الزوج واشغال البيت ؟؟؟؟

[ع.عيسى]

السلام عليكم
هل ترين ايتها الزوجة انه من واجب الزوج ان يساعد زوجته في شؤون البيت كتنظبف الصحون والمنزل وغسل الملابس والاعتناء بالاطفال ، ام انك ترفضين الفكرة وترينها انقاصا من رجولته ، لاني قرات في احد المواضيع ان مساعدة الزوج لزوجته في ااشغال البيت تزيد من محبتها له بشكل كبير ، فهل هذه الفكرة تنطبق ايضا على مجتمعاتنا ؟؟.........ما رأيك في هذا الموضوع

[تاج الهناء]

حاجة باينة حيعجبني الحال كي يعاوني زوجي و حتزيد محبتو على خاطر حنحسو ماهوش اناني و يقسم معايا خدمتي كوني عاملة انا تاني نعاون بالشيء الي قدرت عليه باش انقص عليه اعباء الحياة و المصاريف
ولكن ما نشرطش عليه عمل معين نخليلو حريتو و يعاوني بالشي الي يقدر عليه و يبقى قدرو عالي و راجل ياتم معنى الكلمة

[كاميلا]

زوجي يعاوني خصوصا كي خرجت من السبيطار بعد العملية كنت نمشي على وجهي معطاهش قلبه يخليني نتمرمد وحتى انا نعاونه في شغله نظمله الاوراق ونكتبله les rapports w les bordereaux
وكي نكون مريضة ايضا ماهو انتقاص من رجولته ولاشي انا خاوتي كانو يعاوزنو امي في الدار ودرك في ديارهم ايضا وكي يرفد ولاده وش فيها ؟ هل هم ولاد الناس يخي ولاده
المشكلة في التربية اللي تربى على الاعتماد على النفس يلوح يده في داره بلا ميقوله حد واللي رباته امه وهو شحط تجيبله كاس الما يشوفها انتقاص من الرجولة
رسولنا الكريم اشرف خلق الله كان يعاونهم وفي داك الوقت كاين الخدم نستنتجه من هاد الشي انه روح التعاون هي اساس الاسرة مش علاقة الاقوى سيود

[فاطمة شلف]

السلام عليكم ورحمة الله وبركاته
بارك الله فيك موضوع رائع
والله ماتنقص رجولته بل على العكس تزداد محبته
لكن ليس الشغل كله بل بعض الشغل
حتى الرسول صلى الله عليه وسلم كان يخيط ملابسه
تحية لكل رجل احب المراة من قلبه
وتحية لكل امراة احبت زوجها من قلبه
وبالتعاون تقوى المحبة وتنتج علاقات طيبة وحتى الاولاد يتطبعون على ذالك
الي هو التعاون
شكرا لك اخي عيسى وجزاك الله خيرا

[@ سنابل @]

السلام عليكم
للعلم فقط.. فإن عمل الزوجة في بيتها ليس واجب و لا فرض..
فقط تبعنا العادات نتاعنا السائدة.. يعني إذا خدمت المرا في البيت غير مزيا برك.. إذا بغات ما تخدمش و ما تكونش مذنبة
لا أتكلم عن فراغ.. حوسو في النات على فتاوى الشيخ عمر عبد الكافي و وسيم يوسف و غيرهم كثيرون يقرون بهذا..
يعني كي الراجل يعاون مرتو بالسيف عليه ( عفوا على اللفظ)..
و ثاني ينقص عليها ضغط بزاف؛ لان المرأة الجزائرية حليلها مسكينة ضغط كبير عليها ( و انا منهن طبعا)
و حاجة مليحة كي يتعاونو مع بعض ما ينقص منو هذ الشي والو

[جنى الجنتين]

ااذا ساعد الرجل زوجته في اشغال البيت فذلك قمة الرجولة وليس انتقاصا بل العكس المحبة راح تزيد و الدليل على كلامي مساعدة الرسول صلى الله عليه و سلم لزوجاته

تحية كبيرة لكل رجل يساعد زوجته ف البيت و الله نعم الرجل و بارك الله فيه

[*أم سجى*]

وعليكم السلام اخي مليح الرجل لما يعاون زوجته راح تزيد المحبة بناتهم والرسول صلى الله عليه وسلم أشرف الخلق كان يفعل هذالشيئ ومهوش انتقاص من رجولته .وقتاش يولي انتقاص من رجولته كي يكون الرجل يرمي روحو في كل كوزينة ويتدخل في مداخل النساء يولي يندحى في لعراس ولا مناسبات ولا في بيتو مع نسا اخرين غير زوجتو وتشوفو لداخل الكوزينة بيناتهم يعاون ثما يولي مش انتقاص فقط تروحلو الرجولة كامل

[ع.عيسى]

السلام عليكم ورحمة الله وبركاته
بارك الله فيك موضوع رائع
والله ماتنقص رجولته بل على العكس تزداد محبته
لكن ليس الشغل كله بل بعض الشغل
حتى الرسول صلى الله عليه وسلم كان يخيط ملابسه
تحية لكل رجل احب المراة من قلبه
وتحية لكل امراة احبت زوجها من قلبه
وبالتعاون تقوى المحبة وتنتج علاقات طيبة وحتى الاولاد يتطبعون على ذالك
الي هو التعاون
شكرا لك اخي عيسى وجزاك الله خيرا


ولك الشكر على المرور الكريم

[ع.عيسى]

السلام عليكم
للعلم فقط.. فإن عمل الزوجة في بيتها ليس واجب و لا فرض..
فقط تبعنا العادات نتاعنا السائدة.. يعني إذا خدمت المرا في البيت غير مزيا برك.. إذا بغات ما تخدمش و ما تكونش مذنبة
لا أتكلم عن فراغ.. حوسو في النات على فتاوى الشيخ عمر عبد الكافي و وسيم يوسف و غيرهم كثيرون يقرون بهذا..
يعني كي الراجل يعاون مرتو بالسيف عليه ( عفوا على اللفظ)..
و ثاني ينقص عليها ضغط بزاف؛ لان المرأة الجزائرية حليلها مسكينة ضغط كبير عليها ( و انا منهن طبعا)
و حاجة مليحة كي يتعاونو مع بعض ما ينقص منو هذ الشي والو

شكرا على المرور .....ولكن اختلف معك قليلا ....خدمة المراة في البيت ليست مزيا لانه بيتها ايضا وتعيش فيه واذا ما خدمتش راحة تمرمد روحها وتمرمد زوجها معاها ويقولوا الناس " مسكين الراجل جاب مرا معفونة " ..

[النجمة القطبية]

بالعكس انا لما يعاوني زوجي نحس انو يستحق كل خير
ويزيد يكبر في عيني
لانو باختصار ماشي كامل الرجال هكا واغلبهم يرمي ويوسخ
وبالتالي تصبح ميزة في الرجل انو متعاون ويرحم زوجته
زوج مثل هدا يستحق التضحية والمبادرات الحسنة من الزوجة
لكن كيما يقولوا انا شخصيا منحبش زوجي يتعب دون سبب منطقي
الرجل مهما كان يبقى الدور الاساسي تاعو خارج البيت
والمطلوب فقط يكون متعاون في بعض الامور البسيطة
او انو يوقف مع مرتو وقت المرض والتعب

[top o7]

التعاون شيئ ايجابي وبارادة منفردة يكون احلى

[FroM Hell]

كلام فارغ ,, عندما اقرا مواضيع هذا القسم احس اني لست جزائري ,, بفف
من لخر ,,, الجزائري مايعونش مرتو في اعمال البيت ويشوفها انتقاص من رجولته
انا اقول الجزائري
واما اذا كنا نحكو على رجل المنتديات ,,, فلكم الخط

[kala11]

صحيح عمل الرجل في مساعده زوجته تعطي لمسه حنيه في الببت ..لقد كان الرسول صلى الله عليه وسلم يساعد زوجاته ..فما بالك بزوجه واحده وعامله..اى هناك اعمال مشتركه ببنهما......

[@ سنابل @]

شكرا على المرور .....ولكن اختلف معك قليلا ....خدمة المراة في البيت ليست مزيا لانه بيتها ايضا وتعيش فيه واذا ما خدمتش راحة تمرمد روحها وتمرمد زوجها معاها ويقولوا الناس " مسكين الراجل جاب مرا معفونة " ..

مارانيش نهدر على كلام المجتمع.. راني نهدر من ناحية الدين و الشرع
لانو اذا هدرنا من ناحية عاداتنا و اعرافنا يصبح واجب و فرض عليها تخدم بيتها و الا رايحين يقولو عليها ماشي متهلية في دارها
اما الدين فلا يفرض عليها هذا الشيء ..
و الحل الامثل هو التعاون

[rose de sable s]

كما قالت الاخوات دلك يدل علي حبه و احساسه بتعب زوجته فهما شريكان في كل شئ
وايضا عندما تساعد زوجة زوجها في اعمال مثل بناء او طلي اليت و غيرها
لكن في واقع الاغلب رجال لن يفعل دلك
او 95 % لن يفعلها من جزائريين

[محمد عليلي]

السلام عليكم
للعلم فقط.. فإن عمل الزوجة في بيتها ليس واجب و لا فرض..
فقط تبعنا العادات نتاعنا السائدة.. يعني إذا خدمت المرا في البيت غير مزيا برك.. إذا بغات ما تخدمش و ما تكونش مذنبة
لا أتكلم عن فراغ.. حوسو في النات على فتاوى الشيخ عمر عبد الكافي و وسيم يوسف و غيرهم كثيرون يقرون بهذا..
يعني كي الراجل يعاون مرتو بالسيف عليه ( عفوا على اللفظ)..
و ثاني ينقص عليها ضغط بزاف؛ لان المرأة الجزائرية حليلها مسكينة ضغط كبير عليها ( و انا منهن طبعا)
و حاجة مليحة كي يتعاونو مع بعض ما ينقص منو هذ الشي والو

أتيتي بفتاوى شاذة ، مالا المراة ما تخدمش في بيتها واش راح دير
تخرج مع الرجال وتتحداهم في عملهم

[اميرة الزمن الجميل]

بارك الله فيك على الموضوع الطيب
بكل صراحة وبالنسبة لي ارى ان الاشغال المنزلية للرجل اهانة له وتنقص من رجولته الكثير وخاصة في. زماننا ،
رأيت رجال يغسلون الاواني وزوجاتهم جالسون يشاهدون التلفزيون .
احيانا المرأة تتمادى كثيرا .
الا في حالة ان كانت زوجته مريضة
يكفي على الرجل ان يكون منظم ويعلم اولاده النظام .

سلام من اختك اميرة اليالي البيضاء

[ميمي2012]

السلام عليكم ورحمة الله وبركاته

لا تنقص من رجولته ولكن في حدود المعقول
والمرة الفحلة تعرف وين ملازمش يعونها رجلها
وكين بنت الفاملية والمتربية لما يكون زوجها متفهم ومتعاون متطلقش روحها
شوف يا أخي لمل يكون نضيف ومنظم يعني عونها لما يشد الأطفال الضغار لما الأم تكون تطبخ او تقوم بأعمال البيت يعني عونها
لما تسمع منو كلمة بارك الله فيك يعني عونها لما يقللها بلي راه فرحان بيها وبعملها وتربيتها لأطفالها يطلعلها المورال ويعني عونها
اما انو يغسل المواعن وينضف كما قلت في حدود المعقول عند المرض لا قدر الله ، وبصراحة كين الي تستاهل وتعترف بالجاميل نتاعو وتحطو على رسها
وكاين الي خساره فيها لأنها تتمدى وتطلق روحا يعني بالمختصر المفيداعرف شكون تعاون
ومتى تعاون .

[Om mimi]

اكيد نفضل الزوج يساعد زوجته ولو بشيئ بسيط طبعا مش نهار كامل وهو مقابلها في الكوزينة ولكن إظهار الاهتمام و لو في المرض او التعب كاين أشياء لو اهتم بها بنفسه تحل عقد كثيرة النظام كوضع اشيائه بنفسه الحذاء في مكانو اوراقه مش من بعد يحط اللوم على الزوجة تنقص تعب المراة

[اميرة الزمن الجميل]

أتيتي بفتاوى شاذة ، مالا المراة ما تخدمش في بيتها واش راح دير
تخرج مع الرجال وتتحداهم في عملهم

بارك الله فيك
نقولك واش دير :

تتزين وتتجمل لزوجها وتقوم بتربية ابنائها
هذا هو العمل الرئيسي والاول للمرأة
اما تلك الاشغال المنزلية حقا انها مملة جدا خاصة
ان كان الزوج والابناء فوضويين .
نفس الاشغال تتكرر يوميا انها اشغال منزلية
روتينية وتأخذ كل وقت المرأة


سلام من اختك اميرة اليالي البيضاء

[فردوس الرحمان]

اشغال حاجة ضرورية ،تقوم بها المرأة ، هاد باينة لاه التنظيف والطبخ حاجات مملة، وزيد انا ضد فكرة الرجل يعاوني ، روحي انت للقهوة وخليه يخدم الشغل، يخي حالة