هاجر الماجدي في تجربة الاحرار ولاول مرة

[هاجر الماد]

انني انضم لاول مرة لتجربة الاحرار
اسال الله التوفيق

[Maria 28]

ربي يوفقك ان شاء الله ويوفقنا معاك

[aboura la fleure]

انا ايضا اختي و انا حائرة في موضوع تنظيم الوقت ما هو برنامجك

[abdelkahar98]

بالتوفيق لنا و لكم ان شاء الله

[حالمة برفقة النبي]

’نا ثاني معكم بالتوفيق ن شاء الله

[اخوكم محمد]

انا ايضا مثلك و لم أبدأ بعد

[هاجر الماد]

ربي يوفقك ان شاء الله ويوفقنا معاك


ان شاء الله اجمعين

[هاجر الماد]

انا ايضا اختي و انا حائرة في موضوع تنظيم الوقت ما هو برنامجك

لابرنامج لحد الان بدات قبل يوم البارحة بحفظ شخصيات الاجتماعيات اما البارحة لم ادرس

[هاجر الماد]

بالتوفيق لنا و لكم ان شاء الله

ان شاء الله اجمعين

[هاجر الماد]

’نا ثاني معكم بالتوفيق ن شاء الله

ان شاء الله اجمعين

[هاجر الماد]

انا ايضا مثلك و لم أبدأ بعد


بدات قبل يوم البارحة لم يبقى متسع كبير للوقت
بالتوفيق.

[هاجر الماد]

بدايتي المتواضعة بدات قبل يوم البارحة بمادة الاجتماعيات وحدة الشخصيات الاولى تاريخ اربع من الشخصيات اعتدت تكرارها كثيرا , ادرس ثم اتوقف وادرس ثم اتوقف ليلة السبت على الواحدة صباحا بدات اكمل المصطلحات فحفظت اثنين والبارحة اضفت ثلاثة ومع ذلك اعتبرت نفسي لم ادرس شيئا البارحة ربما لان ذهني ليس فارغا كليا للحفظ .
وحدة الشخصيات الاولى تحتوي على سبعة عشر مصطلحا وحفظت عشرة مصطلحات وباقي لي سبعة لانتهي .
لم يبقى هناك الكثير من الوقت ولم انجز شيئا .


تحدي اليوم :

01- اكمال السبعة مصطلحات ومراجعة العشرة التي سبقت .
02- عدم استعمال حساب الفيسبوك لبقية اليوم .


التحدي مفتوح لنهاية اليوم اسال الله التوفيق وان انجح يبدو اليوم مزدحما لربما سفر ولربما لا .




على فكرة لاول مرة اجتاز البكالوريا احرار ولاول مرة اجتازه كشعبة لغات اجنبية .

[hadjer hadjora]

انا ايضا لغات

بدات اليوم بالاجتماعيات بصفة جدية


مع العلم اجد صعوبة في الاسبانية

بالتوفيق للجميع


ان شاء الله

[raoufdjab]

انا ايضا و هل من دوروس في مادة الاسبانية ارجو مساعدة

[hadjer hadjora]

انا ايضا و هل من دوروس في مادة الاسبانية ارجو مساعدة



http://www.espagnolfacile.com/exercices/exercice-espagnol-2/exercice-espagnol-4221.php?guide=1#top


اتمنى هدا يساعدك


ان شاء الله

[Nur konigin]

Amine ya rab w ywafa9na ajma3in

[هاجر الماد]

مرحبا يا معشر قوم الاحرار
تبانلي موتى مكاش تفاعل كامل في المنتدى ولا تحديات ولا اي شيء
عدت من جديد طبعا كملت الوحدة لوله نتاع الشخصيات لي كتبت عنها اخر خطرة لكني بعدها توقفت كليا عن الحفظ وعن اي حاجة فجاة غاب شوقي وحبست كلش مام الالمانية لي معنديش فكرة عليها حبست تقدمي البطيء فيها
اخر رد ليا كان في 15 جانفي بعدها سجلت تكوين ولهيت بالتكوين كليا صبحة مع عشوة نسيت الباك وصراحة كانت احسن حاجة صراتلي لاني تعبت من تجربة الباك كنت فوت الباك عامين كنظامية بشعبة علوم تجريبية خسرت باكي لول 7.47 وباكي زاوج 7.73 مكلاه نحكي وش صرا في العامين ذوك من ضغط وخوف نقرى وكاني مقريتش نحفظ ونراجع ونهار يوصل باك كلش يتبخر سهرة الليل والليالي البيضاء والتحضير ومراجعتي للعلوم لي نحبها كلها راحت هكذا وخسرت صحتي وراحتي النفسية فوق كل شي
لكن ديما نتفكر انو الخيرة فيما اختاره الله لنا ودايمن لازم نسعاو ونثابروا وبقية الامور بيد الله تعالى وحنا معلينا غير نصبروا واكيد انو لي خلق مينسى .

اليوم بقا اربعين يوم على الباك كنت قبل يومين بديت بحل موضوع انجليزية 2008 شعبة لغات اجنبية بديت بالسبت في الليل هكذا وبدات بالموضوع وحليت وسجلت ملاحظاتي حول الامور لي تنقصني ولي مفهمتهاش علما اني نفهم الانجليزية مليح مي من خرجت من ليسي عام 2016 مزدتش حكمت سوجي يوم الاحد وقت لي كنت في التكوين مقريتش من 10 لل12 كملت نصف الموضوع الثاني نتاع باك الانجليزية وسجلت ايضا ملاحظاتي بعدها مقريتش حاجة .والنتيجة لي خرجت بيها من سوجي الانجليزية كانت مليحة مكاش نقائص ياسر الا بعض القواعد لي لازم نراجعها .
معنديش فكرة عن المواد الاخرى لكن لسبب ما انو عندي برود قلبي او فعلا تمالكت اعصابي حول الباك
الخبر المزعج لي تلاقيتوا البارحة كان انو نفوت الباك ونكمل بتاريخ 15 جوان غير منكمل منا تجي اختبارات التكوين في 18 جوان ونعم نقرى التكوين في رمضان .
الحاجة لي نقرى فيها في التكوين هي تخصص عامل مكرو معلوماتية وحبيتها ياسر رغم الضغط صباح وعشوة وحاطه في بالي لازم نتفوق فيها والحمد لله لحد الان متفوقة .
حاليا رح ندير برنامج نعرف وش رح نقرى لكن نشارككم بواش في بالي بديت العد التنازلي للباك بتاريخ الاثنين 24 افريل ويعجبك مقريت والو لين يوم السبت 29 افريل
..... يتبع

[هاجر الماد]

الجزء الثاني :
قسمت 47 يوم على النصف والنتيجة كانت يوم 19 ماي هوا النصف ويكون باقيلي 23 يوم على الباك ويكونوا فات 23 يوم ايضا مكاش عندي مخطط ابدا مغير نحفظ لكن لاني كنت حاسه انو الحفظ فوق قلبي اول مجات لينا وحدة فاميلتي وسادس مرة تفوت الباك عطيتها كلش المصطلحات الشخصيات لكن كنت انا كتبتهم من محمودي عادل وياسر وثائق اخرين وبعض الحوايج نتاع ادب وقتلها راجعي بيهم ومبعد نجيبهم من عندك مهم نتنهى منهم وتحت اصراري داتهم ونتمنالها تنجح من كل قلبي تستاهل .
حاليا راني نعاني من ضرسة العقل لي قررت فجاة تظهر ولي مجربين وجعتها عارفين مقدار الالم جاتني في باك لول ودوك اهي جات في الباك هذا .
الاهداف لي عندي لغاية 19 ماي هي :
01- نحل اكبر عدد من السوجي في مادة الانجليزية والفرنسية واللغة ع لي قدرتهم ب18 سوجي لكل مادة ومنتوقفش ونكمل نحل لي سوجي لاخر يوم قبل الباك.
02-حفظ دروس الاجتماعيات ولي شفت اليوم محمودي عادل تخلعت لكن اللهم لا سهل الا ما جعلته سهلا .والمصطحات والشخصيات نخليهم لبعد 19 ماي .
03-مراجعة مادة الرياضيات وندي فكرة مليحة عليها خاصة الحاجات الجديدة لي منعرفهاش ومعنديش فكرة اساسا على البرنامج .
04- مشكل الخرائط نحلوا بشكل نهائي .
05- نتعرف على الطرق نتاع معالجة مقالة فلسفية ونشوف المقالات المرشحين .
هذا الباك رح يكون كيف ما جا يجي انا ندير لي عليا وطبعاكيما لعامين لي فاتوا نخدم خدمتي كاملة بدون غش لخطرش انا ضدوا .

هذا وش نقدر نقول لحد الان انا الحاجة لي تشغل بالي حاليا اني نتفوق في التخصص لي راني ندرس فيه باش مبعد نقرى برمجة وهذا هو هدفي اساسا اما الباك اولا الصحة مهم نكون بكامل صحتي النفسية لانو في امور اهم بكثير من الباك وكاين امور لاتعوض وانا في فترة من الفترات كانت حياتي كلها باك وكان هدفي اني ندرس انجليزية ولاشيء غيرها وكان كلش محصور في هذي النقطة لذا كانت حاجة مش متوقعة انو الدنيا مشات واني استمريت رغم اني مجبتش الباك .
نتمنى التوفيق لكل المترشحين وربي يقربلنا ويقربلكم ويقربلهم كل خير يارب .

[hadjer hadjora]

السلام عليكم


اولا نقولك الله ايكون في العون و تاكدي بان الكل راه كما انت


المهم لا تستسلمي و اللي فيها الخير ربي ايجبها ان شاء الله

رانا كامل نحسوا بالضياع

[هاجر الماد]

السلام عليكم


اولا نقولك الله ايكون في العون و تاكدي بان الكل راه كما انت


المهم لا تستسلمي و اللي فيها الخير ربي ايجبها ان شاء الله

رانا كامل نحسوا بالضياع


سلام خيتي ان شاء تكوني بخير , اسفة على التاخر اساسا انا منيش ندخل في المنتدى كثيرا
صح كامل نحسوا بالضياع لكن ربي كبير وان شاء الله لفيها الخير
عرفيني بنفسك ان امكن :) واذا تقدري تشاركيني في اي تحدي ما قبل 14 ماي اذا حبيتي طبعا وربي يوفقك

[rext]

شكراااا جزيلا

[هاجر الماد]

حمدا لله الهمة لم تسقط بعد ولكنها ستفعل ان استمر الوضع هكذا لقد تقدمت اختبارات التكوين لاول اسبوع في رمضان
نسيت كل ما حفظته للباك وعليه ساعيد من جديد حفظ كل شيء
ويارب توفيقك فقط

ساعد تحديات لشهر رمضان (ابتسامة).

[amrouchk]

ما شاء الله

[هاجر الماد]

وكل عوض منك يا الله جميل


انتهى رمضان وانتهت اختبارات التكوين وانتهت البكالوريا والحزن ولم يبقى شيئا


رمضان يا ليتك تعود مجددا لم اغتنمه جيدا هذه السنة

التكوين اللهم لك الحمد نتائج السداسي الاول كانت مبشرة بمعدل 16:45 المرتبة الثالثة بعد معدلي 17.78 و16.85 اللذان سبقاني ومجموع الطالبات 73 طالبة خططت لان اكون الاولى ولكن هو هدف العام المقبل التخرج بامتياز.

البكالوريا بعد اختبارات الاسبوع الاول من رمضان التي خصت التكوين تبقت لي عشرة ايام ثلاثة ايام كانت لوراية القوقعة والتي لا انصح بقرائتها ابدا وسبعة ايام كانت كافية للتحضير من جديد ولكن لم اوفق وخسارتي كانت بمعدل قريب 9:03

ان الخيرة فيما اختاره الله لنا وكل عوض جميل من الله
ولن اتوقف هنا ابدا ساحصل على هذه البكالوريا

[هاجر الماد]

05 اوت




الانطلاقة من جديد ستكون هذا اليوم .





يارب توفيقك

[Argismed1985]

لا تأيس يا أخي الخير فيما اختاره الله احييك على الارادة لا تستسلم .

[رانـيا]

بالتوفيـــــــــــــق

[هاجر الماد]

لا تأيس يا أخي الخير فيما اختاره الله احييك على الارادة لا تستسلم .

هي اختي واشكرك جزيل الشكر لن افعل بالطبع وساستمر بالمحاولة

[هاجر الماد]

بالتوفيـــــــــــــق

لنا كلنا يا غالية .

[هاجر الماد]

اسقط واقف واسقط واقف واتبعثر كليا وكل مرة يارب توفيقك
هاهي تجربة الاحرار تستمر بعد خسارتي للعهدة الثالثة (ابتسامة) بمعدل 09.03 في شعبة اللغات الاجنبية وهاقد عدت اليها مجددا فمرحبا بالعهدة الرابعة
لم ابدا بعد ولا انوي اي تاخير واتمنى فقط اتمنى ان تكون هذه السنة افضل من السنوات الثلاث السابقة
يارب توفيقك .

[هاجر الماد]

ان البداية المحرقة هي نهاية مشرقة وسافوز باذن الله هذه السنة وساعمل جهدي لذلك. فعساه خيرا يا رب .

تحدي الليلة الاولى : الاصطلاع على دروس الفلسفة .
البدء في مراجعة دروس اللغة الالمانية .

[هاجر الماد]

وقد تم والحمد لله انهاء التحدي الاول
والانطلاق في دروس الفلسفة وانا في الدرس الثاني انطباق الفكر مع نفسه .
التحدي الثاني :
انهاء درس الفلسفة 02
محاولة ترجمة كلمات موضوع الالمانية لسنة 2008.
الاصطلاع على دروس القواعد الخاصة بمادة الادب .

[IMEN RACHA]

انا ايضا في نفس المرحلة مترشحة حرة لاول مرة
نلت بكالوريا 2017 علوم تجريبية
ماهو البرنامج لاكون في السباق انشاء الله