¸.•'´¯).•'´¯) اطباقي اليومية بلمستي السحرية (¯`•.¸(¯`'•¸.•'

[زينب 83]

http://wow.mrkzy.com/breaks/salam/35.gifان شاء الله تكونو كاامل بخير و بصحة و عافية
بعد طول غياب حبيت نقدم هذا الموضوع الخاص باطباقي اليومية بلمستي الخاصة

فكرت في هذا الموضوع بعد ان راسلوني بزااف اخوات حابين وصفات لبعض الاطباق الي معتادين عليها

لذا قررت انو نحط وصفات اطباقي اليومية سواء كانت جديدة او معروفة عسى اني أفيد اخواتي خاصة المبتدئات

و هذا اول قسم منها ان شاء الله يكون في المستوى

نبدأ على بركة الله

روتي لحم في الفرن مع بطاطا مهروسة

هذا جزء من الفخذ طري و قليل الدهون
تبلتو بالتتبيلة التالية

ملعقة موتارد . ملعقة طماطم مصبرة . ملعقة صغيرة هريسة . ثوم مرحي. دبشة و معدنوس مقطعين، فلفل اخضر مقطع رقيق . كمون .كسبر مرحي . بابريكا . ملعقة عصير ليمون . ملح . ثوم بودرة

فرشت التتبيلة فوق اللحم من داخل و دهنو بشوي ملح مخلط مع زيت من برى
و لميتو بالخيط و حطيتو في ورق زبدة تحتو ورق المنيوم و دخلتو الفرن تقريبا ساعة
بعد ما يطيب نخليوه يبرد شوي حتى يطلق كامل العصارة تاعو و مباعد نقصوه شرائح

بالنسبة للبطاطا المهروسة

غسلت حبات البطاطا حطيتهم يطيبو بالقشور مع حبة ثوم
و هاذي احسن طريقة باه ماجيش البطاطا مطاطية
بعد ما طابو قشرتهم و رحيتهم مع شوي حليب و حبة ثوم لي طيبتها شوي ملح و شوية زبدة
و عند التقديم سقيتها بصوص اللحم بعد ما صفيتها
صدقوني من ألذ الاطباق

http://www.m5zn.com/newuploads/2016/10/15/jpg//b8633eb3c87cab4.jpg (http://www.m5zn.com/out.php?code=16482435)

http://www.m5zn.com/newuploads/2016/10/15/jpg//95ab49d3e4470a6.jpg (http://www.m5zn.com/out.php?code=16482436)


http://www.m5zn.com/newuploads/2016/10/15/jpg//28e6de04d703e34.jpg (http://www.m5zn.com/out.php?code=16482434)

كورجات باللحم المفروم في الفرن سهلة لذيذة و صحية


هذا الطبق سهل و لذيذ جدا و صحي
نقص الكورجات دوائر
نتبل اللحم المفروم بالثوم و الدبشة مقطعة شوي كسبر ملح ثوم بودرة
انا زدتلو زوج حبات مرقاز يزيد في البنة
نستفو الكورجات و اللحم على التوالي و نجيبو زوج كيسان ماء نخلطو فيهم ملعقة طماطم مصبرة ثوم مرحية ملح و بهارات و ملعقة زيت و نسقيو بيه الكورجات و ندخلوها لفرن سخون
كي طيب ممكن نزيدو جبن مبشور
انا مادرتش

ماتتوقعوش شحال جي بنينة و خفيفة اممممم

http://www.m5zn.com/newuploads/2016/10/15/jpg//838a79b47c61249.jpg (http://www.m5zn.com/out.php?code=16482442)

http://www.m5zn.com/newuploads/2016/10/15/jpg//77c979e88bfb819.jpg (http://www.m5zn.com/out.php?code=16482441)

http://www.m5zn.com/newuploads/2016/10/15/jpg//606139bdcb932d9.jpg (http://www.m5zn.com/out.php?code=16482440)



دجاج محمر مع تليتلي مجمر لذيذ و مختلف

تتبيلة الدجاج
موتارد . طماطم مصبرة . ثوم مرحية . كمون . راس الحانوت . ثوم بودرة .ملعقة زيت . دبشة مقطعة .و ندهن الدجاح مليح من داخل و من برى نحطوها داخل ورق زبدة مفرش في ورق المنيوم و نزيدو راي حار و حبات زيتون اخضر مغلى من قبل و حزر مقطع
نقفلو ورق الالمنيوم و ندخلوها الفرن

اما التليتلي نكونو فورناه مرتين بعد ماندهنوه بزيت اولا ثم زبدة ثانيا و نرشوه بماء و ملح
بعد ما يطيب الدجاج نحيو لاصوص لي طلقها و نجمرو فيها التليتلي
و نشعلو للدجاج يتحمر من فوق

اممممم لذيذ جدا

http://www.m5zn.com/newuploads/2016/10/15/jpg//5e87b0296679ed0.jpg (http://www.m5zn.com/out.php?code=16482446)
http://www.m5zn.com/newuploads/2016/10/15/jpg//f2fdc5f73e4a3ff.jpg (http://www.m5zn.com/out.php?code=16482447)

http://www.m5zn.com/newuploads/2016/10/15/jpg//75368bb9f1512c4.jpg (http://www.m5zn.com/out.php?code=16482445)

http://www.m5zn.com/newuploads/2016/10/15/jpg//cf832fabd9214e7.jpg (http://www.m5zn.com/out.php?code=16482444)

بطاطا محشية بطريقة مختلفة

للامانة هذه الفكرة شفتها فالفيس بوك

نقطع البطاطا بالطول و مباعد نقص فيها خطوط على شكل اصابع اليد
و نحطوها في ماء و ملح مدة نص ساعة حتى تذبل و ترجع سهلة التشكيل

نتبلو اللحم كما في الوصفة السابقة و نشكلوه على شكل بيضوي و نحشيو البطاطا كما في الصور ثم نغطسوها في بياض البيض و نقليوها في زيت سخون
بعد ما طيب نسقيوها بالصوص

تحضير الصوص

دجاج بصل مفروم ملعقة .طماطم مصبرة. حمص مرنخ . بصل مفروم .ثوم مفروم .كسبر مرحي . كمون مرحي.ملح ملعقة زيت
نقليو كامل المكونات مع بعض و نمرقو بالماء لكن مانكثروش باه جي الصوص خاثرة



http://www.m5zn.com/newuploads/2016/10/15/jpg//fe9afd7fbf1e68d.jpg (http://www.m5zn.com/out.php?code=16482450)
http://www.m5zn.com/newuploads/2016/10/15/jpg//9a3199492ad5a41.jpg (http://www.m5zn.com/out.php?code=16482451)

http://www.m5zn.com/newuploads/2016/10/15/jpg//ab20a33047c6ba6.jpg (http://www.m5zn.com/out.php?code=16482449)

http://www.m5zn.com/newuploads/2016/10/15/jpg//2040aaadee99a5a.jpg (http://www.m5zn.com/out.php?code=16482448)

سباقيتي المقلاة سهلة لذيذة و سريعة

سباقيتي سهلة و لذيذة جدا ولادي يموتو عليها
اولا نغلي السباقيتي في ماء و ملح و ورقة رند ،انا مانحبهاش طايبة بزاف نحبها كيما يقولو الايطاليين ألدانتي

نقليو بصل مفروم مع شوي ثوم و ملعقتين زيت
كي يذبل البصل نزيدو اللحم المفروم و الفطر
كي يتقلى اللحم نزيد ملعقة طماطم مصبرة و طماطم حب مرحية و ورقة رند ،ملعقة صغيرة سكر ،ملح ،كسبر مرحي ،فلفل اسود ،زيتون مغلى و مقطع ،دبشة مقطعة و كاس ماء

بعد مايطيب اللحم و تعقاد لاصوص نزيد 4 ملاعق كرام فراش و اخيرا السباقيتي

و نخليوها تشرب الصوص دقائق ثم نقدموها سخونة اممممممممم

http://www.m5zn.com/newuploads/2016/10/15/jpg//c969307c668f9f4.jpg (http://www.m5zn.com/out.php?code=16482453)
http://www.m5zn.com/newuploads/2016/10/15/jpg//8ee319938ac5400.jpg (http://www.m5zn.com/out.php?code=16482454)

http://www.m5zn.com/newuploads/2016/10/15/jpg//66eb82dc33e8076.jpg (http://www.m5zn.com/out.php?code=16482452)

دجاج على طريقة المطاعم مكافأة اخر الاسبوع

اولا الدجاج

نقطعو الدجاج قطع متوسطة او ممكن نستعملو الافخاذ او الاجنحة نحطوهم في صحن فيه ياوورت طبيعي مخلط مع ملح و موتارد و فلفل اسود
نخليوهم فيه على الاقل ساعتين

نوجد الخليط الثاني
فرينة نزيدولها ملح ،ثوم بودرة ،بصل بودرة ،قلفل اسود ،فلفل احمر حار و حلو ،كمون

نقسمو الخليط على 2
جزء نخليوه ناشف و الثاني نزيدو ملاعق ماء نتحصلو على خليط عاااقد

نرمدو قطع الدجاج في الخليط السائل ثم الجاف و نقليوهم في زيت سخووووووون

ناكلوهم سخونين

اما البطاطا
نقطع البطاطا و نحطوها في ماء فيه ملعقتين خل و نخليوها نصف ساعة
بعدها نقليو البطاطا على نار متوسطة نصف طياب و نحيوها
نخليوها تبرد مليح و نعاودو نقليوها في زيت سخووون راح نحصل على بطاطا مقرمشة مثل المطاعم



http://www.m5zn.com/newuploads/2016/10/15/jpg//e8de55ca4cac4fe.jpg (http://www.m5zn.com/out.php?code=16482456)


http://www.m5zn.com/newuploads/2016/10/15/jpg//84ba2cdaaad7c3e.jpg (http://www.m5zn.com/out.php?code=16482458)
http://www.m5zn.com/newuploads/2016/10/15/jpg//aca0f0455d1e538.jpg (http://www.m5zn.com/out.php?code=16482457)


http://www.m5zn.com/newuploads/2016/10/15/jpg//bfbb5d2376a39c3.jpg (http://www.m5zn.com/out.php?code=16482455)

كوتلات مع زاليقو مفورين امممممممم

هذا الطبق انا نحبو بزاف لانو مانحسوش فيه بدسامة الكوتليت
نغلفو الكسكاس بورق المنيوم +ورق زبدة
نحطو كوتلات متبل ب
موتارد . طماطم مصبرة . ثوم مرحية بصل مرحي . كمون . راس الحانوت . ثوم بودرة .ملعقة زيت . دبشة مقطعة راس فلفل حار
و نحطو من الاسفل الزليقو
نغلقو مليح و نخليوها تتفور كي تقرب يطيب اللحم نزيدو بطاطا مقطعة

قبل التقديم ندخلوها للفرن 10 دقايق و نقدموها ،طبق لذيذ صراحة لا يقاوم


http://www.m5zn.com/newuploads/2016/10/15/jpg//be730513cbf84d5.jpg (http://www.m5zn.com/out.php?code=16482459)

http://www.m5zn.com/newuploads/2016/10/15/jpg//99d09e3520f3563.jpg (http://www.m5zn.com/out.php?code=16482461)

http://www.m5zn.com/newuploads/2016/10/15/jpg//286ec957b448fc9.jpg (http://www.m5zn.com/out.php?code=16482460)


شوارما اللحم لذيذة

نتبل شرائح اللحم ب
موتارد . طماطم مصبرة . ثوم مرحية . كمون . فلفل احمر حار . ثوم بودرة .ملعقة زيت . دبشة مقطعة ،عصير ليمون
ندخلو شرائح اللحم فوق بعض في اعواد مثبتة في حبة بطاطا
و نغطيوها مليح بورق الالمنيوم و ندخلوها للفرن

بعد ما طيب نقطعوها طوليا و بالصحة و الهناء
http://www.m5zn.com/newuploads/2016/10/15/jpg//6037037dace8431.jpg (http://www.m5zn.com/out.php?code=16482462)

http://www.m5zn.com/newuploads/2016/10/15/jpg//3b1ea24f0f72d56.jpg (http://www.m5zn.com/out.php?code=16482463)

الذ طاجين جبن ممكن تاكلوه على ضمانتي

هذا طاجين الجبن اذا درتوه راح تعاودوه اكيد

اولا الصوص
نديرو ملعقة زبدة مع بصلة مرحية و ثوم مرحي كي يتقلاو نزيد ملعقة صغيرة نشاء و ملعقة صغيرة موتارد و فلفل اسود و شوية كركم و كسبر مرحي بعد ما تذبل البصل نزيد قطع صدر دجاج مقعطة صغيرة و نخليوها تتقلى نزيدو زيتون مغلى مسبقا و فطر مقطع
نمرقو بالماء لكم مانكثروش
بزاف باه الصوص تكون خاثرة ،كي توجد لا صوص نميكسيو كمية صغيرة من الصوص مع حبة جبن طري و نضيفوها للمرق تعطيها بنة مختلفة

الطاجين
نقليو اللحم المفروم في ملعقة زيت مع بصل مفروم و ثوم
كي يطيب اللحم نزيدولو 3 بيض. نص كاس حليب . نص كاس كريم فراش . نص كاس جبن احمر مبشور . دبشة مقطعة . فلفل اسود . 2 ملاعق شابليغ . الملح مانكثروش لانو كاين بزاف الجبن


ندهنو لي غامكان مليح مليح بالزبدة و نحطو نصف الخليط و مباعد نحطو الجبن الطري و نزيد باقي الخليط

كي يطيب نقدموه مع لاصوص بنين بزااف بزااف
http://www.m5zn.com/newuploads/2016/10/15/jpg//a764bd1ba922559.jpg (http://www.m5zn.com/out.php?code=16482465)

http://www.m5zn.com/newuploads/2016/10/15/jpg//e6660e3ba4ddd0d.jpg (http://www.m5zn.com/out.php?code=16482464)

http://www.m5zn.com/newuploads/2016/10/15/jpg//0c160cb9f69d1da.jpg (http://www.m5zn.com/out.php?code=16482468)

http://www.m5zn.com/newuploads/2016/10/15/jpg//7ca8086337ec0a0.jpg (http://www.m5zn.com/out.php?code=16482467)

http://www.m5zn.com/newuploads/2016/10/15/jpg//bdbf8455c12fddb.jpg (http://www.m5zn.com/out.php?code=16482466)

حمص على الطريقة التركية

هذا حمص بالكفتة على الطريقة التركية لذيذ جدا

اولا نطيبو الحمص مسبقا في الماء
ثانيا نوجدو المرق كالتالي
حبة بصل مرحية و حبة جزر مرحي رقيق و ثوم مرحي نقليوهم في ملعقة زيت و ملعقة زبدة

نضيفو ملعقة طماطم مصبرة و ملح . فلفل اسود . و فلفل احمر حار و حلو
بعد ما يتقلاو نمرقو بالماء مانكثروش بزاف كي يغلى المرق نضيفو الحمص و نخليوها طيب
نوجدو الكفتة
نتبلوها بثوم مرحي و ملح و فلفل اسود و نعناع يابس مرحي يعطيها طعم رووعة
نشكلو حبات الكفتة قد حبة الزيتون و نرمدوها في الفرينة ثم نظيفوها للمرق
كي تخثار نقدموه سخوه مع رشة دبشة مقطعة اممممممممم

http://www.m5zn.com/newuploads/2016/10/16/jpg//2cf0b9d27e58e33.jpg (http://www.m5zn.com/out.php?code=16482659)

http://www.m5zn.com/newuploads/2016/10/16/jpg//4022b6d5330bd53.jpg (http://www.m5zn.com/out.php?code=16482658)

http://www.m5zn.com/newuploads/2016/10/16/jpg//df2ed974b8aaa12.jpg (http://www.m5zn.com/out.php?code=16482657)

مقرونة بالدجاج و النقانق في الفرن اسرع ما يكون

نقليو بصل مفروم مع شوي ثوم و ملعقتين زيت
كي يذبل البصل نزيدو الدجاج و النقانق
كي يتقلاو نزيدو ملعقة طماطم مصبرة و ورقة رند ،ملعقة صغيرة سكر ،ملح ،كسبر مرحي ،فلفل اسود ،و مقطع ،و كاس ماء و اخيرا نص كاس كرام فراش

كي تعقد نزيدو المقرونة لي طيبناها من قبل في ما و ملح و نخلطوها مليح مع الصوص و ندهنو مول الغرتان بالزبدة نحطو نصف الكمية ثم كمية مليحة من الجبن ثم باقي كمية المقرونة ثم كمية مليحة من الجبن و ندخلوها للفرن حتى يذوب الجبن
سريعة و لذيذة جدا

http://www.m5zn.com/newuploads/2016/10/16/jpg//d26b989d82af7a4.jpg (http://www.m5zn.com/out.php?code=16482681)

http://www.m5zn.com/newuploads/2016/10/16/jpg//51816e5c0bf303f.jpg (http://www.m5zn.com/out.php?code=16482680)

http://www.m5zn.com/newuploads/2016/10/16/jpg//1997f00b9af8003.jpg (http://www.m5zn.com/out.php?code=16482679)

http://www.m5zn.com/newuploads/2016/10/16/jpg//fe80010b6f67f62.jpg (http://www.m5zn.com/out.php?code=16482678)

حمص قسنطيني دوبل زيت مع دجاج محشي بالجبن

نرحيو الدجاج مع ثوم بصل دبشة و ملح و فلفل اسود و ممكن فىفل حار
نديرو طبقة دجاج مفروم ثم طبقة جبن البرغر ثم نغطيوه بطبقة من الدجاج المفروم نقطعوه قطع و نشويوه في المقلاة مع ملعقة زيت

امممم كي يذوب الجبن لذة لا تقاوم

http://www.m5zn.com/newuploads/2016/10/16/jpg//1427c273084326f.jpg (http://www.m5zn.com/out.php?code=16482736)

http://www.m5zn.com/newuploads/2016/10/16/jpg//8da525c99740a86.jpg (http://www.m5zn.com/out.php?code=16482735)

http://www.m5zn.com/newuploads/2016/10/16/jpg//c7e58ce6ef6fcfb.jpg (http://www.m5zn.com/out.php?code=16482734)


http://www.m5zn.com/newuploads/2016/10/16/jpg//be50107dcf821a5.jpg (http://www.m5zn.com/out.php?code=16482733)

الحمص

هذا حمص المطاعم في قسنطينة لذته لا تقاوم خاصة في فصل الشتاء
كاين مرق احمر و كاين ابيض

اولا نطيبو الحمص في ماء و شوي ملح
بعد ما يطيب نزيدولو شوي خميرة حلويات،بصل مفروم ،كمون ،كسبر مرحي ،فلفل اسود ،ملعقة زيت زيتون و ثوم مرحي
و نزيدو نخليوه يطيب مليح واحدة 10 دقايق في الكوكوت
بعد مايطيب نقدموه مع بصل و فلفل مقطع و شوي كمون و زيت زيتون
جربوه بنييين رووعة

هذا القسم الاول من اطباقي اليومية اتمنى ان ينال رضاكم حبيباتي
http://www.m5zn.com/newuploads/2016/10/16/jpg//c408720e1ecfec2.jpg (http://www.m5zn.com/out.php?code=16482742)

http://www.m5zn.com/newuploads/2016/10/16/jpg//72c7ffe8473e03d.jpg (http://www.m5zn.com/out.php?code=16482741)

http://www.m5zn.com/newuploads/2016/10/16/jpg//992c48ba8cebfe6.jpg (http://www.m5zn.com/out.php?code=16482740)


في امان الله

[انتصار فاطنة]

الله يبارك زينوبة روائع الله يشافي اختك وان شاء الله كي اليوم تلقايها تمشي وتفرحو بيها سلامي ليك وليها راني ديما متفكرتها وندعيلها يا غالية

[ام هدول]

بارك الله فيك زينب كي العادة متاقلة في الطبخ وطريقة التقديم .....ماشاء الله رووعة
ربي يشفي اختك وتنجح عمليتها ...وترجع معفاة بادن الله

[زينب 83]

الله يبارك زينوبة روائع الله يشافي اختك وان شاء الله كي اليوم تلقايها تمشي وتفرحو بيها سلامي ليك وليها راني ديما متفكرتها وندعيلها يا غالية

اهلين بيك حبيبتي ليك وحشة
تسلمي حبوبة الحمد لله هي راهي تمشي لاباس لكن عندها مشكلة في العرق تاع ساقها فقط و الحمد لله

[yousufyasin]

بارك الله فيكي اختي زينب اشكرك علي هذ ه الاطباق

[&ام ايوب&]

مشكورة على الاطباق اختي ربي يجعل ما تقومين به في ميزان حسناتك ان شاء الله

[ام جنى ص]

الله يعطيك الصحة اختي زينب وين تروحي يفتحها في وجهك على قلبك الهايل دايما متالقة ربي يزيدك تالق انشالله

[طالبة النجاحْ~]

ماشاء الله زينب بارك الله فيك لمستك ساحرة
شكرا وبارك الله فيك على الوصفات يستحق خمس نجوم
ربي يشفي خيتك حبيبة ويعافيها وييسر امورها

[زهرة الريف*]

بسم الله وماشاء الله ربي يزيدك من نعيمه
روووووووووعة كلمة قليلة عليك يعطيك الصحة وبارك الله فيك على التحف لي حطيتي وربي يجازيك خير جزاء على المعروف لي راك ديريه فينا استفدنا منك الكثير
أسأل الله العظيم رب العرش العظيم أن يشفي أختك ويكملها بالشفاء التام هي وكل مريض يارب

[lamiak1]

ماشاء الله راكي دوختيني واو ما هذا الابداع طباخة ماهرة

[nabila222]

دائما في القمة ومبدعة اشاء الله ربي يحفظك من العين اختي زينب .

[*توبــــة*]

ماشاء الله تبارك الرحمن
رواااااااااائع روااااااائع من ايديك ياااااااااازينب
وطريقة التقديم هااااااايلة
ربي يدوم عليك صحتك ويزيدك من نعيمو
ويشف اختك شفاء ليس بعده سقما ياااارب

تعيشي يا الحبيبة كنت سقسيتك ف الكوزينة على
وصفة البكبوكة وماشفتيش سؤالي
كي تقدري حطيهالي حبوووبتي

http://www.m5zn.com/newuploads/2016/09/26/jpg//m5zn_153a6e6f9dd7ba8.jpg

[Oum yousra]

رااااااااااااااااااااااءع اختي زينب اطباقك كلها تووووووووب ربي يحفضك حنونة على المجهودات الي راكي ديريها باه الكل نستفادو من خبراتك دمتي متألقة :19::19::19::19:

[البحر الصافي]

ماشاء الله ربي يبارك في دوك اليدين مبدعة وشاف من دون منازع
الله يجعل كل ماتقدمينه في ميزان حسناتك
عجبتني الاضافات والافكار في لاصوص تاع طاجين الجبن روووووعة
وكلش متحوف ربي يشفي اختك شفاء تام ويحفظك لوليداتك

[أم ياسين الزهراء]

كيما تقول شهرزاد بنين بنين بنين بزاف والله روعة الله يبارك وكلش تاع حطى وتقلاش ربي يبارك فيك ويخليك

انتضري تطبيقي لبعض الوصفات

الله يشافي اختك يارب ونفرحو بيها

[دائمة الشكر]

يعطيك الف عافية زينوبة أطباق روعة روعة وتشهي اممممم
ربي يشفي اختك ويلبسها ثوب الصحة والعافية امين يارب

[RIMA.87]

السلام عليكم
بسم الله ما شاء الله ،و ربي يبارك فيك و في أهلك و يجعل كل ما تقدمينه في ميزان حسناتك أختي زينب ،
أطباقك فيها إبداع قمة في الرووووووعة و طريقة التقديم مغرية ،
مشكووورة على الوصفات ،استفدنا الكثير من عندك ربي يحفظك،
أسأل الله العظيم رب العرش العظيم أن يشفي أختك و جميع مرضى المسلمين

[شمس الملوك]

الله يبارك تحف فنية حفضك الله وجزاك خيرا على تعبك ومجهوداتك

[زينب 83]

ماشاء الله تبارك الرحمن
رواااااااااائع روااااااائع من ايديك ياااااااااازينب
وطريقة التقديم هااااااايلة
ربي يدوم عليك صحتك ويزيدك من نعيمو
ويشف اختك شفاء ليس بعده سقما ياااارب

تعيشي يا الحبيبة كنت سقسيتك ف الكوزينة على
وصفة البكبوكة وماشفتيش سؤالي
كي تقدري حطيهالي حبوووبتي

http://www.m5zn.com/newuploads/2016/09/26/jpg//m5zn_153a6e6f9dd7ba8.jpg

تسلمي حبيبتي توبة وين نجي انا من اطباقك الرايعة
هاذي الطريقة و اسفة على التاخير

[yukimaroua]

ما شاء الله لا قوة الا بالله ربي يجازيك ويبارك لك في عائلتك ويشفي اختك

[ام فضل]

ما شاء الله واش هاذ الخيرات

[سؤدد الجنة]

متألقة كعادتك شكرا وبارك الله فيك

[حياتي كلها امل]

رواؤع وصفة تنسي في ختها
ربي يجيب الشفاء لاختك يارب

[norsofia]

الله يبارك اطباق في القمة سلمت يداك

[حياة نور الدين]

بارك الله فيك زينب ربي يخليلك صحتك ويبارك لك في رزقك ووليداتك ويشفي اختك ان شاء الله
شكرااااااااا

[*أم كوثر*]

يعطيك الصحة زينب كل طبق يقول للاخر بعد لهيه
رواااائع من يديك الله يبارك
بانتظار المزيد
عودة ميمونة

[ام رضوان]

الله يبااااااارك ويزييييد
فناااااااانة ياشيف زينب
كل اكلة تنسي في الاخرة
والله يعطيييييك الصحة
روعة روعة روعة
ربي يحفظك وشكرا
وربي يشفي اختك ويلبسها ثوب العافية اميييييين

[انا هي رزيقة]

ماشاء الله و تبارك الرحمان في هذوك اليدين لي راهم يخرجو هذ التحف المطبخية ربي يحفظك من العين اختي زينب و يشفي اختك ان شاء الله امين امين امين

[كوثر التائبة]

ماشاء الله عليك يديك تتلف في حرير دمتي متالقة روعة صراحة اطباقك ووصفاتك كلها ناجحة في ميزان حساناتك اختي زينب

[ام نور الهدى 2014]

كلش روعة حبيبتي زينب اشتقنا لاطايبك
سلمت يداك و ربي يحفظك لاوﻻدك و زوجك و عايلتك كلها يارب

[minina2601]

الله يبارك ويزيد جزاك الله خيرا

[ام ساجد]

يا سلام كل طبق ينسي في لاخر ماشاء الله كلشي


روعة حبيبتي تسلم الايادي

يعطيك الصحة

[اميريم19]

ما شاء الله دائما متالقة بارك الله فيك

[chez biba]

السلام عليكم ورحمة الله وبركاته
بسم الله ما شاء الله زينوبة اطباقك كلها قمة في الإبداع الله يبارك وربي يجعل كل واش تقدمي في ميزان حسناتك
شوفي هذا أسرع تطبيق لطاجين الجبن درتو البارح للفطور بما انو كان عندي كل المقادير متوفرة جاء في وقتو قلت نجربو ;) جا روووووعة رووووووعة بارك الله فيك وراكي ديتي دعوة خير :19:

http://i97.servimg.com/u/f97/18/55/24/91/image253.jpg (http://www.servimg.com/view/18552491/1271)

http://i97.servimg.com/u/f97/18/55/24/91/image251.jpg (http://www.servimg.com/view/18552491/1269)

http://i97.servimg.com/u/f97/18/55/24/91/image248.jpg (http://www.servimg.com/view/18552491/1266)

من داخل امممممممممم

[url=http://www.servimg.com/view/18552491/1267]http://i97.servimg.com/u/f97/18/55/24/91/image249.jpg

[sousou sahraoui]

4444444444444444444444

[nabila222]

زينب حبيبتي ممكن تقوليلي نوعية لاكرام فراش لي تستخدميها كاين بزاف انواع ولو تصوريلي النوعية ربي يحفظك:19:

[أ م ساجد وسيم]

روووووعة روعة يا زينب اطباق في القمة تحف ماشاء الله عليك

[الرجاء الاماني المجد]

بارك الله فيك اختي زينب

[أُمْنِيَةٌ]

بارك الله فيك اختي اطباق شهية فعلا وبطريقة مختلفة

[ام احمدي]

رووووووووووووووووووووعة حنونة والله روووعة ربي يجازيك كل خير

[lyna2007]

بارك الله فيك أطباق رائعة جدا ماشاء الله

[nanoua7]

يعطيك الصحة زينوبة كل شيئ هايل و ربي يفرحك بخيتك و يشافيها

[طيور الجنان]

الله الله عليك ربي يحفظك و يشفي اختك عاجلا غير اجل اااامين

[foufamara]

ررررررررروووووووووعععععععععععةةةةةةةةةةةةةةةةة ديمة متالقة

[زينب 83]

زينب حبيبتي ممكن تقوليلي نوعية لاكرام فراش لي تستخدميها كاين بزاف انواع ولو تصوريلي النوعية ربي يحفظك:19:

نستعمل hopla حبيبتي

[زينب 83]

السلام عليكم ورحمة الله وبركاته
بسم الله ما شاء الله زينوبة اطباقك كلها قمة في الإبداع الله يبارك وربي يجعل كل واش تقدمي في ميزان حسناتك
شوفي هذا أسرع تطبيق لطاجين الجبن درتو البارح للفطور بما انو كان عندي كل المقادير متوفرة جاء في وقتو قلت نجربو ;) جا روووووعة رووووووعة بارك الله فيك وراكي ديتي دعوة خير :19:

http://i97.servimg.com/u/f97/18/55/24/91/image253.jpg (http://www.servimg.com/view/18552491/1271)

http://i97.servimg.com/u/f97/18/55/24/91/image251.jpg (http://www.servimg.com/view/18552491/1269)

http://i97.servimg.com/u/f97/18/55/24/91/image248.jpg (http://www.servimg.com/view/18552491/1266)

من داخل امممممممممم

[url=http://www.servimg.com/view/18552491/1267]http://i97.servimg.com/u/f97/18/55/24/91/image249.jpg


يا عيني يا عيني شهيتيتي بيبا خرجلك خير من تاعي هههههه
ماشاء الله يعطيم العافية حبيبتي و شكرا على الثقة

[*توبــــة*]

زنووووووووووووبة حبيبتي للاسف طريقة البكبوكة ماخرجتليش
حطيتيها وصفة مصورة؟؟؟؟؟

[polyma]

الله يبارك ويزيد جزاك الله خيرا

[اللهم ارزقني عفةمريم]

رووووعة الله يبارك
يعطيك الصحة

[loudjaine]

جزاك الله الف الف خير

[nadiatlemcenia]

قمة الروعة يسلمواديك

[*سماح 94*]

رااااااااائع حبيبتي زينب ابدعت كالعادة ماشاء الله انت قدوتي

[La reine Nour]

رووووووعة الله يبارك

[oum Haroun]

بارك الله فيك و الله اشحال و انا نستنى في وصفاتك الرائعة لكلها أفكار جديدة ربي يعطيك ماتتمناي جزاك الله الف خير

[ام ادم و اسيا]

[ بارك الله فيك يا زينب راكي ابدعتي كالعادة و وصفاتك كلها رائعة

[قطيطوشة]

روعة روعة تسلم الايادي
ان شاء الله يتثبت الموضوع

[ام محمد 05]

ختي زينب من فضلك قداه نشريحة نتاع الفرماج تحطي في الدجاج المحشي بالجبن باركك الله وتاني وش من نوعية اواسم الرز لي راكي تستعمليه ماشاء الله يجيبك كل حبة بحبة ياريت تجاوبيني حبيبتي

[الجَميلة دائماً]

http://up99.com/upfiles/gif_files/Gvz55192.gif

[زينب 83]

ختي زينب من فضلك قداه نشريحة نتاع الفرماج تحطي في الدجاج المحشي بالجبن باركك الله وتاني وش من نوعية اواسم الرز لي راكي تستعمليه ماشاء الله يجيبك كل حبة بحبة ياريت تجاوبيني حبيبتي
اهلين بيك ام محمد
الارز بسمتي
و الجبن يمكن 4 شرايح

[الاريام]

جميل جدا يعطيك الصحة فقط تعقيب من بعد اذنك
عندما عملتي اللحم مفور بورق الطهي قلت روعة لانه نفس طريقتي بالضبط اضع ورق الالمنيوم و فوقو ورقالطهي لكي لا يحدث تفاعل
و لحم الشوارما اعملي نفس الشيءغلفيه بورق الطهي مرتين او اكثر ثم ورق الالمنيوم لتفادي التفاعل انا نعمل ورق الطهي وحده بالنسبة للرولي الدجاج او اللحم و احصل على نفس النتيجة بدون ورق المنيوم
تقبلي مروري

[أم محمد وسيم]

روعة اختيييييييييي

[girl girl]

ما شاء الله على الابداع تسلم الايادي

[ام اياد 2013]

روعة بارك الله فيك والله اطباقك كامل تشهي

[Toufikkar]

ماشائ الله اطباق متنوعة ورائعة يعطيك الصحة

[كاميلياس]

دائما في القمة ومبدعة اشاء الله ربي يحفظك من العين اختي زينب .

[أم *عائشة*]

ما شاء الله

[sasa-09]

بارك الله فيك تشهي

[sali kanouza]

بارك الله فيك دمت متالقة

[اسيل الباتول]

ماشاء الله عليك اختي زينب

[فردوس الرحمان]

رووووووووووووعة

[طهراوي ياسين]

الله يعطيك الصحه ...

[سحابة باردة]

شاف بمعنة الكلمة:19:

[ايمان نور الجزائر]

يعطيك الصحة روعة

[haninefadwa]

ماشاء الله عليك اختي مزيدا من التالق

[maroucha dz]

مشكووووووووووووووووووورة:19::19::19::19::19::19:

[مريم التبسية]

يعطيك الصحة

[روح تائهة]

بارك الله فيك على الوصفة الناجحة

[lamia lmd]

شكرااااااااااااااااااااااااااااااااااااااااااااااا اااااااااااااااااا

[tafat]

بارك الله فيك

[Simsim.rd]

ماشاء الله ربي يبارك طباخة ماهرة

[Nadjla05589]

ماشاء الله دائما في القمة

[امل ام الاولاد]

الله يبارك مبدعة

[abdounardjesse]

امن رائعة ربي يحفظك من العين ، راني كي نقرا تعليقات نخاف نعينوك ربي يشفي اختك امين

[شمس بريكة]

هايلين يعطيك صحة

[اولادي حياتي]

بارك الله فيك اختي اطباقك روووووعة فناااانة في الطبخ

[رمرومة الصحراء]

الله الله عليك عين الحسوووووووووووووود فيها عوووووووووووووووووود

[مدام عفاف]

هاايلييين مشكوووورة

[amer sg]

السلام عليكم

[اسمهان79]

من ايديك أكيد نشوفه غير الروائع من روائعك يا غالية
والله والله شهيتيني حبيبتي وتوحشتكم بزاف وتوحشت لمتكم
يعطيك الصحة لحبيبة

[الوهابية]

يعطيك الصحة

[MALIKA06]

شكرا لك يعطيك الصحة

[تغرينية]

بارك الله فيكي اختي

[توتة2008]

ما شاء الله

[aya sadouni]

شكرا بارك الله فيك

[نجمة التالق]

شكرا لك و زاد في مزان حسناتك

[hayla.star]

الله يبارك

[الخامسية]

بوركت يا الشاطرة الله يحفظك

[ام سوهيل]

بارك الله فيك

[سوسن90]

واو أطباق رائعة اعجبتني كلها بارك الله فيك

[امونة الشاوية]

الله يبارك نب ويعطيك الف صحه وربي يدوم النعم

[حياة مليزي]

الله يبار ك اختي على الوصفات روعة و جديدة رغبي يحظك واصلي

[Omaima mina]

الله يبارك عليك يعطيك ألف عااااااااااااااافية

[الفتاة السعيدة]

شكرا.اختي.اطباق.مميزه

[samiasoma]

بارك الله فيك اطباق روعه يعطيك الصحه

[رندة.]

ما شاء الله ربي يرزقك ماتتمناي ان شاء الله