حملة 30 كيس في 30 يوم لبيت نظيف و مرتب [الأرشيف] - منتديات الجلفة لكل الجزائريين و العرب

mariamalak

2016-11-24, 07:18

السلام عليكم
بيت خالي من الكراككيب يعني بيت سهل التنظيف لهذا ادعوكم للقيام بحملة ترتيب في كامل البيت ستدوم 30 يوما في كل يوم نقوم بملا كيس و حجم الكيس يختلف حجمه حسب اعداد الاسرة
سوف نقوم بالتخلص من اييييي شيء زاءد او قديم او لا نحتاجه او ....
قومي بشراء 30 كيس وسننطلق معا
ارجو ان تعجبكم الفكرة و يكون هناك تفاعل مع الموضوع
لن ينتهي فصل الشتاء حتى نكون قد قضينا على كل الكراكيب ان شاء الله

omelbanin

2016-11-24, 07:25

فكرة هااايلة ماريا ملاك، يعطيك الصحة على افكارك، والله غير البارح كنت نخمم، قلت نبقاو في الدورة هكدا غير دردشة، لازم حاجة جديدة، راكي طليتي على قلبي. هههههه

جهينة اليقين

2016-11-24, 08:11

randa3

2016-11-24, 08:21

وانا من رأي ام البنين لأنو دايما لازمنا حاجة نديروها باش نحسو بالانضباط
وفكرة ال30 كيس فكرة رائعة يعطيك الصحة ماريا ملاك وانا من اليوم رايحة نبدأ ان شاء الله

ام اكرم31

2016-11-24, 08:42

السلام عليكم ما شاء الله فكرة رائعة ومدابية نكون معاكم لانو عندي كركبة فالبيت اوراق الاولاد والكتب القديمة ......
والادراج المملوءة باشياء لا استعملها
سابدا اليوم ان شاء الله بالمطبخ

sali kanouza

2016-11-24, 08:47

فكرة رائعة ماريا ان شاء الله نبدا معاكم يوم الاحد نحس معنديش الكراكيب بزاف بصح لوكان نتعمق نلقى الخير والخمير

سمراء الدنيا

2016-11-24, 09:29

السلام عليكم
فكرة رائعة كروعة صاحبتها
ان شاء الله راني معاكم و اعتقد اني راح نبدا بكيسين ههههه لانو عندي اربع اولاد متمدرسين و عندي كركبة اوراق و ادوات مكسورة من مدة و انا نتحلف فيهم و جاتني الفرصة

اسمحيلي اختي ماريا من موضوع نبعث سلامي لكل الفراشات من بينهم جهينة و ام البنين

ام امجد14

2016-11-24, 09:48

ههههههههه سبحان الله البارح قررت ندير ها فى دارى و قررت نرمى كلشى و بديت حتى لقيت هدا الموضوع بوركتى اختى حقا النضافة تبدا برمى الكراكيب اولا البارح فعست على قلبى و بديت نرمى

omelbanin

2016-11-24, 10:20

يا عمري سمراء الدنيا، والله غير توحشناك قد السماء والأرض، واش راهي العائلة الكريمة ان شاءالله تكون بخير.

حياتي كلها امل

2016-11-24, 10:45

السلام عليكم فكرة شابة ماريا راح انطبقها رغم راني كل يوم نرمي
اهلا بالغالية سمراء توحشششششششششششناك

أم فاطيمة

2016-11-24, 11:43

السلام عليكم ورحمة الله و بركاته اهلا فراشات واش راكم
فكرة هايلة ماريا تقوليش طليتي على قلبي كنت مع الصبابط
لميت كيس كبير و لميت كيس اخر من القراج ادا ما جاش راجلي
و بهدلني ما يحبش حاجة تترمى يالوكان ورقة نتاع جريدة هههه

~اسيل ريحانتي~

2016-11-24, 13:18

اهلا ماريا ملاك افكارك تهبل يعطيك الصحة
انا سبق وقلتلكم اني لميت بعض الملابس القديمة لاولادي وبعضها صغارت عليهم درتها في كيس كبير
وايضا زدت لميت كيس كبير تاع صبابط صغارو عليهم والمشكل مازالو عندي مالقيتش ليمن نعطيهم راني مخبيتهم حتى ربي يسهل
وعندي كتب وكراريس من السنة الولى كرهوني مالقيتش وين نخبيهم بصح حرام نرميهم كاين تاع تربية اسلامية وماكانش ليمن نعطيهم لانو البروقرام نتاع الكتب تبدل تاني حصلت معاهم
واكبر كركبة راها عندي في البالكو فيه ماشينا لافي قديمة وبعض اللوح وكراكيب زوجي عييت نرتب فيهم ويعاود يخلطهم هههه
ان شاء الله نتخلصو منهم لان الكراكيب تعطي طاقة سلبية في البيت
سمراء الدنيا ليك وحشة قد السما وعدد النجوم ان شاء الله تكوني بخير وعافية

ام الاشبال

2016-11-24, 17:19

انا عندي بزاف الكراكيب لكن زوجي محلفني منرميهمش

ام صفصف

2016-11-24, 17:32

فكرة رااائعة كروعتك اختي ماريا،انشاء الله راني معاكم
اهلا بيك حبيبتي سمراء،والله فرحت كي راكي معانا

Sii

2016-11-24, 18:30

فكرة جميلة كصاحبتها بوركت ساحاول اشارك مع انو نظن معنديش كركبة بزاف هههه

نبع المعرفة

2016-11-24, 22:48

السلام يااختي بارك الله فيك على هذه الفكرة الرائعة انا ايضا افكر في التخلص من بعض الملابس منذ مدة ولكن دوما اؤجل
بالنسبة لملابس ابني فقد اخرجت منها كل مالا احتاجه مازالت ملابسي وملابس زوجي
وايضا العاب ابني يجب ان ارم المكسور منها حتى يصبح حجمها مناسبا للترتيب
ايضا الكريمات
وكذلك الادويه فهناك الكثير يجب رميه
بالاضافة الى الجوارب

totana

2016-11-25, 19:43

بارك الله فيك الاختعلي هذه الفكرة شكرا

ام اكرم31

2016-11-26, 10:07

السلام عليكم
انا الحمد لله خرجت ساشي الاول ملابس والثاني ادوية
ورايحة ان شاء الله نشوف غرفة الاطفال نضمها ونرمي الكتب والاوراق الغير صالحة
يوم سعيد موفق للجميع

mariamalak

2016-11-26, 16:32

راني بديت مع الاكياس اشتريت علبة فيها 20 كيس كي نعمرهم نزيد نشري زاوجة
بديت بالقجر تاع الالعاب رميت قاع الالعاب اللي مكسرين و اللي ودرولهم نصهم قريب تعمر كيس و مبعد رحت للبيرو تاع بنتي رميت الكراسات و الاوراق تضل ترسم و ليفاتر لي نشفو
و راني كي نجي نغسل الكسوة الحاجة اللي نلقاها مقطعة و لا قدمت نرميها ديراكت
مازال البلاكار عندي ما نرمي منو حتى نديرلو نهار

ام تينة

2016-11-26, 20:21

جزاك الله خيرا اختي

وحبدا اختي لو نخصص كيس او كيسين للصدقة ومتلا به ملابس شتوية او اغطية

كنت دائما افكر كم تخبئ الجزائريات من اغطية في كل بيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فهل يمكننا ان نشارك اخوااااننا الدي يفترشوووووووووون الشارع باغطية تقيهم البرد والمطر

ولتكن هده الحملة اختي مارية انطلااااااقة لمشروع دفي مسكين

crono

2016-11-26, 21:30

جميل جدا يا ماريا والله راني بديت فيها غير لوحدي قلت انتم ما عنكمش كراكيب كيم انا لان معظمكم يسكنو فالعمارات راني كل يوم نرمي وزدتي حمستيني والمشكل الزوج مكثر لي دوزان العمل وين ما ندور نلقى

راكي كي حلتي وين ما ندور نلقى دوزان تع زوجي
والمشكل كي نجي نرمي زوجي ما يحبش حاجة تترمى يالوكان مسمار
:confused:

crono

2016-11-26, 21:45

نبع المعرفة

2016-11-27, 11:11

شكرا اختي cronoان انوي بالفعل التصدق بها فهناك طفل اصغر منه دائما اقدم له ملابس ابني الصغيرة

ام اكرم31

2016-11-27, 15:21

مساء الخير اخواتي واش راكم
اليوم كدلك رميت كيس خرجتو من المطبخ اشياء لا استعملها
غدا ان شاء الله نفتش البيبيوتاك او لكوفاز ان شاء الله

sali kanouza

2016-11-28, 20:24

السلام عليكم اليوم بديت بالكيس الاول خرجتو من المطبخ مساءا حكمت المطبخ درت العشاء وحطيت الكيس نضفت الخزانة لي دارة فيها الريفيتايما والاواني ووووو والله ما كنت نتخيل يكون بهذا الحجم ساواصل غدا ان شاء الله مع منطقة اخرى

sali kanouza

2016-11-28, 20:25

والله لبنات فكرة رائعة راح تعطيكم شعور جميل تحسو بالنضافة من العمق وهذا ما نحتاجه

سمراء الدنيا

2016-11-29, 09:32

السلام عليكم
شكرا جزيلا لكل من رحبت بي ربي ما يحرمني منكم يا اعز صديقات

فيما يخص الاكياس .... فرزت ملابس بنتي الكبيرة و جمع كيس يرمى و كيس نعطيه لقريبتي اصغر من بنتي

و ايضا جمعت كيس احذية ما تصلحش

و شكرا ليكم فكرتوني في الادوية نخصصلها يوم باذن الله

كلثوم146

2016-11-29, 17:39

الكركيب اكبر مشكلة

sali kanouza

2016-11-30, 08:10

السلام عليكم لقد تم اخراج الكيس الثاني من العاب ابني وقد امتلء عن اخره جميعها مكسرة وغير صالحة فيها العاب يحبها بزاف لكن مغاديش ينتبه بلي راهي مكانش وانا تنقص على الفوضى

mariamalak

2016-11-30, 15:47

اليوم خرجت قاع لي صاك اللي عندي و اخترت 2 خليتهم واحد صغير وواحد كبير و الباقي حطيتهم في كيس و ديتهم للصليب الاحمر خلاولي مكان فالخزانة و انا اصلا مانيش نستعملهم حاكمين البلاصة باطل

mosta*limoges

2016-11-30, 16:13

مريا ملاك بارك الله فيك موضوع رائع و لفكرة روعة خسارة هذا وين شفتو
عموما أنا غرفة لبنات راني تخلصت من قبل من لأشياء اللي مانحتاجهاش باقي غرفة النوم و لبلاكارات و إن شاء الله غدوة نبدا
و جزاك الله عنا كل خير

انا هي رزيقة

2016-11-30, 16:29

السلام عليكم مشاء االله عليكم يا بنات انا متتبعة وفية لكن من الكواليس ..... خخخخ و دائما نخطف منكم افكار بصح منشاركش لاني خدامة وو قتي ضيق جدا و لا استطيع الالتزام ببرامجكن للاسف . بصح حبيت نهني الاخت ماريا على فكرة الاكياس و الكراكيب و الله جد موفقة و راني طبقتها هذ الويك اند عمرت كيسين واحد ملابس لي و لزوجي لم اعد ارتديها و الاخر فيه احذية . و راني ديتهم الى مركز الهلال الاحمر بمدينتي فهناك اناس كثيرة جدا في حاجة اليها و سيفرحون بها ...و هنا اغتنم الفرصة لانصح البنات لي عندهم مركز للهلال الاحمر في منطقتهم بحمل الملابس و الاحذية التي لم يعودو بحاجة اليها او اضيقت على اولادهن الى هناك ...فهناك من بحاجة اليها
سلامي الحار لام البنين و ام هاجر و فاطمة

انا هي رزيقة

2016-11-30, 16:39

ايه نسيت نقول بلي ماعدا الملابس معنديش كراكيب في بيتي و الحمد لله لاني انسانة منظمة جدا و اقضي عليها اول باول و لا اترك لها مجال للبقاء في البيت ..... يعني اختي ماريا راني كملت دورتي معاك بملء كيسين فقط ... الله غالب ..... خخخخخ جازاك الله كل خير على افكارك الرائعة اختي و دمتي دائما متالقة

انا هي رزيقة

2016-11-30, 16:46

اسمحولي يا بنات زدت تفكرت حاجة اخرى ... بالنسبة للادوية التي لا تزال صلاحيتها قائمة و عندكم منها كمية كبيرة مترموهاش ادوها عند الصيدلي و هو يتصرف فيها بمعرفتو ....

حياتي كلها امل

2016-11-30, 17:07

اهلا بالغالية رزيقة باينيا حبيبتي بلي انت انسانة منظمة وربي يجازيك على الحوايج الي تصدقتي بيهم

mariamalak

2016-12-01, 10:25

و مازال مسلسل الاكياس مستمرا
البارح نظمت الادوية و تخلصت من الادوية اللي مفتوحة عندها مدة و خليت المغلوقة اللي مازال ما ستعملتهاش
و اليوم راني مع مواد التجميل صبت عندي مواد عندي مدة ما ستعملتهمش خليت الاساسي فقط و الباقي تخلصت منو
مواد التنظيف كذالك كانت شحال من قرعة مفتوحة كاين اللي نقدر نجمعهم مع بعض جمعتهم و لخرين جبدتهم قدامي باش نستعملهم
السرابيت صبت 2 مطاشيين بالسبيغة هبطتهم للقاراج كاش ما نمسح بيهم
زيوت الشعر كانت 100 قرعة قست اللي عندهم بزاف و كاين اللي خلطتهم في قرعة وحدة

sali kanouza

2016-12-01, 12:05

صباح الخير اليوم خرج الكيس الثالث وكان خفيف بالنسبة للي قبلو نضمت الادوية ورميت لي ماستعملهش

totana

2016-12-01, 14:47

بارك الله فيك علي هذا الموضوع راني بديت في النصائح نتاعك وشكرا

totana

2016-12-01, 14:50

انا خرجت الحوايج ليمنسحقهاش وشكرا لصاحبة الموضوع

جهينة اليقين

2016-12-01, 19:13

السلام عليكم لو كان نخبركم على زوجي يا اختي كرونو راني مع حملة التنظيف ماكانش ركن من البيت ما فيهش كلاب ولا مارتو ولا بولون هو عندو مكان مخصص بصح لما يخدم في اي مكان في البيت الدوزان الي يستعملو راه تم وهو يضل طالع هابط يقربع ههههههه صح نحب كي يخدم لي حاجة بصح الفوضى ما نحكي لكمش

mariamalak

2016-12-07, 07:18

و مازات مع حملة الاكياس قمت باخراج كيسين من خزانتي رغم انني ما عنديش بزاف ملي خملتها و هكذا بقالي درج فارغ لاول مرة ملي تزوجت يبقى درج فارغ دايما كانت الخزانة معمرة
راني قريب نكمل كامل الغرف بقالي القراج حتى نهبط ليه عندي ما نخرج منو
شكرا على الردود المشجعة بارك الله فيكم
احبكم في الله و دعوة في ظهر الغيب تكفيني
ادعولي ربي يهديني و ان التزم اكثر و اتقرب الى الله

فراشات العمر

2016-12-07, 22:35

السلام عليكم

توحشتكم يا وجوه الخير

سلامي لكل الفراشات الجزائريات كل وحدة باسمها وليها وحشة قد وزنها لي سمينة متوحشتها بزاف
اختي سمراء توحشتك انتي بالخصوص وتوحشت مريومة سلمي على يماك وعلى كامل الدار
يااختي مريا افكارك قمة يقلك القلوب عند بعضيها راني بديت نفرز زمرمي من بداية الدورة
اسيل حنونة شفي نعطيك نصيحة الكتب لي فيها قرأن احرقيها والباقي ارميه بدلونا لبروقرام
اما الملابس سقسيت انا الفارماسي على مكان الجمعية الخيرية نعتهالي وومن ذاك النهار وهي ملجا الوحيد لملابس الدار
مزال لجهاز نتاعي لا بساتو الفاليزة فوق لخزانة مالا نرميه وخلاص

mariamalak

2016-12-07, 22:39

يا عمري فراشات العمر نقرا في كلامك و قلبي يضرب حسيت بكل كلمة قلتيها
احبكي في الله اختي الغالية و الجهاز تاعك ايلا عندك بزاف و ديمودا اديه للمسرح يديرو بيه كرنفال فالدشرة هههههه. نضحك معاك

فراشات العمر

2016-12-08, 07:58

هههههههههههههههههه
والله للمسرح وما يصلح بحتى الدشرة تطورت
تعرفي بكري يجهزو الشيوخة بجيبو برك
شكون عندها اقتراح باقناع الزوج برمي الاشياء الغير مستعملة او كيف نتصرف لما يعرف بلي رمينها ورا ضهره نقولولو ماعلاباليش وين راهي ههههه ما شفيتش بلاك خليتها في بلاصة

sali kanouza

2016-12-08, 08:27

السلام عليكم فراشات العمر بغيت نعطيك طريقتي انا نحكم حاجة نعرفو مايستعملهاش ونخبيها في مكان مايشوفهاش فيه وبعد ما تفوت مدة ونشوفو ماتفكرهاش نرميها وهكذا حتى تخلصت من عدة اشياء

sali kanouza

2016-12-08, 08:27

نسيتك طبعا اذا تفكرها نجبدهالو وصدقيني اذا كان مايستعملهاش وزيادة فالدار مراحش يتفكر

mariamalak

2016-12-08, 08:55

كيما قالت سالي خبيها و قيسيها ما يسمعش قاع بيها
انا راجلي كان يقلي ما ترميش تريكاوات خليهم نخدم بيهم بريكولاج تخيلو قريب 20 تريكو كامل ههههع و زيد عندو ليكومبينيزو تاع الخدمة كي يحب يبريكولي حكمتهم كل مرة نرمي شوي حتى خليت 3 فقطططط قتلو نهار تعول تبريكولي يكونو اللي راك لابسهم قدامو و تخدم فيهم ههههه

جهينة اليقين

2016-12-08, 20:29

نزيد نحكي لكم انا السيد مسمياتو لادوان هو المحطة الاخيرة لانه هوالي يخرج النفايات حاشاكم ويبدا هاذي مشرية بالدراهم هاذي واش خاصها هادي نسحقها عملت معاه كل الحيل عدت نقطع اي شيء نديرو فتات ونقول لو ما عادش ينفع ومرت خويا تحكم كيس كبير وتحط الحاجة الي تخاف يشوفها مالتحت والنفايات حنشاكمم مالفوق وهكذا تتخلص من الزيادة

sali kanouza

2016-12-14, 08:35

الامس خملت لاكوافوز تاعي وعندي ما رميت ولقيت بزاااف حوايج خاصيني المهم لي مايصلحوش رميتهم شكرا ماريا على الفكرة مرة ثانية

نبض الفؤاد

2016-12-14, 12:56

سبحان الله طليت على الفهرس نشوف الجديد حتى لقيت الموضوع.....جميل جدا ...عاينت التاريخ لقيت باللي في نفس الفترة ضربني ريحكم...ههههه.....وحد النهار كنت مريضة ...المصران قلقني....ياك يطير النوم من عيني ...نضت على الزوج نتاع الصباح ...نخمل خزانتي....عمرت 2اكياس....مع انه كيما قالت الاخت ما عنديش بزاف ماللي خملتها...المهم الصباح ....توجهت للاحذية....والله غير جدد وما يلبسوهمش....وقلت لسي السيد كي نخلع ديهم صدقة لجمعية كافل اليتيم....وزدت من حوايج البنات معاطف الخ....
لي صاك...بطبيعة الحال ما حبش بصح خلاص قررت ما يرجعوش...قنعتو بان خبراء الاقتصاد المنزلي...قالو اذا ما استعملتوش الحاجة لمدة 2سنتين...من الاحسن التخلي عنها....فما بالك بسنوات....ههههههه.....الخبراء.....ركزي عليها وقوليها بثقة....
مشكلتي الان في الكراريس والكتب....اولادي راهم في الجامعة واللي كمل ما حبوش يسمحو في دوزانهم....راني نقنع فيهم يسكانيوهم ويحرقو الباقي....خزانة معمرة......
الالعاب ....يا حسراه صدقت ورميت........ما عنديش........ادوات البريكولاج نزل نلايم....وعملتلهم علبة كبيرة والمسامير في علب اصغر.....الله المعين.........