فهموني واش معناها راجل؟

[مشكلتي]

السلام عليكم و رحمة الله تعالى و بركاته

حبيت نفهم واش معناها كلمة راجل؟
من الصغر و هما يفهموني الراجل اللي يوقف معاك الراجل اللي ما تخافيش منو الراجل اللي يحسسك بالامان الراجل اللي كما تسحقيه تنقايه الراجل اللي يفرحك حتى لو يصراو المشاكل يرجع يفرحك
الراجل اللي يحمي ظهرك ماشي هو اللي يجيب الموس في ظهرك
و الراجل و الراجل
و لكن حياتي كامل و انا نشوف الراجل العكس واش راهم يفهموني
من بابا لخويا لجدي لخالي لعمي لولد عمي لولد خالي
خصوصا بابا دار فيا اللي عدوي ما يديروش
المنكر اللي دارو فيا بابا ربي اللي عالم بيه
و زيد يعمر في خواتي و خواتاتي عليا باش يكرهوني
و ربي عالم مش عارفة واش ديرتلو
راهي من الصغر و هو يكرهني
و كامل العايلة عارفة و لاواحد وقف معايا و صبرني
كامل يتفرجو و فارحانين مش عارفة ذنبي
يكذب عليا و يعلمني في الغالط
و كما نحتاجو و لا مرة نقيتو معايا و لامرة نقيتو واقف معايا
يقولوي اصبري تكبري و تتزوجي براجل صالح راكي مليحة
اللي تزوجت بيه حطلي الموس في ظهري و كمل عليا
شوي اللي كنت واقفة بيهم هو كمل عليا و خلاني في الارض و بقى يتفرج
اللي شوفتو من الرجالة ربي اللي عالم
راني حتى ما نخافش الرجالة
نسمع نساء بزاف يقولو الراجل واعر و نساء يخافو من الراجل
لكن انا لالا ما نخافش منهم و قادرة نديرلهم اكثر من واش دارولي
كانه تعودت على المنكر تاع الراجل تعودت على الشر و عرفت العقلية مليح
راجلي ذروك راه في مشكل كبير و صعيب و مش راحمني معاه
و انا مش حابة نزيد عليه راني صابرة معاه و نصبر فيه
و عارف راني نعاني كما العادة الراجل و انانيته دايما انا انا انا
مش عارف قيمتي
راني قادرة نجرحو و نكسرو كبريائو كما طعني في ظهري لكن مش قادرة
كامل يقولولي اهله اللي يعرفوه اصبري معاه تفوت الازمة برك راه مقلق و راه ممكن يدير حاجة في روحو و انا حابة نبطل تعبت
مش قادرة حتى نفكر في الخيانة لاني نخاف و نفسي لوامة
راني في 3 سنين و دمعتي مانشفتش
مش عارفة متى المشكل يتحل حتى نقول اللي في قلبي
حابة نرتاح راهي النار شاعلة في قلبي
حابة نقولو كل شيء حابة نحكيلو كل شيء
حابة يعرف اني مش خايفة منو
يعرف اني مش حابة نكون وحدي لكن نقدر نكون وحدي
اللي راني فيه فوق طاقتي مش قادرة خلاص
و الله فوق طاقتي
لاه مش حقي نتحب؟ مش حقي كلمة حلوة؟ مش حقي الحنانة؟
لاه انا اللي نصبر؟ حابة نهرب لمكان ما يعرفني فيه حتى واحد
ننسى كل شيء
لاه فهموني الراجل اللي يكون معايا راجل مش عليا راجل
دايما خايفة من الموس في ظهري و كل مرة يجيني الموس في ظهري
حابة نحس عندي راجل نقدر نعتمد عليه في الدنيا
راهي الدنيا و الناس عليا و انا وحدي
دايما وحدي حتى ماما محقورة
تعبت فوق طاقتي
راني هازة فوق طاقتي و مش عارفة لاه؟
واشي هو المقابل؟
فهموني واش معناها راجل؟
مش عارفة فاهمني او لالا راهي دموعي سيقتني و غلبتني

[وردة مـن ذهـب]

أرى أن دواءك في تقوية إيمانك، فالله تعالى يقول "ومن أعرض عن ذكري فإن له معيشة ضنكا" أي كلها شقاء و تعب، صلي في جوف الليل وابكي و تضرعي لله أختي و أحسني الظن بالله ولا تيأسي من رحمته فالفرج قريب بإذن الله، و تأكدي أن الله ما منعك إلا ليعطيك و ربما يبتليك بكل هذه المحن حتى تعودي إليه و تعلمي أن لا حاجة لنا في هذه الدنيا إلا لله، لا أخ و لا زوج و لا أب، بل لله وحده، هناك سيطمئن قلبك و اجعلي الآخرة همك، صدقيني ستأتيك الدنيا راغمة، زوجك سيطوع الله قلبه لك و ستعيشين معه كالملكة، اصبري ولا تيأسي، تقربي من الله، اكثري من قراءة القرآن و الذكر و التسبيح وابتعدي عن المعاصي، أكثري من الدعاء فقد قال تعالى : " وقال ربكم ادعوني أستجب لكم "
ألحي في الدعاء فالله هو الغني، أيعجزه أن يجيب دعواتك و هو يقول للشيء كن فيكون؟ فما ظنكم برب العالمين.

[طيور الجنان]

ياختي من كلماتك تباني مقهورة بزاف حسيت بيك ربي يفرج عليك ان شاء الله تقربي الى الله هو اللي يرحمك و تلقاي حقك عندو ادعيه استغفريه وان شاء الله تفرج عليك و تتهناي اختي الكريمة

[فاطمة شلف]

السلام عليكم ورحمة الله وبركاته
اختي الكريمة ربي يفرجها عليك ان شاء الله
من صبر نال والصبر مفتاح الفرج
استغفري وقرائي صورة المزمل ولا تياسي وادعي وتضرعي لله وحده لا شرك له كلنا مرينا بهذه المرحلة واذا حبتي تنجحي في حياتك كثري الدعاء
والاستغفار وعليك بصبر ثم الصبر
ربي يفرجها ان شاء الله وترجعلك راحة والله يهدي كل رجل كان خاطي الطريق وحتى المراة كذالك
سلام

[Davidcena]

ربي يفرج عليك انشاء الله

[*أم سجى*]

الله يفتح عليك حنونة الرحيم ربي سبحانو ما العباد المخير فيهم خلي البير بغطاه

[فتيحة تفاحة]

اكثر من الاستغفار

[amira19]

حسيت بكل كلمة قلتيها صدقيني راني حاسة بيك لاني مرا و المرا تفهم المرا بصح الراجل عمرو لا يفهم المرا

انا نقولك وش هي المشكلة تاعك انك تتوقعي من الراجل يكون و يكون ....لازم ما تزيديش تستناي من اي ذكر على وجه الكرة الارضية يكون و يكون و يكون ...
اطمعي في رب العباد ادعيه توكلي عليه استغفري عمري قلبك بربي و انساي عباد ربي
صدقيني رايحة تستراحي بزززاف كوني قوية و نورمالمون كي كان باباك ولا اخوك ميش ملاح تكوني اقوى مع الزوج لانو ما دللتي في دار باباك ما تستناي من الزوج يدلك
ربي يفرج عليك حبيبتي

[كورية مستذئبة]

ربي يفرج عليك اختي
وماتستنايش من حتى راجل يكون ويكون ويكون واخخطيك من لعباد
وكلي ربي هو المستعان سبحانو

[زبدة ذايبة]

انت نفسك ماراكيش فاهمتها حتى تحوسي تفهمي جنس آخر إسمه الرجل

بديتي باباك وعمك وجدك وخالك و....................

يعني كل هذا الناس مايصلحوش معاك

باباك يدير فيك المنكر غير انت علاه؟؟؟؟؟؟؟؟؟؟

وزيد

كي فتح عليك ربي تزوجت طبعا من رجل مع أنك من كنت صغيرة وانت مظلومة ومحقورة من طرف الرجل

درتي دار الله يبارك

لكن المشكلة مازالت معششة في ذهنك وهي عدم استيعابك لنفسك وعدم فهمك لها

وظهرت المشكلة تاعك في صورة عدم فهم الرجل

لكن الحقيقة كل الحقيقة انت ماشي فاهمة روحك بالتحديد وش تكوني وش دورك

تفكري في الخيانة ..... تفكري تحسسيه أنك قادرة تخلي زوجك وأنك مستغنية عنه ,انك حابة تبقاي معاه ولازم تصبري عليه ؟؟؟؟؟؟؟


يعني خالوطة راهي في راسك

اللي راكي تحوسي تفهمي الراجل هذا اللي مازال ماقدرتيش تفهميه وهو أب وهو أخ وهو جد وهو خال وهو عم وهو زوج

روحي ابحثي وحوسي على معنى المرأة

من الضروري جدا تعرفي المرأة شكون لازم تفهمي وش دورها وش واجباتها وش حقوقها

وش هي التصرفات اللي دير واللي ماديرش

وش هو لحلال وش هو لحرام

علاه راكي لاتية بحاجة ماتخصكش ؟؟؟؟؟؟

رب العالمين يسقسيك على روحك

ياهل ترى كنت طائعة لوالديك ولا عاقة ؟؟؟؟؟؟؟؟

ياهل ترى كنت طائعة لله ولا عاصية ؟؟؟؟؟؟؟؟؟؟

ياهل ترى كنت طائعة لزوجك ولا ناشز ؟؟؟؟؟؟؟؟؟؟

كي تعرفي إجابات هذ الأسئلة تعرفي نفسك لأنها هي الأساس

أما أنك تبحثي عن معنى الرجل مارايحة تلقايها في حتى قاموس

نفسك أولى أنك تعرفيها. لأنك ولللأسف الشديد مازال ماتعرفيش من هي المرأة

إذن ماعندكش الحق تسألي عن الرجل

وفاقد الشيء لايعطيه

[blanche rose]

اعتذر لضيق وقتي
لا استطيع كتابة رد طويل
ادخلي لجوجل او يوتوب
واكتبي الدكتور محمد راتب النابلسي
واختاري الموضوع اللي يناسب حالتك
واسمعي الفيديو
وقولي لراجلك تاني
نصائحه مفيدة جدا
ربي يسعدك

[أسيل 0022]

و الله لي صديقة ما يفعله والدها فيها لا يفعله اليهودي بمسلم
لذا لا أستغرب بتاتا قصة صاحبة الموضوع . ليس انحيازا لبني جنسي لكن ينبغي ان لا نتهم الفتاه بالكذب و لا نعرف عنها شيئاا :)

أول شئ أحييك لوقوفك المستمر ضد من يعتبرن انفسهم رجالا
فالمراة أقوى مما تبدو
لا تتوقعي سندا من الرجال . استعيني برب العالمين سبحانه و بالثلث الاخير و ادعي فيه ربك بقلب مكسور جريح و اشكي إليه همومك فوالذي خلق السماوات الارض ستتغير حياتك وهم سيتغيرون
ابقي صامدة :19:

[>>أثر الفراشة~~]

انت نفسك ماراكيش فاهمتها حتى تحوسي تفهمي جنس آخر إسمه الرجل

بديتي باباك وعمك وجدك وخالك و....................

يعني كل هذا الناس مايصلحوش معاك

باباك يدير فيك المنكر غير انت علاه؟؟؟؟؟؟؟؟؟؟

وزيد

كي فتح عليك ربي تزوجت طبعا من رجل مع أنك من كنت صغيرة وانت مظلومة ومحقورة من طرف الرجل

درتي دار الله يبارك

لكن المشكلة مازالت معششة في ذهنك وهي عدم استيعابك لنفسك وعدم فهمك لها

وظهرت المشكلة تاعك في صورة عدم فهم الرجل

لكن الحقيقة كل الحقيقة انت ماشي فاهمة روحك بالتحديد وش تكوني وش دورك

تفكري في الخيانة ..... تفكري تحسسيه أنك قادرة تخلي زوجك وأنك مستغنية عنه ,انك حابة تبقاي معاه ولازم تصبري عليه ؟؟؟؟؟؟؟


يعني خالوطة راهي في راسك

اللي راكي تحوسي تفهمي الراجل هذا اللي مازال ماقدرتيش تفهميه وهو أب وهو أخ وهو جد وهو خال وهو عم وهو زوج

روحي ابحثي وحوسي على معنى المرأة

من الضروري جدا تعرفي المرأة شكون لازم تفهمي وش دورها وش واجباتها وش حقوقها

وش هي التصرفات اللي دير واللي ماديرش

وش هو لحلال وش هو لحرام

علاه راكي لاتية بحاجة ماتخصكش ؟؟؟؟؟؟

رب العالمين يسقسيك على روحك

ياهل ترى كنت طائعة لوالديك ولا عاقة ؟؟؟؟؟؟؟؟

ياهل ترى كنت طائعة لله ولا عاصية ؟؟؟؟؟؟؟؟؟؟

ياهل ترى كنت طائعة لزوجك ولا ناشز ؟؟؟؟؟؟؟؟؟؟

كي تعرفي إجابات هذ الأسئلة تعرفي نفسك لأنها هي الأساس

أما أنك تبحثي عن معنى الرجل مارايحة تلقايها في حتى قاموس

نفسك أولى أنك تعرفيها. لأنك ولللأسف الشديد مازال ماتعرفيش من هي المرأة

إذن ماعندكش الحق تسألي عن الرجل

وفاقد الشيء لايعطيه


بارك الله فيكي زبدة ذايبة

رد رائع و يكفي ويوفي

[محارب الحمق]

ما أنت فيه قد يكون جزاء لأفعالك فكما تعرفين لا يمكنكي اقناعنا انك ملاك, ما أصابكم من مصيبة فبما كسبت أيديكم

[sousourose]

السلام عليكم
في العادة يعجبني رد الأخت زبدة ذاهبة وفي الأغلب نقتنع بيه 100% لكن هذه المرة أنا لا أوافقها لأننا نعيش في مجتمع ذكوري في الأغلب حقار تلقى الأخ يقسو على اختو والزوج حدث ولا حرج اما الأب إذا ماحقرش بنتو اكيد في أكثر العوايل يحقر أمها فتتولد لبنتو العقدة، والسبب أنو الذكر في مجتمعنا يفسر الدين على هواه، حسبنا الله ونعم الوكيل في كل أخ حقر اختو وفي كل زوج حقر زوجتو. أما أنت الأخت صاحبة الموضوع فصدقيني لست الوحيدة كذلك فمعظم العايلات الجزايرية تقريبا هكذا إلا مسعودة السعد شهدي واستغفري وادعي مولاك وجيبي ولاد يعمرولك حياتك وهذاك الرجل ديريه أب لاولادك أما أنت ماتستنايش منو الكثير باش ماتتعبيش في راسك والله يفرج كربك
فقط ملاحظة حبيت نوجهها للأخت زبدة ذايبة أختي حبيتك تعاودي تقري موضوع الأخت مليح لأنو كأنك أنت اللي مافهمتيهاش هي لم تقل أنها قصرت في حقهما (الاب،الزوج ) هي قالت رغم تعسف والدها إلا أنها صبرت حتى تزوجت، ورغم طعن زوجها لها في الظهر إلا أنها لا تزال صابرة وواقفة معاه في الشدة

[abdoulay]

يا اختاه اصبري فرضي ربك افضل وان الله لم يخلق الناس جميعا متشابهين خاصىة الرجل فهو معروف بعناده وقسوته وانانيته لكن ليس لدرجة ان يفرق بين اولاده انت ما عليك سوى ان تدعي ربك ان يهديه هو وجميع المؤمنين
ربي يفرج عليك ان شاء الله تقربي الى الله تعالى واصبري فان بعد العسر يسرا

[dr-7ooda]

حاولي ان تسايسي الرجل

[pauvre]

السلام عليكم و رحمة الله تعالى و بركاته

حبيت نفهم واش معناها كلمة راجل؟
من الصغر و هما يفهموني الراجل اللي يوقف معاك الراجل اللي ما تخافيش منو الراجل اللي يحسسك بالامان الراجل اللي كما تسحقيه تنقايه الراجل اللي يفرحك حتى لو يصراو المشاكل يرجع يفرحك
الراجل اللي يحمي ظهرك ماشي هو اللي يجيب الموس في ظهرك
و الراجل و الراجل
و لكن حياتي كامل و انا نشوف الراجل العكس واش راهم يفهموني
من بابا لخويا لجدي لخالي لعمي لولد عمي لولد خالي
خصوصا بابا دار فيا اللي عدوي ما يديروش
المنكر اللي دارو فيا بابا ربي اللي عالم بيه
و زيد يعمر في خواتي و خواتاتي عليا باش يكرهوني
و ربي عالم مش عارفة واش ديرتلو
راهي من الصغر و هو يكرهني
و كامل العايلة عارفة و لاواحد وقف معايا و صبرني
كامل يتفرجو و فارحانين مش عارفة ذنبي
يكذب عليا و يعلمني في الغالط
و كما نحتاجو و لا مرة نقيتو معايا و لامرة نقيتو واقف معايا
يقولوي اصبري تكبري و تتزوجي براجل صالح راكي مليحة
اللي تزوجت بيه حطلي الموس في ظهري و كمل عليا
شوي اللي كنت واقفة بيهم هو كمل عليا و خلاني في الارض و بقى يتفرج
اللي شوفتو من الرجالة ربي اللي عالم
راني حتى ما نخافش الرجالة
نسمع نساء بزاف يقولو الراجل واعر و نساء يخافو من الراجل
لكن انا لالا ما نخافش منهم و قادرة نديرلهم اكثر من واش دارولي
كانه تعودت على المنكر تاع الراجل تعودت على الشر و عرفت العقلية مليح
راجلي ذروك راه في مشكل كبير و صعيب و مش راحمني معاه
و انا مش حابة نزيد عليه راني صابرة معاه و نصبر فيه
و عارف راني نعاني كما العادة الراجل و انانيته دايما انا انا انا
مش عارف قيمتي
راني قادرة نجرحو و نكسرو كبريائو كما طعني في ظهري لكن مش قادرة
كامل يقولولي اهله اللي يعرفوه اصبري معاه تفوت الازمة برك راه مقلق و راه ممكن يدير حاجة في روحو و انا حابة نبطل تعبت
مش قادرة حتى نفكر في الخيانة لاني نخاف و نفسي لوامة
راني في 3 سنين و دمعتي مانشفتش
مش عارفة متى المشكل يتحل حتى نقول اللي في قلبي
حابة نرتاح راهي النار شاعلة في قلبي
حابة نقولو كل شيء حابة نحكيلو كل شيء
حابة يعرف اني مش خايفة منو
يعرف اني مش حابة نكون وحدي لكن نقدر نكون وحدي
اللي راني فيه فوق طاقتي مش قادرة خلاص
و الله فوق طاقتي
لاه مش حقي نتحب؟ مش حقي كلمة حلوة؟ مش حقي الحنانة؟
لاه انا اللي نصبر؟ حابة نهرب لمكان ما يعرفني فيه حتى واحد
ننسى كل شيء
لاه فهموني الراجل اللي يكون معايا راجل مش عليا راجل
دايما خايفة من الموس في ظهري و كل مرة يجيني الموس في ظهري
حابة نحس عندي راجل نقدر نعتمد عليه في الدنيا
راهي الدنيا و الناس عليا و انا وحدي
دايما وحدي حتى ماما محقورة
تعبت فوق طاقتي
راني هازة فوق طاقتي و مش عارفة لاه؟
واشي هو المقابل؟
فهموني واش معناها راجل؟
مش عارفة فاهمني او لالا راهي دموعي سيقتني و غلبتني



الراجل في زمن السلم يهرب من المشاكل و يبعد عن البلاء ما يحقرش الناس ما يظلمش الناس ما يضربش الضعيف ما ياكلش دراهم الناس ما يسرقش الناس ما يضربش الشيتة و يخدم ما يطلبش الناس و في زمن الحرب تجده في الصفوف الاولى يقاتل المحتل

[ندرومة49]

أرى أن دواءك في تقوية إيمانك، فالله تعالى يقول "ومن أعرض عن ذكري فإن له معيشة ضنكا" أي كلها شقاء و تعب، صلي في جوف الليل وابكي و تضرعي لله أختي و أحسني الظن بالله ولا تيأسي من رحمته فالفرج قريب بإذن الله، و تأكدي أن الله ما منعك إلا ليعطيك و ربما يبتليك بكل هذه المحن حتى تعودي إليه و تعلمي أن لا حاجة لنا في هذه الدنيا إلا لله، لا أخ و لا زوج و لا أب، بل لله وحده، هناك سيطمئن قلبك و اجعلي الآخرة همك، صدقيني ستأتيك الدنيا راغمة، زوجك سيطوع الله قلبه لك و ستعيشين معه كالملكة، اصبري ولا تيأسي، تقربي من الله، اكثري من قراءة القرآن و الذكر و التسبيح وابتعدي عن المعاصي، أكثري من الدعاء فقد قال تعالى : " وقال ربكم ادعوني أستجب لكم "
ألحي في الدعاء فالله هو الغني، أيعجزه أن يجيب دعواتك و هو يقول للشيء كن فيكون؟ فما ظنكم برب العالمين.


أحسن رد اقرائيها مرات ومرات هذا دوائك وأحسن إجابة شافية

[رَكان]

السلام عليكم
1ــ اجابة عن سؤالك ..
نسمع كلمة راجل متداولة كثيرا وخاصة في المواقف الحرجة ..راجل لاتعني أبدا عمر ..سليم ...سفيان ..طاهر ...حميد...
ليكن أي اسم سيفي بالغرض لشخص نبيل .صاحب مروءة عندو النيف وخاطي حقار .وصبور ولايتسرع في الحكم على الآخرين ..ويؤثر غيره من القريبين منه على نفسه ويتحمل بدلا عنهم الأثقال والأوجاع ...لكن ...خذي لك مئة ألف من الذكور فهل ستجدين منهم راجل كيم تقولي ؟؟؟
2 ــ رسمت لنا مشهدا فيه ضحية وحيده وهي أنت ..أما غيرك فجلادون ..كلهم ..قد تكونين فعلا مظلومة لسبب على القل أنك من النوع الذي يرفض أن يكون ضعيفا أو ضحية .ولو في صغائر الأمور ..تحتجين تتمردين عن واقع ربما سيئ تقبل به غيرك من النساء في مجتمعنا المحافظ قد يكون ذلك فلست المسؤولة عنه فأنت خلقك ربك هكذا بهذه التركيبة ..ربي يلطف بيك ..أو يكون غير ذلك قد تكونين ممن يريد أن تستقيم له كل شؤون حياته بما يشتهي وعلى المحو الذي يريد وإلا فالثورة على الجميع .تشعلينها ..
الله عليم يحالك ولايمكن لأي كان أن يحكم عليك بشيء ...لكن ..هناك تلميحات بين أسطر مضوعك صراحة مخيفة ..إحذري يا سيدة احذري أن تنجرفي ..إحذري أن تنجرفي الى مسار ...مجرد وضع قدميك عليه تكونين قد بصمت بالعشرة أنه لاطريق من ورائه للعودة ..كثيرات فعلن ذلك وندمن وهيهات لم ينفعهن ندمهن وقضين بقية حياتهن حسرة وألما ودموع ...أسأل ربي لك اللطف ..