راني رجعت بعد غياب بكيكة الكراميل و القهوة روعةة

[نهر التسنيم]

السلام عليكم اخواتي الاعزاء والله ليكم وحشة علابالي توحشتوني :):) بزاااااف المهم ان شاء الله تكونو كامل بخير . اليوم جبتلكم وصفة تاع كيكة الكراميل و القهوة نبداو على بركة الله .
مقادير الطبقة الاولى:
قبل مانحط المقادير لازم تشعلو الفرن يسخن على درجة 180 . و نحكم المول اللي يكون مفتوح من الجانب الخاص بالطورطات ندهنو بالزبدة و نرشو بالفرينة و نخليه بجيه
بسم الله
نشد 2 بيض نضربهم مع نص كاس سكر عادي حتى يدوب السكر من بعد نزيد نص كاس زيت و نص كاس حليب و ملعقة صغيرة فاني و نخلص من بعد نضيف كاس فرينة و كيس خميرة حلويات و ملعقة كبيرة كاكاو و نخلط مليح و نفرغو فالمول و ندخلو يطيب . بعد مايطيب نخليه يبرد مليح فالمول ديالو مانحيهش منو .
دوكا الطبقة الثانية :
نصف لتر حليب ندير فيه كيس فلان ذوق كاراميل 100غ و ملعقة صغيرة نيسكافي و نحطو على النار .من جهة اخرى نشد 10 حبات قاطو بيمو العادي و نفرغ فوقو علبة كرام فراش .كي يغلي الفلان نفرغو فوق خليط القاطو والكرام فراش و نخلط شوية من بعد هدا الخليط نحطو فالمكسور و نرحيه مليح مليح حتى يولي كريمي بعدها نفرغ هذا الخليط فوق الجينواز اللي خليناها تبرد وندخلو للثلاجة حتى تجمد الطبقة الثانية .
دوكا نوجدو الطبقة الثالثة :
علبة شوكولا بريما نذوبوها و نضيفولها علبة كرام ديسير ذوق شوكولا و نفرغوه فوق الطبقة الثانية و نحطوه فالثلاجة مدة 4 سوايع .
و بعد 4 سوايع نحرجو من الثلاجة و نحي المول بكل سهولة و نتحصل على كيكة ولا اروع و بصحتكم:cool::19::19:
نخليكم مع الصور و ياريت تكرموني بتعليقاتكم سواء ايجابية او سلبية لانه رايكم يهمني .وسلام عليكم
http://up.arabseyes.com/uploads2013/19_11_16147956854356571.jpg
http://up.arabseyes.com/uploads2013/19_11_16147956871079431.jpg
http://up.arabseyes.com/uploads2013/19_11_16147956878401071.jpg

[ضآحكة مستبشرة]

يمممممممممي تشهي
يعطيك الصحة خرجتلك تهبل
اكيد ذوقها بلا منحكي هههه
مشكووووووووووووووووووووووووووووورة ختيتو

[نهر التسنيم]

يمممممممممي تشهي
يعطيك الصحة خرجتلك تهبل
اكيد ذوقها بلا منحكي هههه
مشكووووووووووووووووووووووووووووورة ختيتو

الله يسلمك اختي عاشقة الجنة . شهيتك فالجنة ان شاء الله

[اميريم19]

يعطيك الصحة اختي شهيتينا وشجعتينا نجربوا هذه الوصفة الرائعة

[ام الاشبال]

يا اختي عل الاقل قولي انها وصفة منقولة

[ام الاشبال]

لانها وصفة ام وليد

[اريج 07]

يعطيك الصحة

[جنة الفردوسْ]

الحمدلله على السلامة...ويعطيك الف عافية على الوصفة الاكثر من رائعة

[نهر التسنيم]

يا اختي عل الاقل قولي انها وصفة منقولة

اختي ام الاشبال انا ماقلتش بلي الوصفة ديالي ولا من اختراعي . انا هاد الوصفة مدتهالي حبيبتي ماعلاباليش بلي تاع ام وليد . وانا اصلا من عشاق ام وليد و الوصفات دياولها دايما نسييهم

[mosta*limoges]

شكرا أختي على لوصفة راهي تبان بنينة

[فردوس الرحمان]

يعطيك الصحة، جات هايلة، تشكرين، ماهيش تاع ام وليد ، تشبه لوصفة تاع ام اماني، ام وليد تاني راهي تنقل في الوصفات واحد ماخلق متعلم شحال من وصفة دارتها ولقيتها في مواقع تاع مغرب لكن ورآه المشكل، نهر. التنسيم متعمريش رأسك، كاين في المنتدى ناس تحبط من عزيمة الاخريات، واصلي مجهودك

[karimazaki]

شكرا على الوصفة

[نهر التسنيم]

يعطيك الصحة، جات هايلة، تشكرين، ماهيش تاع ام وليد ، تشبه لوصفة تاع ام اماني، ام وليد تاني راهي تنقل في الوصفات واحد ماخلق متعلم شحال من وصفة دارتها ولقيتها في مواقع تاع مغرب لكن ورآه المشكل، نهر. التنسيم متعمريش رأسك، كاين في المنتدى ناس تحبط من عزيمة الاخريات، واصلي مجهودك

بارك الله فيك اختي فردوس الرحمان شكرا على تشجيعك

[فتيحة عد]

يعطيك الصحة

[ninakahina]

بارك الله فيك

[celia16]

بارك الله فيك اختي