أرجو من الرجال الدخول

[مشكلتي]

السلام عليكم ورحمة الله

أنا سيدة متزوجة من سنوات ليست بالطويلة. مشكلتي أنني أشك في زوجي أنه يشرب الخمر.

لاأعرف كيف أتأكد من ذلك. بصريح العبارة كيف يبدو شارب الخمر الذي لم يصل إلى درجة السكر.

أعتذر على هذه القاذورات لكن مابيدي حيلة. فوالله لقد تعبت

أختكم التي ترجو نصحكم

[خالد عنابي2]

شارب الخمر دون سكر تعرفين ذلك من رائحته

[KARIO]

ان شاء الله تكون شكوكك في غير محلها
لست رجل و لكن سافيدك من تجارب احدى المقربات مني, الرجل لما يحب يشرب فستجدينه يسرف في استعمال العطر كي لا يكشف امره, و ان كان لا يضع عطر بامكانك اكتشاف الامر من خلال الرائحة (رائحة كحول مع رائحة خاصة)
راقبي حركاته عند قيامه بامر يتطلب مجهود كصعود الدرج و غيره فالامر اكيد يؤثر على اتزانه و بولي ثقيل
و ايضا راقبي لون العينين فستجدينه مائل للاحمرار
الله يهدي زوجك و يهدي سرك

[- بصمة خير -]

فرضا عرفتي من بعد؟
تفضحي زوجك؟
و ممكن ابو اولادك؟
رايحي تواجيهه ؟ رايح ينكر و رايح تكبر المسافة اللي بيناتكم
و يكرهك راكي طيحتي بيه
و انتي اللي ممكن راكي تفكري في الطلاق هو اللي يطلقك و يفضحك و يدمر حياتك
راكي تعبي في نفسك معاه
شاكة فيه
احكيلو حكايات على نساء ازواجهم يشربو الخمر
مثلا قويليو اليوم وحدة المنتدى قريت زوجها يشرب الخمر و راهي ... و زيدي من عندك كما تحبي
او قوليلو اليوم في برنامج ديني وحدة اتصلت تشكي من زوجها اللي يشرب الخمر و حكم الدين ووو
او قوليلو قريتي قصة واحد يحكي على توبته لما تبع اصدقاء السوء و يشرب الخمر وووو و كيفاه ضيعولو حياتو لما شافوه متزوج و مرتاح في زواجو وووو وكيفاه حتى ضاعت حياتو و خسر الدنيا و الاخرة
الله يكون معاك و الله ما راهي ساهلة اللي راكي فيه
ابتلاء من عند الله
ان شاء الله تنجحي في الاختبار و تصبري و الله يجازيك على صبرك كل خير
ما قولتيناش اذا زواجكم فيه مشاكل ممكن راه يهرب من المشاكل
او خدمته او عنده مشاكل او او
لكن بدون ما يشك راكي تحكي عليه
خليها ببراءة
و الفاهم يفهم

و اهم سلاح في الزواج
الدعاء
لان قلب و عقل الزوج و الزوجة عند الله
زوجك و تحبيه و حابة النجاح لزواجك و حابة تحافظي على بيتك
داومي تصلي ركعتين في الليل الله يهدي زوجك
الله يقوي زوجك على المغريات
الله يبعد زوجك على اصدقاء السوء

الله يقويك و يصبرك
الله عطاك هذا الابتلاء باذن الله تقديرو
و توصلي لبر الامان

و اللي شافها الله حنا ما شوفناهاش

علابالي كاين بزاااااااااااااااااااااااااااااااااااااااااااااااا ااااااااااااااااااااااااااف
يعارضو كلامي
اقراو ردي و عاودي حتى تفهموه مليح
و اللي ما عجبوش كلامي مش لازم يطبقو
و مش لازم يردي عليا
كل واحد حر في تفكيرو

[amira19]

ان شاء الله يكون شكك في غير محلوو اختي
راني حاسة بيك حبيبتي اصبري اصبري اصبري و ديري في بالك الشك هو مدمر السعادة الزوجية
انا مع الاخت البنفسجية لان ديننا امرنا بالستر و عدم التجسس ووووو
كل هدا باه ما يعيشش الانسان في دوامة الشكوك لانو كل طيشتي الغاشي من راسك تعيشي ملكة
ما تبحثيش و ما تشكيش انساي الامر حتى ولو كان يشرب يجي نهار و يفيقولو الناس و تفيقي و لو ما يكونش يشرب راح تكوني ظلمتيه

ربي معاك يا لخية

[نورسين.داية]

السلام عليكم

و لما لا توجهين له السؤال مباشرة ؟؟؟؟؟ و على إفتراض أنه سوف يخفي الأمر لما ؟؟؟؟؟؟

بالنسبة لعلامات السكر عدم الإتزان في الحركة و الوقوف + و رائحة الفم تميل الى رائحة الحليب الحامض تميل لرائحة الخل

إحمرار في الوجه و على الخصوص الخدين إحمرار غير طبيعي ....و لو بياض العين يميل الى الإحمرار و تلاحظي أن التركيز ما يكزش كامل ....تحسيه إنسان سفيه و بعامل الزمن تسقط جميع أسنانه و تتبدل ملامحه مثل العمال الدين يعملون بمداومة الليل

كان يدرسني أستاد في الجامعة له هذه المواصفات من كثرة تأثير المسكرات عليه حتى سموه الطلبة شبشوب حتى كلمة أستاذ جامعي كانت اكبر من حجمه الصراحة .....عموما الله يهديه و يغفرلو إن شاء الله ......و ربي ينور بصيرنتنا للطريق الصحيح يا رب

[توحيد الجزائرية]

الستر وعدم المواجهة للغريب،،
اما الزوج ،،فهو المربي،،المسؤول ،،والاولاد يتأثروا بيه
مليح،،شارب خمر،استري،،ثم مخدرات ثم،،
والمال اللي يشري بيه ام الخبائث ؟
ينحيه على ولادو
عالجي المشكل بمواجهته،،،دعوته،،الدعاء له،،،

[- بصمة خير -]

الستر وعدم المواجهة للغريب،،
اما الزوج ،،فهو المربي،،المسؤول ،،والاولاد يتأثروا بيه
مليح،،شارب خمر،استري،،ثم مخدرات ثم،،
والمال اللي يشري بيه ام الخبائث ؟
ينحيه على ولادو
عالجي المشكل بمواجهته،،،دعوته،،الدعاء له،،،


هو راه يخبي على العائلة و الاولاد و هي تفضحو قدام اولادو
تقولهم شوفو باباكم القدوة واش يدير و هما تغيضهم روحهم يروحو يديرو كما باباهم
المرا تاع الصح دايما تخلي الاولاد يشوفو باباهم كبير و عزيز و قدوة لهم مش تفضحو
اذا مش على جال زوجها على جال اولادها
و الستر للقريب اكثر من الغريب
راهي رايحة تطيحي بروحها قبل زوجها و اولادها
و تخلي الخلق للخالق
و الصوارد هذه يتحاسب هو عند الله مش زوجته الي تحاسبو
راهي يخبي عليها و ساتر روحو ما تكبر القصة
راهي من بعد تندم ندمت حياتها و تعرف روحها ضيعت حياتها

[>>أثر الفراشة~~]

اختي البنفسجية اوافقك الراي ماشاء الله عليك


كنت اريد ان اقول ملاحظه الا وهي


كل فتاة و زوجة تنتظر ان يكون زوجها معصوم من الخطا


الانبياء والرسل و اخطاو وتاب الله عليهم


من تكون الفتاة او الزوجة هي اليست بشر؟؟ تخطئ وتعصي الله


ام ان فقط الرجل يجب ان يكون معصوم


زوجك لا ياتيك سكران للبيت؟؟


لماذا تحاولين الدخول الى دائرته السوداء


تحاولين فضحه ؟؟


حاولي تقيدم النصح له من باب التلميح


او الدعاء في وقت السحر


له بالهداية او الصلاح


اتعجب لحال الزوجات زوجها يحترمها ويخفي عنها معاصيه لكن هي تحاول التنبيش عنه كانه تزوج المحقق كونان


المهم انه لا يضربكِ وهو سكران او يؤذي اولاده



عليكن ان تفرقوا بين الزوج والرجل وان هذا الرجل هو مخلوق ضعيف


اكسبي زوجك ودعكِ من هذا التشكيك الذي لا يسمن ولا يغني من جوع


وان اردت لعب دور المصلحه فلا يزيده الامر الا عناد والامر الذي يستغير انه قد يسكر امامك


حينها تقومين بطلب الطلاق وهذا امر مشروع لك لكن تذكر حال المطلقة في مجتمعنا


فتيات عازبات ولم يسلمن مابالك املطلقه

[ساجده 82]

السلام عليكم ورحمه الله اختي انت طلبت علامات الشرب ما. طلبتيش راينا في المشكل
تقدري تلقاي العلامات في النت
واذا بغيتي النصح راهي نصحاتك الاخت بنفسجيه .مع اني لا اوافقها في نقطه هي ممكن عندو مشاكل ...متى كان الشرب حل للمشاكل. راه هو اساس المشاكل .كان جاء يحل المشاكل كان ماكاش قسم مشكلتي وكان رانا كامل نشربو الله يستر
ولكن اختي ماتفضحيهش لانه تذا صح يشرب بالتخبيه راه داير حساب للفضيحه ووو ولكن اذا فضحتيه راح يولي يشرب علنا
حاولي تعالجي الموضوع بطريقه ذكيه.ربي معاك

[hatem78]

إن كان يشرب الخمربانتظام و بكمية محدودة حتى لا يظهر عليه السكر فهو مدمن شرب الكحول ولا يستطيع في هذه الحالة التوقف إلا عن طريق العلاج الطبي فمعظم الرجال المتزوجون شاربي الخمر مدمنون, أما من كان شرب الخمر بطريقة فوضوية فكثيرا منهم يتوقف بمجرد أن يتزوج ويكون أسرة; نصيحتي لكي ياأختي وإن كان زوجك يشرب الخمر ستلاحظي أنه ثقيل في الحركة وإحمرار في العينين كأنه لم ينم لوقت طويل ورقبته تكون محمرة واحيانا يكون بروح مرحة ورائحة الكحول في فمه فحتما سيضع رائحة اخري او يأكل البصل لإخفائها; في الاخير ارجو منك التصرف بحكمة

[ولد حمد الباتني]

تشمي منو ريحة الكحول ولالكول والي يشرب الخمر باين حالتو

[- بصمة خير -]

شكرا اخواتي
***********************
اختي ساجدة و صاحبة المشكل
لما قلتها اذا كاين مشاكل مش يعني راني نقول اللي عندو مشاكل يشرب و العياذ بالله
لكن كاين رجال لما يكون في مشكل و ضغط عليه و ينقى روحو ما يعرفش يتصرف خصوصا اذا كان كاين ضغط يهرب من الواقع
بالتدخين المخدرات الخمر اللي يدير صاحبتو ........
اللي عنده ابتلاء و راه صابر و راضي بقضاء الله و قدره هذه راهي نعمة من عند الله راه صابر
و الواحد فينا يدعي و يقول اللهم لا تجعل مصيبتي في ديني
و كما قالت سميحة الراجل انسان ضعيف ما يقدرش يصبر على الوجاع
على الالم و تلاحظي اذا امرة وجعت راجل يكرها و الراجل دايما يحوس على راحتو لانه يكره اذا توجع
و لما قوتلها اذا كاين مشاكل راني حابة نشرلها اذا كاين مشاكل في الدار او في الخدمة او في العائلة الكبيرة او او او انها تصبره و توقف معاه
و تراضيه و تفكره في ربي و في الاخرة
و تقولو ادعي اللهم اجعل همي الاخيرة
يحس راه كاين الواقف معاه و يساند فيه
و اللي في مشكل مش اذا هرب للكحول او او او يعني عادي و الامر مقبول
لالا
ممكن تكون لحظة ضعف و باذن الله يرجع
راه عنده زوجته توقف معاه و تصبره و تربح باذن الله الاجر عند الله
لكن تكون نيتها ترضي الله مش دير مزية في زوجها


ان شاء الله تكون وصلت الفكرة

و صاحبة المشكل تتصرف بحكمة و رزانة
تعرفي لو تواجهيه رايح يجيبلك الكحول للدار و انتي تتفرجي
و كما فضحتيه هو يفضحك
مش رايح يسكتلك
و المجتمع تااعنا المراة ما يرحمهاش خلاااااااااااااااص
صدقيني راكي انتي الخاسرة الوحيدة
و اللي يقولك اطلقي لما تطلقي و دار باباك يكرهو منك و يلوموك و يقولولك لو صبرتي راكي انتي الغالطة وووووووو
و الناس تعرفيها و خصوصا اذا عندك الاولاد
هذو الناس اللي يقولولك اطلقي ثم ما يعرفوكش
و حتى واحد يوقف معاك
قدري موقف زوجك و راه يخبي عليك الامر هذا اذا صح
و استري عليه
الله يستر عليك دنيا و اخرة

و اللي يغلط مش يعني انسان ناقص و الا انسان مش مليح
لالا يعني غلط فقط
و الله سبحانو يغفر و الانسان لالا
الله سبحانو يستر و الانسان لالا

[abdel02]

قال صلى الله عليه وسلم:
: (ثَلاثٌ لازِمَاتٌ لأُمَّتِي : الطِّيَرَةُ ، وَالْحَسَدُ ، وَسُوءُ الظَّنِّ)

وفي رواية:
" ثلاث لازمات لأمتي : الطيرة ، والحسد ، وسوء الظن " . فقال رجل : ما يذهبهن يا رسول الله ! ممن هو فيه ؟ قال : " إذا حسدت فاستغفر الله ، وإذا ظننت فلا تحقق ، وإذا تطيرت فامضه "

[توحيد الجزائرية]

لاداعي لتهوين الامر وجعل شرب الخمر امرا يسيرا،
ترى هل يصلي ؟؟؟
الرضى بوضع الزوج و مسايرته واعتبار شرب الخمر مهرب من الضغط ،،او حرية شخصية ،،او كما اصبح يسمونه شراب روحي ،،فهذه طامة كبرى
اختي شؤم المعصية ستتجلى على بيتك واولادك،،،،
كلامي ليس تصريحا او تعريضا لطلب الفراق او اقامة مشاكل
كوني جادة وحريصة في التعامل مع هذا المشكل ،،،،وفقط

================================================== =====
علابالي كاين بزاااااااااااااااااااااااااااااااااااااااااااااااا ااااااااااااااااااااااااااف
يعارضو كلامي
اقراو ردي و عاودي حتى تفهموه مليح
و اللي ما عجبوش كلامي مش لازم يطبقو
و مش لازم يردي عليا
كل واحد حر في تفكيرو
===============≠================================== ==========

[- بصمة خير -]

يا اختي راكي تنسخي في كلامي
و انتي الاولى اللي ما طبقتيهش
انتي ما قريتيش ردي مليح
جاوبتك
لو انتي في الاول عطيتيها حل مش تنقدي في رأيي
ما نجاوبكش
**********************************
ما دمريش دارك بيدك و الله تندمي عليها حياتك
و قلبي راه معاك
الله يسخرلك زوجك و يهدي زوجك
غلط مش نهاية العالم
و مش يعني راه ناقص
الله اللي يحاسبو
لكن ما تكونيش انتي السبب المشكل يكبر
ممكن في اي لحظة يتوب و يفطن من الغلط
و انتي فكريه في الله في الاخرة
اذا عنده مشاكل فكيره في الصبر و اجر الصابرين
و كوني من اللي عندهم مفاتيح الخير
و ليس مفاتيح الشر
زوجك راه ساتر روحو عليك و على الناس
لو يتفضح ذنبه في رقبتك
استري عليه
يستر عليك ربي دنيا و اخرة
و اذا ما عندكش مشكل نتكلمو في الخاص
و الا
دعواتي لك
و قلبي معاك
عن أنس بن مالك -رضي الله عنه- قال رسول الله -صلى الله عليه وسلم-: ( إنَّ من الناس ناساً مفاتيح للخير مغاليق للشر، وإنَّ من الناس ناساً مفاتيح للشر مغاليق للخير، فطوبى لمن جعل الله مفاتيح الخير على يديه، وويل لمن جعل الله مفاتيح الشر على يديه )

[توحيد الجزائرية]

لست هنا للرد على كلامك او نقدك
نسخت عبارة كتبتها انت،تنبيها لك،،اذ كان يجدر بك الالتزام بها

•