ارجو النصيحة

[بريكية]

انا بنت عمري 35 سنة عزباء دخلت موقع زواج مودة تعرفت على شخص طلب مني بياناتي الشخصية اسمي لقبي تاريخ ومكان الازدياد اسم الاب واسم الام وقالي انو راح يسافر باريس في منحة وانو بياناتي راح يضيفها في ملفو باش نقدر نسافر معاه لانو راح نتزوجو انا منيش مصدقاتو ارجو ارشادي ونصحي

[فاطمة شلف]

السلام عليكم ورحمة الله وبركاته
والله يااختي الكريمة مشي كل مايقال صدق ومشي كل مايقول مهوش صدق
ممكن صادق وممكن مهوش صادق
وان شاء الله يكون ابن حلال ويوفي بكلمته
نحن عشرنا ازواجنا ولا نعرفوا مافي قلوبهم مابالك انت اختي
صلي ودعي واستخيري اذا ابتعد عنك فهو ليس من نصيبك
واذا اقترب منك فهو ماكتبه الله لك
عليك بقيام الليل كي يفرج الله عنك بي الزواج
واقرائي يوميا صورة الحج
الله يفتح عليك اختي الكريمة

[ام رضوان]

السلام عليكم
نصيحتي ليك
اياك ثم اياك تقومي باعطائه مايريد
راه الامان مكانش حتى في اللي قريب ليك فمابالك بواحد عرفتيه من الانترنيت
اللي يبغيك يقصد باب الدار واهلها
حلي عينيك مليييييييييح

[جنى الجنتين]

حذاري يا اختي الكريمة و الاخت ام رضوان كفت و وفت

[rose de sable s]

لما لا يتقدم الي بيتك من اجل راي شرعية وياخد بياناتك من الوالد
وما دخل بياناتك في سفره لا علاقة ابدا بينهما لان ادا محتاج بياناتك لازم يضع عقد زواج في ملف لا بيانات فقط

[lydiareve]

حنونتي واش نقلك كل واحد ونيتو انا والله تزوجت عبر النت بدون اي مشاكل تعرفت عليه في موقع زواج اخر تلاقينا تعرفنا وتفاهمنا من بعد جا يخطبني وحمد لله هو الان راه في اسبانيا زوجي يعني ممكن يكون نيتو مليحة ممكن لا انتي لازم تميزي مليح حنونة بلاك حاب يتزوجك ويديرك مرتو

[جهينة اليقين]

يا ختي علاه يطلب منك البيانات يصنع لك الكوارط بعد العقد وانتم عقدتوا ؟ اذا مازال ما عندو ما يدير بيهم هذا نصاب يا بنتي احمدي ربي على الصحة واطلبي الستر بدل ما واحد يبهدل بيك وبعايلتك وتصبحوا على ما فعلتم نادمين

[kameljijeli]

السلام عليكم
حذار أن تعطيه بياناتك الشخصية, وكيف يمكنك السفر معه و لم تتزوجا بعد. يمكن أن يستعمل هذه البيانات في أمور سيئة, خاصة إذا كنت قد أعطيته صورتك...
لا تثقي في أي رجل كان فقد كثر الفساد و كثر الإحتيال
بالتوفيق

[riheb razane]

اياكي اختي النصابين كثارو في البلاد والله يخدم بكوارط نورمال عفايس ماشي ملاح انا نعرف وحدة صرالها هكذا عطاتلو الوثائق عشا اخدم بيهم ودار باسبور للوحدوخرا ويدخلو الممنوعات حتى عشات في المحاكم قريب حكمت الحبس القانون لا يحمي المغفلين انا مرانيش نهدر عليك حاشا للله منعرفو مانتهمو راني نهدر على لامان والغفلة بالاكي الزمان غدار قوليلو كي جي بصفة رسمية وتخطبني هذاك الساعة ساهل انتي مزال مبين وجهو والله هذيك طريق مول الفول وتعشي تتبهدلي مع داركم

[mrmilano1984]

اصلا انا لااحث علي مواقع التعارف سيئة جدا ولاياتي منها الا المشاكل هدا مااقوله لكي

[nidabaize]

لا حول ولا قوه الا بالله حداري تعطيه بياناتك او صورتك اختى انترنات ليس فضاء لاختيار زوج المستقبل

[بريكية]

السلام عليكم اخواتي الكريمات هو مطلبش مني وثائق ولا صور لحد الان لكن طلب مني اني نملي عليه بياناتي اسمي ولقبي وتاريخ و مكان ازيادي......الخ انا ذكرتهملو لكن ولا قالي ارسلي لي ميساج بهذ البايانات توسوست وخفت

[دنيا الامل 18]

اطلبي منه ان يتقدم لك و ستعرفين نواياه

[طيور الجنان]

اختي اياك ثم اياك ديري فيه ثقة و تمديلو بياناتك قولو يطلبك من باباك و لكل حادث حديث.

[أثيلة]

السلام عليكم و رحمة الله و بركاته
اختي الفاضلة موقع مودة معروف عربيا كثيرا و حتى عالميا و لكن من اخت لك لاتثقي فيمن هم هناك لااعلم لما و لكن اظن أن كل هده الأمور فيها إن و أغلبهم غن لم أقل كلهم دخلوا للتلية فقط
صحيح البنت تتشوق لما تعرف امور كهذه و لكن ان كان جدي اطبي منه ان يلتحق للبيت اولا و يطلب يدك و يتم الرؤية الشرعية و بعدها للعمر بقية

[mrmilano1984]

ياو اخطيك من النت ومواقع مش التعارف مواقع التدمير يااختي نعطيك نصيحة لوجه الله كما نقولو انا دبري راسك راكي كبيرة وهدا شيء يخصك مواقع الزواج راها كلها خرطي صدقيني كلها للتسلية والترفيه ويدخلولها بنات كلهن بهدف ايجاد الحبيب الي قلبهم والاطمئنان في قلوبهم هاته حجتهم باش يلقاو الراجل لي ترتاحلو ونحبو وهي للاسف تهدر مع الف راجل وكل راجل واش يسمعها من كلام معسول وووو بهدف اصطيادها طبعا انا مستحيل ان اقبل ابدا امراة تدخل للنت او تتحدث للرجال عبر الهاتف وتخرج معه بحجج واسباب كثيرة الخ طبعا شوفي انا عمري ماخممت فيهم اصلا هاته المواقع التي اسميها اباحية بامتياز لان فيها الا الكلام الاباحي بين الرجل والمراة كادني حد اهمالا توبي لنفسك وعاود اغلقي الكونت نهائيا والله ماتربحي والو هدا راه يتلاعب بيك وبمشاعرك ويخليك تطيحي فيه ويرميك لي نوا الصح يجيك لدارك