مارايكم هل هذا مقبول

[مشكلتي]

تقدم لي شاب قبل ست سنوات
وعندما عالجنا الشروط اشترطت له منزل منفرد هذا مكان اما المهر فقد تنازلت عنه لاني قادرا نشري وحدي
هو قام ببناء غرفة نوم ومطبخ فوق منزلهم العائلي
والان خرج عليا طريق قلي نسكن مع والديه ومكانش المنزل المنفرد
انا اشترطت بيت منفرد لاني مكنتش راضيا بفكرة الزواج مطلقا لظروف صحية وهو لي الح عليا باش نقبل وفهمتو بلي منقدرش نتحمل مسؤوليه كبيرة
المهم انا مؤخرا قبلت نعيش مع والديه بصفتهما كبار فالسن وامه عاطلا بسبب مرض مزمن
انا نرفدهم على العين والراس لكن فوق والديه والله منزيد غرام
قتلو اذا جات عمتك ولا خالتك القهوة ومنطيبهاش
واخواتو متزوجات كي يجو للدار والديهم يدبرو روسهم والله منرفد مطرق
الله يسهل ماهمش ضياف دار باباهم وهوما يدبرو روسهم
والمشكل الاخر انو امو عاطلا مما يتسبب في عدم ذهابي الى زيارة عائلتي وامي ماتجيش ليا بسبب المسافه والبعد
المهم انا نرفد امو وابوه الكبار في السن على العين والراس والبقية معلاباليش بيهم كي يجو نسكر شمبرتي ونقعد نتفرج ولا نرقد
علاه راني نقول هاك لانو دارهم يظلو يجو ليهم عماتو وخالاتو كل وقت ثما وكل وقت يتعشاو ويتقهواو
وانا منقدرش نظال ندور وانا اتناول الدواء فبمجرد نسيانه يوما واحدا يكلفني الامر الدخول للمستشفى ومرضت منذ تلطاش سنة ومزلت
مارايكم هل تفعلون مافعلت لو كنتم مكاني ومن يؤيدني في امري

[ام رضوان]

السلام عليكم
شوفي اختي نقولك حاجة الزواج هذا راهو باين من عنوانو لاه قعد حتى لستة سنواااااااات والله زمن طويل
انت تحوسي تهزي امه وابوه كبار في السن وانت مريضة
من بعد يرزقك ربي باولاد غير تقدري تربيهم وتكبريهم
وزيد مازلتي مادخلتيش وبديتي الديري في المشاكل تحوسي ما جيه لا عمة لاخالة لا اخت
وتدخلي وتسكري الباب يعني تحوسي تعوقي امو مسكينة مريضة وتزيد تشوف الحقرة تاع ضيافها؟
كون تواخذي من رايي ماعندو ماداك لهذا الزواج
هو ماتلوميهش لانو دار في كلامو يمكن ماقدرش يخلي امه وابوه وهما كبار في السن هاذي حاجة واحد مايقبلها
خمي اختي ملييييييح قبل ماتتم هذه الزيجة
واول حاجة صلي صلاة الاستخارة
وشوفي مع روحك
لانو الشيء اللي راكي تخمي فيه والله مايديك بعيد
ربي يشفيك ويهنيك اميييييين

[kholode]

السلام عليكم
والله يا اختي هدا جنون بعينه اذا كنتي مريضة ولا تستطيعين تحمل حتى الضيف لماذا تتزوجين اصلا.فبعد الزواج ستنجبين الاولاد فمن يتحمل المسؤولية.

[*أم سجى*]

وعليكم السلام اختي ران حاسة بيك مليح راكي بنت اصل قبلتي ترفديلو والديه العاجزين وسمحتيلو بعدما خان العهد تاعكم وخرجلك طريق أما بالنسبة للضياف من عمات وخالات ربما كانو يجو كي كانت خيات زوجك عازبات كانو يقومو بيهم ويقصرو معاهم ...ربما ضرك تقل زياراتهم واذا بقاو يجو حطي منهم العين واثقلي بيهم مرة زوج يفهمو رواحهم ومايزيدوش يجو واذا مفهموش رواحهم طبقي واش قلتي طبعا اتظاهري بالتعب والعياء وروحي لغرفتك ريحي وربي يشفيك ان شاءالله

[تاج الهناء]

ديري وش يخرج عليك و هدا ادا كان راجلك راضي بيه
كل واحد فينا حاب يتزوج من اجل الاستقرار وواحد ماهو محتم عليك من غير والدين الزوج
هادو عمات وخالات ماهمشش محتمين عليك وانتي مريضة احكي مع راجلك في الموضوع بجدية و ادا راهو باغبك راح يفهمك

[محمد1482]

انت بشروطك تريدين قطع صلة الرحم بين زوجك و اهله

[حياتي نبع امل]

فالحق ماراكيش غالطة وعادي جدا
ترفدي والديه ماشي بالسيف عليك .هذا اكرام منك لزوجك وطاعة له يعطيك الصحة .معليش هادوك اربحي منهم دعاوي الخير
الباقي نورمالمو كون جاو يفهمو كي يجو ينقصو عليك ولا يقولولك روحي لداركم فالوقت لي يكونو هوما تم
واذا كانو ضياف تاع حسنة في سنة واش عليه تقومي بالواجب واذا كانو تاع كل يوم ماراكيش ملزمة بيهم .ربي يهنيك ويشفيك

[نسيم الريح ش]

هدا كلشي يرجع ليك ما ديريش حاجة فوق طاقتك من بعد تندمي راك على البر خمي مليح

[ع.عيسى]

هذا غير مقبول

[ساجده 82]

والله ياختي استبقتي الاحداث بزاااف ماعليش راكي مريضه انوي الخير ربي يكملك يا سمحيلي هدرتك تخوف تاع والله مانحل الباب والله والله راكي تتحلفي هدا الشئ الدفين عندك راح يبقى حتى وقلت الزيارات تاع العمات والخالات . صايي اللي عندو عمتو وخالتو يقولها راح نزوج بالسلامه نتلاقاو في كاش عرس اوجنازه لا .مش هكذا .
اصلا. تبدل الزمان وكل واحد يدير عرايسو ويزوج بناتو يتلهى بيهم يعني رايحه تقل الزيارات وممكن الاحسان تاعك ليهم ربي يشفيك هومش لازم ولكن من باب الادب فقط .انا مديت رايي بصراحه ماتزعفيش كيما. قالتها ام رضوان هههه تحوسي تعوقي المخلوقه وماتدري راه يجرب فيك ويشوف انت زيني النيه وربي يكملك وهده سته سنين بزااااف يقولك الفرح عجل بيه.

[لمسة ابداع]

و الله يا اختي الدار اللي ما يدخلهاش ضيف ما فيهاش بركة
حاولي تكوني كريمة مع ضيافك و زينيى النيه بلاك يرحمك ربي و يشفيك
ربي يوفقك

[nidabaize]

ادا كانت نيتك هكدا اترك احسن يعني غير ما تغبنيش روحك وتتزوجى يا بنت الناس مين راكي مريضه لدرجه انك تقومي بوالديه والضياف لالا ياخى مين تطيبي رايحه تطيبي للعايله و ماكله نتاع 3 من الناس يقدرو يجتمعو فيها 4 و5 و البركه تجي من عند الله سبحان بالنسبه للضياف فى كل خطوه حسنه وحينما استضاف أبو طلحة رسول الله - صلى الله عليه وسلم – في بيته جاء عليه الصلاة والسلام ومعه سبعون أو ثمانون من أصحابه، فدعا في الطعام، ثم طلب منهم أن يدخل منهم العشرة ليأكلوا ثم يخرجوا ويأتي غيرهم ، حتى أكل الجميع وشبعوا من ذلك الطعام اليسير ، متفق عليه، واللفظ البخاري منهم ضياف ومنهم صله الرحم واعرفي مليح اليوم يجو على جال الكبار لكن مين يروح الكبير ادا شافوك بنت اصل يجو يزوروك ومين يكبرو ولادك يفرحو بامهم لانها كانت مراه صالحه الصدقات تدهب السيئات وتدكري كما تدين تدان .

الله يجيب لي فيها الخير

[أبو معاذ محمد رضا]

بهذه الأخلاق ماكيش داخلة داري كون تزيديني الصوارد.

[*أم سجى*]

بهذه الأخلاق ماكيش داخلة داري كون تزيديني الصوارد.

معليش اخي تفهمني شوي علاه ماتدخش دارك بهذ الاخلاق ؟ يعني واش دارت؟

[خالد عنابي2]

هذه الأخلاق ماكيش داخلة داري كون تزيديني الصوارد.

اذن عليك بشراء جارية وليس البحث عن زوجة

الزوجة ليست خادمة لاهل زوجها بل تفضلا منها فقط
وواجبها خدمة زوجها بالمعروف فقط

وزيد هي تنازلت عن شرطها بالبيت المستقل وقبلت خدمة والديه والقيام بامورهم

واش تحوس فوق هذا ؟؟؟؟؟

[حياتي نبع امل]

بهذه الأخلاق ماكيش داخلة داري كون تزيديني الصوارد.

وانت بهاذ العقلية كي تزيدلها الصوارد ماتقبلش بيك .

[sarl02]

ربي جابلك انسان لعل وعسى اخرجك من وضعك النفسي المرضي الي راكي فيه ..لكن انت لم تشكري النعمة راكي تضعين شروط اقل ما يقال عنها انها مجحفة ...كيف لرجل يترك والديه مقعدين ومريضين لوحدهما؟وانت علاش راكي مستبقة الاحداث وامسودة الحالا قبل ما اديماري ...زيني نيتك اذا كان هذا الرجل شاريك بما فيك..وبعدها يرحمها ربي سينو حبسي الزواج هذا نهائيا وريحي مع مرضك وهني المخلوق هذا منك.

[blanche rose]

احترت..هل أجيبك أو لا أجيبك عزيزتي
فأنا في فترة أحس أن دماغي قد تعب

لكني أحس بك
وأتمنى أن لا تخونني الكلمات فأجيبك بكلام معقول

عزيزتي

بر الوالدين من واجب الأبناء وليس أزواجهم أو زوجاتهم

يعني والديه مسؤولية خطيبك واخوته وأخواته
ولا تتنازلي عن مسكن مستقل ولو بطابق علوي فوق بيت والديه

لكن لا تبخلي عليهم بالاكل
فاللقيمات يبعدو النقمات

وانويها أجر وصدقة

المشكلة في السكن ببيت الأهل ليست في الطبخ والكنس ووو
بل في التدخلات..لاختلاف الافكار

وبما أن صحتك تكفي لتكوني زوجة وأم فهذا يعني أن تحافظي عليها لتدوم فترة أطول

صلاحية صحة المرأة تقصر بكثرة المسؤوليات والتعب والارهاق

اذن
شرط بيت مستقل لا تتنازلي عنه ولو بطابق علوي متوفر على كل الشروط
غرف نوم ومطبخ ودش وحمام.

تطبخي في دارك وتبعثي لوالدي زوجك كأجر وحتى تكسبي قلبه
الضياف ماشي ضيافك
وكأبسط خدمة تقدري تديريها حطي دائما صحن حلويات( اشري اللي يتباعو في علب)
وعمري تيرموس قهوة وحطي فناجين

وتسياق دار والديه على وخواتاتو
يجو مرة بالاسبوع ينظفوا الدار..هذا واجبهم..ملزمين بخدمة والديهم..


اللي جاء يفتحولو والدين راجلك الباب والقهوة موجودة.

و أركز سكنك في طابق مستقل لازم
لأنو يحسسك أنك زوجة ولست خادمة
تلبسي لزوجك أحلى لبس
تتمسخري معاه
تطيبو مع بعض فالمطبخ
تستحمي وقت ما تحبي..وأحد ما يقعد يحسبلك

..الخ
بلا ما يسمع واحد،وبلا ما يقلك نقصي صوتك او او

السكن المستقل لازم
وإطعام والدي زوجك اجر

والضياف ديري كيما قتلك
والمفروض ما تدخلي معاه في كل هذه المتاهات باش ما يكرهكش

كل كلامك لازم يكون لين وحنون مع زوجك
وقوليلو لا يكلف الله نفسا الا وسعها

فهميه انو مستعدة تخدميه من عيونك رغم مرضك
لكن هو ما يحملكش فوق طاقتك..باش ما تقصريش في حقو

ربي يسعدك حبيبتي

[أم سلوى]

كوني فقط طيبة...وكلش على ربي
يعني واحدةدتشرب الدواء...لا اضن ان احدا سيقبلها....انت محظوظة ادن

[sarl02]

احترت..هل أجيبك أو لا أجيبك عزيزتي
فأنا في فترة أحس أن دماغي قد تعب

لكني أحس بك
وأتمنى أن لا تخونني الكلمات فأجيبك بكلام معقول

عزيزتي

بر الوالدين من واجب الأبناء وليس أزواجهم أو زوجاتهم

يعني والديه مسؤولية خطيبك واخوته وأخواته
ولا تتنازلي عن مسكن مستقل ولو بطابق علوي فوق بيت والديه

لكن لا تبخلي عليهم بالاكل
فاللقيمات يبعدو النقمات

وانويها أجر وصدقة

المشكلة في السكن ببيت الأهل ليست في الطبخ والكنس ووو
بل في التدخلات..لاختلاف الافكار

وبما أن صحتك تكفي لتكوني زوجة وأم فهذا يعني أن تحافظي عليها لتدوم فترة أطول

صلاحية صحة المرأة تقصر بكثرة المسؤوليات والتعب والارهاق

اذن
شرط بيت مستقل لا تتنازلي عنه ولو بطابق علوي متوفر على كل الشروط
غرف نوم ومطبخ ودش وحمام.

تطبخي في دارك وتبعثي لوالدي زوجك كأجر وحتى تكسبي قلبه
الضياف ماشي ضيافك
وكأبسط خدمة تقدري تديريها حطي دائما صحن حلويات( اشري اللي يتباعو في علب)
وعمري تيرموس قهوة وحطي فناجين

وتسياق دار والديه على وخواتاتو
يجو مرة بالاسبوع ينظفوا الدار..هذا واجبهم..ملزمين بخدمة والديهم..


اللي جاء يفتحولو والدين راجلك الباب والقهوة موجودة.

و أركز سكنك في طابق مستقل لازم
لأنو يحسسك أنك زوجة ولست خادمة
تلبسي لزوجك أحلى لبس
تتمسخري معاه
تطيبو مع بعض فالمطبخ
تستحمي وقت ما تحبي..وأحد ما يقعد يحسبلك

..الخ
بلا ما يسمع واحد،وبلا ما يقلك نقصي صوتك او او

السكن المستقل لازم
وإطعام والدي زوجك اجر

والضياف ديري كيما قتلك
والمفروض ما تدخلي معاه في كل هذه المتاهات باش ما يكرهكش

كل كلامك لازم يكون لين وحنون مع زوجك
وقوليلو لا يكلف الله نفسا الا وسعها

فهميه انو مستعدة تخدميه من عيونك رغم مرضك
لكن هو ما يحملكش فوق طاقتك..باش ما تقصريش في حقو

ربي يسعدك حبيبتي


خدمة والدين الزوج واجب عليك وليس منة وثواب كما تقولين ...اذا انت عندك ر اجل يمشي بالمنطق تاعك هذا وراه صابر وضارب النح لاي سبب كان فلا تحسبي ان كل الرجال كيفكيف ...لذلك فنصيحتك هاته تصب الزيت على النار فاحتفظي بها لنفسك وربي يهديك.

[T.HANANE]

والله غير يحيروني بعض الردود كيفاش ترفد العين من ضيافها يا اختي راكي رايخة تتزوجي مشي تحوسي اذا ماكيش قادرة تتحملي المسؤولية وراكي مريضة ربي يشفيك مي متغبنيش ولد الناس والله غير حرام تقطعي صلة الرحم يرحم بابك كيفاش تقدري تخزني فشمبرتك وتخلي الدياف عيب وحشومة ثانيا ماكيش قادرة تطيبيلهم غير رحبي بيهم و ضحكي فوجوهم احسن من الدنيا ربي يشفيك أن شاء الله