تسجيل الدخول

مشاهدة النسخة كاملة : شوفرولي آفيوا مشكلة في التيراج

جمال المغاربي
2016-10-15, 07:30
السلام عليكم ورحمة الله وبركاته

أنا ميكانيكي
مؤخرا جابلي شخص سيارة من نوع شوفرولي آفيوا lt 1.4 جننتني
بنزين فيها مشكل تيراج
السيارة في الوضعية العادية المحرك يدور بشكل ممتاز لكن لما نكسيليري يصدر صوت الظاهر أنو كمية الهواء غير متوافقة مع البنزين
يعني المحرك تروح قوتوا لما نكسيليري ..
القطع التي غيرتها: فيلتر الهواء ، كل القطع الكهربائية غيرتها كلها من الكابتور وروح كلشي حتى بخاخات البنزين ليزانجيكتور والكهرباء تاعها تخدم كلشي عادي راني فحصت جميع الخيوط يجيبوا الكهرباء وتزيد الكهرباء فيهم لما نكسيليري يعني الخيوط كلها سليمة
حطيت ليها تاع سيارة صديقي جربت كلشي كذلك مضخة البنزين ولي بوجي ..
الكيلاص روديت لي سوباب ولي بوسوار يعملوا بشكل عادي اقول انو المحرك يدور بشكل ممتاز في الرالونتي المشكل يجي غير ناكسيليري تروح قوتوا ويشخر...والشغط في المحرك ممتاز في الغرف الأربعة .. لاشان صحيحة ..
صاحبها قالي أنو لما غير البنزين صارلوا المشكل وهذا الكلام ما دخلش ليا في راسي..
مازال غير الكالكيلاتور ما بدلتوش
hicham43002
2016-10-15, 16:33
عندك الديبي ماتر الكابتور تاع البيدال البابيون ستارتار الكتريك كيبقى مفتوح ما كيغلقش والعلم لله
يوسف زكي
2016-10-15, 20:48
السلام عليكم و رحمة الله و بركاته.

ما دام قمت بجميع هذة التغييرات و بقي الأمر على حاله.

احتمال كبير أن يكون فم العادم - الشاطمة - مغلق ،طبعا في الجزء الإسطواني. هناك قطعة تشبه القرميد عليها ثقوب لعلها تكون مغلقة جزئيا.و لاتسمح بتدفق الغازات المحترقة إلى الخارج بشكل سليم.

جرب فتحها و تنظيفها.

بالتوفيق
جمال المغاربي
2016-10-15, 22:17
بارك الله فيكم..البابيون بدلتو كلو..الستارتير يغلق جرب ربعة ستارتير... لما نشمخ قطعة قماش بالبنزين ونحطها في لابيب ادميسيون السيارة ترجع تمشي بشكل عادي وهذا ما يلغي فرضية الشابمو مغلوق ..بقا ليا الكالكيلاتور نغيروا واذا ما مشاتش نقولو يديرلها موتور آر9 ههههههه
saddam salmi
2016-10-15, 22:45
اخي الكريم اذا بدلت هذو الحوايج كامل ومزال مبقالك غير الكتاليزور تاع الشاكما يكون مغلوق حتما
جمال المغاربي
2016-10-16, 06:47
يوسف زكي وصدام ..اليوم نحيد الكاتاليزور ونرد ليكم الخبر
على النتيجة
جمال المغاربي
2016-10-16, 14:14
الكاتاليزور لقيتو مكانش يعني موجود مشكل اخر
hicham43002
2016-10-16, 20:08
زيد فريفي البومبة تاع ليسانس بالاك البرسيو كينقص كتكسيليري
جمال المغاربي
2016-10-16, 22:32
زيد فريفي البومبة تاع ليسانس بالاك البرسيو كينقص كتكسيليري

غيرت البومبة اخي حطيت ليها تاع سيارة صديقي يمشي بيها عادي
hicham43002
2016-10-17, 13:34
يا اخي الحاجة لي مافهمتهاش انك كي كتحط ليسونس مباشرة في لارومب تمشي نورمال المفروض انوالمشكل في ليسونس زيد فريفي الفلتر الانابيب لي يديو ويحيبو ممكن مبوشيين وليزانجكتور بدلتهم والا تاستيتهم برك
فيريفي الكابتور تاع الشاطمة la sonde lombda احتمال كبير يكون منها

يا اخي ولا لقيت الحل مادبيك تخبرنا مناه هذه السيارة دارتنا فضول كبير
جمال المغاربي
2016-10-19, 09:07
يا اخي الحاجة لي مفتهاش انك كي كتحط ليسونس مباشرة في لارومب تمشي نورمال المفروض انوالمشكل في ليسونس زيد فريفي الفلتر الانابيب لي يديو ويحيبو ممكن مبوشيين وليزانجكتور بدلتهم والا تاستيتهم برك
فيريفي الكابتور تاع الشاطمة la sonde lombda احتمال كبير يكون منها

يا اخي ولا لقيت الحل مادبيك تخبرنا مناه هذه السيارة دارتنا فضول كبير

يا اخي انا مازال غير مابدلتش لانستالسيون تاع الكهرباء ونحط موتور جديد ههههه
على العموم يا خويا
السيارة لقيت ليهها الحل بعدما مرضتني نفسيا وصرت ما نرقد الليل..
حطيت الكالكيلاتور تاعها في سيارة اخرى ولا المرض في الاخرى نستنتج انو المشكل في الكالكيلاتور السيارة رالونتي عادي وكي نكسيليري نسبة البنزين ما تزيدش يزيد الريخ فقط ..الكالكيلاتور ما يعطيش الامر..لزيادة البنزين..

قلتلوا فلاشي الكالكيلاتور فلاشاه والسيارة رجعت ممتازة..
بارك الله فيكم على الاهتمام وردودكم الطيبة والسيارة هذي علمتني كتير..
المرة الجايا يجيني شوفرولي آفيو على البلاكات دو فران نقولو بدل الكالكيلاتور خير هههههههه