مشكلتي؟

[مشكلتي]

السلام عليكم

سؤالي هل يمكن أن يحب الرجل بالرغم من أنه متزوج

كان زواجي تقليدي و تم إختيار الزوجة من قبل الوالدة أعمل و الحمد لله فكرت في تكملة دراستي فسجلت ماستر و إذا بي ألتقي بفتاة قمة في الجمال و الأخلاق أعجبت بشخصيتها كثيرا لدرجة أني أحسست بشعور مختلف إتجاهها لم يسبق لي أن أحسسته إتجاه إمرة أدركت أنه إحساس الحب الذي لم أشعر به يوما إتجاه زوجتي
فكرة في طلب الزواج منها لكن ترددت خوفا من رفضها لي
شخصيتها ملفتة للإنتباه محترمة حتى لباسها يعلك تحترمها و هذا أكثر ما أعجبني فيها
فماذا أفعل ؟

[@سندريلا@]

حرام عليك مخلي مرتك في الدار و قاعد تخزر لبرا �� عيب عليك احكي حاجة كيما هك و اذا شفت روحك تعلقت بيها روح ازوجها و خلاص

[جنى الجنتين]

هههههههههههههههههههه هاذي نتيجة الاختلاط مع النساء و السبة رايح نقرا ههههههههههههه نسيتو رواحكم تدو بنات الناس تبلعو عليهم وتعشق في بنات الناس لاحول ولا قوة

الا بالله الله يهديك مرتك اولى بيك هل ترضى ان تنظر زوجتك الى رجل اكيد لا لا ولو غضيت البصر تاعك لما حدث ذلك وزيد هذيك لي راك تهدر عليها سنرمال دير هاك

باش تجلب الانتباه ياو فطن وفيق لعمرك هاذي سهام ابليس و مكاش امراة ترضى بالضرة قولي واش ذنبها مرتك

مفهمتش علاش الرجل يخلي مرته و يروح لبنات الناس ولا درك انتهت الصلاحية تاعها

[عسجدة]

ماذا تفعل ؟
انا سأقول لك ماذا تفعل
اسرع واذهب لخطبتها واخبرها انك
متزوج وانك لا تحس بالحب اتجاه زوجتك واتمنى ان كانت حقا فتاة محترمة تصدك وبقوة وتسمعك كلاما لعلك تعود الى عقلك .

حرام عليك ان تبحث عن الحب بعد زواج لا اعرف كم دام ولكن اتمنى ان
تخبر زوجتك انك لا تحبها كي تقرر
مصيرها مع شخص لا يستحق الحب ولا العطاء .

اما ان كنت تريد الزواج لاسباب نجهلها فتقدم لخطبتها لعلها وعسى ان تقبل بك .


قلم جريئ

[oumhana]

"فكرت في طلبها للزواج لكن خفت أن ترفضني"
و زوجتك أين محلها من الإعراب؟؟؟؟؟؟راهي راضية؟؟؟؟
أما إذا كان معلبلهاش ربي يهديك وسجل وأشفى مليح : كما تدين تدان،هذا قرآن .ولا مفهمتوش هذي بالدارجة :لي يعمل شي يلقاه،يتفرشو ويتغطاه. كتكبر وتتقدم بك السنون تعرف.

[إسلام الفاروق]

اشعارك بالعار هذه اجابات النساء

اجابتي

نعم يستطيع الرجل ان يحب برغم من انه متزوج

افعل ما تشاء ولكن لا تسمح للاخرين ان يشعروك بالعار و الخجل لانهم لا يكترثون لك فقط مشاعرهم هي الاهم

[أم أماني أريج]

آية في الجمال ....شخصيتها جذابة ....لباسها محترم ....إذن أكيد أنها حلم الكثير و الكثير من الشباب كزوجة و شريكة حياة و من المفترض أنها تملك العديد من الخطاب ...
أتساءل فقط ما الذي سيجعلها تقبل الزواج من رجل متزوج أي أنها ستتقاسم رجل مع امرأة أخرى ؟
نصيحتي إليك أخي سارع في خطبتها و بنسبة كبيرة جدا سوف ترفضك و حينها ستحزن قليلا و لكن الأيام كفيلة بأن تنسيك و عندها عد إلى زوجتك و جدد مشاعرك اتجاهها و ادعوا الله أن يحفظ زواجكما و ان يبارك في أولادكما مستقبلا .

[أم رقية نسرين]

للأسف الشديد تفكر في قبول الفتاة من عدمه و زوجتك الا يهمك رايها و هي المعنية الأولى بالأمر
انا امرأة متزوجة و اعلم مدى حزن الزوجة إذا احست بميل زوجها لامرأة اخرى و بالرغم من ذلك الشرع احل للرجل الزواج باكثر من امرأة
فقط لاتهمل زوجتك و لا تظلمها

[faivie.blida]

أولا فكر بمشاعر زوجتك
ثانيا تقدم لخطبتها واشرح لها موقفك وظروفك كلها
ثالث: إن رفضتك فإنك حتما تحبط وحاول ان تبدل مجموعة التي تدرس فيها
رابعا: إن قبلت بك هنا يكون أصعب مرحلة وهي إقناع الزوجة بقبولها
خامسا وأخيرا: وهو عبارة عن تنبأ ما سيحصل ، فالزوجة ستحبط تماما وتقدم بطلب الطلاق هنا ستكون أمام أمرين الزوجة وأولاد أم تلك الفتاة
فتريث فكر جيدا وهذا على أبعد مستوى يمكنك التنبئ به فالشرع أحل لك أربع نساء في ذمتك وعليك أن تعدل بينهن ولن أكمل أنك أعلم بهذه الأمور كلها

[ساجده 82]

السلام عليكم
اولا الشره احل اربع هدا لاجدال فيه ولكن.... النصف الثاني من الايه الذي يتجاهلع الرجال
فإن خفتم ان لاتعدلو فواحده..صدق الله
انت قبل ان تتزوج لم تعدل كيف تقول زواج تقليدي وهو الاصح وهو شرع الله .لاصاحبي لاصاحبتي لاحبني لانحبك .هذا هو الاصل في الزواج .وجاي تعاود المراهقه وتقول احساس لم احسه .والله عيب مش العيب انك تحب العيب انكم معشر الرجال تتحججون ي تزوجت زواج تقليدي .وتتفكرو وانكحو ماطاب لكم من النساء .
علاش ماخممتش قلت ماحبيتش زوجتي نبحث عن زوجه في اطار الشرع يخي الرؤيه مشروعه .
وقاعد تملى عينك ولم تغض بصرك ولم تحفز العهد اللي بينك وبين زوجتك لحقنا لبستها ووزز قاعد تتوهم والله مادامها بهده الصفات ماتتزوج بيك علاه واش ضربها تخلي المئات اللي يتمناوها وتتزوج وتجي على ضره .واذا عولت طلق زوجتك فاعلم اذا عندك ابناء راح تخرب دارك وتشتت عايلتك .
وحتى وما قبلتش بيك هده الفتاه راح تبحث عن غيرها يدافع لم احب زوجتي .المراه تحب مره واحده واذا كرهاتك اقرا على نفسك السلام لان الكاس اذا كسر لايجبر واذا جبر يبقى الشق موجود .اتقي الله في زوجتك .واحترمها واحبها .ياخي الحب ماهوش للجمال .كاين الاخلاق وكاين التربيه ووو . راك حبك ربي تزوجت زواج تقليدي.. اقلها شئ ربي يرضى عليك والديك واذا خترت طريق اخر راح تمشي طويل وترجع خاوي الله يصلحك اخي .

[طيور الجنان]

انا لن اقول لك حرام ان تتزوج بثانية فهذا من حقك لكن اذا كان عذرك انه زواج تقليدي فلا ابدا وذكرك لمحاسن الفتاة يدل على انك تنظر اليها ابن هو غض البصر و زوجتك المسكينة راهي في الدار تغسل و طيب و تسناك جي من الخدمة و هي سعيدة بيك ياللاسف والله غير تحسرت عليها .
اذا كنت تكن لزوجتك ولو القليل من الاحترام اخبرها حطها امام الصورة ماتخليهاش مخدوعة حتى هي عندها الحق تقرر مصيرها معاك .
ربي يكتبلك كل خير اعذرني لكن من قلبي اتمنى ان ترفض الفتاة حفاظا على عائلة باكملها.

[ام رضوان]

السلام عليكم
ربي يكون في عون الزوجة الغافلة والمخدوعة امين
نقولك حاجة ياصاحب المشكلة
اذا كانت زوجتك مليحة معاك على راك رايح تفتح باب لشيطان يخربلك حياتك
انت راك عايش في نعمة تزوجت زواج الصح والستيرة وهناك ربي وذرك تحوس تخرب بيتك بيدك ودرت السبة تاع زواج تقليدي
والله يااخي وتقدم على هذا الزواج ناكدلك راح تعيش في جهنامة تاع الدنيا
والمثل يقول
اللي باغي لعذاب يكثر عليه النساء والكلاب
في رايك زوجتك لوتعلم بالموضوع راح تعقبو بلا مشاكل؟
اكيد راح الدير المستحيل باه ماتتزوجش عليها
واذا تبعت قلبك وتزوجتها راح تخرج بنتيجة واحدة من الاثنين
الاولى
تتزوج وتعيش الحب اللي طمع في روحك بلي رايح تعيشو وطلق وتخسر زوجتك الاولى واللي والله ماتلقى كيفها وتيتم اولادك بالحياة واكيد راح تسببلهم في معانات
والثانية
الاولى تقعد معاك وتزيد تتزوج بالثانية وتعود مفروق بين زوج ديار
واكيد وحتما راح يشربولك لمراااااااار
وتندم على الساعة اللي فكرت فيها تتزوج وتعيش الحب المزعوم
امالا نصيحتي ليك اتهلى في زوجتك و وليداتك و
دير عقلك في راسك ماتعقد عقدة بيدك ماتحلها بسنانك

[أم شروفة]

اخبرها انك متزوج .....وحاول ان تعدل بينهما ....واش راح نقلك ....لو انك تعرفت باي واحده راح تلقاها افضل من زوجتك لان الشيطان يزينلك فيها برك ...غير تتزوجها تبدا المشاكل ...واكيد ستلعن اللحظه اللي تعرفت فيها على هاذي الفتاه ...بالرغم من اني نستبعد موافقتها على الزواج بمتزوج مادلم انها جامعيه وجميله ....

[إنسانة بسيطة]

كي يطيح موضوع التعدد في يدين النساء سواء متزوجة ولا لالا اكيد رايح تلقى الاجابات لي لفوق

تقدم لها بشكل رسمي واترك لها الخيار فان وافقت اعلم زوجتك وان لم توافق لا داعي لازعاج زوجتك بهذه النقطة .

[الأصيــل]

ربي يسهلك في الزوجة الثانية مبروك لك اخي مسبقا .. فقط اعدل بينهما في كل شيء وهذا حقك افضل من ان تعيش في كبت وضيق نفس ..

[ولد حمد الباتني]

أولا عيب عليك
ثانيا جميلة وتخلقة راح تقبل بمتزوج حاب يتعدد ويضال يتفرج في النسا ؟....

[خالد عنابي2]

ماهذا ؟؟؟ كان زواجا تقليديا وامك من اختارت لك الزوجة ؟؟؟؟؟

وعلاه مكنتيش راجل نهار زوجوك باه امك هي لي تخايرلك ؟

اسوء زيجة تلك التي تختار فيها الام لولدها

النسا ميعرفوش يخيرو ولهذا الله تعالى جعل القوامة للرجال

امك ليست رجل

انت رجل

اذن كان المفروض تخاير انت وتفرض رايك على امك حبت ولا كرهت ماتسالكش

ولادخل للبر والعقوق في هذه المسألة لي ماهوش فاهم ويخلط مكالاه يعلق

[faty05]

هذا كله من عدم غض البصر و من الاختلاط
راجع نفسك
أفكر في زوجتك التي تخدمك و تربي اولادك و لي من بينكم المودة ورالرحمة تع الصح
اما هذا الحب فهذا الشيطان رَآه يزينهالك
إياك ان تخرب بيتك

[oumhana]

تعجبوني كتبداو تحللو وتحرمو وتلو كامل مفتي الديار أولا قول بلي الشرع عطالو 4 هذا لا نقاش فيه.أما لي تقول أو يقول النسا ما النسا نقلكم كتعودي مزوجة ويجلي راجلك يقولك راني حاب نتزوج تما قوللنا واش هي ردة فعلك صح فليتساع ومور لميكرو نولو كامل أخائيين .كاين شي بنات همهم الوحيد الزواج يالوكان راجل أختها المهم راجل متقولوش مكاش منها رانا نشوفو ا لطيفـ اما الرجال نقوللهم واحدة ومقدرتوش يخلي زوج ربي يهدي ما خلق

[ام فضل]

بوركتم جميع
رغم الانتقادات البناءة وكذلك الهدامة
اين انت ياصاحب الموضوع واجه واجب عن كل سؤال طرح عليك
لعل زوجتك احدى المشاركات

[خالد عنابي2]

faty05 (http://djelfa.info/vb/member.php?u=108239)

لا دخل للاختلاط بالموضوع

لب المشكلة هو انه تم تزويجه ومن طرف من ؟ من طرف امه !!!

كاين شي بنات ويفرضو رايهم على والديهم وهو مخلي امو تزوجو كيما حبت هي

لكن الزوجة المسكينة واش ذنبها ؟