تسجيل الدخول

مشاهدة النسخة كاملة : صديقتي و الخيانة

مشكلتي
2016-10-19, 14:48
السلام عليكم
البارح اكتشفت امر خطييييير راه مارقني و ما قدرتش نرقد عندي صحبتي عندها 35 سنة و ام ل 3 اطفال و عايشة بعيد عن اهلها الامر لي يخليها تحكي معاهم فمواقع التواصل الاجتماعي مع اني نبهتها عدة مرات الا انها قاتلي مافيها والو و راني نستفاد منو و ندي افكار ... المهم جاتها رسالة فى يوم من الايام من عند ولد خالتها و متزوج بوحدة فاميلتها و بولادو سقسى عليها و بقا يوميا يتصل بيها و مبعد قالها بغيت نصارحك بلي كنت نحبك و بقى يذكر فيها واش كان يدير على جالها ووو... قاتلو كل واحد فينا راه متزوج ذرك و الهدرة هذي مشي وقتها و كوبات عليه بقى يوميا يتصل و يخلي ليميساح و بلوكاتو عاود فتح وحداخر و عاود اتصل بيها مع الوقت رجعت تجمع معاه و ما قاتليش انا حكاتلي برك واش قالها قلتلها ابلوكيه قاتلي ايه بصح ما قاتليش عاود فتح و عاودت حكيت معاه حتى البارح رحت عندها فجاة حتى نصيبو يتصل بيها فالهاتف تخيلو يحكي معاها يوميا كي يروح راجلها يخدم قاتلي شوفي واش راه يدير قلبي حبس ما بغيتش نحكي معاها على خاطر على بالي كون نزير عليها ما توليش تحكيلي
و الله ما عرفت كيفاش نديرلها كون يسمع راجلها رايحة تدمر دارها و هي انسانة فيها الخير كيفاش دارت دخلت فالدوامة هذي
نصييييحة بعدو على مواقع التواصل راهي شحال من دار تخربت بسبابهم
شمس 15
2016-10-20, 12:43
اللهم لا تعذبنا بما فعل السفهاء منا.
ثلجَة
2016-10-20, 12:49
رب يهديها

لازم توعيها بلي الشيء لي راها دير فيه اسم خيانة

حاولي كيفاش تقنعيها بلي راهي غلطانة و لازم تغلق الفيس بوك نهائيا

لا لمصلحتها هي و لكن لأجل زوجها الذي وثق فيها

و أهم شيء لأجا أولادها
نعمة الله15
2016-10-20, 13:15
اختاه المشكل ليس في المواقع التواصل الاجتماعي وإنما في نقص الدين وانعدام المودة والرحمة بين الزوجين وأنكي تقولين انها امراءة صالحة اين هو خوفها من الله قبل زوجها كلنا متزوجين والحمدلله ولكن أتحمل الموت على خيانة زوجي رغم أني مغتربة على اهلي وطوال اليوم وحدي في المنزل ولا اخرج الا بموافقة زوجي اختاه عليك بنصحها من عقاب الله في الدنيا قبل الآخرة وانت الوحيدة مساعدتها لانها اخبرتكي بسرها وان الله سيعاقبها في دريتها ادا اكملت في هدا الطريق وان الله سترها في البداية وستفضح يوما وعندها لا ينفع الندم عند ابعاد الأب عن أولاده وطلاقها للأسف كيف الشيطان لعنت الله عليه يوءتر على عباد الله للأسف وادا كان هدا اقاربها رجل وابن أصل ويخاف الله ما يتصل بامرأة متزوجة وباولادها يجب تهديده وباخبار زوجها كي لا يعيد الاتصال بيها وليس الاستسلام وسماع كلام الحب بالكدب وتحاول تجديد حبها مع زوجها كي تنسى هدا شبه رجل ولا حولة ولا قوة الا بالله
منى6019
2016-10-20, 14:43
السلام
هذا يسمى الفتنة..........و صديقتك تتبعت خطوات الشيطان
الشيء الوحيد الذي ينفع مع الفتنة هو الدعاء
الفتنة ليست شيءا سهلا ...و المفتون يعلم انه يفعل الشيئ الخطا و لكن تغلبه نفسه و الشيطان
فلا احد يقول لو كنت انا لفعلت كذا....لانه عند القدر يعمى البصر
اللهم اهدها و اهدنا
أم سدرة
2016-10-20, 14:54
السلام عليكم ورحمة الله وبركاته
اختي هادي صاحبك ربي يهديها صح ولد خالتها بصح راهو غريب عليها كيفاش تهدر معاه وزيد عاد يحكي معاها في الهاتف ومنين جاه الرقم نتاعها هي لي عطاتو الفرصة هادي غلطتها نورمالمو تزوجت وهو تزوج خلاص هو ثاني علاش يجبد في الماضي المهم انت زيدي انصحيها وقولها تقولو مايزيدش يعيطلها كون يسمع راجلها راهي توصل للطلاق ولا حاجة أخرى ربي يهدينا
تاج الهناء
2016-10-20, 15:01
لا حول و لا قوة الا بالله العلي العظيم ملي جينا نوعيو الصغارات تاع 13 و 14 سنة ولينا مع الكبارات و الي بولادهم يخي حالة يخي.................
بش تتلهى بدارها واولادها قاعدة تتمرهق و لوكان جات صاحبتي نخنقها عندها الوقت بش تحكي و تكونيكتي و اولادها من بيهم و الله خسارة فيها النعمة الي عطاهالها ربي ما عرفتش قيمتها
و اذا راجلها غافل ربي ماهوش غافل
جهينة اليقين
2016-10-20, 15:12
روحي حذريها وفوقيها نعرف واحدة صرا لها هكذا وكي رجعت للصح وفاق راجلها هو راه يتمختر في دارو الخداع وهي تطلقت وليداتها تشتتوا ووالديها تبرؤوا منها والله ماساة توبوا الى الله واتقوا الله وحبسوا هذا العفن تاع الفيسكلب
إسلام الفاروق
2016-10-20, 15:29
من المحتمل ان تتطور الى خيانة جسدية دون علمكي او علم زوجها و يبقى سر بينهما متاكد انه يراها و تراه على انترنت

اقطعي صلتكي بها
اميرة اليالي البيضاء
2016-10-20, 15:48
بارك الله فيك
كانت لي صديقة اسمها :
فاطمةكنت احبها وتحبني الى درجة
الجنون وشاءت الايام انها تقع في
خطأ شبيه بهذا :
لم اتكلم معها ولم اتعب نفسي
معها ، اتكلم مع الصغار اما الكبار
فالا ينفع معهم .
صرخت في وجهها وضربتها ومن
ذلك اليوم لم اراها ، وتتصل بي
عبر الهاتف ولا ارد ثم اتت للبيت
وقالت لي : اخطئت وتبت ولن اعيد
وضربتك لن انساها
تكلمي معها ولا تشغقي عليها
لانها امرأة وزوجة واما .
اعطيها اسطوانة من الكلام القاسي
قولي لها : سيسترك الله مرة و
مرتين وثلاث ولكن الى متى
تدوم خيانتك وما هو هدفك .
ارجوك ايقضيها من نومها العميق
فهي امانة عندك .

سلام
مراد سابقا
2016-10-20, 16:34
الحمد لله انني في العمر 35 سنة

وقررت عدم الزواج

النساء خائنات
تاج الهناء
2016-10-20, 16:37
الحمد لله انني في العمر 35 سنة

وقررت عدم الزواج

النساء خائنات

و علاه راك تجمع كاين بنات الفاميلا
و ان شاءالله ربي يلاقيك ببنت الحلال
جنى الجنتين
2016-10-20, 17:15
مع كل احترماتي هل المراة ما تستاهلش الزواج شحال من بنت اصل ما صابتش راجل و هذي قاعدة تخون لا حول ولا قوة الا بالله يجي النهار ربي يكشف مولاه ناس زمان تقول

الملح يقاطع على 7 طرق والفاهم يفهم 35 وام واش راهي تحوس تعاود تعيش المراهقة الله يهديها
selma f
2016-10-20, 17:28
لو كنت مكانك مانصاحبهاش اصلا نمدلها زوج كلمات يحرقو مليح ونخليها ربي يمهل ولايهمل يجي نهار وتتكشف
طيور الجنان
2016-10-20, 18:48
ربي يهديها و ربي سترها مرة و اثنين بصح يجي النهار و تتكشف اكييييد و هذاك النهار تفيق تلقى روحها خربت دارها بيدها اختي من واجبك تنبهيها بقسوة ماشي بلطف قولها تشوف لاطفالها واش ذنبهم و زوجها المسكين يخدم على امرأة ماشي مدايرتلو حساب قولها تخيلي راجلك اللي دار هاذ الشي راح تسمحيلو بسهولة و تشجعيه لازم تفطن من هاذ المهزلة و ترجع لعقلها.
loubna86
2016-10-20, 21:55
اييييه قولي لها هذا الكلام إن شاء الله يوقفها , قولي لها : لوكان راجلك اللي تعيط لو إمرأة و يحكي معاها يعجبها الحال ؟ إذا رضيت فلتستمر . ربي يهدي ما خلق
nidabaize
2016-10-21, 22:02
لا حول ولا قوه الا بالله اتصلي باشخص حكيم فى الاسره لازم يكون واحد يحبوه الكل و كلامو مسموع بطريقه بدون ان تحس يتجه اليها يقرصها من ودنيها ويقولها انا راني عارف ومن نظره عينيكم تبان عليكم و بالتالي يضع حد لهده تبهديله بطريقه احترافيه و انتى عملى روحك ما علابالكش

الله يبعد علينا بنات الحرام واولاد الحرام
nidabaize
2016-10-21, 22:02
لا حول ولا قوه الا بالله اتصلي باشخص حكيم فى الاسره لازم يكون واحد يحبوه الكل و كلامو مسموع بطريقه بدون ان تحس يتجه اليها يقرصها من ودنيها ويقولها انا راني عارف ومن نظره عينيكم تبان عليكم و بالتالي يضع حد لهده تبهديله بطريقه احترافيه و انتى عملى روحك ما علابالكش

الله يبعد علينا بنات الحرام واولاد الحرام
نسيم الريح ش
2016-10-22, 14:47
الله يهديها ادعيلها بالهداية
فاطمة شلف
2016-10-22, 17:55
السلام عليكم
حاولي ان تنصحيها بلي الشئ الي راه دير فيه حرام هذي خيانة زوجية سواء
منه او منها
امنعيها ان استطعت واجرك على الله
من راى منكم منكرا فاليغيره .............الخ
اختي الكريمة من خلال المكالمة راهي تطور متبقاش غير في الكلام فقط
ياللعجب مزوجة لاتتكلم معه بتاتا كيف يعقل هذا ياسبحان الله
اللهم عفينا وعفو عنا يارب العالمين