المساعد الشخصي الرقمي

مشاهدة النسخة كاملة : هل جنون اسعار السيارات راجع لازمة الدينار ام أزمة الاخلاق

prof3186
2016-11-12, 20:22
اكيد اخواني القراء انكم ولابد تسمعون عن بيع و شراء سيارات باسعار جنونية او خلونا نقولو ( فوق 100 مليون ) و قدكانت في وقت قريب مرجعا للفكاهة و اللعب اي لاتتجاوز 60 او70 مليون، هذه الحقيقة المرة والتي حتما ستؤدي بحلم اي موظف - حتى لا اقول مواطن - جزائري الى رفوف الارشيف او الاماني الوردية صعبة التحقق جعلتني اطرح السؤال مباشرة مفاده هل نحن امام ظاهرة صحية جدا ناجمة عن تدهور سعر صرف العملة الوطنية ام اننا امام وضعية حبك تفاصيلها ارباب المال من مستوردين و باعة ( لاهطين و جيعانين ) و كورتيا يستغلون حاجة الموظف الملحة لكروسة تغنيه عن عبئ الحافلات ة الكلونديستان ، اخواني القراء نرجو منكم التفاعل مع هذا الموضوع و الى ملتقى يجيب فية الله الخير و ناس الخير و سلام .
:mh31:
ahmed_com
2016-11-13, 15:35
المشكل في المشكل تاع البروبلام ... حكاية طوييييلة

نتا شفت واحد مشومر وميسلفش الدراهم ... هكاك الدولة تاعنا نهار لي كنا في بحبوحة و الدلار يطايش مداروش حسابهم و كانو يبذرو و يسرقو وضرك كي وصل الموس للعضم قالك لازم نحبسو الاستراد
اخي العزيز المشكل مشي غير فالسيارات المشكل راه في كلش حتى المواد الغذائة و ارتفع ثمنها
انا جامي شفت دولة كي تتعرض لازمة تحبس الاستراد هههههههههه
يا اخي دير انتاج دير الفلاحة الصناعة السياحة يالرب عندنا بلادنا جنة فيها من كل خير ... ولاكن هؤلاء الدينسورات هم سبابنا في كلش

فهمت اخي المشكل مراهش غير فالسيارات المشكل راه في كلش

عندنا شوية دوفيس قالك منصرفوهش على الطنوبيلات يلا صرفناه نولو فالاستدانة الخارجية هههههه تخمام تاع حابسين

بلادنا مشي غير تدخل الدوفس تدخل العجب المعجب غير هوما والفو راقدة وتمونجي ... ياو هاذ البترول ان شاء الله ينشف باش نشمرو على يدينا

مام الشعب تفنين ولا ميخدمش صراحة ولا فنيان

كي شعب كي الحكومة قاع الله يبارك
FATEH-DZ
2016-11-13, 15:48
المشكل في الدولة
ahmed_com
2016-11-13, 16:03
الدولة هي لي تبني الشعب و الشعب هو لي يبني الدولة
المشكل فيهم في زوج
عثمان13
2016-11-14, 19:16
هل المشكل أزمة الدينار أم أزمة أخلاق؟؟؟
سؤال جوهري :
المشكل كلّ المشكل في الجزائر هو أزمة أخلاق 100% قبل أزمة الدينار؟؟؟ لأن المعاملات المادية الخاصة بالبيع والشراء في مجال السيارات ـ على وجه الخصوص ـ انعدمت فيها الرحمة والقناعة والثقة والإخلاص والوفاء وهذي مشكلة أخلاق .... هذا الشعب لا يرحم بعضه البعض في أوقات الأزمات والشدائد.
cccam
2016-11-14, 21:49
المشكل في الدولة
brothers
2016-11-22, 22:23
سعر اليورو لا يتجاوز 117دج وفي السوق السوداء أكثر من 180دج
هذا سيفسر لك الكثير.. من منع بيع العملة بالأسعار الرسمية في البنوك وفي المقابل تجدها بالأطنان في الأسواق الموازية مون يتلاعب بواردات السيارات ومن ومن ومن..
المشكل في المواطن الطحان اللّي يتعامل مع هؤلاء اللصوص.. مع احترامي للجميع
هاجر الأمل
2016-11-23, 08:22
زوجي معلم راتبه 3100 ورانا نحلمو غير في ماروتي وملحقناهاش حتا هي عادت صعبة المنال الله غالب

ربي يعينا
SOUAD ILHAM
2016-12-07, 17:26
حنا تهنينا من أزمتنا السوداء دخلنا في أزمات أخرى
ربي يكون معانا
nasrogamer
2016-12-10, 11:53
شكرا لك على الموضوع
نبع العلوم
2016-12-14, 09:45
والله فعلا ازمة اخلاق لنه اصبح الانسان لايشبعه شيئ صدق رسول الله صى الله عليه وسلم في معنى الحديث لايملء فاه ابن آدم الا التراب