نصيحة لي حاب يشري تليفون متسمعش لهاذو الناس

[Zaki Dilmi]

السلام عليكم


كاين حاجة لاحظتها في منتدى شراء هواتف كي واحد يحدد ميزانية لهاتف معين نقولو 4 ملاين يقول انصحوني بهاتف كاين ناس جي ليه و لا ليها يقول
علاش ترمي دراهم في تليفون غالي اشري تليفون تاع مليون و خلاص

انا مفهمتش حاجة

علاش لي لاباس بيه و عندو دراهم تحبو تعيشوه زوالي هو و لا هي عندو قدرة يشري حاجة غالية علاش بسيف كاين ناس تحب تعيشو زوالي ربي رزقو ربي يزدلهم المهم خاوتي كون لوجيك
كاين ناس تقول المهبول لي يرمي 5 ملاين في تليفون يا اخوة بسيف تحبو تعيشوهم زواولة انصه بهاتف خليه ربي يحاسبو على دراهمو

علابلي درك يجيك واحد يقول انت لاباس بيك الحمد لله زوالي نموت زوالي بصح كي تخالط ناس تتعلم حاجات

اربي يوفق المهم

[خالد عنابي2]

اولا هذا موضوع غير تقني ولا يمد بصلة لقسم الهواتف النقالة
ثانيا نعم نقولها ونعاودها 5 ملاين في تليفون = راك ترمي في دراهمك
2 ملاين ولا 2ملاين ونص ولا اكثر شويا نورمال بالصح 5 ملاين و 7 ملاين اسمحلي

بهذا المبلغ نقدر نشري هاتف ذكي + هاتف عادي(حطبة) + تابلات 3جي + حاسوب محمول + 6 اشهر انترنت وتفضال 5000 دج هههه

وعلاه نروح يحشيلي تليفون ب5 ملاين راهو مهما طار وهبط يقعد تيليفون برك ماهوش راح يعوض الجاسوب ولا حتى التابلات ولا حتى الكاميرا تع اليد

[خالد عنابي2]

تبع معايا :

تابلات من عند اوريدو + 6 اشهر انترنت ب15000 دج

تليفون حطبة من عند جيزي ب2100 دج

ناتبوك لينوفو ويندوز 7 ب2400 دج

هاتف ذكي لينوفو a1000 ب8000 دج + شهرين انترنت ومكالمات

المجموع كم ؟ المجموع 49100 دج خخخخخخخخخخخههههعهعهع

نورع انا نشري تيليفون ب5 ملاين ؟ هع ماكانش منها حبيبنا !!!!

[Zaki Dilmi]

و عليكم السلام حاجة للولة شكون قالك تقني موضوعي


جاببلي ربي جاوبتك في الموضوع اصلا موضوع لعندهم نفس تفكيرك مفهامتش واش ننزيد نفهمك
كاين حاجة ان راني نهدر على ناس لي يشرو حاجة غالية مقتلكش كيف تستغل خمس ملايين كل واحد عقليتو بصح مشي بصيف تفرض عقليتك و لي يشري تليفون غالي جايح و لي يشري حاجات بزاف سما هو فور
واش قلت متتقق معاك لحد ما بصح يا خويا بادراجة نقولو واش دخلك فيهم علاش يشري تليفون كيما نتا تحب 2 ملاين فاصل 90 دج -_- خويا كنك لوجيك بسيف تعيشو كيما تحب انت ربي رزقهم تعيشهم بنفس مستوى معيشتك خليه

[خالد عنابي2]

هه يا اخي الموضوع ليس هكذا

الموضوع هو انه مالازمش ترمي دراهمك حتى ولو عندك الدراهم التبذير موش مليح

لو كانت الاسعار الباهضة تعكس جودة المنتوج لقلنا نعم ولكن انك تجد فارق بسيط في الجودة مقابل فارق كبير في السعر

مانيش نحكي على هواتف 8000 دج

ولكن هناك هواتف جيدة من هواوي مثلا ومن نفس جودة السامسونغ وباسعار اقل كثيرا

ولا الشركة الاخرى آبل منعرف وش حاسبين رواحهم

هوما اصلا شبعو تمويلات حكومية لتطوير منتوجاتهم ومنعرف علاه يبيعوها غالية كاهذاك

انا مطلبتش من الناس المرفهة تعيش بمستواي لاني شخصيا مكتفي بهاتف لينوفو تاع مليون

والدليل اني اقترحت كيفية اخرى لصرف مبلغ 5 ملاين

ليس لانه واحد عندو الدراهم معناتها يبيجنوه ويريشوه ويصرف بلا حساب ويدفع لحاجة اكثر مما تستحق

هذا ماكان

تشري هاتف ب5 ملاين في النهاية راح تلقى اشياء بسيطة يتميز بيها ويقدر يديرها ولاخر تع 8000 دج مايديرهاش

على جال جيروسكوب وبصمة الاصبع وكاميرا بجودة اعلى قليلا و1 جيغا زايدة فالرام يديلي 4 ملاين زيادة هه كلا شكرا

[Zaki Dilmi]

شوف يا اخي واحد مينكرش كان عندي نفس تفكريك كيفكيف وانا مام لوكان عندي دراهم لوكان راح نشري قد واش عندي انا تيفون تاعي 6000 da
بصح كي تهدر وتشوف ناس تتعلم شوية بلي هو كل واحد عندو تفكير خاص بيه انا راني فاهم واش راك تقول مليح بصح عن تجربة ناس لي تشري تليفون غالي هي مراهيش ضيع دراهمها انا و ياك و لي كما حنا نشوفو تضيع للمال بصح هواا راهو يعيش على حساب مستوى معيشتو كيما انا و ياك و لي كما حنا نعيشو على مستوى معشتنا
خرجتلي على الموضوع تاع ابل علاش غالية و سامسونج نجاوبك لخاطش راك تشري ماركا Samsung apple دارو اسم في السوق و كسبو ثفة الناس يعني راك تشري اسم قبل من تليفون حاجة الثانية داخلا فيها النقل للبلد ووو

[خالد عنابي2]

بالمناسبة كاين هواتف ذكية سعرها قل من 7000 دج فالسوق هه ماركة ستريم الجزائرية

طبعا مانيش نقول لازم الواحد يبقى لاصق فالمينيمون وارخص الاسوام حتى هاذوك الهواتف يقلقو

لي عندو وحاب يصرف ويحب النوعية يشري هواتف اغلى

لكن بشرط ان الفارق في النوعية يتوافق مع فارق السعر المدفوع

خاطي يهفني بالاسم والماركة ويديلي دراهمي

طبعا لي يشري الهواتف الغالية جدا ماهوش خاسر ولكن كان قادر يجيب نفس النوعية او اقل بشكل طفيف مع اقتصاد كبير في السعر

هي معادلة السعر والنوعية والرغبة والقدرة الشرائية ولازم تتريقل مليح

[lolo joli]

تسما أنا راني حاب نشري لأيفون 7 بلوس نجي نسقسيكم باش تحبطولي الموارال هههه
كل واحد و تخمامو و أنا نوافق الأخ " كل واحد يتحاسب على دراهمو"

و صح كاين ناس مرحية بـ5 ملاين يقضي بيها 8 تيليفونات ههههه

[FayssalGsm]

خالد عنابي2
**************

تحليلك غير منطقي يا أخي
الأشياء من بينها (الهواتف) عبارة عن أذواق تقتني الأفضل
تقتني الأسرع الأخف والأكثر تحديثا الأكثر توافقا الأحسن كاميرا... إلخ

لديك المال وتستطيع شراء هاتف ممتاز يمكنك ذلك لكن أن تعرف كيف تشتري وليس أن تشتري فقط
هنــاك أشخاص لديها المال وتعرف قيمة الهاتف تعرف مامعني cpu.ram.rom.storage.camera...إلخ
وهنــاك من لايملك المال الكافي لكنه يعرف كذلك جل الأشياء في تلك الهواتف ويحاول أن يقتنيها

تبذير المال ربما لها رؤية مختلفة ربما ذلك الشخص وضعه المادي لابأس به
ربما متوسط الحال لكنه لا يملك مسؤلية على بيته أي يشتغل لنفسه وللأشياء التي يشتريها
فلا تستطيع أن تقول بأن يشتري هاتف مثلا بــ(2مليون) ربما وضعه المادي يستطيع شراء هاتف أكثر ثمنا

على نفسي أنا أحب مثلا التكنلوجيا أحب أن أقتني الأفضل دوما (لأنه في ميدان عملي)
أحب الهواتف الأحسن تصنيع والأكثر ثبات وأقتني الجديد فقط لكن قبل ذلك أكون قد جمعت عليه معلومات كافية


ثم إن شركة APPLE من أفضل الشركات العالمية في إنتاج هواتفها
كل عام تبتكر أشياء جديدة من ناحية السرعة من ناحية الكاميرا وأشياء أخرى كليا في النظام
مثلا أنت تشتري LENOVO A1000 هنــاك برامج لا تشتغل عليه وألعاب كذلك هنــاك تحديثات لا تتوافق عليه
ضف إلى ذلك مشاكله الكثيرة وأنا اعرف هذه الأنواع من Lenovo 1000+A319+A6000 وغيرها
لأني صاحب محل ويوميا أستقبل الكثير منهم وكلهم ماكل سوفتوير أما apple ممكن في الشهر يأتي جهاز به مشكلة ما
أما أنظمة التشغيل تعتبر apple من أفضل الأنظمة سواء في الثبات أو من المتابعة الدائمة لهواتفها
ونظام أندرويد تحسن عن سابقه لكن به بعض المشاكل خصوصا في متجر google play
لأنها تصرف النظر عن المطورين وتريد شهرة أكثر لمتجرها ..
لأن هنـاك تطبيقات تم مرور الكرام دون معاينتها نظرا لما تملك من ملفات تروجان
وهذا لأنها تتوغل للهواتف وسرقة أشياء الناس (صور أرقام فيديوهات . حسابات بنكية ..إلخ)

الحديث يطول عن هذا الأمر لكن كما قلت لك اذواق الناس تختلف ;)

[خالد عنابي2]

FayssalGsm (http://djelfa.info/vb/member.php?u=9591)

الامر ليس له علاقة بالمنطق اخي
وكما قلت من قبل اعيد اني لم اطلب من الناس ان تلتزم بالحد الادنى وتقتني هواتف 6900 دج

لكن هناك معيار الجودة الى السعر وهناك حد معين تتوقف عنده جودة الهاتف فهو في نهاية الامر هاتف متطور فقط ولا يمكن بحال من الاحوال ان يحل محل الاجهزة المتخصصة
مثلا هواتف اندرويد تدعم الطابعة ولكن من يمكن له ان ينجز مذكرة تخرج على هاتف اندرويد مثلا ؟؟

هناك حدود معينة لا يمكن للهاتف ان يتجاوزها لكن الشركات تسعى دائما لطرح الجديد وبعبارة ادق حلب جيوبنا والتحايل علينا وجعلنا نستهلك فوق حاجياتنا او خلق حاجيات جديدة وفرضها علينا نمطيا

وبالنسبة لهواتف ومنتوجات ابل فهي تتميز بالموثوقية العالية والامان والتناغم العالي ولكنها بالمقابل مملة وعملية جدا

بالمقابل هناك شركات صاعدة تنتج منتوجات عالية الجودة وباسعار مناسبة

لماذا الالتصاق بالاسماء الكبيرة التي حققت الشهرى وصارت تبيع بالاسم وترى في نفسها مدايرة مزية فيك بينما الاخر يجري ورائك ويقدم لك مميزات مماثلة او مقاربة وبسعر مغري لكي يثبت نفسه في السوق ؟؟؟

من منكم سمع بشركة crius **** مثلا ؟

طبعا اسم نكرة ولكن اكشفن ان التابلات تاعهم جودة عالية ولديها شاشة احسن حتى من شاشة الهواوي واللينوفو الاكثر شهرة ويمكن مقارنتها بتابلات السامسونغ التي ثمنها 3 ملاين دون عقدة رغم انها بنصف الثمن فقط ؟

ما يكاvيونيش باسم التحلاب اخي هاتف ب12 مليون هه اعذرني لا يمكن النظر في هذا ابدا

[خالد عنابي2]

كريوس ميتا لا اعلم لماذا تحولت التسمية الى نقاط

[FayssalGsm]

السلام عليكم

بخصوص الغير منطقي وهو الحكم على الأشياء وعلى أذواق الناس ليس إلا.


على حسب تحليلك فهمت أن مشكلتك مشكلة أموال وليس تكنلوجيا الهواتف وماهو الجديد فيها
أما تلك الماركة إسمها crius mea التي تعاقدت معها شركة ooredoo وأنتجت إثنان تابلات هما Q7A و q7a+
أما إن كنت تقصد شركة اخرى لااعرف وأتمنى أن تضع معلومات عليها لنعرف أكثر


يا خوية أنت (تحصيلها) ماشي كيما اللي يرمي دراهمو ;)

سررت بالحديث معك صديقي

[beautifulmin85]

اولا صاحب الموضوع حسب ما فهمت فأنت لست من الطرف الآخر اي المرفهين الي يشرو واش حبو ؟؟؟

ولذلك يكف نناقشك في أمر انت لست طرفا فيه ؟؟؟

ثم مثلما تفضل الاخوة والاخ العنابي التبذير صفة مذمومة ويصل بهم الامر ان يكونوا هم والشياطين سواء اخوة كما جاء في القرآن

فكيف بمن يستطيع ان يلبي رغباته بمبلغ مثلا 2 مليون ان يقول مادام لدي المال متوفر فلأشترينفس ما يلبي لي الرغبات

بسعر أكبر ؟؟؟ هذا هو التبذير بعينه وصحيح انه لا احد يحاسبه في الدنيا ويفعل ما يحلو له ...

لكن رب العباد سيحاسبه يوما ما ... وكل فقير كان يستطيع ان يساعده ويشتري له بدلة تقيه البرد او أكلا يملأ بطنه

او حذاءا يحيم رجليه او قبعة تغطي رأسه ... او يشتري بتلك الاموال التي يتبختر بها ويرميها في ايفون او غالاكسي

يشتري حاجيات يتامى ينتظرون من يدق بابهم .. او فقراء يفترشون الطرقات يتسلون الناس ...

يساعد جمعية تعتني بالمرضى .... تلك الاموال ما اجملها لو أنفقها في دار المسنين او جمعيات اليتامى

كل هؤلاء واكثرهم يحتاجون تلك الاموال التي ترميها في قمامة يمكن ان تتكسر لك في اي لحظة

واسألك بالله يعني هاتف بخمسة ملايين ما الذي فيه ليس موجودا في هاتف مليون او مليونين ؟؟؟

انا لعلملك مجالي تصليح الهواتف منذ سنين عديدة واقول لك والله كلما زاد ثمن الهاتف الا وزاد معه وجع لراس

فاقل تكلفة صيانته من نصف مليون وصاعد ..... ليس كهاتف مليون او مليونين فماذا تقول يا رجل ؟؟

هذا وحسب كلامك انت محسوب على الزواولة والغلابة فماذا لو كنت انت احدهم اي مترفها ولم تجد اين تلقي باموالك ؟؟

فماذا كنت ستقول حينها ؟؟؟؟

ربي يهدي ما خلق والله المستعان واذكر نفسي واياكم بقول الرسول عليه الصلاة والسلام :

(لا تزول قدما عبدٍ حتى يُسألَ عن عمُرهِ فيما أفناهُ، وعن علمِه فيما فعل، وعن مالِه من أين اكتسَبه وفيما أنفقَه، وعن جسمِه فيما أبلاهُ )

[thorpe]

تبع معايا :

تابلات من عند اوريدو + 6 اشهر انترنت ب15000 دج

تليفون حطبة من عند جيزي ب2100 دج

ناتبوك لينوفو ويندوز 7 ب2400 دج

هاتف ذكي لينوفو a1000 ب8000 دج + شهرين انترنت ومكالمات

المجموع كم ؟ المجموع 49100 دج خخخخخخخخخخخههههعهعهع

نورع انا نشري تيليفون ب5 ملاين ؟ هع ماكانش منها حبيبنا !!!!


ناس تحوس على النوعية وانت تحوس على الكمية روح اشري لي حبيت انت
وشنو دير في بالك بلي حتى لينوفو لي راه يجيك هنا ويتباعلك هنا موش كيما لينوفو تاع الكابا لي يكون مبعوث ليسوق في اوروبا او اسيا او امريكا
ماشي كيف كيف حبيبنا تاعط راه البياس نوعية اقل من الرديئة وتاعههم نوعية الممتازة
ولاكان حبيت جيب زوج وديماري لعبة فيهم في زوج وشوف
نفس الشي للسيارات موش كيما 206 تاع الكونسيسيونار لي جات هنا باعوها للشيوخة موش كيما 206 تاع فرونسا ولا طليان
سلام

[sohaibdz]

حسب رايي كل واحد حر واش يشري وواحد ماعندو الحق يفرض عليه رايو
لكن من الافضل الاختيار يكون على حساب الاحتياج مثلا واحد يحتاج هاتف للفايسبوك و يوتوب و تصفح يقدر يلقا واحد يناسبو بسعر ميفوتش 2.5 .....وانا نتعجب من اللي يشريو iPhone وكل عام يبدلوه بالاصدار اللخر لان هذا نوع من التبذير
والاهم بالنسبة ليا هو ان الواحد يعرف واش راهو يحتاج باش يقدر يشري مثلا واحد يستعمل الهاتف استعمال خفيف علاه يشري بورطابل RAM تاعو 4GB نورمالمون 2GBتكفيه اللي حبيت نقولو لازم يعرف و يفهم المواصفات لان ماش دايمن الحاجة الغالية هي المليحة
وشكرا لصاحب الموضوع

[FayssalGsm]

beautifulmin85

أتفق معك بأن التبذير حرام في امور واضحة جدا ولا نقاش فيها

لكن هنـاك أمور لم يحددها الشرع في شراء الأشياء الجميلة
فمثلا إذا لمطا تشتري الذهب بأغلى سعر بينما يوجد الفضة ويوجد معادن أخرى ؟
لمذا تشتري أحسن طاقم (أواني منزلية .. ثلاجة.تلفاز.مدفأة ...إلخ)
في حين يمكنك شراء بديل لهم أو أقل ثمنا مع أنك تعرف أن البديل لن يصمد لمدة طويلة

إن كان باستطاعته شراء تلك الأشياء الغالية الثمن ويستطيع أن يتصدق في (السر) فما المانع

بما اني اعرف جمعيات كثيرة (سيست) فصدقني لم أعد أثق في الجمعيات لن بعضها للتباهي
أكبر مشكلة وهي دار العجزة كان على الأولاد أن يحتفظو بأوردهم لاأن يرموهم من أجل ان يتصدق عليهم الغير

الأمور الدينية والفقهية يجب ان تكون بالدليل اخي وأنا من بين الناس الحافظة لكتاب الله (لأني درست في المدارس القرءانية ودرست الفقه والعقيدة)
لكني لم أقل أني اعلم أو احرم الأشياء لأنها ليس من تخصصي ولاأستطيع لكي لاأظلم أحد سواء بالحلال والحرام

تحياتي لك أخي

[عابرة طريق]

السلام عليكم

انا اوافق الاخ كل واحد يشري على حسابو

و اذا كنت راح نرمي 5 ملايين في هاتف يسحق اين المانع

فانا جربت الهواتف الصينية و جودتها بسيطة جدا اي ليست بالسيئة

و لكن افضل الهواتف الاصلية لي تكون نوعا ما غالية شوي
حاليا املك sony xperia c مشي غالي بزاف لكن شريتو في عامين تقريبا من الان و الله مندمت عليه خلستو شوي غالي قبل الصورة رائعة لكن عندي سلبيات طبعا

و بالتالي احاول حاليا التعويض و التجديد ربما و لما لا lg g2

يعني بالمختصر هناك هواتف تستحق وهي تغنيك عن الابتوب و الكاميرات و ما شبه
لكن الواحد لازم يكون عقلاني ويشري الصح مشي المقلد

[خالد عنابي2]

السلام عليكم

بخصوص الغير منطقي وهو الحكم على الأشياء وعلى أذواق الناس ليس إلا.


على حسب تحليلك فهمت أن مشكلتك مشكلة أموال وليس تكنلوجيا الهواتف وماهو الجديد فيها
أما تلك الماركة إسمها crius mea التي تعاقدت معها شركة ooredoo وأنتجت إثنان تابلات هما q7a و q7a+
أما إن كنت تقصد شركة اخرى لااعرف وأتمنى أن تضع معلومات عليها لنعرف أكثر


يا خوية أنت (تحصيلها) ماشي كيما اللي يرمي دراهمو ;)

سررت بالحديث معك صديقي



مشكلتي ليست الاموال وليست التكنلوجيا بل في العلاقة بين المال المدفوع والفائدة المحصلة

بالنسبة للشركة هي كريوس ميتا وليس ميا وانتجت تابلات w8b الاخيرة التي تسوقها اوريدو

التابلات نوعية عالية اخي

[خالد عنابي2]

ناس تحوس على النوعية وانت تحوس على الكمية روح اشري لي حبيت انت
وشنو دير في بالك بلي حتى لينوفو لي راه يجيك هنا ويتباعلك هنا موش كيما لينوفو تاع الكابا لي يكون مبعوث ليسوق في اوروبا او اسيا او امريكا
ماشي كيف كيف حبيبنا تاعط راه البياس نوعية اقل من الرديئة وتاعههم نوعية الممتازة
ولاكان حبيت جيب زوج وديماري لعبة فيهم في زوج وشوف
نفس الشي للسيارات موش كيما 206 تاع الكونسيسيونار لي جات هنا باعوها للشيوخة موش كيما 206 تاع فرونسا ولا طليان
سلام

خويا اسمحلي راك تامن بالغولة هه ماكانش منها الهدرة تاع الكابا خير من لي يتباع هنا
مالا المصنع فالصين يقول اليوم راح نخدمو كوموند لدزاير استنى ندزولهم الراكاي ؟

عندي حاسوب محمول لينوفو شريتو منذ اكثر من سنة لليوم ماقاش راسي وجعني

2 هواتف لينوفو تمشي 5/5 واحد منهم بعتو لفائدة العائلة

تابلات اوريدو تبين انها بجودة عالية جدا رغم انها من ماركة غير معروفة ولديها شاشة تحسد عليها

حكاية تع الكابا خير من لي يتباع هنا حكاية لاستغفال العقول وبيع سلعهم وبسعر زائد وهذا ماكان

وبالنسبة للهواتف الموجهة لامريكا لديعا مشاكل في التوافق مع الشبكات المحلية عندنا وخاصة في الجيل الرابع لاختلاف الترددات المدعومة

[saeed2015]

واليك مواقع لا تحتاج الى تحويل اموالك لانها تدفع مباشرة للحساب البريدي ccp ,ولحسابات بريد مختلفة عربية وغيرها
http://www.djelfa.info/vb/showthread.php?t=2008937

[belabib]

دراهم ما يكذبوش
لا مجال للمقارنة بين هاتف 1 مليون و 5 ملايين
لكن كل واحد و احتياجاته
عندما تشتري هاتف ب 5 ملايين وتستعمله للاتصال فقط هنا "التبذير حرام "

[Zaki Dilmi]

اولا صاحب الموضوع حسب ما فهمت فأنت لست من الطرف الآخر اي المرفهين الي يشرو واش حبو ؟؟؟

ولذلك يكف نناقشك في أمر انت لست طرفا فيه ؟؟؟

ثم مثلما تفضل الاخوة والاخ العنابي التبذير صفة مذمومة ويصل بهم الامر ان يكونوا هم والشياطين سواء اخوة كما جاء في القرآن

فكيف بمن يستطيع ان يلبي رغباته بمبلغ مثلا 2 مليون ان يقول مادام لدي المال متوفر فلأشترينفس ما يلبي لي الرغبات

بسعر أكبر ؟؟؟ هذا هو التبذير بعينه وصحيح انه لا احد يحاسبه في الدنيا ويفعل ما يحلو له ...

لكن رب العباد سيحاسبه يوما ما ... وكل فقير كان يستطيع ان يساعده ويشتري له بدلة تقيه البرد او أكلا يملأ بطنه

او حذاءا يحيم رجليه او قبعة تغطي رأسه ... او يشتري بتلك الاموال التي يتبختر بها ويرميها في ايفون او غالاكسي

يشتري حاجيات يتامى ينتظرون من يدق بابهم .. او فقراء يفترشون الطرقات يتسلون الناس ...

يساعد جمعية تعتني بالمرضى .... تلك الاموال ما اجملها لو أنفقها في دار المسنين او جمعيات اليتامى

كل هؤلاء واكثرهم يحتاجون تلك الاموال التي ترميها في قمامة يمكن ان تتكسر لك في اي لحظة

واسألك بالله يعني هاتف بخمسة ملايين ما الذي فيه ليس موجودا في هاتف مليون او مليونين ؟؟؟

انا لعلملك مجالي تصليح الهواتف منذ سنين عديدة واقول لك والله كلما زاد ثمن الهاتف الا وزاد معه وجع لراس

فاقل تكلفة صيانته من نصف مليون وصاعد ..... ليس كهاتف مليون او مليونين فماذا تقول يا رجل ؟؟

هذا وحسب كلامك انت محسوب على الزواولة والغلابة فماذا لو كنت انت احدهم اي مترفها ولم تجد اين تلقي باموالك ؟؟

فماذا كنت ستقول حينها ؟؟؟؟

ربي يهدي ما خلق والله المستعان واذكر نفسي واياكم بقول الرسول عليه الصلاة والسلام :

(لا تزول قدما عبدٍ حتى يُسألَ عن عمُرهِ فيما أفناهُ، وعن علمِه فيما فعل، وعن مالِه من أين اكتسَبه وفيما أنفقَه، وعن جسمِه فيما أبلاهُ )
شابة اخي دخلتلي دخلة تاع دين
عجبتني دخلة تاع مساعدة حاجة جديدة مشي كيما خويا عنابي اخي من نيتك انا نعرف الصدقة بالنية يعني واحد يصدق بطيب خاطر بحرية مشي واحد يسيف عليه هدا اخ لي يجي يشري تليفون غالي كيفاش عرفتو ادا يصدق و لا لالا ادا لاالا انا مدخلنيش فيه بصحتو عندو ربي رزقو دراهم و ربي هو لي يحاسبو
انا و الله نحير يعني تروح لدين و تدخل في نفسيات الناس و تبين لي عندو دراهم مبذر و لي معندوش محgور
شوف باش نهدرو شوية نفهمو بزاف انت على حسابك علاش كاين نوعية في كل حاجة بعقليتك انت نورمال تروح لواحد شرى مارسيداس تقولو راك تخسر في دراهم اشري QQ خير رخيسا توصلك كيما ميرسداس
خويا واحد يخمم بمنطقية شوية الناس تعيش على مستوى معيشتها متفرضش مستواك على غيرك درك يجيك زوالي يقولك علاش راك تخلص كونكسيون دراهم هو يشرهم ماكلا خير من الانترنت انت عندو مبذر بالنسبة ليه على حساب عقليتك

[خالد عنابي2]

مليحة الواحد يصرف على روحو كي يعود عندو وما يلتصقش بادنى المعروض

لكن لي موش مليحة رمي النقود بلا حساب تحت يافطة " عندو الدراهم "

يشري بورطابل ب12 مليون ههههههه يخي لاباس ؟! وش ولى وش رح يجيه من هذا الهاتف لكي يدفع فيه هذا السعر وهل الفعالية والجودة هي 12 مرة من مقدار فعالية وجودة هاتف مليون سنتيم ؟

12 مليون قادر نفتح بيها محل تع الهواتف ولي تابلات ههههه

[Zaki Dilmi]

خويا انت صح تموت واقف يعني حنى نتقبلو رايك و نحترمو بصح علاش متحترمش راينا
بروبلام انا منيش ندافع عليهم انا ضد واحد يفرض على واحد اي حاجة
انت و لي معاك في تفكير حطيتو معيار لازم ناس تبعو و لي ميتبعوش مبذر و ان المبذرين كانو اخوان شياطين و و و
مشكلة في معياركم لي حطوتوه لي تحتو سوا تضلموه ولا تقلو معليش زوالي و لي معاكم خويا و صحبي و لي فوقكم مسكين باصا بكم هههههه

[خالد عنابي2]

اخي لو تلاحظ جيدا فالراي تاعي يحتمل ويستوعب الراي تاعك لاني قلت مليح الواحد يصرف كي يعود عندو ولا يكتفي بالحد الادنى

اين هو فرض الرأي هنا ؟؟؟

لكن الذي لم نتفق عليه هو الانفاق بلا حساب واعتقد هنا ليست مسالة رأي لان الاسراف والتبذير مذموم في عمومه

ومانيش نهدر من باب الدين بالضرورة

[Djihad BVB]

حوار بيزنطي للاسف