تسجيل الدخول

مشاهدة النسخة كاملة : كم هي تكلفة بناء قطعة 10/10 بطابق ارضي

mohamedkrga
2016-10-22, 19:20
ا:sdf: :sdf: لسلام عليكم . خاوتي لذوي الخبرة و الاختصاص ارجو ان تفيدوني و لكم فائق الشكر كم تكون تكلفة بناء قطعة أرض 10/10 (100م2) بطابق ارضي فقط وشكرا
noureddine2016
2016-10-22, 19:47
حوالي 100 مليون
mohamedkrga
2016-10-24, 15:37
حوالي 100 مليون


شكرا أخي نور الدين . هل تستطيع ان تزودني بتفاصيل اكثر . وشكرا لمساعدتك جعلها الله في ميزان حسناتك
Mostafa Archi
2016-10-25, 11:45
يا أخي فهمنا كيفاه لقيت 100 مليون لانو
السعر يكون أكثر بكثير على الاقل 250 مليون
ربما انت حسبت حق السلعة فقط
ولكن الخدمة راهي تسقام بزاف
ندرومة49
2016-10-25, 12:06
علاه250 مش معقولة أبدا إذا بالتجهيز وتوب آخر طراز ممكن 250
أما10/10 طلعها من الأساس تسقام في حاولي140 مليون تخرج توب..
بلاط وكهرباء وكالاج وبانتورا
Mostafa Archi
2016-10-25, 15:51
يا اخي راهي تسقام 250 او اكثر
راني مهندس معماري
+
راني نبني في دار
و ماناش مدايريين حوايج توب اي قريب
لل 250 و مازال مكملناش الطابق الارضي
+
الخدمة كامل ماهيش محسوبة لانو ببا ماصو و انا و خاوتي نخدمو الباقي

و راني متأكد من السعر المقترح

---------------------------------------------
السعر المرجعي لبناء المتر المربع هو 35000 دينار




اللهم اذا بنيتو بنيان فوضوي
ندرومة49
2016-10-26, 11:27
سمعنا وأطعنا أخي
مادام مهندس
أنا هكذا قيل لي
بارك الله فيك
ramiusma26
2016-10-27, 11:49
هادي لازملها ورقة وستيلو
الماصو بيليا ب 1500
والدالة 1500 للمتر
التلباس ب 250 للمتر
والسيمه راهي ب 800
noureddine2016
2016-10-27, 13:27
صراحة انا 250مليون نطلع فيلا انت وقيلا حسبت سعر الارض خويا مصطفى نحترم كلامك ونحترمك لانك مهندس معماري يعني تفهم خير مني في هذا المجال خاصة من الناحية العلمية ممكن السعر المرجعي الذي ذكرته نتاع الدولة يعني سعر مضاعف تقريبا انا كنت نخدم ماصو من قبل ونعرف ناس بناو 100م ب 100 مليون وكي تخدم مليح مليح تسقام 150 او 140 كيما قال السيد صاحبنا نتاع مدرومة راني متفق معاه الا اذا الاسعار ارتفعت بالضعف هنا كلام اخر نزيد نعطيك معلومة مهمة الدولة كانت تمد 70 مليون للسكن الريفي قبل عاميين اوعام ونصف حاليا لاادري كم كيف تفسرها اخي قبل مانختم كلامي حبيت ننصح الاخ صاحب الموضوع نتمنى يتقبلها ان شاء الله اخي الكريم تقدر تبدا ب10ملايين في الارضية وفي كل مرة شري حاجة وخدم شويا حتى تلقى روحك كملت وسكنت لاتنتظر حتى تجمع المبلغ المطلوب وتبدا هذا خطا كبير حسب رايي الا اذا حالتك المادية لباس البناء يبارك فيه رب العالميين ولكل بداية نهاية انا شخصيا اعتبر البناء مشروع مربح جداا الربح فيه مضمون يعني حتى واذا خسرت اموال كبيرة فانت رابح المهم ماتحسبش وماتفكرش بزاف توكل على الله وابدا
متهور
2016-10-28, 09:54
لقد ارتفعت أسعار البناء وارتفعت بجانبها مطالب الناس
lamou1
2016-10-28, 17:22
السلام عليكم
اخي لديه نفس المساحة وبناها 10*10 سقامتلو كاملة من الفونداسيون الى ان سكن تقريبا 95 الى 100 مليون بكارلاجها وبنتورتها ...كاملة ...لكن الدالة عاونوه صحابو فقط والمعلم نصف البلغ ساعدو
mohamedkrga
2016-10-28, 20:43
السلام عليكم . خاوتي بارك الله فيكم على الردود جعلها الله في ميزان حسناتكم ان شاء الله. لحد الآن بعد ماسالت بعض الخبراء في هذا المجال اجمعو على 100 إلى 150 مليون حاجة عادي يعني فينيسيون تكون عادية شكرا لكم اخوتي على الإفادة
Mostafa Archi
2016-10-29, 00:18
المبلغ الي اقترحته ماهوش كبير و لكن انا حاسب فيه كلش
حسب الخبرة تاعي كمهندس معماري و كصاحب منزل يبني في دارو الا اذا محسبتوش حق الخدمة او ان المنطفة اللي نسكن فيها الاسعار غالية
+ لما اقترحت 250 مليون يعني تكون سكنة يقدر يبني فوقها مرة اخرى
---------------------------------------------
لانه مثلا حنا جيهتنا يخدمو الدالة يعني الكوفراج حوالي 30 مليون
و السيما ماعندهاش يومين شريتها ب 85 الف
هكا الدالة و حدها ممكن تدي على الاقل خلاص 70 مليون
الفايونس عتدك النوعية المتوسطة ب حوالى 600دج للمتر المربع + الماصو يخدمها بنفس السعر
100*1200= 12 مليون بلا الرمل و السيما ارضية وحدها وحدها
+ فايون تع الحيط الدوش و بيت الراحة و المطبخ و الهول
يديو حوالي 70 متر مربع بحوالي 70*1200= حوالي 9 ملاين
الحيطان يدو حوالي 10 ملاين بريك او طوبة بلا الخدمة
الابواب و النوافذ
تشري هاذوك تع دوزيام شوا في شهرين يتعوجو باه تدير حسابك لازم تطاعهم عند النجار
يديو حوالي 6 بيبان و 4 نوافذ + 2 نوافد تع الدوش اقل شيئ 15 مليون
هاذي راهي فايتا 100 مليون
---------------------------------------------------------------------------
بلا ما ننساو الحفر و التسوية
الاساسات بلاط فورم و العرس

الكهرباء الماء الصرف الصحي الغاز
التلباس الصبيغة و الى اخره .........................................


يعني اقل حاجة 200 مليون باه تدير دار
و ماتكونش حاجة فور خلاص يعني مقبولة
+ الاسعار مرشحة للارتفاع في المستقبل القريب

-----------------------------------------------

الخدمة في اغلب الحيان تكون اكبر مت حق السلعة بكثير
مثلا تركب بريز ب 250دج و هو يسوى 150 دج هذا بالنسبة افضل نوع
يعني لو تخدم وحدك ممكن توفر الكثير

هذا عدة امثلة حبيت نوضحها للجماعة
مع احترامي للجميع
NADJI 19
2016-10-31, 12:30
السلام عليكم
اخي محمد مادام راك مهندس الله يبارك عندي 240 ارض وهاب نبنيها r+3 بداية من الدراسة ( المخطط+الرخصة ....الخ .بناية عادية الطابق الارضي مستودعين +الاول قاعة استقبال و 3غرف وحمامين ومطبخ +الثاني والثلث شقق من نوع f2 او f3 اي شقتين في كل طابق مع مطبخ وحمام +دورة مياه في كل شقة (اي كل شقة عندها دخلتها وحدها.....
-r+1 كم تستقام finission complete عادية ؟
r+2 كم نفس الشئ؟
-r+3 fini §؟؟.
ارجو منك اخي ان تفيدني وبارك الله فيك .
NADJI 19
2016-11-02, 16:34
اخي مصطفى انتظر تقيمك على مشروعي ؟ الله يجازيك .
Mostafa Archi
2016-11-04, 04:27
يا اخ ناجي
المخطط يسقاملك حوالي 6ملايين و هذا حسب المهندي اللي يديرلك المخطط
طابق لأرضي حوالي 300 مليون
و الطوابق 250 مليون او اقل
NADJI 19
2016-11-08, 09:56
شكرا اخي ولو انه مختصر جداااااا
Mostafa Archi
2016-11-18, 04:00
السلام عليكم
انا اقبرح عليك السعر الملاجعي لبناء منزل
هو 2.5 مليون اي 25000دج
مثلا عندك 240م في الطابق الارضي * عدد الطوابق* السعر المرجعي
mohammedboudjar
2016-12-04, 18:23
اقل من 200 مليون ماتقدرش تبني 100 م مربع:confused:
محمد أبو عبدالمالك
2016-12-05, 00:39
مقبل على بعض الاشغال يهمني الموضوع
شكرا لكم