أهلــــــي يرفضون العرســــــــــان ... انصحوني

[مشكلتي]

السلام عليكم اخواني أخواتي
مشكلتي واضحة من عنوانها
أهلي يرفضون العرسان الذين يتقدمون لي لأسباب أراها واهية مثل "أصل الشاب مثلا" و لا يحاولون السؤال عن الشاب أبدا بل يرفضونه مباشرة
أنا مقبلة على انهاءدراستي و لا أفكر بالعمل
أريد فقط السترة ...
أريد الزواج من أجل ستر نفسي من الحرام و لكن أهلي يرون أني مستعجلة
لا أعرف كيف أوصل فكرتي لهم فهم غير قابلون للنقاش بل في العديد من الأحيان لا يخبروني أصلا بمن تقدم إلي
لا أريد سوى حلالا أستر به نفسي و تكون لي عائلتي الخاصة
كيف أوصل لهم الفكرة ؟؟؟؟؟؟؟؟؟؟؟؟؟؟؟؟؟؟؟؟

[ثلجَة]

سلام

حاولي التحاور مع أمك و اوصلي لها رايك بهذا الشأن

ان أقنعتها برأيك سوف تقف في صفك و تقنع الوالد

أمر أخر ربما مكتوبك لم يحن بعد، لأن الحاجة اذا كتبها ربي لا مرد لها

كان الله في عونك

[- بصمة خير -]

تعرفي المكتوب واشي هو؟؟؟
هذاك هو
مكتوبك مازال ماجاش
اللي كاتبو الله مازال ما لحقش
كما يلحق واحد ما يقدر يجي لطريقك
واحد ما يقدر يقولو لالا
لان مكتوبك الله رايح يسهلك ويسهلو كل شيء
هذه كامل اسباب فقط حتى يلحق مكتوبك
انتي ديري الاسباب
اقراي القران، ادعي، الصدقة المهم ديري الصالحات
و الله ييسر لك امورك
تقدري تروحي لجمعية حفظ القران
نيتك تكون تتعلمي القران حتى يكون الاجر
و ممكن نصيبك ثم
تقراي على الحياة الزوجية
تقراي على المرأة حتى تفهمي نفسك
تقراي على الرجل حتى تقدري تتعاملي معاه
و اهمها تقراي و تتعلمي حتى تكوني زوجة صالحة و يكون عندك المؤهلات اللي تخليك تكوني امرأة للزواج
تقدري تروحي تصلي الجمعة و نيتك الصلاة مش الزواج
و ما تعرفيش وين راه الخير ليك
اللي شافها ربي حنا ما شوفناهاش

*النصائح راهي نصائح شيخ ينصح البنات انهم يديرو الاسباب و الباقي على الله*
انتي ديري اللي عليك

[قمرْ~]

مثل ماقالو الاخوات مكتوبك ماجاش ماتستعجليش وهذك المقولة مانخدمش راني باغية السترة ماتنفعش تنفعك خدمتك حوسي على ابخدمة اولا والستار ربي سبحانه ماشي الراجل

[صمت الرجوله]

لماذا تعتقدين انه يجب عليك ايصال الفكرة..الهذا الحد اصبح طلب الحلال صعب
ياختي سهليها تسهال ,قليها مباشرة لاهلك و بصريح العبارة و بدون خجل,قولي "انا اريد الزواج"

[nasser26]

مثل ماقالو الاخوات مكتوبك ماجاش ماتستعجليش وهذك المقولة مانخدمش راني باغية السترة ماتنفعش تنفعك خدمتك حوسي على ابخدمة اولا والستار ربي سبحانه ماشي الراجل

انتي حوسي على خدمة وتشرطي حتى يبانلك الضو ... هي مقتنعة بهذا الشئ لأنو يظهر عليها صح بنت أصل وتحوس الحلال بدون أي خلفيات

أما تفكيرك انتي العمل ومعلاباليش هذا يعكس شخصيتك ونيتك ... واصلي هكذا ومن بعدا عضي على يديك

[*أم سجى*]

انا مع راي الاخ صمت الرجولة مدام والديك محبوش يفهمو رواحهم اخرجيلهم ديركت بصريح العبارة لأنو أرى أن التلميحات لن تنفع مع والديك ولو كانت نافعة لراهم فهمو رواحهم

[اميرة اليالي البيضاء]

بارك الله فيك
اذهبي وقولي لامك :
اماه نسبة العنوسة ترتفع يوما بعد
يوم وشباب اليوم يتزوجون بالصغيرات لا بالكبيرات
واذا بقيتم هكذا سابقى عندكم
وعندما اصل الى الثلاثبن ستندمون
وسأحملكم كل المسؤلية .
وان اضطر الامر كوني جريئة وقولي
هذا الكلام لوالدك
لعله يقتنع وينعل ابليس ويزوجك ؟

الزواج من حقك فالا تتنازلي عليه
لعادات وتقاليد ابوية

لكن الزواج له مشاكل ويجب ان تتحملي المسؤلية لكي لا ياتي
يوما ويقول لك والدك:
اصمتي انت من كنت تريدين الزواج

اقنعي امك بالكلام وبعدها امك
تقنع اباك

وان كان اباك لم يقتنع فالسلام
عليك وعليهم
ومبارك عليك الدخول الى العنوسة
رغم انني لا اتمناها لاي فتاة

سلاااااااام من اختك الاميرة

[صفيان 11]

نعم البنت انتي اختي ربي يبارك فيك كما قالو اصحاب المنتدى اخطيك من التلميحات و قولي بصريح العبرة راني حايب نتزوج وربي يبارك و نعم البنت انتي

[lalib40]

كارثة................

[lalib40]

بغاوك تخدمي 5 سنين عليهم ..... بغاو الدراهم

[فاطمة شلف]

السلام عليكم ورحمة الله وبركاته
بارك الله فيك على الصراحة اختاه حب ذى لو تصارحي امك اقرب اليك
وكي يكتب المكتوب هو من يدق عليك الباب
ربي يسهلك ان شاء الله

[ع.عيسى]

الله يعينك ويهدي والديك ،

[randa3]

كيما قالولك كامل صارحي أمك أنك حابة تتزوجي وتديري أسرة
وهي رايحة تقنع أبوك وبالتالي كي يكتب المكتوب يكونو متقبلين الفكرة ان شاء الله
ربي يسهلك أمورك

[- بصمة خير -]

نصيحة اختي
اذا مازال ماجاش المكتوب اخدمي اذا نقيتي عمل مليح
حتى تعاوني نفسك و تجهزي روحك
كما تحبي
الله يفرحك

[mourad73]

ana abhatho aan zawjatin Fadhila min osra Fadhila...tatawafaro fia kolo achorout min aaal wa maskan wa abhatho aan zawja la taamal....hal takbalinani zawjan....wallahi al aadhim inni sadi9 fima a9oul...onwani fi al Hotmail howa: mournour2008@hotmail.com

[جنى الجنتين]

ana abhatho aan zawjatin fadhila min osra fadhila...tatawafaro fia kolo achorout min aaal wa maskan wa abhatho aan zawja la taamal....hal takbalinani zawjan....wallahi al aadhim inni sadi9 fima a9oul...onwani fi al hotmail howa: mournour2008@hotmail.com


هههههههههههههههههههه الخطابة لحقوك حتى فالعالم الافتراضي :1:

نصيحتي لك مادام حابة تتزوجي صارحي امك و دافعي على حقك فهميها مليح لانك لو قريتي و خدمتي ريح تخلصي ضريبة البوران وحدك :1:اخ

الله يهدي والديك اما بالنسبة للاخ حبيت نقولك كاين قسم خاص بطلبات الزواج في قسم الاقتراحات و سبر الاراء اكتب فيه مواصفاتك لعل و عسى

تجد فيه مولات الدار:1: الله يفتح عليكم اجمعين

[sohaibdz]

قولي للوالدة تاعك او اذا عندك اخت اكبر منك بلي راكي حابة تتزوجي و خلاص مهيش حاجة صعيبة

[منى27]

رانا كامل اهلنا يرفض العرسان وتقعد هي حاجة مكتوب متعمريش راسك بأنو اهلك هم السبب انت عيشي حياتك واخدمي وين يكتب ربي بجي هارب ولا زارب كما بقولو ناس بكري

[فافا مينوشة]

ختي نصيحة وعن تجربة خوذي راي اهلك راهم حابينلك الخير انا كنت نقرا فليسي وكانو اهلي يرفضو لمصلحتي حتان جا واحد تكربشت فيه ويبست راسي هو ولا هو تخطبت سنوات وانا مخطوبة معاه حتى هاه جبد بيا الحبل وحبست معاه من تم قلت لي يديروه دارنا ولي يشوفوه حتان جا مكتوبي من ولاية خلااااااااااف وبعيدة وسهل ربي وقبلو دارنا بكل سهولة وانا حتى كونت روحي وخدمت وهاني فداري حنونتي متتغريش بلبنات لي راهم تشوفيهم مخطوبات ويغيروك بلخواتم والحوايج والجهاز شوفي وش يخرج عليك وزواج مهوش غير هدوك الامور راه مسؤولية عزيزتي قالك من غير يما وبابا ناس قاع كدابة واهلك مادابيهم يشوفوك في عز راجل يحبك وتخرجي من تحت جناحهم ووكلشي مكتوب ربي
ربي ييسرلك حنونتي ويكتبلك الخير

[عثمان الجزائري.]

الله المستعان، هداهم الله، لكن طيبي نفسا بأن ما قدره الله لك سيكون..