

سوف اقدم لكي تجربتي الصغيرة جدا مع طلبة الشبه طبي ( هذا المنصب الظالم لمهنة الطب ) عموما ........ شهر و انا ندرس .....و ادا به احد الطلبة يدخل متاخر. نصف ساعة مع علمه التام بتخذيراتي حول التاخر .....يدخل السيد يترنح .......و ربي عطاه شوية طول الله ابارك حسبها لعبة و خلاص ياخي البوصط مضمون .....تركته يجلس ....و اعطيته الفرصة ليخرج ما في قلبه الصغير .....فجاة بدا في الضحك وحدو وحدو هههههههه فاقتربت منه و طلبت منه الوقوف ....وقف كي الغبي سالته واش راه يضحك فيك ؟ سكت ........قتلو مباشرة ماتزيدش توريني وجهك ....طير .عليا ..........خرج .....و ايام الامتحان جاني. .....و بدا يسرد لي اسطورة الطالب المجاهد و ضغوطات العائلة و الحروب السياسية العالمية و قضية فلسطين و اسرائيل .......لم يحرك في ساكن ........بعد سنة وجدته يدرس في مركز تكوين مهني استاذ ........مافهم فيها والو






.......السلام عليكم اختي نور انتي مرأة مزيرة بزاف ذكرتيني بلمزير (جمعي فاملي حلقة السرقة ) دخول المزير فدقيقة3 https://www.youtube.com/watch?v=f1ptG6GFVkM...........اما التصرف الثاني عين الحكمة .............مانحبش مهنة التعليم وتكسار الراس لو كنت مكانك الكل +10/20.والمادة مضمونة..............والتصرف الثاني هو يدرس مكاني +نقطة ................خايف تقوليها مرة ثانية مافهمت فيها والو