المساعد الشخصي الرقمي

مشاهدة النسخة كاملة : مثل عندنا يقول القرب يجيب الكلام..والبعد يجيب السلام ضرك نفهمكم ؟؟

هاجر الأمل
2016-11-19, 09:17
اخواتي حبيت نعرف علاش الكنة فالبيت مع اهل الزوج تتهان وتنداس كرامتها..واللتي ساكنة وحدها وتجي مرة فشهر يعاملوها اميرة زمانها ؟؟


مع العلم ان اللي معهم مرررضية وبارة بيهم وتحوس غير بش ترضيهم...


حاجة تخليك تهدر وحدك هههههههههههه

علاش الطيب والمليح يكره...واللي شايف روحه ينحب ؟؟؟

يهمني رايكم اخواتي متبخلوش عليا بردكم

ومنكم نستفيد ...
*سندوسة*
2016-11-19, 11:04
السلام عليكم اختي
انا تعلمت حاجة من الوالدة ربي يحفظها ويحفظ جميع امهات المسلمين انه مهما عٌوملت بجفاء نقابله بسخاء وسيأتي يوما وينصرك فيه الله سبحانه وتعالى
كي ديري حاجة في هاد الدنيا احتسبي اجرك عند الله خصوصا فالمعاملات يعني ماتنتظريش الشكر او المدح وحتى المحبة
والدنيا هادي عقليات كل واحد وكيفاش يشوف للامور لكن حنا دائما نعذروهم ونكبرو عقلنا معاهم هاد الدنيا صغيرة بزاف وماتستاهل نوقفو عند كل حاجة صغيرة اكيد رايحة تقوليلي مراكيش حاسة بيا لكن نقولك بلي علابالي العبد ضعيف وتجيه لحظات ييأس بيها لكن ربي سبحانه قادر على كل شي ان شاء الله يحنن قلوبهم عليك ويرضاو ليك
تقبلي مروري المتواضع مع تمنياتي لك بحياة زوجية سعيدة
medounis
2016-11-19, 11:21
يعطيك الصحة الاخت سندوسة رد مناسب بتفكير راقي
*سندوسة*
2016-11-19, 11:31
يعطيك الصحة الاخت سندوسة رد مناسب بتفكير راقي


شكرا لك وبارك الله فيك هدا من لطفك
والعفو من صاحبة الموضوع لانه لا يمكن تجاهل رد ورد ذكر اسمي فيه
بالتوفيق للجميع
Amouna.DZ
2016-11-19, 13:19
عندك الحق أختي
كلمة أنا دائما نقولها و نتصرف غلى أساسها... أنوا أي غمل نديروا لوجه الله و حده لا خوفا و لا تمرما على أحد
هاجر الأمل
2016-11-19, 13:51
جزاكم الله خيرا كل من رد على الموضوع

انا فقط حسيت بضغط لذلك كتبت ما كتبت

والله اللسان مفيهش عظم كما يقولو ههههههه فقط الواحد يهدر ولواحد يدير باصله


ربي يوفقنا جميعا

شكراااا لطيب مروركم واهتمامكم
زنوبيا86
2016-11-20, 11:12
شكرا علي السؤال لان وشحال هاد الموضوع يخطر في بالي لان هناك فرق في المعاملة كنة في بيت اهل الزوج غير المعاملة لي الكنة لي ساكنة وحدها في الاخير الواحد يتصرف باخلاقو كلش يفوت
هاجر الأمل
2016-11-20, 16:10
صحيح اخت زنوبيا كما قلت كلش يفوت يعطيك الصحة تقبلي تحياتي