للمتزوجات فقط

[نواعم]

:)السلام عليكن اخواتي اسال الله العظيم ان تكوونو بخير اردت تن اشارك بموضوع حول الحياة الزوجية وذلك بان اطلب منكن ان تضعن تجربتكن كيف استطعتن ان تكسبن ازواجكن وتقوين العلاقة بينكم وهل المشاكل تؤثر على الحب ومقداره بينكما وشكرا:19:

[نواعم]

السلام عليكم الا توجد مشاركات اين انتن يا اخوات ؟

[نواعم]

لماذا لا توجد استجابة يا اخوات هل فيه مشكل سؤالي ام ماذا؟ رغم انه فيه مشاهدات ولا استجابة واحدة على كل حال شكرا وربي يهني كل واحدة فينا

[اميرة اليالي البيضاء]

السلام عليكم
لقد اشفقت عليك
لان المتزوجات لم يجيبوا عن سؤالك
ربما لان متزوجات منتدى الجلفة
لم يكسبن بعد قلوب ازواجهن .
ولكن انا سأجيبك نيابة عن المتزوجات
خاصة وعن النساء عامة :

اولا : تلبية طلباته الجنسية والعاطفية والنفسية .
ثانيا : لا تشتكي له كثيرا ولا تحكي
له عن المشاكل .
شوفي كيفاه تحلي المشاكل بدون
علمه خاصة. ان كنت تسكنبن مع امه و اخواته .
ثالثا: ماشي ظلي تقوليلوا جيب
الرجال ميحبوش يظلوا يصرفوا يعني
قوليلوا غير الضروريات .

اخيرا

كي يجي للدار استقبليه بابتسامة
طويلة وعريضة ولا قدرتي اضحكي
رغم ان قلبك معمر بالهموم.

شوفي لا راه كاش ماخاصك فوليلي

سلام من قلب يحب السلاكم

[نواعم]

بارك الله فيك اختي اميرة الليالي البيضاء واقيلا عندك الحق هههه حبيت نقولهاةوحشمت لكن تسمية بعض الاخوات لانفسهن جعلني اطرح هذا السؤال على كل حال سبحان الله النقاط لي تحدثت عليهم هما عين المشكل عندي بارك الله فيك مرة ثانية

[اميرة اليالي البيضاء]

بارك الله فيك اختي اميرة الليالي البيضاء واقيلا عندك الحق هههه حبيت نقولهاةوحشمت لكن تسمية بعض الاخوات لانفسهن جعلني اطرح هذا السؤال على كل حال سبحان الله النقاط لي تحدثت عليهم هما عين المشكل عندي بارك الله فيك مرة ثانية
بارك الله فيك على ردك الطيب
ولكن لم افهم معنى : عين المشكل عندي .
اتمنى لكي حياة زوجية سعيدة رغم انني
اشك ان هناك حياة زوجية سعيدة .

شكرا لك

[نواعم]

يا اختي واش باغي نقولك ربما حلم اي واحدة ان تعيش حياة زوجية سعيدة وكنا قلت لا توجد ولكن عندما قلت لك عين المشكل فالنقاط التي ذكرتيها اجد فيها مشاكل خاصة اني اسكن مع اهل زوجي ما يسبب ما يجعل النفسية غير مستقرة واحيانا الطرف الاخر لا يستوعب لاادري ان المشكل في ام في الزوج ام عند جميع الازواج خاصة عندما تصبح المراة أما اظن انها تصبح بحاجة ماسة لوقوف زوجها معها ولو معنويا ليتشاركا المسؤولية ليس التانيب فقط فما رايك ؟

[riheb razane]

شوفي يا اختي ام البنات انا اشك في الحياة الزوجية السعيدة لاخطر ماكنش منها غير في المسلسلات باش اضلي غير سعيدة والتحواس والشوبينغ والمطاعم في الليل كاين لي راهم عيشين هكذا غير لي يماها مشطتلها من القدام اما لي كيما حالتنا يا اختي لعزيزة معيشة طالبة حشيشة وهذا هو الزواج مرا حلو ومرا مر نحكيلك على تجروبتي مزال مكسبتش راجلي 100٪100 مي الحمد الله الباركة في القليل بالاك النصف ملحقتوش مي علابلي بالي احبني مي كي يطلعلو الغاز للراس انقول هذا عمرو ولا حبني اهم عامل هو انطيعو و نسمع كلامو والحاجة لي مايحبهاش منديرهاش وكي يتقلق هو و عيط انا نسكت حرف ما نطقو وقايما به من جميع النواحي وببناتي ودارو وبروحي نضل نلبس ونماكيي ونجبد شعري وماشي/متطلبة واش جاب يعطيه الصحة علابلي الشي قليل بصح تع يسمع كلامي او واش نقول حاضر هذيك مكاش ديجا الرجال كامل احبو وحدة كيما انا متهدر وسامحة منحقها وجوز والله الحمد تشوفي البنات مساكن حابين يتزوجو ومالقاوش تقولك معليش نغسلو رجليه يقبل بيا برك وحنا نتكبرو على النعما لي عطاهلنا ربي الحمد الله يا ربي اقولك المراة تريد ان تزوج وعندما تتزوج تريد كل شيء ربي اهنينا اجمعين

[نواعم]

الحمد لله ربي يحفظهم لنا وحنا واش نطلبو من هذه الدنيا غير يرضاو علينا حتى كيما قلت نسمحو من حقنا انا احياناةكي زعفني نقول ماعليش الودود العؤود ونسمح من حقي ومنهدرش الحمد لله نشاء الله يرضيهم ربي علينا وندخلو للجنة معاهم بارك الله فيكم اخواتي سلام

[سحابة باردة]

عمري ما حبيت نشارك في هاد القسم لكن فاجؤتوني بحيات الجواري االي عاجبتكم والهوان الي وصلتولوا

[اميرة اليالي البيضاء]

عمري ما حبيت نشارك في هاد القسم لكن فاجؤتوني بحيات الجواري االي عاجبتكم والهوان الي وصلتولوا

بارك الله فيك على ردك الطيب

طاعة الزوج من طاعة الله

تقبلي مروري

[سحابة باردة]

زوج الي ربي سبحانه امر نطيعوه هو اللدي يحترم المراة وهم قلة في هاد العصر
مع كل احترامي لكي

[أم سلوى]

الحياة الزوجية تختلف كاختلاف الأشخاص.لذا بوجد زوج سهل الطباع ويمكن تعيشي معاه...بسعادة ويوجد الصعب الذي يجعل من حياتك جحيم..فس هذه الحالة....اامراءة عليها ان تفهم شيئ فقط هذا النوع يحتاج ان يحب ويطلب الحنان...في الوقت للذي تكون المراءة ذكية تعامله كطفل لا تجعله يغضب...وتشفق عليه

[فاصلة]

بعض الازواج سامحهم الله دايرين نساهم سبردينة حاشاكم وما يؤلمني هو معاملتهم لنساء أجنبيات بالحسنى ، الزوجة هي السكن هي الود هي العشرة وحسن المعاملة ، لازم نفهمو بلي عندنا واجبات نديروهم وعندنا في المقابل حقوق ، والنبي صلى الله عليه وسلم وصى الرجل بالمرأة ماشي العكس وقال خيركم خيركم لأهله ، انا نكره الراجل لي ما يقولش حتى كلمة طيبة لمرتو معناتها الحياة الزوجية ليس في يد الزوجة فقط هي لي تضحي وهي لي تسمح في حقها وهي هي وهي ، لا لازم في اثنين كل واحد يعرف ما عليه وما له وبهذا يحدث التفاهم والتراحم وتعم السكينة والهدوء ، لا بد للرجل أيضا على الأقل أن يحاول إدخال الفرح على زوجته أم أن الزوجة منشفة لهمه وغضبه وهي إلى متى تضحي وتصبر يوما صبرها سينفذ . ما ينقصنا في مجتمعنا هو التربية الزوجية كيف يعامل الرجل زوجته وكيف تعامله هي ، فما عندنا إلا ترسبات ورثناها عن أجدادنا ما أنزل الله بها من سلطان فالرجل ورث التسلط وهو لا يفهم ما معنى القوامة والمرأة ورثت الخضوع والاستسلام حتى ولو عاشت كجارية . ربي يهدينا للصواب

[اكرام ايمان]

non ma cherie ,,, psq hna des filles c pour ça makach moucharakat

[سحابة باردة]

بعض الازواج سامحهم الله دايرين نساهم سبردينة حاشاكم وما يؤلمني هو معاملتهم لنساء أجنبيات بالحسنى ، الزوجة هي السكن هي الود هي العشرة وحسن المعاملة ، لازم نفهمو بلي عندنا واجبات نديروهم وعندنا في المقابل حقوق ، والنبي صلى الله عليه وسلم وصى الرجل بالمرأة ماشي العكس وقال خيركم خيركم لأهله ، انا نكره الراجل لي ما يقولش حتى كلمة طيبة لمرتو معناتها الحياة الزوجية ليس في يد الزوجة فقط هي لي تضحي وهي لي تسمح في حقها وهي هي وهي ، لا لازم في اثنين كل واحد يعرف ما عليه وما له وبهذا يحدث التفاهم والتراحم وتعم السكينة والهدوء ، لا بد للرجل أيضا على الأقل أن يحاول إدخال الفرح على زوجته أم أن الزوجة منشفة لهمه وغضبه وهي إلى متى تضحي وتصبر يوما صبرها سينفذ . ما ينقصنا في مجتمعنا هو التربية الزوجية كيف يعامل الرجل زوجته وكيف تعامله هي ، فما عندنا إلا ترسبات ورثناها عن أجدادنا ما أنزل الله بها من سلطان فالرجل ورث التسلط وهو لا يفهم ما معنى القوامة والمرأة ورثت الخضوع والاستسلام حتى ولو عاشت كجارية . ربي يهدينا للصواب

كلام منطقي وواقعي

[اميرة اليالي البيضاء]

زوج الي ربي سبحانه امر نطيعوه هو اللدي يحترم المراة وهم قلة في هاد العصر
مع كل احترامي لكي

بارك الله فيك

واذا ابتلى الله المرأة بالزوج لا يحترمها
ماذا تفعل ؟
تعصيه / تطلب الطلاق/ دير المشاكل

من الافضل تطيعه وتصمت لان ليس باليد حيلة

شكرا لك

[اميرة اليالي البيضاء]

يا اختي واش باغي نقولك ربما حلم اي واحدة ان تعيش حياة زوجية سعيدة وكنا قلت لا توجد ولكن عندما قلت لك عين المشكل فالنقاط التي ذكرتيها اجد فيها مشاكل خاصة اني اسكن مع اهل زوجي ما يسبب ما يجعل النفسية غير مستقرة واحيانا الطرف الاخر لا يستوعب لاادري ان المشكل في ام في الزوج ام عند جميع الازواج خاصة عندما تصبح المراة أما اظن انها تصبح بحاجة ماسة لوقوف زوجها معهبارا ولو معنويا ليتشاركا المسؤولية ليس التانيب فقط فما رايك ؟

بارك الله فيك

ديري حاجة في راسك الحياة الزوجية تحتاج
الى صبر كبير جدااااااا
يعني لازم النهار الي تتزوجي تقتلي فلبك
باه تقدري تعيشي
وكذلك اذا كنت راح تسكني مع اهل الزوج
لازم يكون عندك نفاق اجتماعي 100%
الصباح تتفاتنوا وفي المساء روحي عايطي
لعجوزتك ولا خواتات راجلك وقوليلهم
ارواحوا اشربوا قهوة
نورمال
والزوج شعال يفرح كي يشوفكم تشربوا في
القهوة وانتيا راه قلبك معمر
وللحديث بقية
لكن لانني اعيش في وسط عاءلي كبير جداااا
هذا ما اراه واتعجب لامره

شكرا لك

زيدي حنونتي واش يخصك راني هنا

[فاطمة شلف]

السلام عليكن ورحمة الله وبركاته
موضوع رائع
بارك الله فيك
اذا كان عندي وقت سوف اعود للموضوع باذن الله
تحياتي

[زيان.]

أعتذر على التطفل ...هل ممكن رد ...لو سمحتن ....فقد واحدة تجيب بنعم لتنوب عنكن .....

[الطيب الجزائري34]

شوفي يا اختي ام البنات انا اشك في الحياة الزوجية السعيدة لاخطر ماكنش منها غير في المسلسلات باش اضلي غير سعيدة والتحواس والشوبينغ والمطاعم في الليل كاين لي راهم عيشين هكذا غير لي يماها مشطتلها من القدام اما لي كيما حالتنا يا اختي لعزيزة معيشة طالبة حشيشة وهذا هو الزواج مرا حلو ومرا مر نحكيلك على تجروبتي مزال مكسبتش راجلي 100ظھ100 مي الحمد الله الباركة في القليل بالاك النصف ملحقتوش مي علابلي بالي احبني مي كي يطلعلو الغاز للراس انقول هذا عمرو ولا حبني اهم عامل هو انطيعو و نسمع كلامو والحاجة لي مايحبهاش منديرهاش وكي يتقلق هو و عيط انا نسكت حرف ما نطقو وقايما به من جميع النواحي وببناتي ودارو وبروحي نضل نلبس ونماكيي ونجبد شعري وماشي/متطلبة واش جاب يعطيه الصحة علابلي الشي قليل بصح تع يسمع كلامي او واش نقول حاضر هذيك مكاش ديجا الرجال كامل احبو وحدة كيما انا متهدر وسامحة منحقها وجوز والله الحمد تشوفي البنات مساكن حابين يتزوجو ومالقاوش تقولك معليش نغسلو رجليه يقبل بيا برك وحنا نتكبرو على النعما لي عطاهلنا ربي الحمد الله يا ربي اقولك المراة تريد ان تزوج وعندما تتزوج تريد كل شيء ربي اهنينا اجمعين

]سجلت دخولي لاقول لك بارك الله فيك اختي .. انت نعم النساء ما شاء الله عليك ربي يحفظك و يحفظلك زوجك و اولادك...[ و استسمح صاحبة الموضوع.

[nidabaize]

عندها الحق رحاب ارضاء الناس غايه لا تدرك الا من رحم ربك

[النجمة القطبية]

انا اكثر واحدة تحيرني لما نلقا واحدة عزباء وتجي تقولك مكانش سعادة زوجية واشك انها موجودة
ممكن نتقبلها من واحدة متزوجة بالاك تعثرت في حياتها الزوجية نقولو معليش راهي تعاني
لكن واحدة مازال المفروض في فترة الاحلام الوردية !!!!!! وتخمم هكا
انا نقول لحواء باختصار انتى تصنعي سعادتك بيدك
وانتى في يدك تعيشي السعادة سواء بالقليل او الكثير
اولا باختيارك للزوج الصالح
وثانيا بان تتعلمي كيف تحترمي وتحبي زوجك وتعيشي سعيدة معاه
باختصار لما تتقبليه وتحبيه بنية صافية ومن كل قلبك وتتقبلي كل عيوبه
لما تفرحي بالمحاولات البسيطة تاعو لاسعادك دون ان تقارني حياتك بفلانة وعلانة
لما تتعودي تجلسي مع زوجك جلسة اصدقاء ويكون بيناتكم حوار بناء يدور حول امور مهمة ماشي يماك دارت وختك عملت وانت فعلت :d:d
ثم لازم تعرفي ان السعادة ماشي كيما تصورها الافلام والمسلسلات الهندية لازم تعرفي ان السعادة في الرضى والقناعة ورضى المولى عز وجل
وربي يوفق

[.kiki]

السلام عليكم ورحمة الله و بركاته
موضوع جميل أختي بارك الله فيك و أسعدك في الدارين
أما عن تجربتي فرغم قصر المدة إلا أني تعلمت أشياء كثيرة عن الحياة الزوجية
أولا.. من الممكن جدا ان تكون سعيدة. و لكن ليس معنى السعادة ان تكون هذه الحياة مثالية من كل الجوانب. كاملة و لا تحتوي مشاكل. هذا لا يحدث حتى في الخيال.
بل المهم أن يكون الزوجين على اتفاق و تفاهم بشكل عام.
ثانيا.. تحتاج صبر. و الاهم من ذلك أن يكون الصبر لوجه الله.
ثالثا.. أن الزوجة هي التي تستطيع أن تجعل من حياتها سعيدة أو شقية.
بمجرد أفعال بسطية..
الطاعة في المعروف
الابتسامة و حسن الاستقبال
الكلمة الطيبة (هذي لي منعرفلهاش انا ههه:o )
الحرص على القيام بالواجبات
التقليل من الشكوى
محبة أهل الزوج و الإحسان إليهم
.....
على العموم محاولة إرضائه بكل ما تملك.
و تتذكر دوما أنها إن ماتت على طاعة الله و زوجها راض عنها فهي من السعداء في الآخرة بإذن الله



عمري ما حبيت نشارك في هاد القسم لكن فاجؤتوني بحيات الجواري االي عاجبتكم والهوان الي وصلتولوا

حياة الجواري؟؟؟ يا اختي لا توجد سعادة مثل أن ترى الزوجة زوجها سعيدا و راضيا عنها، هذا الحب النقي و الميثاق الغليظ الذي يجمعهما هو آية من آيات الله في خلقه... خدمة الزوجة لزوجها هي جزء من طاعة ربها بحسن النية ان شاء الله.. و لا شيء في الدنيا يضاهي شعور الاستقرار و الامان الذي تشعره الزوجة تحت كنف زوجها.
وهذا الكلام لن تفهمه إلا متزوجة تعرف معنى الزواج و غايته.

صدقيني... ستتحولين إلى قطرات من المطر الرقراق بعد ان كنت سحابة باردة يوم تجربين ما اتحدث عنه .. و ستقولين أن لا حياة احلى من حياة الجواري
أعتذر على التطفل ...هل ممكن رد ...لو سمحتن ....فقد واحدة تجيب بنعم لتنوب عنكن .....

نعم اختي تفضلي (بعد إذن صاحبة الموضوع)

[سحابة باردة]

lاسمحيلي لكن مستحيل اانسانة مثقفة وواعية تقبل بحيا ت الدل من اجل مادا
كللامكي غريب اوقديم للاسف من حق المراءة تعيش مع روج يسعدها موش فقط يحترمها والمودة والرحمة يلزم تكون موجودة
سؤال فقط ادا كنتي تحثثين النساء على الصبر على حيات هي تعيسة فيها كيفاش راح تربي ابناها ويترى سيحترمو بباهم الي يشوف فيه يهين امهم وهي ثاني ستجد نفس المعاملة
اخت اميرة انضري للموضوع بشكل اعمق

[.kiki]

lاسمحيلي لكن مستحيل اانسانة مثقفة وواعية تقبل بحيا ت الدل من اجل مادا
كللامكي غريب اوقديم للاسف من حق المراءة تعيش مع روج يسعدها موش فقط يحترمها والمودة والرحمة يلزم تكون موجودة
سؤال فقط ادا كنتي تحثثين النساء على الصبر على حيات هي تعيسة فيها كيفاش راح تربي ابناها ويترى سيحترمو بباهم الي يشوف فيه يهين امهم وهي ثاني ستجد نفس المعاملة
اخت اميرة انضري للموضوع بشكل اعمق

نعم من حقها ان يسعدها زوجها هذا ليس فيه نقاش
و من هنا فإن حياتها ليست خياة ذل أبدا.. حتى لو كانت تتغاضى عن بعض النقائص.
و ليس لأحد أن يجبر المرأة على العيش مع إنسان يظلمها مع كونها صالحة و تقوم بكل ما عليها.. أما إن كانت هي الاخرى تعصيه و تريد أن تمسك زمام الامور كانها رجل ثاني فذلك امر مختلف

[سحابة باردة]

يبدوانا كلمة جارية استفزتكي يكيكي واعجبتكي في نفس الوقت
بالمناسبة اسمي هنا اختاره لي ابني

[نواعم]

بارك الله فيك

ديري حاجة في راسك الحياة الزوجية تحتاج
الى صبر كبير جدااااااا
يعني لازم النهار الي تتزوجي تقتلي فلبك
باه تقدري تعيشي
وكذلك اذا كنت راح تسكني مع اهل الزوج
لازم يكون عندك نفاق اجتماعي 100%
الصباح تتفاتنوا وفي المساء روحي عايطي
لعجوزتك ولا خواتات راجلك وقوليلهم
ارواحوا اشربوا قهوة
نورمال
والزوج شعال يفرح كي يشوفكم تشربوا في
القهوة وانتيا راه قلبك معمر
وللحديث بقية
لكن لانني اعيش في وسط عاءلي كبير جداااا
هذا ما اراه واتعجب لامره

شكرا لك

زيدي حنونتي واش يخصك راني هنا
بارك الله فيك اختي العزيزة الله يعطيك الخير

[نواعم]

السلام عليكن ورحمة الله وبركاته
موضوع رائع
بارك الله فيك
اذا كان عندي وقت سوف اعود للموضوع باذن الله
تحياتي


السلام اختي نحن في الانتظار

[نواعم]

انا اكثر واحدة تحيرني لما نلقا واحدة عزباء وتجي تقولك مكانش سعادة زوجية واشك انها موجودة
ممكن نتقبلها من واحدة متزوجة بالاك تعثرت في حياتها الزوجية نقولو معليش راهي تعاني
لكن واحدة مازال المفروض في فترة الاحلام الوردية !!!!!! وتخمم هكا
انا نقول لحواء باختصار انتى تصنعي سعادتك بيدك
وانتى في يدك تعيشي السعادة سواء بالقليل او الكثير
اولا باختيارك للزوج الصالح
وثانيا بان تتعلمي كيف تحترمي وتحبي زوجك وتعيشي سعيدة معاه
باختصار لما تتقبليه وتحبيه بنية صافية ومن كل قلبك وتتقبلي كل عيوبه
لما تفرحي بالمحاولات البسيطة تاعو لاسعادك دون ان تقارني حياتك بفلانة وعلانة
لما تتعودي تجلسي مع زوجك جلسة اصدقاء ويكون بيناتكم حوار بناء يدور حول امور مهمة ماشي يماك دارت وختك عملت وانت فعلت :d:d
ثم لازم تعرفي ان السعادة ماشي كيما تصورها الافلام والمسلسلات الهندية لازم تعرفي ان السعادة في الرضى والقناعة ورضى المولى عز وجل
وربي يوفق
بارك الله فيك اختي عل مرورك صح يجب ان تكون الزوجة صديقة وحبيبة وعشيقة ربي يهنينا

[زيان.]

الأخت كيكي تحية من أخ ‘إلى أخته أحييك بها
أنا لست تفضلي بل تفضل ...

[نواعم]

بارك الله فيك اختي kiki على المشاركة في الموضوع وردك الى الطيب والصريح

[نواعم]

يبدوانا كلمة جارية استفزتكي يكيكي واعجبتكي في نفس الوقت
بالمناسبة اسمي هنا اختاره لي ابني

السلام عليك يا اختي طاعة لزوجي هي من اجمل ما اسعى اليه في هذه الدنيا رغم المشاكل التي تواجهني احيانا والسماح من حقي لاجله ليس بدافع الذل والهوان كما قلت انما هو تطبيقا لوصية رسولنا ان تعود الزوجة زوجها ولا تنام الا وهو راض عنها اسمى رغبة لنا في هذه الدنيا ان تكون الجنة الجنة مت نصيبنا لذلك اسعى لارضاءه كي افوز بالجنتين ربما يكون كلامي مثاليا ولكن هي الحقيقة قدر المراة في الاسلام عظيم سواء كانت اما او اختا او زوجة على الرجل ان يقدره ومكانة الزوج للزوجة كذلك كبيرة فقد قال الرسول صلى الله عليه وسلم لو كنت امرا احدا ان يسجد لغير الله لامرت المراة ان تسجد لزوجها ايال الله ان يوفقنا لما يحبه ويرضاه ويرزق السكينة لكل الازواج خاصة من كانت نيتهم الفوز بالاخرة

[سحابة باردة]

السلام عليك يا اختي طاعة لزوجي هي من اجمل ما اسعى اليه في هذه الدنيا رغم المشاكل التي تواجهني احيانا والسماح من حقي لاجله ليس بدافع الذل والهوان كما قلت انما هو تطبيقا لوصية رسولنا ان تعود الزوجة زوجها ولا تنام الا وهو راض عنها اسمى رغبة لنا في هذه الدنيا ان تكون الجنة الجنة مت نصيبنا لذلك اسعى لارضاءه كي افوز بالجنتين ربما يكون كلامي مثاليا ولكن هي الحقيقة قدر المراة في الاسلام عظيم سواء كانت اما او اختا او زوجة على الرجل ان يقدره ومكانة الزوج للزوجة كذلك كبيرة فقد قال الرسول صلى الله عليه وسلم لو كنت امرا احدا ان يسجد لغير الله لامرت المراة ان تسجد لزوجها ايال الله ان يوفقنا لما يحبه ويرضاه ويرزق السكينة لكل الازواج خاصة من كانت نيتهم الفوز بالاخرة



صبا ح الخير لمادا اتعبرتم كلامي هجوم على الازواج انا لست امرءة متمردة فقط قلت منحق المراءة تعيش حيات سعيدة وكريمة وكلامك فيه تناقض مرة تشتكي
من زوجك والان تمحي وتنفي كل ماقلته وبل وتمجد ين كل حقوقه عليك ادا اين مشكلتك

ملاحضة انا راني نشوف اغلب التدخلات غير في حقوقالزوج وطاعة الزوج كان النساء لاتعرف دالك انها ترى دالك يوميا فكفاكم من هده الخطب
راهي النسااء الجزئرائريات جبيلو على الحياة البائسة فما تخفوش فلن تقوم لهم قائمة مدام وحدة تقول نغسلو رجليه المهم يقبل بي ولخرى اقتلي قلبك
وتضاربوا الصباح العشية اعرضي اهلو فهنيا لكم بحيتكم الممتعة
سلام

[nihal159]

صباح الخير، حبيت نشارك برأي في الموضوع؛ نصيحة من عندي واحدة ماتسكت على الذل و الحقرة؛ لأنو ماكانش منها لي يقولو كي تسكتي تكسبي قلب راجلك؛ آو فاقو؛

والله راني نحكي عن تجربة؛ كون ماتفرضيش رأيك و إحترامك على الرجل؛ عمرو ما يقيمك؛ لأنو الرجال بطبيعتهم حقارين وكي نزيدو نسكتو يلقاوها من الجنة و

الناس يزيدو يتماداو في الحقرة أكثر و أكثر.

أنا مانقولش ديرو المشاكل و عيطو على رجالكم؛ لكن على الأقل حافظو على كرامتكم؛ طاعة الزوج شيء وأني نسمحلو يهيني و ينقص من إحترامي شيء آخر.

أصلا هذا هو الشيء لي يخلي الراجل يخون مرتو مع واحدة أخرى؛ لأنه يحقرها وفي نفس الوقت يكره ضعفها و قبولها للذل؛ وكي يخرج باش يقابل الثانية يعاملها بكل

إحترام و تقدير والكلمة يحسبلها ألف حساب قبل ماتخرج من فمه.

[riheb razane]

اسمحولي اختاي السحابة الباردة ونهال مع كل احترامي لكما انتما لديكما وجهة نظر من زاوية حادة ونحن لديا وجهة نظر من زاوية قائمة هذا تعبير جازي المهم وراهي هذي لي راهي عايشة الذل والحقرة كيما راكم تقصقدو انا هدرت على تجربتي في الحياة الزوجية نحن ضد فكرة العنف الجسدي واللفضي حبيت اطرح عيكم سؤال بسيط انتما مدوستوش كامل مع رجالك وزعفو عليكم ولا العكس صفيك على حسابكم كي يسرى مشكل بسيط انقوم القيامة ومنسمحش منحقي وهو ميسمحش اجيو الشرطة والحماية المدنية افريوها يا حبيباتي الزواج تضحية وتفاهم واحترام لازم اكون الاحترام من كلتا الطرفين واذا ابدا هو اعيط وانا انعيط اين هوالاحترام ولا هنود الحمر كامل نبداو وووووووووووووووووووو هكذا ما نلحقوش لنتيجة وزيد انشفو فينا العديان لالا ياختي الحمد الله انا وراجلي متفهمين والحمدالله ونحن الاثنين متعلمين ومثقفين الحمد الله وكاين الحب والاحترام وهذه هي الحياة اخذ وعطا باش تبني حياة سعيدة لازم واحد يعطي والاخر ياخذ لازم الموجب مع السالب نحن لسنا لا بالامة ولا بالمحقورات ولا المذلولات نحن النساء النماذج النجحات في حياتهم الاسرية والمطيعات لازواجهم والمحصنات والذكيات لي عرفنى كيف يسرقن قلب ازواجهم لوكان اجي وتسقسي راجلي اقولك انموت عليها ومنبدلهاش بمال الدنيا وهذه بشهادة الجميع وعلى فكرة لوستي لي هي اختو غارت مني قالتي اعطيني الوصفة باش اولي راجلي احبني كيما خويا قولتها الاحترام الي انتي مامدتيهش لزوجك اتعيطي عليه قدامنا قدام الناس على فكرة المراة المتمردة والمتسلطة والمسيطرة هي لي عاود عليها راجها الزواج خنقاتو مسكين ماشي المطيعة وفي الاخير تقبلوا مني فائق الاحترام والتقدير لاستوا اواجهكم او اتخاصم معكم بل لاوضح بعض النقاط والمفهوم الخطا عني خاصة وعن نساء المنتدى عامة سلام

[nihal159]

رأيك نحترمو؛ ورانا هنا نتناقشو مش نفرضو آراء على بعض.
شدتني في ردك قولك أننا متعلمين؛ أختي؛ حتى أنا راني متخرجة من الجامعة صيدلانية وزوجي ليسانس مالية وبنوك و لله الحمد؛ أناماقلتش داوسو مع رجالتكم وعيطو للشرطة والحماية كما تقولي؛ يعني بالنسبة ليكم يا نسكت على الحقرة أو ندير دبزة وعياط؛ مكانش حل وسط؟؟؟؟ نرفع به الظلم على نفسي؛ ماكانش أسلوب الحوار؟؟؟

[riheb razane]

يعطيك الصحة راكي وليتي لكلامي بطريقة غير مباشرة اسلوب الحوار هو نقطة ضعف معظم الجزائريين هذا اذا مقولناش كامل.حبيبي متى يكون الحوار عندما تكون العزة والكرامة او عندما تكون الحقرة والذل كلهما عكس الاخر شوفي حنونتي ماتفلفسوس بزااااااف لاخطر انا اعتبر الحوار في ملحمة المصارعة حوار عقيم جيبلي جزائري عايش في وسط العائلي مهني من راسو منكذبوش على رواحنا اذا شفتيه امهني اعرفي بلي الامة ولا الجارية كيما سماتها الاخت راهي سامحة من حاقها واش ادير تطلق معليش صحى ادير دارها وحدها صحى انا راني داية داري وحدي ومرانيش سالكة هذي كي تقولي تتهنى تخرجها الدواس على الادراج على المراب على....،،،،،،،،، على فاتورة الكهرباء والماء المهم متتهناش على الاولاد والراجل اقولك لي فيا يكفيني اين هو الحوار انا نسميه حوار عقيم فالمشكل في العلاقة الزوجية ماشي الزوج ولا الزوجة المشكل راهو في الشجرة لي متقدريش اتقطعيلها الجذور اوكي صديقتي الله اجيب الخير الوغ قولي وي وسكتي حبيبت برك انسقسيك عمرك ولا قلولاك احفظي الميم انا دوك انقولهالك

[nihal159]

كون جات الميم كيما نحفضها تحفضني؛ كون راه ساهل الحال و مقدور عليها؛ لكن هيهات هيهات.
الوي هي لي خلاتها عليا؛ أنا و نشوف لي راسهم خشين و يرجعو لكلام؛ حلهم خير من حالي

[riheb razane]

اييييييههههههه ابنتييييييي واش ديري الوي والميم ماشي خير باصاونا كركرنا النيفو امالا انتي راكي معانا لاعبتهالي طايحة خشين وراجلك غير وي مكاش كامل نو والديمقراطية وراجلك عايش معاك الديكتتورية اه تلعبيها برك اسمعي عاودي انخرطي للمجموعة التاعي و سحبي كلامك قولي وي المراة لازم اطيع راجلها وتغسلو رجليه اههههه قالبي راه معمر خاليني برك منداك انقول اين انا من الماضي بيناتنا كو قعدنا بايرات خير والله يا اختي غير نحتيلي على خاطري راهو ضايق لطرف تعيشي اسمحيلي اذا قوتلك ولا اجرحتك عن غير قصد انا مافي نايتي والو

[سحابة باردة]

بالعقل علينا اخت رحاب حنا لم نقل كلمة الطلاق ابدا ولا تجيب الحماية والشرطةكما تزعمين بنسبة لاسلوبك في حل مشاكلك لايصلح الامع قلة صدقيني ميش فقط
في العلاقات الزوجية حتى العمل الي يسكت على حقو مي يقيمو حتى واحد وربي سبحانه خلق للمرءة لسان وعقل يعني الصمت ميش دئما حكمةم
وفي الاخير نقلك هده المقولة وهي لخبيرة اسرية احبب حبيبك هونا عسى ان يكون عدوك يوماوابغض عدوك هونا عسى ان يكون حبيبك يوما

[سحابة باردة]

صباح الخير، حبيت نشارك برأي في الموضوع؛ نصيحة من عندي واحدة ماتسكت على الذل و الحقرة؛ لأنو ماكانش منها لي يقولو كي تسكتي تكسبي قلب راجلك؛ آو فاقو؛

والله راني نحكي عن تجربة؛ كون ماتفرضيش رأيك و إحترامك على الرجل؛ عمرو ما يقيمك؛ لأنو الرجال بطبيعتهم حقارين وكي نزيدو نسكتو يلقاوها من الجنة و

الناس يزيدو يتماداو في الحقرة أكثر و أكثر.

أنا مانقولش ديرو المشاكل و عيطو على رجالكم؛ لكن على الأقل حافظو على كرامتكم؛ طاعة الزوج شيء وأني نسمحلو يهيني و ينقص من إحترامي شيء آخر.

أصلا هذا هو الشيء لي يخلي الراجل يخون مرتو مع واحدة أخرى؛ لأنه يحقرها وفي نفس الوقت يكره ضعفها و قبولها للذل؛ وكي يخرج باش يقابل الثانية يعاملها بكل

إحترام و تقدير والكلمة يحسبلها ألف حساب قبل ماتخرج من فمه.
كلامك
صحيح نهال فعلا الي تقبل الحقرة تبقى محقورة الخلاف ان الاخوات يخلط بين طاعة الزوج واعطاء قيمة لاهن
كان الحياة تقف عند رجلين رجل

[riheb razane]

علابلي حتى الاحترام واجب في العمل علاه منطبقوش مقولت السكوت من ذهب السكوت عن الاحمق جوابه انا لااقصد الزوج بل في اطار العمل او في الحياة عموما هلاه ننزلولمستوى العراك علاه مانفرضش وجودي واحترامي بطريقة سلميية لازم انعيط ونداوس باش نفرض وجودي اذا كان شخص يستاهل نو نديرلو قيمة ندي ونجيب معاك بذكاء ونحط النقاط على الحروف باش ميزيدش يخلط اشفتو بلي انسان تافه كيما لي راهم معايا والله مانحرق موخي ولا نضيع وقتي ونديرلو قصة انطبق عليه مقولت السكوت ولا نقولو في وجهو معنديش الوقت للتفهين على العموم ياوالله يا اختي منداك كاين عباد: هما تع مشاكل كما اديري ماشي مليحة وكيما اديري مايفهموش بالدبزة ولا بلا عقل الله غالب ربي يحفظك وحفظلك اوليدك كان عنبالي انتي ماشي متزوجة يعني عازبة جيت انقولك بالكي اتروحي بالعقلية هذه لدارك ياوالله ماتعيشي نهار

[riheb razane]

ايواه دوك حبيتو هبلوني يااختاي وين راهي الحقرة انا مرانيش انشوف فيها فيريت اتوضحلي خاطر دوختني علاه رانا نضربو ا رانا نتعيرو فهميني برك انا نعرف الحقرة لي يضربها زوجها وهينها وي احترمهاش لاقدام اهلها ولا اهلو ولا اولادها وقدام الناس كي تمرض مايدويهاش يبهثها لدارهم كي تكون تبكي اقولها على راسك اه هذي راني معاك بصح هو زعف وعيط وهي مولات المشكل وهي استعرفت بالمشكل تاعها وسكتت ومن بعد فاهماتو بلي حاجة ماتستاهل تزعف على جالها هذه هي الحقرة والله اماينا فهموني اتعيشو وانا الحمد الله مع زوجي معنديش هذو المشاكل قولتلكم كي كونو مناوشات انا نحاول نترفع عليهم

[.kiki]

طاعة الزوج شيء، و فقدان الاخترام والتقدير شيء آخر تماما

و العاقلة من اختارت الزوج الذي يعطي قيمة للمرأة منذ البداية... فلا تحتاج ان تفرض قيمتها بنفسها.. كل ما عليها (وعلى الجميع) أن تحترم نفسها و تلقائيا الكل يحترمها.. و منهم الزوج
أما إن كان هو ممن "لا يفهم" فذلك شيء آخر

عندما تحدث مشكلة تؤدي بالزوج إلى الغضب و رفع الصوت من السهل ان تنفعل المرأة و تقول (راهو ميش مقيمني لازم نفرض روحي) و تبدأ هي الأخرى بمعاندته و رد الكلام و...و...
أما العاقلة فتكتم غيظها حتى إذا ذهب عن زوجها الغضب شرحت له الأمر و لابأس أن تخبره أن من الأحس أن نحل المشاكل بالحوار عوضا عن الانفعال الزائد.
و بس..

ايواه دوك حبيتو هبلوني يااختاي وين راهي الحقرة انا مرانيش انشوف فيها فيريت اتوضحلي خاطر دوختني علاه رانا نضربو ا رانا نتعيرو فهميني برك انا نعرف الحقرة لي يضربها زوجها وهينها وي احترمهاش لاقدام اهلها ولا اهلو ولا اولادها وقدام الناس كي تمرض مايدويهاش يبهثها لدارهم كي تكون تبكي اقولها على راسك اه هذي راني معاك بصح هو زعف وعيط وهي مولات المشكل وهي استعرفت بالمشكل تاعها وسكتت ومن بعد فاهماتو بلي حاجة ماتستاهل تزعف على جالها هذه هي الحقرة والله اماينا فهموني اتعيشو وانا الحمد الله مع زوجي معنديش هذو المشاكل قولتلكم كي كونو مناوشات انا نحاول نترفع عليهم

معك كل الحق

[زيان.]

السلام عليكن أخواتي
أعتذر على التدخل ولو أن النقاش في منتدى الحياة الزوجية وليس خاص
وجهة نظر الأخت الكريمة الموقرة نهال ....جعلتني أكتب
يا أختي الرجال ليس بمفهومك حقارين أو كما وصفتي ..الرجال هم : أخوك ، أبوك ، عمك ، خالك ....
وأنا لا أتكلم نيابة عن الرجال والله لا، كل واحد تتكلم عنه أخلاقه ومبادئه
أنا أمثل نفسي فقط لاغير..
والمسألة ليست في خريجي معاهد أو جامعات ،ليست في ليسانس أو دكتوراه ،بل المسألة خريجي معهد ومدرسة النبي صلى الله عليه وسلم
ربي يوفقكم أخواتي

[نواعم]

طاعة الزوج شيء، و فقدان الاخترام والتقدير شيء آخر تماما

و العاقلة من اختارت الزوج الذي يعطي قيمة للمرأة منذ البداية... فلا تحتاج ان تفرض قيمتها بنفسها.. كل ما عليها (وعلى الجميع) أن تحترم نفسها و تلقائيا الكل يحترمها.. و منهم الزوج
أما إن كان هو ممن "لا يفهم" فذلك شيء آخر

عندما تحدث مشكلة تؤدي بالزوج إلى الغضب و رفع الصوت من السهل ان تنفعل المرأة و تقول (راهو ميش مقيمني لازم نفرض روحي) و تبدأ هي الأخرى بمعاندته و رد الكلام و...و...
أما العاقلة فتكتم غيظها حتى إذا ذهب عن زوجها الغضب شرحت له الأمر و لابأس أن تخبره أن من الأحس أن نحل المشاكل بالحوار عوضا عن الانفعال الزائد.
و بس..



معك كل الحق

بارك الله فيك اختي ام رحاب وكيكي انتما فهمتوني انا عندما فتحت هذا الموضوع كما قلت سابقا للتناصح وايجاد الحلول لكسب المودة بين الزوجين وعندما قلت انني اسمح من حقي لم اقل ان زوجي يذلني او يحقرني بل بالعكس انا احترمه ويحترمني صحيح هناك مشاكل التي لا يخلو منها بيت ولكن لست بالتي ترفع صوتها في وجه زوجها ولله الحمد كنا قالت الاخت ام رحات نسكت وادع العاصفة تمر ثم نتناقش انا صحيح ضد الرجل الذي يضرب زوجته ويذلها ووو ولكن ايضل ضد المراة التي ترفع صوتها في وجهه وربما حتى تقول كلام بذيء ربي يعافينا ويهنينا

[اميرة اليالي البيضاء]

lاسمحيلي لكن مستحيل اانسانة مثقفة وواعية تقبل بحيا ت الدل من اجل مادا
كللامكي غريب اوقديم للاسف من حق المراءة تعيش مع روج يسعدها موش فقط يحترمها والمودة والرحمة يلزم تكون موجودة
سؤال فقط ادا كنتي تحثثين النساء على الصبر على حيات هي تعيسة فيها كيفاش راح تربي ابناها ويترى سيحترمو بباهم الي يشوف فيه يهين امهم وهي ثاني ستجد نفس المعاملة
اخت اميرة انضري للموضوع بشكل اعمق
بارك الله فيك على ردك الجميل
اي امرأة تحب ان تعيش حياة الامن والاحترام
ولكن باسم الثقافة والوعي اصبحت المرأة
تهدم بيتها بنفسها ولا تحافظ عليه ولا على
اولادها فكم من امرأة طلقت و صاروا اولادها
يعيشون حالة الايتام والبؤس والكراهية لوالدهم
ويسألونها يوما لماذا تركت ابي واين حنان ابي ـ
فتقول : لانني مثقفة وواعية لم استطيع العيش
مع والدكم العزيز فيقولون :
او ليس باسم الوعي ان لاتحرمنا من الحنان الابوي
ربما اكبر شيء تحكمه الحياة الزوجية الصبر
فاذا لم يكن صبرا فالا ولن تكون حياة زوجية

وفي واقنعنا المرير يجيب على المرأة ان تصبر
وتعيش الذل والهوان من اجل اولادها لانه
يأتي يوما ويعود الزوج لرشده ويندم ندما
شديداااااا وتستقر الحياة .

تقبلي رد اختك الاميرة

[سحابة باردة]

صباح الخير واضح انك تتكلمي عن تجربة شخصية وانتي ادرى بضروفك
لانك لو عيشت مع اسرة او زوج طيب ومحترم ماكان هدا ردك نتمنى اولادك في المستقبل ميحملوش اراؤك
انالم ارد على الاخوات من قبلك بكل بساطة لاننا متفقين بان الحيات الزوجية لازم يسودها الاحترم
ومن قال لك ان المراة المثقفة متحبش تحافض على بيتها بالعكس انها اكثرهن من تريد دالك وفي نفس الوقت انجاب جيل ناجح يعرف وجباته ويتمسك ايضا
بحقوقه
سلام ياميرة اليالي

[أم سلوى]

كلمة فقط لكن
بما اني عندي 22سنة زواج نقولكم ان المراءة...مهما كانت تستطيع ان تجد مفتاح لقلب زوجها ..مهما كان طبيعة الزوج...خائن...ضايع...غاضب...وكل الصفات الذميمة..
بما اننا ....كيدنا عظيم يعني مفاتح كثيرة في جيبنا
ول علمنا ان النساء تعرف تساير كل انواع الرجال...هناك فقط نقتنع.....اننا سعيدات في كل الاحوال

الثقة هي التي ضاعت منا...
انا شخصيا وجدت السعادة ...وطويت كل جوانب السلبية لزوجي ولي وجعلتها في مصلحتي...رغم ان حياتي لم تكن سهلة تعرضت للجنون اكثر من مرة..واليوم فهمت وفهمت اني لدي لوحة التحكم لم اعلم ولم انتبه فقط.
للعلم فقط...كيدنا عظيم ليس فيه عيب...لان الله نسب اليه الكيد في قوله..يكيدون واكيد كيدا....لو لا انها صفة تحملل القوة مااستعملها..
فهو لم يقل ابدا
يكذبون واكذب كذبا او يخونون واخون...وغيره


نستعرف بالنساء....فنحن معجزة الحياة......

[nihal159]

صباح الخير؛ أختي سحابة شكرا على ردك الجميل؛ من فضلك أمسحي الإقتباس لأني مسحت الرد؛ مانحبش نحكي هنا على حياتي الخاصة؛ أرواحي لقسم الدردشة أفضل باش

نصيبو راحتنا.

الأخت أم سلوى علمينا كفاش يكون كيد النساء مع رجل متعنت لرأيه و راسه يابس كيما نقولو بالعامية.

[اميرة اليالي البيضاء]

صباح الخير واضح انك تتكلمي عن تجربة شخصية وانتي ادرى بضروفك
لانك لو عيشت مع اسرة او زوج طيب ومحترم ماكان هدا ردك نتمنى اولادك في المستقبل ميحملوش اراؤك
انالم ارد على الاخوات من قبلك بكل بساطة لاننا متفقين بان الحيات الزوجية لازم يسودها الاحترم
ومن قال لك ان المراة المثقفة متحبش تحافض على بيتها بالعكس انها اكثرهن من تريد دالك وفي نفس الوقت انجاب جيل ناجح يعرف وجباته ويتمسك ايضا
بحقوقه
سلام ياميرة اليالي
صباح الانوار
وعلاش انا بايرة وزيدي تبلي فيا بزوج غير
طيب ومحترم
شوفي ادعيلي بزوج صالح
كل مانقول سأتزوج هذه السنة يتعسر زواجي
ويذهب الخاطب في مهب الريح
شوفي
بحكم انني اعيش في وسط عائلي كبير جدااا
ومخلط بزاف كتبت ذلك الرد
ابنة عمي مطلقة وعاملة ومثففة ولها طفل
و بسبب فلسفتها في الحياة طلقت رغم انها
نادمة وتقول زوجي صالج ولكن انا لم احافظ
عليه
والاسبوع القادم ستتزوج زواجها الثاني وابنها
الصغير يقول لها يوميا :
امي لا تذهبي وتتركيني
اباه تزوج وامه تزوجت والطفل سيبقى مع
عمي
الرجل بصفة عامة لا يظهر طيبته وميعرفش
يحترم ولهذا يلزم معه الصبر .

سلام من اختك الاميرة

[أم سلوى]

انتهى للضرورة...

[سحابة باردة]

مهادا ياميرة يعني انتي غير متزوجة ومعولة من درك على حيات االشقاء
و انا نقولك اشاله يجيك راجل تعيش معاه احلا ايام عمرك وتجي هنا وتكوني ملكة كل ليالكي معه ميش فقط اميرة

[اميرة اليالي البيضاء]

مهادا ياميرة يعني انتي غير متزوجة ومعولة من درك على حيات االشقاء
و انا نقولك اشاله يجيك راجل تعيش معاه احلا ايام عمرك وتجي هنا وتكوني ملكة كل ليالكي معه ميش فقط اميرة
بارك الله فيك
ان شاء الله

حتى يخلوك العرب (الناس) تتزوجي

الف شكر وايامك ولياليك اسعد

سلام من اختك الاميرة

[riheb razane]

السلام عليكن يا نساء حائرات والله غير لمشكلتها اعمق من الثانية لعينا نبدا بسم الله اميرة الليالي انشاء اجيك فارس الاحلام وتعيشي الايام والليالي البيضاء نحي عليك هذا التشاؤم وضعي ثقتك بالله, عزوجل تفؤالي خير تجديه كوني اجابية ماشي كامل الرجال كفكيف وبالنسبة للعرب اذا عطاك ربي واحد ماينحيلك ديري في بالك ربي مازال مكتبش والله كي يكتب مايشوركش والعرب مايديرو والو حتى السحور مايفيتش ثقي بالله اما بالنسبة لام نهال رانا في الهوا سوا واش اديري علابلاك انا عائلاتي ولاو ميعرضونيش اقولولي لاه انعيو رواحنا برك انتي ماجيس ودارنا اعيطولي المقرييا اي انجي من عام للعام ولا بالمناسبة لالا ما شي ميخلينيش يلتمس لي الاعذار راني مشغول راكي اتشوفي خليني ادموعي نشفو اتامني رجعت منعرفش نهدر مع الناس ورجعت منطويا ياوالله من داك مانعرف اذا لمطر راهو اصب والا شمس كاينا تالمو النوافذ وغلوقين ومن داري مخرجش والعباد لي راني معاهم لاهلا يواهملك هذاك والحمد الله اههههههه خلي البير بغطاه علابلك منداك نهدر وحدي لاخطر التواصل غايب ودوك وليت نلعب مع بناتي تشوفيني تشبعي ضحك وبالنسبة لاخت ام سلوى تع وجهي هذاك الاسلوب مايفيدش مع زوجي لي داير روحو هو الراجل ولي فهم كلش ويعرف هذا اداني قارية كو داني امية مانعرف افيد معاه اسلوب الصمت وجوزي ولكن الى متى راهي اما السحابة الباردة محكيتلناش حكايتك يادرا ياختي على حساب الرد تاعك قلبك معمر ايا ازرع انبت ويا لالا مولات الموضوع نواعم وين راكي هذا لعبتينا على الاوتار وتخبيتي ياستوتة هيا قولينا وش درتي فيها واش راجلك ولا للصف ولامزال

[اميرة اليالي البيضاء]

السلام عليكن يا نساء حائرات والله غير لمشكلتها اعمق من الثانية لعينا نبدا بسم الله اميرة الليالي انشاء اجيك فارس الاحلام وتعيشي الايام والليالي البيضاء نحي عليك هذا التشاؤم وضعي ثقتك بالله, عزوجل تفؤالي خير تجديه كوني اجابية ماشي كامل الرجال كفكيف وبالنسبة للعرب اذا عطاك ربي واحد ماينحيلك ديري في بالك ربي مازال مكتبش والله كي يكتب مايشوركش والعرب مايديرو والو حتى السحور مايفيتش ثقي بالله اما بالنسبة لام نهال رانا في الهوا سوا واش اديري علابلاك انا عائلاتي ولاو ميعرضونيش اقولولي لاه انعيو رواحنا برك انتي ماجيس ودارنا اعيطولي المقرييا اي انجي من عام للعام ولا بالمناسبة لالا ما شي ميخلينيش يلتمس لي الاعذار راني مشغول راكي اتشوفي خليني ادموعي نشفو اتامني رجعت منعرفش نهدر مع الناس ورجعت منطويا ياوالله من داك مانعرف اذا لمطر راهو اصب والا شمس كاينا تالمو النوافذ وغلوقين ومن داري مخرجش والعباد لي راني معاهم لاهلا يواهملك هذاك والحمد الله اههههههه خلي البير بغطاه علابلك منداك نهدر وحدي لاخطر التواصل غايب ودوك وليت نلعب مع بناتي تشوفيني تشبعي ضحك وبالنسبة لاخت ام سلوى تع وجهي هذاك الاسلوب مايفيدش مع زوجي لي داير روحو هو الراجل ولي فهم كلش ويعرف هذا اداني قارية كو داني امية مانعرف افيد معاه اسلوب الصمت وجوزي ولكن الى متى راهي اما السحابة الباردة محكيتلناش حكايتك يادرا ياختي على حساب الرد تاعك قلبك معمر ايا ازرع انبت ويا لالا مولات الموضوع نواعم وين راكي هذا لعبتينا على الاوتار وتخبيتي ياستوتة هيا قولينا وش درتي فيها واش راجلك ولا للصف ولامزال
بارك الله فيك.
ضحكتيني هم يبكي وهم يضحك
بصح بيناتنا العرب يديروا يالحنونة وبديروا لعجب
قالوا للشياطين اقعدوا واحنا نجوا في بلايصكم
عموما انا راني كيما خرجت من العزلة والانطواء
بسبب مامريت به ولكن الحمد لله الان تقبلت كل
شبي وبيناتنا وصلت للدرجة والله مانعرف الليل من
النهار وكذلك لا اعرف الايام لكن الان الحمد لله.
معليش اختي اصبري وحاولي تولي كيما انا
سأعيش السعادة رغما عن الجميع
وسأنسى الماضي واحزانه واعيش الحاضر
مثلما هو واتوقع مستقبل زاهر وجميل

تقبلي مرور اختك الاميرة

[نواعم]

السلام عليكن يا نساء حائرات والله غير لمشكلتها اعمق من الثانية لعينا نبدا بسم الله اميرة الليالي انشاء اجيك فارس الاحلام وتعيشي الايام والليالي البيضاء نحي عليك هذا التشاؤم وضعي ثقتك بالله, عزوجل تفؤالي خير تجديه كوني اجابية ماشي كامل الرجال كفكيف وبالنسبة للعرب اذا عطاك ربي واحد ماينحيلك ديري في بالك ربي مازال مكتبش والله كي يكتب مايشوركش والعرب مايديرو والو حتى السحور مايفيتش ثقي بالله اما بالنسبة لام نهال رانا في الهوا سوا واش اديري علابلاك انا عائلاتي ولاو ميعرضونيش اقولولي لاه انعيو رواحنا برك انتي ماجيس ودارنا اعيطولي المقرييا اي انجي من عام للعام ولا بالمناسبة لالا ما شي ميخلينيش يلتمس لي الاعذار راني مشغول راكي اتشوفي خليني ادموعي نشفو اتامني رجعت منعرفش نهدر مع الناس ورجعت منطويا ياوالله من داك مانعرف اذا لمطر راهو اصب والا شمس كاينا تالمو النوافذ وغلوقين ومن داري مخرجش والعباد لي راني معاهم لاهلا يواهملك هذاك والحمد الله اههههههه خلي البير بغطاه علابلك منداك نهدر وحدي لاخطر التواصل غايب ودوك وليت نلعب مع بناتي تشوفيني تشبعي ضحك وبالنسبة لاخت ام سلوى تع وجهي هذاك الاسلوب مايفيدش مع زوجي لي داير روحو هو الراجل ولي فهم كلش ويعرف هذا اداني قارية كو داني امية مانعرف افيد معاه اسلوب الصمت وجوزي ولكن الى متى راهي اما السحابة الباردة محكيتلناش حكايتك يادرا ياختي على حساب الرد تاعك قلبك معمر ايا ازرع انبت ويا لالا مولات الموضوع نواعم وين راكي هذا لعبتينا على الاوتار وتخبيتي ياستوتة هيا قولينا وش درتي فيها واش راجلك ولا للصف ولامزال
السلام اختي الحبيبة والله ما تخبيت راني نطل عليكم كل مانفرغ بالهاتف تاع زوجي ومانقدرش وسط النهار الشغل تاع الدار قتلنا وماحبش يكمل وعلابالك دار الغاشي واش نفولك يا اختي الحال كل خاطرة كيفاش الحمد لله على كل حال بارك الله فيكن يا اخوات على المشاركات ربي يعطي كل واحدة واش كاين في قلبها ويفرجها علينا ويرزق اميرة الزوج الصالح الحنون

[اميرة اليالي البيضاء]

السلام اختي الحبيبة والله ما تخبيت راني نطل عليكم كل مانفرغ بالهاتف تاع زوجي ومانقدرش وسط النهار الشغل تاع الدار قتلنا وماحبش يكمل وعلابالك دار الغاشي واش نفولك يا اختي الحال كل خاطرة كيفاش الحمد لله على كل حال بارك الله فيكن يا اخوات على المشاركات ربي يعطي كل واحدة واش كاين في قلبها ويفرجها علينا ويرزق اميرة الزوج الصالح الحنون
امين

نصيحة مني :
اتهلاي في روحك شوية
ماشي نهار كامل وانتي مع الشغل
وغير يجي راجلك ارمي كل حاجة من يديك

سلام

[دكتورة حبيبة]

واش منحياة زوجية سعيدة راكي تحكي عليها كي تخرجي من داركم أنساي السعادة......الرجال الملاح خلاصو حاش خاوتي

[asalaa]

شكرا على الموضوع