هل افسخ الخطبة

[مشكلتي]

السلام عليكم ورحمة الله وبركاته مشكلتي هي اني مخطوبة لاحد الاقارب طبعا لم اكن موافقة في بداية الامر الا بعد ان سمعت عن خصاله الطيبة واخلاقه الحميدة و اقتديت بقوله صلى الله عليه وسلم اذ جاءكم صاحب دين وخلق فزوجوه لكني تفاجئت عندما رايت حسابه في الفيسبوك يتكلم مع البنات سيئات وينشر تعاليقه على صورهم والله اعلم ماذا يحصل في الخاص بعد ان رايت حسابه سقط من عيني وافكر في فسخ الخطبة مع العلم اني لااتحدث معه ابدا واستخرت عدة مرات ولم اعرف نتيجة الاستخارة
ارجوكم اشيروا علي هل افسخ الخطبة ام لا

[rose de sable s]

من افضل ان تواجهيه
ممكن قبل خطبة كان هدا طبعة و سيتغير
انت اكتبي له ملاحظاتك في فيس و شوف ردت فعله وهل سيغير طبعه ام لا
مشكل عندما تسالي علي خصال شخص ناس يعرفونه سطحيا لكن ما في داخله و طباعه حقيقية لا احد يعرفه فالشحص مع ناس في خارج ليس مثل البيت او مع زوجة

[فاطمة شلف]

السلام عليكم ورحمة الله وبركاته
ماذا اقول لك اختي الكريمة اتركها للايام تكتشفه اذا كتبه القدر فاهذا نصيبك
والخيرة فيما اخترها الله
وان لم يكن لك فلا تحزني خيره في غيره
الانسان متقدرش تعرفه الا اذا عشرته كيما يقول المثال العشرة فتاشة
اذا ان خير لك يارب تسهلك ان شاء الله
واذا كان شر لك اللهم اسرفه عنك واسرفك عنه
مودتي

[>>أثر الفراشة~~]

اولا احب ان ابارك لك خطوبتك

واقول لك الحمد لله انك وجدت رجلا في زمن كثر فيه الاعارض عن الزواج من الذكر او الانثى

ثانيا ماجاء في رسالتك ليس مقياسا على صلاح او فساد مخطوبك


المهم ان تلمتمسي فيه الدين وحسن الخلق


وان يعاملك بالحسنى والموده


ان كنتي مرتاحه له اقبلي به وان لم تكوني فلاتجعلي السبب فيما رايته- -في ال-فيسبووك


لكل شخص مساوئ وعيوب


انتِ ايضا لك عيوب حتما ان راها فيك سيغض الطرف عنها


استمري في صلاة الاستخاره

وان كان قدره الله لك فلا راد لقدر الله

وفقك الله

[جنى الجنتين]

سلام اختي على حساب ما حكيتي عينو طويلة و فيسيو ومكانش وفي و هو خاطب ف مابلك مزوج يا اختي هربي بجلدك لان الانسان لما يشوف صوالح كيما ماهوش قد المسؤولية

و تعتبر هذي الخيانة الالكترونية و غدوة تولي واقعية نصيحتي ليك فسخي الخطبة خير ما تندمي من بعد لان الدين و الاخلاق تطبيق مشي مظهر باش يقولو يصلي و سمحيلي

هاذا مايصليش او صلاته مشي صحيحة لان الصلاة التي لا تنهى عن الفحشاء و المنكر عمرها ما تكون صحيحة لازم تصلوها باش نرتاحو فيها مشي نصليها باش نريح منها

فهمي كلامي مليح مدام راكي في بر الامان و قبل ما يوقع الفاس ف الراس

وفي الاخير نتمنى ليك كل الخير الله ينورك

[زبدة ذايبة]

اهربي الليل قبل النهار

هذا النوع من الرجال لاأمان له ولا أمانة له

الرجل ا للي عندو بنات صحابات ماشي راجل

هو مجرد ذكر

رايح يشيبلك راسك قبل الوقت

ويديرلك السكر والهم تاع الدنيا

وتكبري قبل الوقت

نقولك ألف ألف مبروك اللي كتشفتيه على حقيقته قبل الزواج

قال راجل صالح !!!!!!!!!!!!!!!!!!

والطالح وش يدير ؟؟؟؟؟؟؟؟

هذا الشيء اللي باين قدام ربي وعبادو علاقات مع البنات واهتمام بهن وبصورهن


وماخفي كان أعظم

قاعد يلقط في لبنات من كل جيه

ولكل ساقطة لاقطة

أنا من رأيي خطيك منو راجل لكل النساء ماعندك ماديري بيه

ماشي هذا النوع من الرجال اللي تؤسس بيه البيوت

واللي يكون أب لأولادك . وتلقايه في اكتافك

يدافع عليك، ويحمي عرضك، ويحمي شرفك وشرف بناته

احمدي رب العالمين صباح وعشية أنك اكتشفتيه قبل الزواج

بئس الرجل الذي يتخذ المرأة صديقة

بئس الرجل الذي يتخذ أعراض المسلمات لعبة يتسلى بها

بئس الرجل الذي لادين ولاشرف له

أنا من رأيي أخطيك منو. ماعندك ماديري بيه

لو كنت متزوجة بيه واكتشفتي فيه هذا الشيء لكان ردي شيء ثاني

بما أنك لازلت في بر الأمان فهذا والله من نعم الله تعالى عليك

قوليهالو بصريح العبارة : أنا مانتزوجش براجل تاع كامل النساء

وأنت لك القرار الأخير

[جنى الجنتين]

اهربي الليل قبل النهار

هذا النوع من الرجال لاأمان له ولا أمانة له

الرجل ا للي عندو بنات صحابات ماشي راجل

هو مجرد ذكر

رايح يشيبلك راسك قبل الوقت

ويديرلك السكر والهم تاع الدنيا

وتكبري قبل الوقت

نقولك ألف ألف مبروك اللي كتشفتيه على حقيقته قبل الزواج

قال راجل صالح !!!!!!!!!!!!!!!!!!

والطالح وش يدير ؟؟؟؟؟؟؟؟

هذا الشيء اللي باين قدام ربي وعبادو علاقات مع البنات واهتمام بهن وبصورهن


وماخفي كان أعظم

قاعد يلقط في لبنات من كل جيه

ولكل ساقطة لاقطة

أنا من رأيي خطيك منو راجل لكل النساء ماعندك ماديري بيه

ماشي هذا النوع من الرجال اللي تؤسس بيه البيوت

واللي يكون أب لأولادك . وتلقايه في اكتافك

يدافع عليك، ويحمي عرضك، ويحمي شرفك وشرف بناته

احمدي رب العالمين صباح وعشية أنك اكتشفتيه قبل الزواج

بئس الرجل الذي يتخذ المرأة صديقة

بئس الرجل الذي يتخذ أعراض المسلمات لعبة يتسلى بها

بئس الرجل الذي لادين ولاشرف له

أنا من رأيي أخطيك منو. ماعندك ماديري بيه

لو كنت متزوجة بيه واكتشفتي فيه هذا الشيء لكان ردي شيء ثاني

بما أنك لازلت في بر الأمان فهذا والله من نعم الله تعالى عليك

قوليهالو بصريح العبارة : أنا مانتزوجش براجل تاع كامل النساء

وأنت لك القرار الأخير


الله يعطيك الصحة على الجواب كفيتي و وفيتي

[lwiza2000]

حيبقى الشك يفسدلك حياتك كون تكملي معاه

[amira19]

للاسف حبيبتي هذه افة العصر الفايس بووك الله يجيبلو زلزلة تنحيه من الدنيا
90بالمئة من الرجال المتزوجين يخدمو ف هاد الخدمة فما بالك بالعازب
انت لك القرار و ديري في بالك بلي موحال ينحي الفايس بوك حتى ولو اخفى ما يفعل الان راح يبقى في نفس الخدمة حتى بعد الزواج لانو رجعلهم فيس الله يسترنا منو
الرجال ضعفوا بززاف امام هؤلاء الفاسقات لي طالقين تصاورهم في السوق لمن هب و دب الله ينتقم منهن خربوا بيوت الجزايرين
ضرك المتزوج ما يمنع و العازب خلات عليه اكثر لانو ماعادش يثق في اي مراة من الشي لي راهو يشوف فيه
المهم لا حبيتي تنساي قصة الفايس بوك و تعيشي حياتك عادي قبل او بعد الزواج
ولا كنتي من ذوات القلوب الحساسة ماكان لاه تكملي معاه خاصة انه يجهر بالمعصية امام الملأ مام با ما اخفاش وش راهو يخلط

ضرك اي طفلة يخطبها واحد تروح تشوف السي في تاعو ف الفايس بوك لكن ممنوع لذوات القلوب المرهفة لي مازالوا يامنوا بالوفاء في زمن الغدر و الخيانة

[فاطمة شلف]

السلام عليكم ورحمة الله وبركاته
الله يجيب الخير
والف مبرك ان شاء
وكل شئ بالمكتوب

[النجمة القطبية]

انا نقولك يا اختي اللي ميخاافش ربي مراهوش رايح يخافك انتي
واللي خان الله سبحانه وتعالى يقدر يخون اي واحد حتى نفسه فما بالك بزوجته!!!!!!!!!
واسوء ما في الموضوع الجهر بالمعصية هادي قالتهم ارقدو
يعني مفكرش واحد يشوف المنكرات اللي راهو يدير فيها
او انه من النوع المفتخر تع انا راجل !!!!!!!! عادي خلي يشوفو
انا اعتقد انو هدي تعتبر نتيجة الاستخارة
والقرار الاخير لك
موفقة

[houda_jijel]

سلام اختي من الافضل تصارحيه و تخبريه بواش تحبي لاكان رفض لكي خيار الانفصال مزالكم مبديتوش المشوار و هاذو اللي راهم يقولولك اهربي و انفصلي مباشرة منضنش عندهم الحق لانو اغلبية الرجال لهم فايسبوك و يتحدثون مع نساء اجنبيات عنهم

[ام رضوان]

السلام عليكم
ربي يكتبلك اللي فيه الخير اميييييين
انت طلبتي المشورة وانا كون بنتي هي صاحبة المشكلة والله مايتم هذا الزواج باذن الله وكون يعود من الجامع مايخرجش
واش بغيتييييييه
طيشي عليك وافسخي الخطبة
تحوسي على نتيجة الاستخارة؟
هاو بينهالك ربي سبحانه
فايس بوك وتعليقات البنات هذا رجل صالح؟
يابنتي اللي فيه سوسة المخالطة تاع لبنات والله مايخطيهم وكون يعود يمشي على وجهو ونقولك المراةوالله ماتقدر على هذا الفعل
اناهذا رايي وانت ادرى بمصلحتك
ربي يرسيك على بر الامان امين

[khaled_123]

لا حوله و لاقوة الا بالله حابين تفرقوا بين اثنين على جال فايسبوك و الله جيل تافه حقا الفايسبوك يزوج و يطلق و يشتت اسر اتقوا الله الراجل جاك على سنه الله و رسوله و طلب يدك من اهلك لكي يقي نفسه فتنه النساء و ان خطأ هذا لايعني انه رجل غير صالح .حسب رايك بنت مثلا في سن المراهقة زنت ثم كبرت و تابت اذن هذه البنت لا ننزوج نحكم عليها بالاعدام ؟ رغم ان خطا هذا الشاب لا يقارن بالزنا مجرد فاسيبوك لا نعلم انه هو حقا او ربما كان غيره يستعمله انت لم تشاهدين بعينك يبقى التاكد 100/100 غير وارد
على العموم اذا كان المرأة الفايسبوك يفرق بينها و بين خطيبها حتى الراجل كي طيبلوا مرتوا القهوة و تنسى ملعقة سكر و لا متجيش بنينة لا نلومه اذا طلقها ؟؟؟؟؟؟؟؟
ما هذا الهراء ؟ الفايسبوك يا ناس الفايسبوك اصبح يطلق و يفرق ؟ انعلوا ابليس

[ندرومة49]

يا بنت الناس تأكدي مليييييييييييييييييييح هل هو حسابه الشخصي الرسمي وفيه صوره الخاصة به؟؟؟إذا كان نعم لابد من الأسئلة عن أخلاقه وتعاملاته مع الناس وعن أخلاقه وووو
****
أما إذا كان اسموا فقط ودرتي في بالك راه خطيبك راها ظن سيئ وباطل ماتقولين
أنا لدي حساب في الفيس بوك وهناك من يحمل نفس الإسم واللقب تماما من تلمسان من المغرب من ليبيا,,لذى أقول لك تأكدي أولا*******
أما بخصوص الأعضاء أقول لهم كما قال النبي صلى الله عليه وسلم: قل خيرا أو اصمت

[سفير الأيام]

اسمحي لي كاين رجال عندهم حسابات و قليل من البنات يعرفهن لكن لا يحدثهن على الخاص فلا تخطئي


خدي كلمة مرور حسابه وادخلي فيه وقت ما تشائين فغير السوي في افعاله سيتجنب اعطائك كلمة مرور الحساب


ثانيا ان كان ما ينشره صور فاسدة و يتلفظ بكلام بديء على المنشورات وما شابه فهدا لا يصلح اطلاقا وارفضيه لانه من حقك حماية نفسك من تصرفاته مستقبلا


دكرتني ان رجل لديه بنات قلة في الفيس وما ردك على فتياة لها دكور بكثرة تحث غطاء الصداقة ويسهرن الليالي حتى 4 تاع الصباح


ربي يعفوا علينا ويرزق كل واحد على حساب افعاله ونيته

حتى تقتنعي عليك الاستماع لرد الشيخ محمد العريفي في هدا الشان عنوان الفيديو :

https://www.youtube.com/watch?v=lEY9PwDE-Ls

[أم نفولة]

ربي يهديك أضن انه مشكل سهل الحل بعد الزواج

[انين القدس]

بئس الرجل الذي لادين ولاشرف له

[karimtito]

ربي يكون معاك ان شاء الله

[mimily]

نعظم الشباب هك اختي و الفايس بوك هذا قليل لي يعرفلو في بلادنا فيه التفاهات و الخماج ,,, انا في رايي ما تتسرعيش اهدري معاه قلو ما نحبش وش راك تدير في الفايس بوك و اعرفي كيفاه تهدري هة ينحي وش ما عجبكش اذا بدا يقول ما تحكميش فيا ولا ام صديقات برك ة لا كل يوم حجة بطلي لانو راح تتعبي و تبكي و انت تستاهلي احسن