مشكلتي في الغربة

[مشكلتي]

السلام عليكم

متزوجة منذ 5 أشهر و ساكنة في فرنسا علما أني متدينة و متجلببة ... كي جا خطبني عند دار والديا شرط عليا ما نخدمش . صراحة وافقت و قال لي ما تخرجيش الا معايا و وافقت مع أني في الجزائر كنت نقرا و نروح للمسجد و نشري حوايجي وحدي و ندير حجامة للأخوات المريضات .. كنت نعيش مشاكل مع والدي بصح كنت مليحة . المهم كي وصلت فرنسا لقيت روحي وحييدة بأتم معنى الكلمة . زوجي منعني من أن يكون لي صديقة في فرنسا و قال لي ما تدخلي حتى واحد للبيت و قال لي عندك حق 2 أخوات في ال***** ماشي 3 ولا 10 . يروح يخدم من 7 صبح الى 18 سا و أحيانا حتى 19 سا باش يدخل للدار و كي نحتاج حاجة في الدار لازم نستنى يرجع الى البيت ... عندي برك نروح عند عجوزتي بصح ما نحبش نخالطهم بزاف خايفة المشاكل ... راني عييت و مخنوقة و نادمة على هاذ الزواج و نادمة كي وافقت على الشروط القاسية . و راني كل يوم ندابز مع زوجي باش يخليني نقضي محتاجات البيت و نخرج شوية راني مخنوقة .. بصح يقول لي تقعدي في البيت و تصبري كي نرجع للبيت نخرجك ..... و أنا نكره نخرج بعد 16 سا بارد الحال في فرنسا . و اليوم خلاني حرية في ال***** مع تعب و مشاجرات عديدة ...
حبيت نقرا و لا نخدم في البيت باش نواجه الغربة و الوحدة بصح رافض نهائيا .

و المشكل الثاني كي نروحو للسوبيرات انا و زوجي و نقضي معاه ما لازمش نرفد حاجة .... راني مثل الطفل الصغير قدامو ...كي نقولو لازمنا هذا يقول لي هيا نرورو المرة القادمة ... يحقرني بزاااف كأني واحدة ما نعرف والو جايا من البلاد ...

المشكل الثالث هو يعطيني شوية دراهم كل شهر , قلت ما شاء الله قيمني . بصح هاذو الدراهم ما عنديش حق نصرفهم .شغل دراهمي بصح ماشي دراهمي في نفس الوقت ... تضحكو بصح صراحة في كل مرة نحب نشري بيهم ملابس و لا ريحة يرفض نصرف بيهم . ما فهمت والو

راني كرهتو و كرهت اليوم اللي قبلت فيه . هو صح زوج لطيف معايا بصح ما يفهمنيش هو عندو أهله و صحابو و أنا عندي 4 حيطان .
ما تقولوليش وعلاش قبلتي و الله ظروف عائلية خلاتني نقبل و علما أني فسخت خطوبات قبل زواجي هذا .
نصائح يا أخوات محتاجة مساندات منكم . و شكرا لكم

[توحيد الجزائرية]

ارضى بما قسم الله لك
انا في الجزائر وظ¢ظ¤ /ظ¢ظ¤ في الدار ،،،
الحمد لله ،،ما يحزننا قد يكون حلما عند البعض،،

[نواعم]

السلام اختي معليش اختي احمدي ربي على كل حال شوفب الجانب الاجابي من الموضوع حنا رانا في بلادنا وكرهنا من الدار ومشاكل تاع الاهل وووووبصح الحمد اله ربي يرزقك بمولود وتتلهاي فيه الحمد لله عندك الانترنيت تشغلك شويا تقدري تتعلمب منها توجد اخت عاشة في فرنسا هنا في المنتدى مسمية روحها ماريا ملاك تواصلي معاها ربماىتنفعك ربي يهنيك

[**وحدها غريبة **]

اختي الله يفرج عنك
ويهدي زوجك ويصلح حالك

[ثلجَة]

رب يسيرلك أمرك و يهدي زوجك لما يحب و يرضى

[اسما38]

السلام عليكم
اختي راني حاسة بيك لاني مريت بتجربتك الغربة صح مرة مايحس بيها غير لي مجربها ، نقولك ماعليك الا الصبر و ربي يرزقك باولاد يعمرو عليك الدار و تلهاي فيهم، الله يفرج عليك

[mariamalak]

السلام عليكم
قريت مشكلتك وراني حاسة بيك الغربة صعيبة اختي لازمك تصبري تنالي باذن الله
شوفي ديري في بالك مادام راجلك خمم يدي وحدة متجلببة مالبلاد يعني يحوس مرا تاع دار و راكم في مرحلة تاع بناء الثقة هو رايح يجربك و ينهاك على صوالح اذا نجحتى فالاختبار رايح يعطيك الحرية اللي راكي تحوسي عليها
اصبري برك و كاين اخوات فالمسجد الله يبارك تقدري تتعرفي عليهم و تحضري دروس
و فالدار اشغلي وقتك اتعلمي الطبخ الفرنسي احكمي كراس مل ما تجربي حاجة و تنجحلك اكتبيها
و هكا تولي انتي اللي تكتبي لاليست تاع القضيان و انتي ديسيدي واش تقضو
وريلو شطارتك في نظافة البيت و نظافتك و بينيلو بلي تحبيه و بلي هو كلش في حياتك ما تعاسريهش يزيد هو فالعناد تاعو
و اللغة اتعلمي مالتلفاز اتفرجي الاخبار و الحصص المفيدة
و كاش حاجة اتصلي بيا ربي يكون معاك

[خالة امير]

ربي يفرج عليك أختي

[فاطمة شلف]

السلام عليكم ورحمة الله وبركاته
انصخك لي وجه الله بكل صدق احببت لك الخير اذا حبيتي نصحتي وهي كا الاتي
اولا زوجك من مصلحتك قالك لا تخالطي يعني هذا يحب زوجته
ثانيا الخلطة جلطة المعني اذا خالطتي راكي رايحة تندمي عليها بزاف
ثالثا اعطيك مثال وانا خير دليل
قالت لي ام زوجي لا تخالطي النساء سوف تندمين كثيرا صراحتا
لم اتفق معها والصديقة لي دخلتها الى بيتي ودرت فيها الخير بسبب
مرض ابنتها وحتى مصروف البيت اتقاسم معها
وحتى الصابون باه تغسل الملابس صديقي ولا تصدقي خانتني مع
زوجي اثناء غيابي انا اكتب لك والدمعة تسيل على خدي جارية مثل الوادي
وقلبي يتمزق ناس الاولة تقول كون عرفت الزمان يخدعني كون طولت المطراش
اختي الكريمة انصحك انا مع زوجك لا تنزعجي مني لاني اريد مصلحتك
حتى ولو لم تخونك دلك قالب لي تحيري فيه لا تؤمني احد الوقت راه صعب
وخاصتا الغربة صعيبة يدوك للواد ويقلبوك عطشانة هذا لي نقدر نقولو لك
نصيحة لي وجه الله

[amira19]

الاخت ماريا ملك و فاطمة شلف كفاو ووفاو
ضرك زوجتي طفرت لازم ترضاي بمكتوبك و الشي لي راهو يدير فيه راجلك رانا كامل عايشينو ف بلادنا الفرق بيناو بينك الغربة فقط راجلك يغير عليك خايف عليك و ما تخافيش مع الوقت كيما قاتلك الاخت ماريا ملك راح تتبنى الثقة بيناتكم و يزيد عندك كشما مموش تنساي اï»»دنيا ترجعي تكتبيلنا راني ما لقيتش الوقت خلاص مع التربية
ربي معاك اختي

[أم سدرة]

السلام عليكم اختي راهي ماريا كفات ووفات وكبما قالت الاخت فاطمة شلف اخطيك من الخلطة والله عن تجربة جيبلك غير المشاكل والازواج في الاول هاكا ومن بعد هو يولي يقولك اخرجي تقضي وخاصة كي بجوكم إن شاء الله الأولاد ويولو يقراو تواي انت تدي وجيبي هو خدام مايقدرش يديهم اصبري اختي وربي يفرج عليك

[طيور الجنان]

اختي العزيزة رانا في الجزاير و متغربين انا في الدار مانخرجش وحدي دايما مع زوجي و جيراني مانخالطهمش خلااااص بصح الحمد لله اكيد ربي شايف الخير المهم تكوني انت وراجلك متفاهمين.

[فاطمة شلف]

السلام عليكم ورحمة الله وبركاته
اخواني اخواتي من باب التجربة 27سنة
يقول المثال خوذ براي لي يبكيك وما تاخذ براي لي يضحكك
لي يضحكك غير يضحك عليك
ويقول المثال سال مجرب وماتسال الطبيب
لولا ماحبتي لكم ما قلت هذا
كما اتمنى للجميع ان يكون بخير وعلى خير
اختكم في الله فاطمة شلف

[امة الله5]

]مشكلتك فيك وليس في الغربة ولا في زوجك
كلنا في بداية الزواج نحسوا بان هذا الزوج اناني اخذنا من محيطنا ووضعنا في بيت واحد وفقط هذا الاحساس يكون ولو كان زواجك هنا ولو كنت وسط اهلك انت في مرحلة انتقالية مع الوقت تتعودي على الوضع حبيبتي اشغلي نفسك ولا تجعلي زوجك محور حياتك ولتكن لك اهداف خاصة بك
احفظي القران
تعلمي صنعة
اشغلي نفسك بما يعزز ثقافتك ومعارفك بالمطالعة
عند النث وكانك في العالم تجوبين فقط اختاري ما ينفعك
احمدي الله فالحمد يزيد النعم ويبارك فيها
ارضي وانظري لمن هم اقل منك ارامل عوانس مرضى
لا تكثري الشكوى لزوجك
انتسبي لمنتدى خيري وساعدي بخبرتك او ثقافتك او اي نفع تقدميه
ضعي نصب عينيك ان وقتك ستحاسبين عليه فيما امضيتيه
اقراي عن هموم الناس تصغر همومك في نظرك
استعيدي من الشيطان فهو يريد ان يحزنك ويجد مذخلا ليفسد بينكما
نصيحة عن تجربة طيعي زوجك تفلحي
[/size]

[minina2601]

السلام عليكم ورحمة الله
اشغلي نفسك بطاعة الله خاصة الاستغفار احفظي القران بالاضافة الى ممارسة هواياتك تعلمي الخياطة والطبخ هكذا يمتلئ يومك بكل خير ان شاء الله

[ولد حمد الباتني]

اخدمي كوارطك واطلبي الطلاق على الأقل كي يكونو عندك لكوارط تبقالك فرصة للزواج وفرص كثيرة جدا .....

[ام رضوان]

السلام عليكم
اختي ربي يهدييك وينور طريقك
شوفي من كلامك تباني بانك مقلقة بزاف وهذا شيطان حاب يخربلك دارك وانت راكي تساعدي فيه
زوجك ادرى بمصلحتك وهو راهو شرط شروطو وانت وافقتي
يعني تبقاي ملزمة بشروط زوجك مش تقبلي قبل الزواج ومن بعد تشوفي روحك مظلومة
واش الديري بالمخالة والله على قلقة وكثران الذنوب
اكثرياتنا احنا النساء نتلاقاو غير على القيل والقال وانت هناك ربي وانت تحوسي علىها
وزيد اصبري يرزقك ربي بوليدات وتعمري بيهم وقتك وتتهناي
وعلى الخروج راه يجي الوقت وهو يكره ويعود هو يقلك اخرجي تقضي وحدك
يااختي البنات يحوسو يتسترو مع ولد لحلال وانت عطاك ربي زوج محب لك وماكيش عارفة قيمتو
نصيحتي ليك اخيتي
حافظي على نعمة الزوج مادامهو شاريك وباغيك ولطيف معاك
ونقولك اختي اللي يهرب من الاتساع يواليه الضيق. وانت افهميها
ربي يبقي عليك الستر والعافية اميييييين

[ساجده 82]

سلام اختي راكي استعجلتي فوق اللازم خمسه اشهر راهم والو ياختي .
انا مغتربه فاتو ثلاث سنوات عاد هودت للبلاد
وكي طلعت كي يكون قادر يخرجني بالصح كان خدام في الليل وفي النهار يرقد ماندخل مانخرج مانعاشر ناس غربه بكل ماللكلمه من معنى .وكلنا فكرنا نفس تفكيرك واش داني نزوج للغربه وووو .حتى طي كنت نغير الاشياء ينزعج ولو في المطبخ ولكن عادي كان سنوااااات عايش وحدو ويجي واحد شريك معاه مش ساهل تبدليلو الطباع ولكن مر الوقت وبديت نخرج للطبيب ندي ولادي للبارك نخرج الوثائق نقضي.... مستحيل يبقى كيما كان .
زوجي اصبح انسان اخر مستحييل يقدر وحدو رغما عن انفه هده هي الغربه لازم تتعاونو نايقدرش يبطل خدمتو ويدي وليدو للمدرسه وللطبيب ووز
وانا نقولك كل شئ بالسياسه قالي ماتخالطيش مانخالطش ايه الخلطه حسبتي مليحه جيب غي المشاكل مش نقولك انعازلي ولكن الاحسن من برا لبرا .وضرك انا كرهت الخروج وايام الخروج وسنينو كان نصيب نزل في الدار ولكن تحتمت عليا نخرج يوميا .ندي ولادي يقراو ويلعبو وللطبيب .ههههخ نظلو متقاتلين على الخرجه انا مانبغيش ولكن لازم وزوجي يزعف طبعا يحتاج المساعده .
اما هده المخالطه .كانت صاحبتي راجلها مانعها منعا باتا تخالط .وهي ثاني ماتعرفش الناس ونهار زيدت تحتمت تخلي بنتها لصاحبتهااللي تعرفها من برا والان تروح ليها وتجيها ...
وهده تاع المصروف نت فقط تعالجي المشكل حنا ماعندنا مانديرولك كاين طباع متوارثه كاين كل واحد كيفاش المهم مارانيش نشوف باللي عندك مشكل اختي ضك تولدي وتتلهاي بولادك وترجع هده كلها توافه ..لازم تكوني رزينه والغربه تحب الانسان لفحل .مش من اول عثره تفشلي .مازال ماشفتي منها والو نساله السلامه كي تسمعي بفلان وفلانه مات ونت مش قادره تهودي كي تسمعي بالمرض وووو اما الفرح مانهدروش .عادي حنا ثاني كنا نقراو وعندنا حريات ولكن كي تتزوجي بزاف امور تتبدل سواء في فرنسا او في لبلاد حنا طابو قلوبنا نتمنى قدرت نوصلك الفكره شوفي نص الكاس المليان.

[oprah]

ya okhti 3lah raki tghomi fi rohek ga3 haka!!!!!!!astaghafri rabi
hadi el wihda daratlek hakda waliti tchofi rajlek el seba w chitane khalak hatta krahtih!!!!!!! yak rah ygolek ki nji nkharjek malgri yji 3ayane men lkhadma besah ykharjek mahagrakch
chofi rohek!!! lazm twalfi bechwia w lazem tkhalih ykarablek aktar beh ida wala yhabek bzf raho rayeh yafahmek
bechwia tatwalfo sadkini el 3am lawal s3ib f ghorba wala f dzayar

[روعة الصحراء]

منï؛چï؛³ï؛کï؛„ﻧï؛² ï؛‘ï؛ژï»ںï»*ï»ھ ﻛﻔï؛ژﻩ، ï»*ﻣﻦ ï؛ƒï»‹ï؛®ï؛½ ﻋﻨï»ھ ï؛چï؛‘ï؛کﻼ‌ﻩ، ï»*ï؛ƒï»—ï»‍ ï»ںﻮﻥ ﻣﻦ ï؛ƒï»ںï»®ï؛چﻥ ﻫï؛¬ï؛چ ï؛چï»»‌ï؛‘ï؛کﻼ‌ï؛€ ﻫﻮ ï؛چï؛³ï؛کï؛¸ï»Œï؛ژï؛* ï؛چï»ںï»®ï؛£ï؛¸ï؛” ï»*ï؛‡ï؛»ï؛ژï؛‘ï؛” ï؛چï»ںï»کï»*ï؛گ ï؛‘ï؛ژï»ںﻀﻴﻖ ï»*ï؛چï»ںï»کï»*ï»– ï»*ï؛چï»ںï؛¸ï»Œï»®ï؛* ï؛‘ï؛ژï»ںï؛¨ï»®ï»‘ ï»*ï؛چï»ںﻬï»*ï»ٹ ï»*ﻋï؛ھï»، ï؛چï»ںﻄﻤï؛„ﻧﻴﻨï؛” ï؛‘ï؛¤ï؛ژï»‌.
اختي في الله انت في نعمة كبيرة احمدي الله اولا اختي لديك الوقت الكثير استغليه في الدكر وحفظ القران لانك سوف تسالين يوم القيامة عن هدا الوقت لانها تجارة لن تبورجعلك الله اختي من الراشدين

[روعة الصحراء]

اليك هده القصةلعله تنفعك
الاستغفار و المشكلات الزوجية




اقتباس:
يقول أحد الأزواج:كلما أغلظت على زوجتى أو تشاجرت أنا وهي أو صار بيني وبينها أي مشكلة أهم بالخروج من البيت من الغضب ووالله لا أفارق باب العمارة إلا وتجتاحني رغبة شديدة في الذهاب للاعتذار منها ومراضاتها, أخبرتها بذلك فقالت لي: أتعرف لماذا ؟؟
قال لها : ولماذا ؟ قالت بمجرد أن تخرج من الغرفة بعد شجارنا ألهج بالاستغفار ولا أزال أستغفر حتى تأتي وتراضيني

[زهرة الريف*]

مكانش الكمال في الدنيا وكل واحد واش عندو.....أختي راك في نعمة قولي الحمدلله واطلبي من ربي يرزقك الذرية الصالحة والمعافاة يملاو عليك الدار ويشغلوك وزوجك كما راك تقولي مليح معاك ويمكن عندو اسبابو لي خلاوه يدير هكذا وزيد مكذبش عليك هو شرط وانت قبلتي. ...اصبري اختي ومع الوقت والحوار الهادء مع زوجك إن شاءالله يلين ويغير بعض من أسلوبو راكم في بداية الطريق متتسرعيش باش متندميش