تسجيل الدخول

مشاهدة النسخة كاملة : ضربني بكف من اجل كلمة جنية

مشكلتي
2016-10-19, 15:26
باختصار زوجي انزعج من ابنه الرضيع كي نخليه بقربه كي نروح نعد العشا
ومؤخرا قالي عاد يقلق لانه يسنن ينبت في سنيه عاد يقلقه قالي تقول نضربه ثتله قاعد تتمسخر قالي لالا قتله هبلت راهو بيبي غضبني قتله بنت اختك الجنية مضربتهاش كي يجيبوها للدار تكسرلي كلش وهوما يتفرجوا فيها وهو ايضا وتخبط على الجيران وولدك بيبي يسنن رح تضربه
وش دار معجبوش الحال على البزة الصغيرة ودار النيف عليها ولفظ جنية علاباله باللي حتى بنات اخي نقول عليهم هك بقيت نعاودله فيعا ضربني بكف ؟
مرحتش لدار والديا باش منحيرهمش راني عند خويا هو معلابالوش قتله راخ لدزاير في خدمة
رايكم
fella111
2016-10-20, 09:14
قيت نعاودله فيعا ضربني بكف ؟ .......................اعتقد ان هذا سبب ضربه لك...............استفزيتيه .......................الله يصلح بيناتكم
حياتي نبع امل
2016-10-20, 09:25
ماضربكش على لفظ الجنية
ضربك لانو اليوم قلتي على بنتو اختو جنية وغدوة تقولي على اختو واللي بعدو تلحقي ليماه فهمتي (خااصة كي قلتي وهوما يتفرجو فيها) هنا اثبتي انو تصرفهم لي ماعجبكش ماشي الطفلة الصغيرة الجنية على قولك
هو على حسابو لوكان يسكتلك على الصغيرة تلحقي للكبيرة .امالا دارلك حد باه ماتتمادايش
وديجا انت كي قالك نضربو معناها صح راح يضربو ؟؟قالها زعاف وخلاص .اون بليس كي تشوفيه دخل عيان وحاب يرتاح حطي وليدك قدامك وخليه يرتاح .ويتهنى الفرطاس من حكان الراس
حياتي نبع امل
2016-10-20, 09:32
واذا على جال كف خرجتي من الدار ورحتي لدار خوك .يعني بهاذ العقلية غير وجدي كابتك دايما ع اليد .باه كل خطرة جيك ساهلة وماتضيعيش الوقت

انا ضد الرجل لي يضرب مرتو بالصح ماتلحقيش تخرجي من دارك وتروحي تغضبي .اغضبي في بيتك وماتلحقيش روحك وماتسمحيش بالضرب بالصح بينك وبينو تعالجي المشكل .صدقيني كي يخرج المشكل من البيت قد ما يكون صغير قد ما يتفاقم ويولي كبير .تقدري في دارك وتحطي النقاط على الحروف ماشي لازم تخرجي
ربي يهنيك
سجل أنا جزائري
2016-10-20, 10:10
اختي هو ضرب صح مش حل لكن صراحة انتي اللي وصلتي روحك يضربك

وش دخل بنت أختو في وليدو و أكيد مش بيك بنت اختو و لكن أخته و أهله عموما تنزعجي من زيرتهم

و زيد بقيتي تعاودي استفزاز وش تستناي

عاودي حسابتك في تعامل مع زوجك لما تحترمي زوجك و تحترمي لأهله مش راح يضربك
nihal159
2016-10-20, 10:36
المشكل تافه وأنت كبرتيه كي خرجت من دارك؛ياختي الرجال مايصبروش ومايتحملوش البكاء تاع الدراري؛ أتخيلي ذاخل للدار تعبان و في راسو ألف مشكل من الخدمة و

يزيد يلقى بيبي يبكي؛ نصيحتي ليك؛ أرجعي لدارك لأنك غلطانة و الغلط راكبك من ساسك لراسك؛ درتي مشكل من والو؛ ووصلتي روحك للضرب و كملتي عليها كي خرجتي

من دارك؛ ربي ييسر أمورك و يهديك و يحنن قلب راجلك و يرجعك لدارك.
النجمة القطبية
2016-10-20, 10:48
يا اختى مشكل صغير كيما هدا خرجتي عليه من الدار !!!!!!!
وحابة نفهم برك واش دخل بنت اختو في وليدك واش هدا المنطق علاش جبدتى كامل فاميلتو بمجرد انو تقلق من بكاء الصغير
هدا وليدو واكيد هو اغلى ما لديه بصح الطفل صغير وبكاء الاطفال مزعج
استغفري مولاك وعيطي لزوجك وارجعي لدارك واتعلمي درس متزيديش تجبدي مواليه في مواقف مثل هادي
موفقة
*أم سجى*
2016-10-20, 11:31
والله قالك هم يضحك وهم يبكي ضحكتني الاخت حياتي نبع امل في ردها الثاني ...المهم اختي صاحبة الموضوع كنت راح نقولك نفس واش قالولك الاخوات هو زوجك مضربكش علا لفظة جنية في حد ذاتها هو ضربك ليضع جد لجرأتك التي اوصلتك تعايري اقاربو في وجهو فهمتيني خيتي يعني كل رجال العالم ميقبلوش علا زريعتهم هههخ حتا ومش مليحة المهم اكبتيها في قلبك ومتوصليهالوش وعليه اختي ننصحك ترجعي لزوجك وتشدي ابنك عندك وقت ميكون زوجك مش حاب ازعاج وكي يتوحشو ويقولك وينو الطفل اديهلو يلعب معاه ومتزيديش تخرجي من دارك لاسباب بسيطة لانك تخربي بيتك بيدك لانو زوجك راح يولي يكرهك ويعتقد بلي راكي تحكي في مشاكلكما الزوجية لاهلك يولي يشك فيك ويحس ...ربي يهنيكم مع بعض خيتي
سحابة باردة
2016-10-20, 13:37
سلام نضن البنات وفو وكفو نزيد حاجة كي تهدا اعصابك وترجعي لدارك يلزم تكون اخر مرة يضربك فيها لان ادا ولف على ضربك لان يتوقف
الحل بسيط انتي متكونيش امرا وة مستفزة والخلاف على قدر المشكل يعني متبالغيش
sousourose
2016-10-20, 16:46
السلام عليكم اختي الله يهدي سركم ويجمع شملكم وان شاء الله ماتزعفيش من كلامي وتاخذيه بصدر رحب هو الناس في العادة يضربو أولادهم لكن أولاد الناس كي يجيوك ضيوف مالا زمش تضربيهم لأنهم ضيوف مهما كانو سيءءين هكذا يقول المنطق ثم هو كي تقلق من ولدو وقالك نضربو قالها بدون تفكير يعني مش رايح يضربو صح وتعرفي الرجال مايحملوش البكاء نتاع الأولاد كيما الأم وانت كي جبدتيلو على بنت اختو أولا ماجاياش يضربها وهي ضيفة عندو وزيد طفلة وثانيا انت بينتيلو بلي قلبك مليان منهم وإلا واش فكرك بيهم في هاذيك اللحظة، حاجة اخرى غضبتي كي ضربك كف وخرجتي من دارك ماشفيتش النساء واش راهي تلاوي وحاملة، العني الشيطان وولي لدارك وماتزيديش تهدريلو على دارهم وماتزيديش تخليلو فرصة يهز يدو عليك، الله يكون في عونكم
سفير الأيام
2016-10-20, 20:02
كما يحترم اهلك عمرك ولا تجبدي اهله اختي الدم يبقى دم والراجل عنده النيف تحبي انت راجلك بلا كرامة ليوم قلت له بنت اختك جنية غدوة يدير في باله تجبدذي على والدته وعلى ابوه لهدا راك غلطت واي راجل بمنتهى الرجولة ما يقبلش تزيدي معاه هكدا في الهدرة

المشكل بيناتكم خليه بينك وبينه ما تجبديش الناس
كلنا راحلون
2016-10-20, 20:06
ههههههههههههههه
كلنا راحلون
2016-10-20, 20:13
خويا سفير كل ما في امر السيدة مشكلتي تريد جلب انظار نساء فريق مصور وفريق مونتاج وفريق دبلجة وكلامك اخي زاد من روعة المشكل بيناتكم خليه بينك وبينه ما تجبديش الناس

فريق مؤترات بصرية وفريق باكيات متضامنات وفي غد تنشر موضوع 2 راني رجعت
snowiman
2016-10-20, 20:40
صافي على حسب كلامك الا كان راكي بنات خوتك تقولي عليهم جنون وبنت خوتو مالا نتي تجيبي فلملايكة وناس يجيبو فلجنون؟؟ ربي يهدي انا كون وحدة تقول على وليدي جني نجبدها من شعرها تعايريلو في اهلو وحابة يسكتلك
loubna86
2016-10-20, 21:52
دار لك مليح . استفزاز و زيد اخرجتي من دارو و انت الغالطة فكري كيفاش ترجعي لدارو . واش دار لك ؟ دار لك دار و ام أولادو و انت تعايري في فاميلتو . ربيي يهديك راكي انت اللي تحوسي على المشاكل
randa3
2016-10-21, 08:37
ربي يهديك ارجعي لدارك واطلبي السماح
الأستاذ *قداري*
2016-10-21, 08:49
وانت واش اداك تقولي جنية ........احترم تحترم .
Lydia istanboul
2016-10-21, 08:53
لما نشوف الردود ننصدم فوق صدمتي بالمشكل.نساو كااااااامل انو تضربت بكف وشافو فقط كلمة جنية لي عادي نقولوها على الاطفال لما يكونو حركيين ومهيش اهانة و تان موالفة تقولها على اطفال اهلها يعني محال قالتها للاهانة..اختي العزيزة الله غالب فات الكف صرى وجابو بليس.منيش نقول ماغلطش كي رمى يدو لكن حاولي المرة الجاية تتفاداي النقاش معاه اذا كان عصبي ويحسب الفحولية في الضرب.اذا طلب رجوعك ارجعي وحطي النقاط عالحروف قال هذي اول واخر مرة تضربني.ربي يوفق بيناتكم