ايي نوع من الرجال هذا

[riheb razane]

السلام عليكم سوف اروي لكم حكاية صديقتي المتزوجة مع زوج متخلف بالنسبة لي لان ليده عقليةانا الراجل وانتي المراة حقو بصح ماشي في كلش فمثلا قاتلي كي نخرج معها نخرج عقونا صم بكم اذا اهدرت هذاك النهار نهاري قاتلي كي ندخل للحوانيت نقولو ليه وهو اسقسي مول الحنوت والمطاعم مندخلهمش ناكل في السيارة وما لزم نهدر معاه في الطريق باش الرجال ميسمعوش ووين تروح رجلها ورجلو حتى كي تروح الدارهم متخرجش مع يماها ولا اختها لازم معاه ولا مكاش والتقا تع دارو هو احلها وهو يغلقها اذا ما ذا تصنيفوه وبماذا تنصحونها ومزال ومزال يتبع

[محمد جديدي التبسي]

العكس رجل عادي يبانلي يبالغ شويا لكن افضل مما نراه نساء يمشو مع رجالهم واصواتهم طالعة ويضحكو حتى!
انا نعرف رجال زوجاتهم لم يذهبوا للسوق يوما بعد الزواج هو يجيبلها كلش
ربي يكثر من امثالهم

[إنسانة بسيطة]

مادام يخليها تخرج معاه فهذا ليس متخلف كوني شوي منصفة ومتديكش العزة النسائية لي مرات يكون معندها حتى سبب وجيه

والا بيك على المطاعم راهي مرة في الفال وانا شخصيا عمري ولا رحت لمطعم ناكل في السيارة وتجيني اكثر من عادي رايحة نعمر في كرشي مش رايحة للطابلة والكرسي
وانت تخيليها في روحك تروحي لمحل انت تسقسي وتقاشحي في مول المحل وراجلك قاراقوز يمد يدو لجيبو ويشري راكي متخيلة الموقف ولا لالا ؟
حكاية النافذة عندك الحق مش للدرجة هاذيك الا اذا كانت تطل على الجيران ولا شارع كبير فيه فوضى كبيرة والنافذة تتحل صباح بكري ولا وقت الظهيرة يعني مش كل عشر دقائق حتى راهي مسببة ليها اختناق



انا نظن العكس هو الصحيح صحبتك لي حابة حرية زايدة مش راجلها لي متشدد والله اعلم

[nihal159]

التسوق في المحلات؛ أنا شخصيا زوجي هو لي يشري كل شيء أنا لا أتسوّق؛ ماعدا كي نروحو نشرو أثاث أو شيء من هذا القبيل يأخذني معاه باش نختار على ذوقي؛ لكن مانتكلمش مع البائع ؛نتكلم مع زوجي نقولو على الموديل لي عجبني وهو يدبّر راسو مع البائع أنا مانذخلش روحي؛ لكن في المقابل كي نشري أمور تخصني كثياب نسائية؛ نخرج مع ماما أو أمه على حساب الضروف.
الثاقة ممكن تحط على رأسها خمار و تلبس حاجة بأكمام طويلة و إنتهى الأمر؛ يعني باش تنشر الغسيل لازم تستناه يجي من الخدمة؟؟؟
المطاعم أنا شخصيا نحشم و نادرا ما ناكل في المطاعم إلا في المناسبات الرسمية كعيد زواجي ولازم نقعد في مكان مستور مانحبش أنا ناكل و الناس تشوف معي.
مافهمتش عله يقعد معاها كي تروح لدار باباها؟؟؟ موسوس؟؟؟؟
يعني كاين أمور عادي و كاين أمور زايد فيها بزآآآف.

[روح المي]

هو مقتنع بي اسلوبه وهذا حرص منه واحسن من نماذج الكثيرة في حياة اشباه رجال

[محارب الحمق]

بففف المتخلف هو من يرى هذا الرجل متخلفا. بل هو رجل في زمن قل فيه الرجال

[طاعة زوجي ..]

وعليكم السلام ورحمة اللّه وبركاته
عادي أختي أغلب ماذكرت ، هو غيور عليها ومادام يخرجها للتّبضّع على حدّ قولك ويأكلون خارجا فليس متخلّف ، وعادي تأكل في السّيارة ، لا يحبّ أن يرى زوجته في مطعم ويراها النّاس

هناك رجال هكذا ، وحتّى كونه يحبّ أن تخرج معه أي رجلها على رجله ، بسيطة ، أنا شخصيّا لا أخرج إلّا مع زوجي وأبي وأخي في السّيارة

مسألة النّافذة اللّه أعلم ، ربّما هي من النّوع التّي تخرج إلى الشّرفة أو تطلّ من النّافذة بدون خمار سواءا سهوا أو متعمّدة ، فهناك من يرينه أمر عادي ، تراها متحجّبة خارجا ، وتخرج للشّرفة لنشر الغسيل بلا خمار وبملابس مكشوفة الأكمام

أو ربّما كما قالت الأخت بيتها يطلّ على جيران أو مقابل محلّات كثيرة أو مقهى وغيرها ـ، فهو من غيرته عليها يفعل ذلك

عليك أن تنصحيها أخيّة ولا تزيدي الطّين بلّة ، إن قلت لها أن زوجها متخلّف وهي في الأصل قلقة من تصرّفاته ، هنا تُصعّبين الوضع عليها ، إن كان هذا كلّ ماتشتكي منه فعليها بالصّبر ، الحياة الزّوجية تحتاج صبرا كثيراً وأن توازن بين حسناته وسلبيّاته فأكيد لديه محاسن فتركّز عليها عوض التّركيز عن مساوئه

[دنيا الامل 18]

انا اراه عادي لاننا اصبحنا في زمن المراة خادمة رايها بدون حسيب او رقيب وادا قالها الراجل ماديريش حاجة تسميه متخلف

[نواعم]

رجل غيور احسن من ديوث ولكن بالمعقول وغيرة في محلها وليس عدم ثقة في الطرف الاخىر ربي يهنيهم ويهنينا سلااااااام

[النجمة القطبية]

انا نشوفو عادي الصراحة راهو يخرجها ويجيبلها اكل من برا وتزيد تاكل في السيارة واش خصها
انا راجلي تاني ميحبش يكون صوتي مسموع خاصة برا
والحانوت المراة الماصلة تخلي راجلها يتفاهم معاه الا في حالة تكون البائعة امراة كيفال هي تتفاهم مع مول الحانوت وهو واقف !!!!!!
اما بالنسبة للتاقة كامل الرجال يعلقو عليها نورمال
يبانلي عادي جدااا راجلها رغم انو العنوان مبالغ فيه
المهم الهنا

[*أم سجى*]

أي نعم مثلما ذكرت الاخوات تصرفات هذ الزوج عادية جدا لأنه رجل هو أدرى بما يحدث في المجتمع لذا هو يسعى بين التوفيق بين راحة زوجته وصيانتها من الاجانب أرجو أن تفهمي ذلك جيدا اختي

[riheb razane]

شگككككككرررررررا لكم جميعا

[ramiusma26]

هذه الامور طبيعية ومن المفروض تكون عند اغلب الرجال

[زيان.]

هذا سر ...لايجوز أن تحكي عن الحياة الزوجية لصديقتك ....أيرضى زوجها بذلك؟؟
الأمانة اساس الصحبة ...ولا نسينا
لا أختي الكريمة نناقش مواضيع عامة أو خاصة للمعني ....صراحة لا يجوز ...هتك الأعراض
نديرو رواحنا في بلاصتهم ...مانحبوش لي يحكي علينا
وزيد ....لا تصدق ما تسمع وصدق نصف ما ترى
و الصح صح ...أحترمك يا أختي الغالية والله والله غي نعزك ونقدرك خاصة في رد لك عل موضوع فات أعجبني
لكن في هاته .....لا
أستسمحك عذرا رجاءا

[riheb razane]

شكرا لك اخي ولو انا امراة متزوجة واقدس زوجي بصورة لا يمكنكا تخيلها واحبه حبا شديد ربي اخليهلي وخليني ليه لانو هو يبادلني نفس الشعور او اكثر اللهم لا حسد اذا هو ميحبش مرتو تحكي مع الرجال غرباء حتى انا منحبش يا ربي اسمحلي اعتبر نفسي مذنبة وخائنة للعهد ان صحى التعبير والله يا اخي غير رني ارد عليك وضمبري يانبني المهم انت يا اخي ضلمتني والضلم ضلمات يوم القيامة انا منهدرش على اعراض الناس ربي اسامحك ويغفرلك هي لي طلبت مني ان اطرح مشكلتها كانت على وشك الطلاق قولتلها اصبري انا راني عايشة اكثر منك انتي على اقل راكي تخرجي معاه انا راجلي مسكين مشغول والله ماعندو الوقت صح راني انشوف فيه كي نخرج معاه خطرة في السنة انشوفها جنة والحمد الله كي عرفت انو هذي عقليت جزائريات وللها عقلها المهم خويا يعطيك الصحة ومشكور

[mrmilano1984]

قلنها وكررناها عيب كبير جدا ان يتم التكلم علي الامور الخاصة والامور الحميمية بين الزوجين طبعا لو جات هاته صديقتك فاهمة صح وعندها عقل ماتحكي امور مثل هاته عيب كاين امور اسرار ماتحكاش حتي لاقرب قريباتك وصديقاتك اختي قوليلها تعاود تصحح نفسها وتبدل عقليتها لانو انا لو زوجتي تفشي سر من اسراري مانعرف ولش نتصرف لااقبل طبعا

[زيان.]

السلام عليكم أختي المحترمة رحاب ..بارك الله لك في زوجك وأولادك وعشرتك وحفظكم بما يحفظ به عباده الصالحين ...أحييك من منبر الأخوة والإحترام أختي
أنا لم أظلمك حشا ..والله أنتن مثل أخواتي ونحن أسرة في هذا المنتدى ولو لم أجدك أختا لما عرجت على موضوعك ،لم أقصد أنك أنت هتكت أعراض الناس ،بل بتعليقاتنا و ردودنا سوف نظلم هاته الأسرة والظلم ظلمات يوم القيامة ، والله أكتب هاته الأسطر و ضميري يعاتبني بأنك أحسست أني ظلمتك ، رجاءا ...رجاءا..أختي الفاضلة أعتذر عن هاذا الرد إن أزعجك ولكني والله أرى فيك أختا لي ولا أحب لك ما يضرك إعتبريني سحبت كلامي ....
وقولي لصديقتك التي كلفتك بطرح موضوعها على الناس أنه يوجد خير منا ولو إجتمعنا على أتقى قلب رجل واحد ، قولي لها ستجد ظالتها في سجاد الثلث الأخير من الليل بتضرع وطمع في من قلوبنا بين أصبعين من أصابعه ألا وهو الله يقلبها كيف يشاء
وسأدعو لصديقتك بدعوة : يارب إن أمتك هاته في حاجة إليك يارب لاتردها خائبة يارب أصلح لها زوجها ويسر لها الخير حيثما كانت وحببهما إلى بعضهما يا رب والسلام عليكم ورحمة الله