احاسيس ومشاعر قلبي

[سليم المبتسم]

القلب موسوعة ....!!
...........................
القلب موسوعة
مليانة بالأحاسيس
أحاسيس وموضوعة
بحساب وبالمقاييس
.................
مليون شعور وشعور
شعور بكره وحب
شعور تواضع غرور
شعور بحيرة وذنب
...............
احساس بطعم الفرح
احساس بطعم الجرح
احساس ماليه الخوف
ف القلب ليه. مطرح
.....................
وحتي طعم الموت
القلب هو مكانه
وبالفراق بيفوت
علي كل سكانه
..............
يعني خلاصة القول
القلب هو الحيااااااة
القلب توب معمول
م الفرح وَيَا الاااااااااه
...............................

[سليم المبتسم]

ياااااما ......!!
................
ياما مسكت المصحف
قلت يا رب ارضيني
وحلفت له بالمصحف
ه ارجع لو يهديني
............
ما اعرفش انا ايه اللي حصلي
ليه برجع ف كلامي. تملي
ايه غير حالي واحوالي
وبقيت مجنونة وتراللي
................
فات من عمري ست سنين
وانا قلبي مهموم وحزين
حتي مشاعري مش متزنة
ما بقيتش اعرف حتي انا مين
.............
من ساعة الثورة وانا حاسة
ان انا عايشة ف خيبة ووكسة
وَيَا تري فيه وقت ارجع تاني
ولا ما جاش الوقت ده لسة
................

[سليم المبتسم]

غصبن عنناااا...!!
......................:::
يااارب غصبن عننااااا
بنتوب ونعصي لانناا
حلوة الحياة ومغرية
ف عيونا غصبن عننا
.............
يارب لما نقول نتوب
وبنبتدي لسة يا دوب
لو لسة باقي ف عمرنا
بتاخدنا تاني الدنيا
غصبن عننااااااااااااا
...............
معظمنا عارف هو ايه
ونقطة الضعف اللي فيه
وكل ما نحاول نصلح نفسنا
بتاخدنا تااااني الدنيا
غضبن عننااااااااااااااااااا
.........................
يارب يا عالم قلوبنا وباللي فيها
وخلقتنا وساتر عيوبنا وبتداريها
ما تميتنا يااارب وانت غضبان مننا
ضحكت علينا الدنيا غصبن عنناااااا
ياااااااااارب غصبن عنناااااااااااااااا
......................

[سليم المبتسم]

بشويش علي نفسك !!!
...................
بشويش علي نفسك بشويش
وما تبقاش والدنيا عليهاااااا
وما فيش غيرك ايوة ما فيش
ه يقوم نفسه يقويهااااااااااا
................../
وأياك ترضي لأي ظروف
تكسر نفسك مهما يكون
ولا تستسلم يوم للخوف
وما تضعفش ف يوم وتهون
.................
انت جميل والدنيا جميلة
حط الجملة دي قصاد عينك
وما تسمحش لايها نيلة
توجع لك قلبك وتهينك
.................
طز ف كل اللي ما قدرشي
ان انت معاه كنت نضيف
يفهم بقي ولا ما يفهمشي
سيبك منه ده عقلة خفيف

[سليم المبتسم]

بحبك يا ربي اوي..!!
.....................
بحبك يا ربي اوي
قلبي بيحبك اوي
ياللي دايما كنت جمبي
لما كان م الهم قلبي
كله تعباااان مستوي
..........
بعشقك حب وسعادة
عشق يكبر كل مادة
قلبي حلو عشان بحبك
بعشقك حب وعبااااادة
..............
ياللي عاصي برضه روحله
بالندم فضفض وبوح له
مش هيكسف هو ايدك
لما بتخبط تروح له
..................
لما تتعب قول يااااااارب
قولها م الحتة اللي جوة
مين يريح اي قلب
مين بطبطب غيره هو
................
بحبك يا ربي اوي اوي

[سليم المبتسم]

قلبي .......!!!!
..................
قلبي اللي دايما كان كبير
طبطب مسح ف دموع كتير
مش لاقي قلب يليق عليه
ولا يفهمه ويحس بيه
...............
قلبي اللي ياما كان جدع
وضرب لاصحابه الودع
علشان يريح فكرهم
بيبقي وحده ف الوجع
...........
قلبي اللي ناس كتير تحبه
ترتاح وهي معاه وجمبه
مش لاقي قلب يريحه
ولا يشبهه ف شرقه وغربه
.............
قلبي اللي ياما كان برئ
ف الشدة كان اجدع صديق
بالرغم من كل القلوب اللي تحبه
واقف لوحده ف غربته وسط الطريق

[سليم المبتسم]

يااااا محتار.....!!!
.........................
ما تقولي يا محتار
ايه حيرك غير نفسك
عايش تملي ف نااار
وتملي تاعب نفسك
.......
اصعب شعور ف الوجود
الشك وَيَا التردد
بتتعب الموجود
وياك ومن ده تأكد
............
الشك م الشيطان
عايز يخرب حياتك
والحيرة دي تعبان
تلدغ ثقتك في ذاتك
...............
وتملي تبعد عنك
كل اللي بيحبك
واللي قريب منك
يخاف يكون جمبك
....................
اسمع وما تخافشي
وخللي قلبك جرئ
ربك ما بيسيبشي
كل اللي قلبه برئ

[سليم المبتسم]

الحب ......!!!!
....................
الحب يعني أمان ما بين اتنين
مش مين يعذب مين بيغلب مين
الحب قلب وحضن للعاشقين
يعني شراكة ود بين طرفين
..............
الحب نصي ونصك التاني
وقلب يحنو عليك لو كنت بتعاني
تحس انك غريب وانت بعيد عنه
وتحس وسط الناس من غيره وحداني
......................
ياللي ظلمتو الحب ما بين خيانة وعيب
وخليتوه بجهلكم عايش ما بينا غريب
الحب مش ذنب وخيانة وعاااااااااااار
الحب من غيره شمس الحياة بتغيب
.........................
الحب يعني حبيب يخاف عليك م الهوي
ويكون لقلبك طبيب ويكون لوجعك دوا
يتمني ما يفارقك حتي ف وقت الموت
في الدنيا والاخرة يتمني تبقوا سوي

[karimtito]

بارك الله فيك ونفع بك

[سليم المبتسم]

شكرا جزيلا على المرور

[♥سهام♥]

شكراااااااااااااااااااااااااااااااااااااااا

[سليم المبتسم]

شكرا جزيلا على المرور

[سليم المبتسم]

الجمال لمن يقدّر الجمال دون أهداف أخرى
والقسوة فى وجه من يلجأ إلى الخداع..
القسوة لمن يحاول أن يقطف الزّهرة
لكي يستمتع بها دقائق ثم يلقي بها في أقرب طريق
يلقى بها تحت الأقدام
ويتحوّل على ورده أخرى
ويفعل بها كما فعل بالّتي قبلها..
علّمتني الحياة أن أقابل الخير بالخير
وأن أقابل الشرّ بالخير
وأن أقابل الاحسان بالإحسان
وأقابل الإساءة بالإحسان..
علّمتني الحياة ..
أن أكون قنوعةً فتكفيني قطرات النّدى
في الصباح لأرتوي..
علّمتني الحياة..
أن أحاول إصلاح الكون من حولي
وتزيينه بلمسات من الجمال..
وحاولت كثيراً حتّى تعلّمت النجاح
سلّم لا تستطيع تسلّقه ويداك في جيبك
من يحاول أن يمسك الشّمعة من شعلتها
يحرق يده !
العواصف الشّديدة تحطّم الأشجار الضخمة
ولكنّها لا تؤثّر في العيدان الخضراء الّتي تنحني لها
قد تنسى من شاركك الضحك
لكن لا تنسَ من شاركك البكاء
احترس من الباب الّذي له مفاتيح كثيرة
إنّ الناس لا يخطّطون من أجل الفشل
ولكنّهم يفشلون فقط في التّخطيط
لا تكن حلواً فتؤكل
ولا تكن مرّاً فتلفظ
لو رأينا أنفسنا كما يراها الآخرون
لما تحدّثنا لهم لحظة ... !!!! ï»؟

[سليم المبتسم]

تأملوها جيدا
مجرد ماتقول حسبى الله ونعم الوكيل
يقول الله ,,,,,,,,,,
وعزتى وجلالى لأنصرنك ولو بعد حين !!!!!!!!

[سليم المبتسم]

نورا الله قلبكم
شكرا

[سليم المبتسم]

لو ...........!!!!
...................
الصحة لو كانت تنباع
كان المريض وعليل اشتري
كانت انتهت كل الأوجاع
وورا الاطبة ما حدش جري
.........................
ولو سنين العمر بترجع
نختار سنينا الحلوين بس
و للألم ولا كنّا هنسمع
لا صوت اهات وندم ولا حس
....................................
والفقر لو راجل لقتلته
ودفنته تحت ف سابع ارض
وان كان ده جان كنت انا جننته
لو كلن ده مين او أيها حد
........................

[سليم المبتسم]

الحزن .....!!
.....................
الحزن جوة القلب سجن
وحبس اجباري انفرادي
وتملي بيخليك ...تئن
وتملي ما يخليكش راضي
.....................
استغفر الله العظيم
إياك ف يوم تهجر لسانك
ده ربنا حنين كريم
خلق جميع الكون عشانك

[سليم المبتسم]

الحيرة .....!!!
............
الحيرة نار تاكل صاحبها
وتدمره وتقضي عليه
ياللي انت بتحب تصاحبها
قوللي انت ماسك فيها ليه
..............
اهرب من اللي مش نضيف
وكل أنصاف البشر
الحيرة ه تخليك كفيف
مش كل مرة ه تتستر
..............
اخزي الشيطان وارجع وفوق
ارجع لرب العالمين
وارفع كفوف ايدك لفوق
ويرينا وبس أستعين