تسجيل الدخول

مشاهدة النسخة كاملة : خيانة زوجية

فاطمة شلف
2016-10-18, 08:55
السلام عليكم ورحمة الله وبركاته
انا امراة متزوجة على سنة الله والرسول لديا خمسة اولاد تعرضت
الى خيانة زوجية
السبب يعود الى جارتي ابنتها مرضت مرضا شديدا ولجئت اليا
فاساعدتها لان زوجي عامل في المستشفى قلت لزوجي ادخلها الى
المستشفى فااتى لها بالطبيب وبدات البنت تعالج في المستشفى وامها
عينيها على زوجي
راها ابني راكبة مع احد الرجال قاللي لا اريدها في البيت وقلت له
رهي تعالج في ابنتها لادعي للكلام
عندما يخرج الى العمل تسبقه امام بيتها وترش عليه الماء
صرختا شتمها وقلت لها بي التحذير ايك ان تعيدي الكرة مرتا اخرى
بدات تذهب اليه دون علمي الى المستشفى راها ابني مرتا اخرى
وراتها امي وراها احد عامل مع زوجي وحذره منها قال له كل يوم تاتي لماذا تاتي ماذا تفعل شفيت ابنتها لا دعي للمجيئ
درت سبة واتت بي ابنت حمها دتها تفوت عند الطبيب وهي مجمعة
مع زوجي عندما انكشفت الحقيقة ارت ان احلف ابنت حمها لكن لم
تريد الحلف سمعته يتحدث في الهاتف فاعرفت بانه يتحدث مع امراة
لكن ماضننت انها هي سمعته ايضا ابنتي ثم ابني ثم اكتشفته
اردت ان احلفه لكن لم يشاء ذالك وطلب مني السماح لحدي الساعة
سقط من قلبي راني نكبر في اولادي فقط
الله يصلح احولنا واحول المسلمين والمسلمات
Mendes
2016-10-18, 09:13
لا حول و لا قوة إلا بالله العلي العظيم

يجب إتقاء الشبهات و خاصة في الأمور المتعلقة بالمحارم

فقد أمر الله عز و جل في كتابه زوجات النبي صلى الله عليه و سلم و ما أدراك ما زوجاته أمهات المؤمنين بأن لا يخضعن في القول حتى و إن كانت مساءل دينية

أسأل الله العظيم أن يصلح حالكم و أن يتوب الله على زوجك و خير الخطاؤون التوابون
riheb razane
2016-10-18, 09:17
ربي اكون معاك اختي وكوني قوية متخليش وحدة كيما هذيك متسواش ظفرك تاثر فيك انتي سي اكسبي راجلك ومتخليلها الفرصة يا والله تديهولك وانتي اتشوفي النساء تع ضرك ربي يحفظنا الا من رحم ربي معلابلها لا مزوج ولا مطلق هات برك تاكولو دراهمو امالا انتي نحيلو دراهمو وخليها تشوفي لازادت ادور بيه اتقولك معندو والو انا واش اندير بيه الدعاء اختي والصلاة والاستغفار معليش راني عرفا ماشي ساهلة الشيطان جابها متخربيش دارك ومتشفيش فيك عديانك وانتي راجلك طيبيه على نار هادئة غير بسياسة متنسايش الراجل عندو الروتورداج خاصة في السن 40 اش ديري تطلقي لقدر الله والله نحكيلك على جارتنا مسكينة مخصها ولو زين عقل اضرافة بعد 22 سنة زواج تطلقت بسبب امراة متشبه لاي شي وكبيرة عليها ياودي معندي منقولك علاه اطلقت بسبب الكرامة قاتلك انا راجلي مخسني والو باش اخوني امالا انا منقعدش معاه عشات لالا راهي دوك مرتو وراهي تتمولك في الفيلا واشرالها سيارة وراحت لتونس في هذا الصيف والدراهم عندها تشري/واش تحب والمسكينة الاولى راهي في دارهم وراهي تجري موراه على النفاقة والو هاذو 3 سنوات مدات والو ويعجبك دارهم قداك دارها تصوري يوميا اتشوف راجلها مع مرتو عايش وهي تغزل فيها والمسكينة شبعت مزيرية قاتلي اندمت لي طلقت لوكان اقعدت ومن بعد انا نوريها اذا ردي بالك مليح
فاطمة شلف
2016-10-18, 10:43
السلام عليكم اخي الكريم اختي الكريمة اشكركما على التدخل زوجي بالغ من العمر 50 سنة وهي متزوجة كرهته بسببها بسبب خير عملتو عشيت حاصلة
كي عاهدني مولاش يروح ليها حرشت ابنها ضرب ابني الصغير في الاصبع
اي الابهام بسلك تقربا الجرح للعصبة تاع اليد وعملتلو عملية مع الرياضة
مدة شهر الحمد لله صار يكتب اعطاني الطبيب الشرعي شهر كامل
مدفعتهاش للمحكمة بسبب امي قتلي تبهدلي زوجك معروف في المستشفى
بكيت صبرت دعيت وكلت الله حسبي ياالله ونعمة الوكيل
والله يااخواني راني مضرار كي نشوف زوجي نائم نشوف فيه الخدعة حاولت
نسى لكن لم اقدر على ذالك
نسال الله العفو والعافية
بارك الله فيكم
أم سلوى
2016-10-18, 10:52
لا تخافي ولا تجزعي
عاملي زوجك بلطف لا تذكري له الامر بتاتا...
بما ان المراءة متزوجة تعمل هذا فهي سوف...تزيغ عينها لاخر..
هو في فترة لا يشعر بما يفعل ولكنك لم تفقديه لان وحدة مثل هذه...لن يحبها ولن يتعلق يها وانما نزوة
خليك مرتاحة ولكن اتصلي دائما بزوجك..في وقت...اهتمي بنفسك نفسيا وعقليا واهتمي برشاقتك....وحسني اخلاقك لا تجعلبها متدنية بسب الغضب....بل كوني متحضرة لا تتزل لمستوى...الساقطات..
لديك عزة نفس استعمليها امام زوجك واظهارها على أنك...لا يهمك موضوعه...وحسني ثقتك في الله ورددي. الادعية..
بسم الله على زوجي وعلى بيتي وغيره
ويوجد في النت دعاء لمنع الزوج من النفور من البيت..
riheb razane
2016-10-18, 12:37
وكلي ربي عليها وردي بالك هذي مريضة نفسيا كاببل تقتل ولادك وبالنسبة لزوجك حاولي تناساي الامر ومتبينلوش وعاودي جددي حايتك ومتحبطيش النيفو لوحدة كيما هذي عمليها على اساس انها حشرة قذرة ونشيها
riheb razane
2016-10-18, 12:49
واش رايكم في الخيانة الزوجية التي عمت واصبحت ظاهرة المتزوجة الله اعافينا دايرة حالة ولات عندها الصدارة في الخيانة ات رقم واحد في الجزائر متزوجة ولديها خلائل من جميع الاعمار اصغير اكبير متزوج مطلق ربي اعفينا يا والله مفهمت هل المشكل في هذه الزوجة المريضة وفي الزوج الذي ربما قصر معها من جميع النواحي حتى فكرت في الخيانة ويعجبك كي قولولو مايمانش ربي اعافينا ولت من المجتمع الي قدر اشاركها في الخيانة وما نصحهاش بلاك هي مريضة اي الضمير مخممش انو اكون في بلاصت هذاك الراجل ويشوف الحصرة ومع ربي بصح اقولك كما تدين تدان.الله اعافينا وبارك لنا في زواجنا ويسترنا ويستر اولادنا دنيا واخيرة
طيور الجنان
2016-10-18, 13:03
ياختي ربي يكون في عونك المهم ماتفرطيش في دارك وولادك و زوجك خليه الايام تربيه و المراة هاذي مادام خانت زوجها مع زوجك راح تخونو مع رجال اخرين ربي يتولاها وراح يعاقبها فهو يمهل ولا يهمل اما زوجك ماتخليهش في نفس الوقت بينيلو ثقتك بنفسك و بللي راكي قوية ماتتزعزعيش .ان شاء الله تتحسن امورك و الحمد لله عندك اطفال ينسيوك الهم.
أبوأريج
2016-10-18, 13:36
الكارثة ان البعض متزوجات حديثا يعني ما زالت عروسة وتنظر للشباب نظرات مغرية .وما خصها والو تزوجت وهي راضية ويحوس بيها ..لكن بقيت تنظر نظرات غريبة للرجال وبحجابها وعائلتها مع العلم انه من قبل هي وعائلتها معروف عليهم غير الخير
ساجده 82
2016-10-18, 13:56
لاحول ولاقوه الا بالله بكري يقولو عيش تسمع ضك ولات عيش تشوف .
ياختي ربي يهدي سركم .ماتخليش الشيطان يزيد الله ينتقم منها كيفاش هده مزوجه وز وزوجها وين راه .واس هذا الرجال الديوثين اللي همهم يزوجو ويخلو نساهم يسرحو ويمرحو
هذا سببه نقص الوازع الديني .انت زوجك اعطيه درس يتربى .ال
شئ الي باقيلو من حياتو مايعاود يهز راسو في امراه وماتعقديس الامر راكي عندك ولاد وسمعتهم فوق الدنيا.وهي وكيلها ربي .راهي .طيح طيح .الله
فاطمة شلف
2016-10-18, 15:42
السلام عليكم ورحمة الله وبركاته
شكرا لكم على المساندة بارك الله فيكم وجزاكم الله كل الخير
والله عضت اليد لي تمدتلها كنت حتى الخضرة نقسمها معها
افترشت لها ثوبا من الحرير وتقلبت في سريري
زوجي طلب مني السماح عدة مرات لكن لم اقدر على ذالك
ماحبيش نهدم داري سكارة في العديان فقط
واولادي هم خاوتي واصدقائي وكل شئ في الحياة
كرهت الرجال كرهت الزواج كرهت كل شئ اسودة الدنيا في وجهي
والحمد لله راني واقفة وربي في اولادي
ام احمدي
2016-10-18, 18:15
شوفي حنونة مادام زوجك رجع لعقلو وندم وطلب السماح خلاص حاولي تتعايشي معاه على الاقل اكراما لاولادك وبيتك وخاصة انو الخيانة مراحتش لامور كبيرة والحمد لله
ادعيلو حنونة والله الدعاء والبكاء لله والاستغفار احسن حل وهي ربي يتولاها وربي يبعد بلاها عليك وعليه

حنونة من تجربة اختي الكبيرة المتزوجة صديقيني راح تنساي وتكملي حياتك وراح تولي ليك ذكرى
احمدي ربي باسكو حكمتيه في اول الطريق والخيانة مراحتش الى ما لا يحمد عقباه
قارني مشكلتك باخريات وراح تهون
وتجربة الاخت الي ذكرتها العضوة رحاب رزان مثال حي
المهم ردي بالك تخلي دارك واولادك وحتى زوجك
اختي تاني خانها زوجها عن طريق الهاتف والفايس بوك يعني بالكلام برك
نهار فاقت بيه اقامت الدنيا وووووو
لكن البيت مخلتوش وماما قالتلها ردي بالك تخطي دارك
هو ندم بالبزاااف ومن تمة حبس كلشي وعادت دارو هي الاهم يمكن هداك التغيير هو الي خلا اختي تنسى وتكمل

حتى النساء في الخارج راهم كااارثة باتم المعنى حاولي تحصني بيتك بالاذكار والدعاء وربي يستر علينا يااارب

علبالك حنونة انا قريب زواجي وكي نشوف كلامكم وتجاربكم نخاااف بزاف ساعات نقول نحبس وخلاص خخخخخ
فاطمة شلف
2016-10-18, 18:26
السلام عليكم ورحمة الله وبركاته
شكرا لك ام احمدي بارك الله فيك وجزاك الله خيرا عللى النصحة
اختي الكريمة لي مزلتي ماتعرفهش خانني في بيتي في فراشي اثناء غيابي
لهذا لم اقدر على المسامحة
الله يصلح احول المسلمين والمسلمات الى مافيه الخير والرشاد
ام احمدي
2016-10-18, 18:34
حنونة واش نقولك الزمن كفيل بالنسيان ولو انو الامر صعييييب بالبزاف سيرتو هادي الفترة
حسبت الخيانة غير بالكلام ووو
واش نقولك ربي يهديه ويصلح اموره ويهدي سركم
وربي يزيح الهم عليك ياااارب
تقربي الى الله وهو راح ينسيك ويعوضك خيرا وراح تشوفي باذن الله
خلي ثقتك بربي كبيرة وربي يفرج عليك يااارب
*أم سجى*
2016-10-18, 19:15
استغفر الله والله ياختي غير تألمت بزاف لحكايتك بصح واش تحبي حنونتي هذاالوقت راه يقول هاك ربي يستر ويصلح الاحوال الخيانة الزوجية والعلاقات بين الجنسين اصبحت اسهل واكثر شيوعا ماكانت عليه قديما .....ماعليك ياختي غير بالصبر وفوضي امرك لله وكوني متأكدة بلي لي اتعدى حدود الله يخلصها غالية اليوم ولا غدوة متعمريش راسك باحكاية كامل عيشي لنفسك واولادك وسامحي زوجك ولمقدرتيش سامحيه ظاهريا وخلي ربي يتولاه ورددي دائما استغفرالله.....حسبي الله ونعم الوكيل
solinne
2016-10-18, 20:22
لا حول ولا قوة الا بالله استغفر الله واتوب اليه
واش نقولك كون انا والله ما نسكت على حاجة كيما هاك ونخليه يعض صباعتيه من الندم انا كنت حاسبة هدرة برك بصح كي وصلت لهكا والله غير بزااااف وهاذ الكلبة كيفاه ما فضحتيهاش قدام راجلها الخداعة الخاينة هاذي هي الدزيرية مسكينة تحمل كل شي على ولادها في وضعيتك صعب المسامحة يا ختي واذا سامحتي لازم حتى تقتنعي ما تسيفيش على روحك ومن بعد تدخلي في صراع مع نفسك
في هاذ الوقت عيشي لروحك ولولادك وصلي ودعي ربي يرد ليك زوجك ردا جميلا ودعيه تكوني قرة عين لزوجك وما تخليهش يعتقد بلي ما دار والو لالا حنونة دار كبيرة من الكبائر ومع متزوجة الله يصلح بالو ويهديه
فاطمة شلف
2016-10-18, 21:03
السلام عليكم
والله فضحتها امام زوجها لم يتكلم هو من يفوتلها الرجال والعياذو بي الله
سوف اعود الى الموضوع لاحقا
شكرا على التدخل احتي الكريمة
نواعم
2016-10-18, 22:51
الله يحسن العون اتي فاطمة وكلي امركةلربي حاولي تنساي علابالي مش ساهلة بصح في جال ولادك ربي يقدرك والدعاء ربي يحفظك
فاطمة شلف
2016-10-19, 10:59
السلام عليكم ورحمة الله وبركاته
شكرا لك ام احمدي بارك الله فيك على النصيحة
والله حاولت النسيان لكن لحدي الساعة لم اقدر على النسيان كلما ننظره ننظر الخيانة فيه
الحمد لله ايمان لم يضعف بل ازددت قوة
ونحمد الله على ذالك
تحياتي لكم جميعا
فاطمة شلف
2016-10-19, 11:04
السلام عليكم
شكرا لك بنيتي امل
والله الحمد لله راني شادة في ديني وهذه نعمة من عند الله بل ازددت قوة والتمسك اكثر
لكن بنيتي متسلط عليا البلاء بكثرة
والحمد لله الانسان المؤمن يبتليه الله اذا كان هذا البلاء من عند الله فانا اتقبله واذا كان من عند العبد
فااسمحولي لا ارضى به
تحياتي لك امل وكل من مرى من هنا
فاطمة شلف
2016-10-19, 11:09
السلام عليكم
شكرا لك اختي نواعم
ضربة السيف في غفلة قتلتني والله ماهي سهلة
الحمد لله لي ربي رزقني باولاد صالحين يخافو ربي المهم راني ربي في اولاد فقط لا غير
تحياتي للجميع
اميرة اليالي البيضاء
2016-10-19, 11:11
بارك الله فيك

وشبيك وسعي قلبك شوية
هذا مصرالك
ايه يالحنونة واش نحكيلك
اختي تسكن في البطيمة ومرة
رحت ليها وشهدت حربا عالمية
جارتها في الطابق السغلي
وجدت زوجها عند منزل جارتها
وجدته متلبس .
وحدث شجار حوالي 03 ساعات
لكن جارة اختي لم تسمح لجارتها
ان تأخذ زوجها ووالد اطفالها
بل حاربت وحاربت حتى ارجعته
وقالت لي اختي بعد شهر:
رحلت من تلك المكان

############

اختي زوجك طلب منك السماح و
اعتذر وانت الان يجب ان تتقربي منه
اكثر واكثر
لا تبتعدي عنه فايذهب يبحث عن سند له وطبعا لا يجدها الا هي
امام وجهه .
لا تضيعي زوجك بيديك
اطوي الصفحة وانسي
كلنا نخطئ
ولا قدرتي وكان باستطاعتك
ارحلي من امامها
واخيرا الحذر ثم الحذر منها

سلام
solinne
2016-10-19, 14:16
وين راني عايشة انا ؟؟؟؟؟
على بالك صدمتيني كي قلتيلي راجلها يفوتلها ........لا حول ولا قوة بالله ارحلي ارحلي يا حبيبتي ما تستنايش دقيقة واعملي على هاذ الحاجة حتى يرضى الزوج تاعك وقوليلي راهي وسخت سمعة الحي والنسا جامل الي عايشين هنا وديري الرحلة شرط للمسامحة خاطر حتى ولوكان صح راجلك يتوب وتبقاي انت فما تموتي غير بالشك والغيرة
مسلمة عفيفة
2016-10-19, 15:00
يا اختي انا نقلك حاولي تكسبي راجلك ......ممكن هو لقا حاجه في هاذي المرأة نتي معندكش......ربما هي راهي تجبد فيه ليها بحاجة مميزة.......انا نصيحتي ليك متزيديش تجبديلو هاذا الموضوع خلااااااااااااص عيشي حياتك ليك نتي برك .....قومي بروحك و بدارك.......بدلي نظام حياتك........غيري في تسريحة شعرك في جسمك اغريه خليه يتوحش يرجع للدار ........و نوعي ديما الاطباق و الماكلة و غيري ديكور المنزل و غيري من نفسك .....و اكثري من الاستغفار و الصلاة..و هو عامليه بكل برود......من خلال هدرتك يبانو ولادك كبار ...خلاص مالا عيشي ليك و لولادك و ديري وش قلتلك تلقاي نتيجه ان شاء الله.......يرجع وحدو يبعد عليها كي يلقا حلالو في الدار معندو ميدير بلحرام و عاودي حطي حسابات وش هوما السلبيات اللي فيك ربما هوما سبب اللي خلاه يشوف في لحرام و اسمحيلي اختي ربي يهديه و يرجع ليك كيما كان و خير و سلااااااااااااام
فاطمة شلف
2016-10-19, 19:55
السلام عليكم ورحمة الله وبركاته
اخواني اخواتي هو والله ماهو فرط فيا تحملت كل شئ الا الخدعة والله يغير عليا من الهواء الطاير
لكن كيف خدعني لا ادري لماذا
ماش حتى حاجة تنقاس اناقة ثقافة دين خلاق والله شهاهد على مااقول
قلبو بيض وطيب لكن ناقص ايمان
واش نحكيلكم الغيرة والحسد عماق قلوب البشر
مهوش مفرط فيا لكن لم اقدر النسيان
شكرا لكم بارك الله فيك
فاطمة شلف
2016-10-19, 19:57
السلام عليكم
تحياتي لكل من مرى من هنا وشاركنا في هذا الموضوع
اللهم اصلح احولنا واحوال المسلمين والمسلمات
فاطمة شلف
2016-10-19, 20:00
اميرة اليالي البيضاء
شكرا لك والله الخدعة انتشرت في كل مكان وهي معمدة عليها ولست انا فقط تقربا خدعت كل الحي
لان خدمتها هاكذا
حلفت عليها بان لاتدحل البيت
وفي الاخرة كل واحد يدي حقوا عند الله والله راقيب على كل شئ
فاطمة شلف
2016-10-19, 20:03
والله كما قتلك زوجها يجوزلها المكالمة وشغلتوا عند صحبها هل هذا يعقل
وتحكت على زوجته وطردتها هي الاخرة بعدما عملت فيها خير
تقدري تقولي بكات كل زوجة
شكرا لك
فاطمة شلف
2016-10-19, 20:06
مسلمة عفيفة شكرا على النصائح الرائعة
والله لو تعرفني كل شئ فيا مغير حتى طريقة كلامي والحمد لله هي مافيها حتى شئ يعجب
وانما تبع مول الدراهم والمركز
وحاليا كي نفر منها الجميع انتقلت الى صحبة الدرك
اللهم ابعد عنا البلاء والمصائب
شكرا
تحياتي
اميرة اليالي البيضاء
2016-10-20, 09:15
بارك الله فيك
المهم ردي بالك منها وقولي
لزوجك رد بالك منها .
وانسي مافعل زوجك وعودي الى
زوجك مثلما كنت.

سلام
فاطمة شلف
2016-10-20, 09:31
السلام عليكم
شكرا لك يااميرة ان شاء الله تبقين دائما اميرة الامراء
والله يااختي الكريمة نفر منها الجميع اي الحي كل الخاص بالرجال انتقلت
الى برى المدينة والبيت لي تدخل ليه تخرب ساسو
اللهم عفينا وعفو عنا يارب العالمين
فاطمة شلف
2016-10-20, 09:33
السلام عليكم ورحمة الله وبركاته
ارجوا من سيادتكم حذف الموضوع
وشكرا
ساجده 82
2016-10-20, 09:42
سلام ختي جمد الماء في ركايبي واش رانا نسمعو هذ مجتمععع مسلم ولا واش .
ياختي واش نقولك انا حسبت .خيانه. تاع. هدره. فقط بالصح .....
انت ادرى بنفسك راه اذا لحقت للزنى راه يطبق في حقهما الحد...
انت عيشي لولادك .حابين نصبروك ولكن انت ادرى بقدرتك على الصبر .لازم تربيه تعطيك درس عمرو لا ينساه .تخيلو كان المراه اللي خانت .يذبحها .ااذاا مانقولكش. خربي بيتك ولكن راه لازم تشاوري عقلك وتخمي مليح مليح انا اوافق اللي قاتلك ارحلي من ثم.
فاطمة شلف
2016-10-20, 10:38
السلام عليكم ورحمة الله وبركاته
اختي ساجدة
بارك الله فيك
هذي الزينة عندها شحال لكن انا مقدرة ننسها ولا نسامح حسيت كرامتي طاحت في الارض
وجوزت المحنة بكل قوة وصبر
كما قلتي راني عايشة وربي في اولادي خوفا من الضياع وخاصتا البنات الدنيا مهيش ترحم
وسكارة فيها
حاولت بجميع الطرق التفرق بين وبين زوجي لكن لم تقدر على ذالك تصديت لها
حرشت ابنها على ابني ضربه بسلك غفلة درت لاوليدي عملية في اصبع الابهام مدة شهر بالرياضة
باش رجع يكتب اعطاني الطبيب الشرعي شهدة طبية مدة 30 يوم
ولم اشتكي عليها بل شكوتها لله
نظرا الى سمعة زوجة رغم الاهانة الملحقة بي واش نقلك يااختي خليها ربي عالم ودري بها
بغض النظر على الغبينة لي فوتها مع عائلته والله لا جاء الصبر ينطق ينطق بي
والحمد لله والشكر لله
ضربتين في الراس توجع
وحاجات اخرى لن ابوح بها خليها لربي
شكرا على نصائح الرائعة
وتحياتي لكم
فاطمة شلف
2016-10-20, 11:12
رغم الاهانة رغم عملية ابني لازلت واقفة تقدري تقولي امراة متحدية تحديت كل الغبن تحديت
كل من يقف امام سعادتي تحديت لكل من يقف في وجه اولادي
الناس تحارب من اجل الارض
واناضل من اجل العيش بسلام
صبرت كابرت بكل قوتي لكي يرجع الرجل رجل والمراة مراة
فاانا المراة المضحية من اجل سعادة اولادها
انا المراة من شربت المر من اجل اولادها
انا المراة من تعذبت طيلة حياتها من اجل اولادها
والحمد لله نعمة الاولاد لا تعوض ولا تشترى بالمال
المهم نلت الاولاد
والله اكبر كبير
ساجده 82
2016-10-20, 11:52
رربي يخليلك وليدلتك وصلحهملك ويعوضوك .والصبر راه يجازءيك ربي على قد صبرك .صح والله ككان اشياء توجع ويكون عندها الم اكثر من الجر اللي يسيل من الدم بالصح فوقنا رب وراح ياخذ بيدك وينتقملك .صح نتي عملتيي عين العقل ولادك كبرو انت مجروحه وهوما تزيد تروح سمعتهم في وجه ناس ماتخافش الله .ووحقك طالت او قصرت راح تديه كامل مكمول . بي يثبتك ويقويك ومايشمت فيك عدو .ياختي مابقاتش في زوجك حرزي ولادك هذا النوع مايخافش الله .
Asmaa.B
2016-10-20, 12:03
ربي معاك.. هذا اصعب ابتلاء للمراة.. يا اختي وسعي خاطرك و ما تهديش بيتك في خاطر اولادك و زيد مهما يكون حياتك معاه تبقى اخسن من الطلاق لا قدر الله.. اذا كان اولادك كبار خليهم يوقفو معاك و اذا كان البيت ملككم ننصحك تقنعي زوجك تبيعو و ترحلو لبيت اخر لانك اكيد ما راحش تقدري على هذه الشيطانة و تبقاي ديما خايفة من عمايلها خصوصا ما دام زوجها معاها يا لطيف..
علابالي الموقف صعيييب لكن ما تخليش الفراغ بينك و بين زوجك و ادعي ربي ينسيك لانك اذا ما سمحتيلوش و هجرتيه يلقى لي تعوضك بالحلال ولا الحرام و تزيدي قنطة على قنطة.. نصيحتي كوني مراة و اعفسي على قلبك و ما تخلي فرصة لحتى واحدة تديه و تفرح بيه
belahmar
2016-10-20, 12:20
السلام ايها الاخت المحترمة مع هذه الانواع العمل معهم بمايلي(ألي بدلك بالفول بدلاه بالقشور) وشكرا مدام
فاطمة شلف
2016-10-20, 17:41
السىم عليكم
بارك الله فيك اختي ساجدة
والله يااختي اولادي هم سندي والحمد لله راهم حميني كبرتهم بشوى والكوى والحمد لله نلتهم
وربي مافيه غير الخير
كي نحرج لزم احد من اولادي يبقى في البيت مكاش الامان ولي يخون مرة يخون الف مرة
الحمد لله اللهم دمها نعمة
فاطمة شلف
2016-10-20, 17:50
شكرا لك يااسما بارك الله فيك نصحتك افدتني كثيرا
هو قالي ندمت والله سامحيني حاولي تنسي ظاهريا اتجاهل الامر لكن داخليا قلبي يتقطع بالموس
الحافي يعني مجروح لدرجة لاتتصور رغم عندها بزاف حاولت النسيان لكن لااقدر
انا من نوع لي ميقدرش ينسى
في البداية حاولت الخروج من البيت لكن شيخي وعجوزتي وامي اترجاه زوجي قالتلي
لا تيتم اولادك واذا طوعتيني تدي ان شاء الله دعوة الخير
انا من نوع مانظلم مانبغي لي يظلمني
والله مريت بوحد الفترة مايعلم بها غير ربي سبحانو
والحمد لله جوزت اصعب الشدائد
وشكرا
فاطمة شلف
2016-10-20, 17:56
السلام عليكم
شكرا لك استاذي الكريم
والله الاولاد جائو في طريقي لهذا لم اقدر على مفارقتهم مروا بوحد الفترة مايعلم بها غير الله
وكرهو ابوهم
لانهم شافو بعينهم حتى الان باه قدرو يتكلموا معاه لكن مزالو متاثرين بها
صراحتا لم ينزل في قلبي
مثل الجمرة عندما تنطفي في الماء
شكرا استاذي بارك الله فيك
تحياتي
kannador
2016-10-20, 19:53
لا حول ولا قوة الا بالله
*أم سجى*
2016-10-20, 21:07
اختي فاطمة كتبتلك رسالة طويلة وعريضة مع الاخر تعذر الارسال صندوقك كان معمر ...المهم ان شاءالله راكي بخير حنونتي
loubna86
2016-10-20, 21:58
لا تتركي مكانك و خممي على أولادك . و هاذيك الأفعى وقفيها عند حدها . و غير الصح اللي يدوم . ما تروحيش و تخلي لها الساحة ترقص كيما تحب و تديه منك و انت لا عملة و لا حركة . ربي ينصر الحق
فاطمة شلف
2016-10-20, 23:32
السلام عليكم ورحمة الله وبركاته
شكرااخي الكريم على المرور لاحول ولا قوة الا باالله
والله عالم بكل شئ
بارك الله فيك
تحياتي
فاطمة شلف
2016-10-20, 23:37
شكرا لك بنيتي امل على المساندة فاانا ممتنة لك الله يحفظك وبطول عمرك
تحياتي
فاطمة شلف
2016-10-20, 23:40
شكرا اختي لبنة بارك الله فيك
والله غير ظهر الحق وبان الحق حق والباطل باطل
جزاك الله كل الخير
فاطمة شلف
2016-10-24, 18:21
السلام عليكم ورحمة الله وبركاته
اخواني اخواتي اشكركم جزيل الشكر على المساندة والنصائح التي يجيب اخذها بعين الاعتبار ومن الاخطاء نتعلم يقول المثال لي طاح وناض عوض مطاحش
وهاكذا من الاخطاء نتعلم ونعلم واتمنى ان نكون قد افدنا واستفدنا
وبارك الله فيكم