medcherif03
2016-11-12, 16:05
عني طاح الهم بآمحاين و زعاف
تلم عليا كي آسّحاب على بعضاه
يا مطول ذ الليل عني زاد آعناف
ظهّر لي ما كان منسي و اقبرنـاه
يا كبي بالكب ضاق الخاطر جاف
ما طقناشي ع الصبر ما والفـنـــاه
لكن همي زاد و آرجع مثل الكاف
معاشرني ضري وعايش آنا و ياه
يا مضنوني غيـم حاجبني بلحـاف
سمط لي عيشي ما صبناش ادواه
الدنيـا سـاعـات تعطيـك آبلـكتـاف
تسقي لك بالمر و تتحتـم تـرواه
لَّي درتو في القلب بعّد مني خاف
مـا درناش العيـب يا دنيـا هـا واه؟
يـا لايم قلبـي راه عنـدو مـا شـاف
مـا تكشفـش البيـر خليه آبمغـطاه
راح الـود و ما بـقى للقـلب آلهاف
راح العـز لّـــي قـبيـل آحنا عشنـاه
ويـن النـية فـالمحبـة و التـلطـاف
هـان العاهـد يـا حبـابي خـالفـنـاه
أهل الضّنة كي حنا ولّاو آضعاف
يا حصراه على زمان حنا شفنــاه
لمعزّة و النّيف مشـاو مع لسـلاف
ما نطمع في ودكم ضركة خلينـاه
تلم عليا كي آسّحاب على بعضاه
يا مطول ذ الليل عني زاد آعناف
ظهّر لي ما كان منسي و اقبرنـاه
يا كبي بالكب ضاق الخاطر جاف
ما طقناشي ع الصبر ما والفـنـــاه
لكن همي زاد و آرجع مثل الكاف
معاشرني ضري وعايش آنا و ياه
يا مضنوني غيـم حاجبني بلحـاف
سمط لي عيشي ما صبناش ادواه
الدنيـا سـاعـات تعطيـك آبلـكتـاف
تسقي لك بالمر و تتحتـم تـرواه
لَّي درتو في القلب بعّد مني خاف
مـا درناش العيـب يا دنيـا هـا واه؟
يـا لايم قلبـي راه عنـدو مـا شـاف
مـا تكشفـش البيـر خليه آبمغـطاه
راح الـود و ما بـقى للقـلب آلهاف
راح العـز لّـــي قـبيـل آحنا عشنـاه
ويـن النـية فـالمحبـة و التـلطـاف
هـان العاهـد يـا حبـابي خـالفـنـاه
أهل الضّنة كي حنا ولّاو آضعاف
يا حصراه على زمان حنا شفنــاه
لمعزّة و النّيف مشـاو مع لسـلاف
ما نطمع في ودكم ضركة خلينـاه