خطيبي و ملابسه [الأرشيف] - منتديات الجلفة لكل الجزائريين و العرب

مشاهدة النسخة كاملة : خطيبي و ملابسه

مشكلتي

2016-10-11, 06:18

السلام عليكم و رحمة الله و بركاته
انا معلمة 36 سنة و خطيبي عامل يومي 34 سنة قبلت لانو اكبر شيئ كان يجذبني في الرجل اخلاقه دينه و قوة شخصيته
كان يظهر متشدد و قلت عادي في صالحي
مرة شفته في الطريق بعيد يرتدي سروال هابط -عذرا على اللفظ- و كذبت روحي و قلت خاطي
امس جاء لزيارتي يرتدي هكذا سروال و يمشي يسوطي ؟؟اشمأزيت منه و كرهته و كرهت روحي و حشمت من الدنيا الكل
هذا لي يحب حجاب شرعي هو يلبس هكذا ؟؟؟؟
بيناتنا عقد شرعي و العرس المفروض بعد حوالي شهرين
نبطل منه ؟؟؟؟؟؟؟؟؟؟؟؟؟
صعيبة خاصة انو قبلو بطلت عرسي قبل شهر واحد بسبب خيانة خطيبي السابق لي ؟؟؟
و درك واش ندير انا ننصح تلاميذي و نعطيهم محاضرات نلقاها عند لي المفروض زوجي
احنا في عايلتنا حتى المراهقين و نعسوهم على هكذا البسة
تعبت و قرفت و لا قادرة نكمل لا قادرة نبطل ؟؟؟؟؟؟؟؟؟؟؟؟؟

ما الحل ..........

خالد عنابي2

2016-10-11, 19:46

يظهر شخص متقلب الاهواء

لو مكانك نبطل

مُحمد رازي

2016-10-11, 20:06

الظاهر أنو هاد السيد راح حاس روحه مين اخطب أستاذة و خدامة راه حاجة كبيرة
على داك الأساس راه يشوف نفسه فوق كامل الناس باعتبار قبلت بيه وحدة في مكانتك
هداك الشي لي خلاه يتفرعن و يتصرف تصرفات طائشة و لما لا رجع يتصرف بطبيعته الحقيقية الآن
على كل إذا كان هاد السيد قابل للتغيير و حكاو معاه رجال من عايلتكم و صلّح نفسه أهلا و سهلا
و إلا أنتي أمام شخص ذو وجهين راح كل خطرة يخرج ليك بخرجة
الله يصلح الأحوال

solinne

2016-10-11, 20:23

ههههه 34سنة ما راهش من جيل السروال ال ......
شوفي قبل كل شي اهدري معاه بلعقل وفهمي منو وقوليلو لبستك ما تعجبنيش وما تشرفنيش واذا كنت حابني نلبس الحجاب الشرعي البس انت تاني اللباس الشرعي وشوفي ردة الفعل تاعو وانشا الله خير

lalib40

2016-10-11, 20:27

مشكل كبير ان تكون الزوجة متعلمة والزوج غير متعلم 34 سنة وسرواله هابط ؟؟ واش بقى ..... هنا تستطيعين ان تدرسي شخصيته الحقيقية.

روح المي

2016-10-11, 20:28

السلام عليكم أختي
ربي يمتحن فيك اذا متاكدة مشكلتو في لبسه تتحل عادي أنصحيه انت لا تعرفي ربما عندوا عادي وحاسب بلي هكذا يعجبك اذا لبسوا
حاولي تحكي معاه بلا متجرحيه ومتحكميش على المظهر فالمظاهر خداعه أختي الكريمة
ومش سبب قوي يخليك ترفضي احتمال يلبس كل شيء ميذوقش

lalib40

2016-10-11, 20:29

ليس متقلب الاحوال هذه هي شخصيته.

سوسو الطموحة

2016-10-11, 20:31

يقدر يتغير مع الوقت ....جيه بالسياسة ....الناس كامل فيها عيوب ...يمكن هو مشكله خفيف ...تفهميه يولي يسقم روحو....

lalib40

2016-10-11, 20:32

الشخص الي يقلد الاخرين شخصيته ضعيفة ويحس بالنقص ولكي يكمل هذا النقص يقوم بقص شعره بطريقة عجيبة ويلبس سروال ضيق وهابط ومقطع في بعض الاحيان ويضع سلاسل في يده وعنقه ويقوم بالتدخين ويحمل في يده كوب قهوة وهو يمشي ، يقتني اغلى الهواتف ، يقوم بتغيير نبرة صوته .........

lalib40

2016-10-11, 20:34

ملابس الرجل تحدد شخصيته ...علم النفس

أم ماجد

2016-10-11, 20:48

Om mimi

2016-10-11, 20:56

حاولي تتكلمي معاه لكن بطريقة غير مباشرة بدون احراج اذا انسان يقبل التغيير للاحسن مليح كوني انت السبب ربي يصلح بينكم

Amouna.DZ

2016-10-11, 21:36

لا لا ماتبطلي ماوالو إذا كان هذا عيبو الوحيد وكنتي قوية الشخصية رايحة تقدري تبدليه للأحسن... أدعيلوا ربي يهديه

ايمان نور الجزائر

2016-10-11, 22:09

انصحك ان تصارحيه بالصح بلعقل
او تحايلي بالموضوع حول اللباس واهميته وكيف تجبين ان يكون
وانتبهي لردة فعله
وممكن جدا ان يتغير ان اصريتي عليه فلربما هاته هي شخصيته
وعقليته ...ولا ينتبه لذلك

Leila leil

2016-10-11, 22:56

يمكنك أن تغيريه بطريقة غير مباشرة أو اشتري له لباس محترم كهدية عيد ميلاد أو غيره

الطيب الجزائري34

2016-10-11, 23:20

جلسة حوار ليتبين لك امره = بعدها القرار .

randa3

2016-10-12, 00:50

تكلمي معاه قبل أي شي
وان شاء الله ربي يهديه

محمد جديدي التبسي

2016-10-12, 11:35

لم افهم كيف متشدد ولباسه هكذا؟؟
قضية يمشي ويسوطي ربما شخصيته مرحة ويحب المزاج
انت شوفي لأخلاقو وسمعتو واذا كان خدام ولاباس بيه وطايع والديه
ربي يفتح عليك.

ساجده 82

2016-10-12, 12:18

سلام اختي .ههههه تضحكني بعض الردود يليق اصحابها يخدمو في المحاكم .كان راهي بلادنا وسمها الطلاقر مش الجزائر .هبط سروالو طلقي .مادانيش لدارنا طلقي ضربني طلقي .حبيا داري طلقي مااجمل الحياه .حلول سهله .جدا ومرضيه.
شوفي ختي تريثي ماكاش اللي مافيهش عيب. ولادي صغار بني لكبير 10سنوات كان يدير القزع ويلبس سروال هابط او سليم اويلبس سلسله .نقتلو ولكن هذا ابني وزوجك المستقبلي
انت تبدليه .ناس بدلت ناس كانو تاع ادمان وشرب .جات في سروال ...
ياختي احكي معاه بالشوي بلا ماتجرحي رجولتو عادي .حتى بالضحك قال مثلا عندك هداك السروال كي تلبسو تولي ....كي الامبراطور هههه بطريقه جديه ومزح ماينتبهش وحتى وينتبه راكي لحتيهالو بطريقه .ضريفه .اللي يتقبلها الانسان.
الله يصلحو ويصلح وليداتنا .يارب.

ندرومة49

2016-10-12, 12:28

ليس سببا للرفض,, ممكن هذا لي تسعدي معاه,,المهم أنت تكون لك شخصية وتغييريه للأفضل
الناس تبطل
اذا شرب الخمر
لايصلي أبدا
غير مؤدب همجي

أثيلة

2016-10-12, 12:44

والله يااختي تحدثي معه في الامر ضروري وحاولي تفهمي و طبعا ليس بالضرورة لباس شرعي قميص المهم لباس محترم

blanche rose

2016-10-12, 13:19

احسني اختيار اب أولادك
قبل أن تختاري زوجا لك

لا تبحثي عن ملاك لكن ابحثي عمن يصلح كأب..

فمن يصلح كأب سيتحسن..

اقرئي كل الردود وخذي المفيد منها..

فالاخوة والاخوات لم يقصروا..

تزوجي لمدى الحياة وليس لتعودي بعد شهر او شهرين لبيت اهلك
انت من يعرفه
انت من تعرف هل يمكن ان يتحسن اولا
.ربي يسعدك ..

قدور بن عاشور

2016-10-12, 13:48

يجب أن تكوني صارمة جدا في هذا الأمر، ضعي النقاط فوق الحروف، و أخبريه أنك لن تقبلي بهذه الهيئة و إلا كل واحد يشوف طريقه.
المشكلة ليست في سرواله الهابط، المشكلة في أنه يرى ذلك أمرا عاديا و ربما موضة، و ما خفي كان أعظم.

mino 13

2016-10-12, 22:05

غير مسؤول على سرواله راكي حابة يكون مسؤول على عائلة ؟

blanche rose

2016-10-13, 00:38

لكن كيف لم تنتبهي طيلة فترة الخطوبة؟!!!

ان فعل الأمر مؤخرا فقط
فربما يحاول استفزازك لكي تطلبي انت فسخ العلاقة والله اعلم

زبدة ذايبة

2016-10-13, 06:34

وش حبيتي !!!!!!!!!!!!!!

سروالو هابط طلعيهولو انت

زعمة كي راكي رايحة تتزوجي بواحد سروالو طالع يعني هو الراجل

ماتتوقعيش في الزواج تلقايه 100% يمشي كيما الساعة مستحيل

إذا كان العيب في هذا برك، الحال ساهل جدا

اللهم إلا إذا بديتي تلاحظي في قصة الشعر وأشياء ثانية غريبة

هنايا استوقفيه واهدري معاه ووجهيلو الملاحظة

بالنسبة للسروال

احتمال مالقاش وش يلبس

ممكن يكون سروال خوه

ممكن جاتو لحظة طيش

ممكن ماعرفش وش يشري

يعني ماديريش مشكلة من والو

والزواج ياعزيزتي ليس ثكنة عسكرية فيه الانضباط والزي الرسمي

والزوج ليس تلميذا يطبق وينفذ الأوامر اللي تقوليها

ارخي شوية لحبل ماشي هكذا

خففي على نفسك وخذي الأمور ببساطة

راكي مقبلة على زواج وبناء أسرة

~أمة الله~

2016-10-13, 18:06

عليكم السلام ورحمة الله وبركاته
أختي الكريمة لا أظنّ أمر كهذا يستحق الفسخ في آخر لحظة!!!
أمر غريب جدّا أن تهدمي كلّ ما كنتِ مُقتنعة به في هذا الرّجل وعقدتِ وخلاص رايحة تتزوجي فأمر كيما هذا خلاص جعلك حبيتي تحبسي معاه ؟؟ أم كلام النّاس أثّر فيكِ لهذه الدرجة؟؟
أختي الكريمة تريثي وهذا الموضوع يُحل بالهداوة، والمرآة بأسلوبها تذهب بلبّ الرّجل الحازم،
بإمكانك باستعمال الأسلحة الأنثوية التي لا تخيب بإذن الله أن تُغيِّري من طريقة لبسه، وأن تجعليها مُرتبطة بكِ ،يعني أنتِ وكيف تُحبين أن يتزين لكِ وكيف ترينه، وأنك بهذا اللباس ترينه جميلا وهذا لا تفضلينه، المُهم بأسلوب هيّن حسن.
وربي يهنيكم

lalib40

2016-10-13, 18:08

غير مسؤول على سرواله راكي حابة يكون مسؤول على عائلة ؟

كلامك صحيح.........هو في جهة والسروال في جهة

تاج الوقار16

2016-10-13, 18:19

اختي نقولك تبطلي نكون مجحفه في حقك خاصه وانو طموحك لتاسيس اسره وانجاب طفل حلم كل وحده وهاذ الحلم يكبر مع الوقت ويزداد الشغف اليه ويتهدد بعامل السن
اقدرك احتياجاتك من هذه الجهه
ومن جهه اخرى لباس هذا الرجل فيه دلاله على جزء من شخصيته وليست كلها
وللعلم يلبسو قميص او لباس عادي وعندهم افكار الله لا يشوفك من عقد وربما انحراف وهو داير لحيه
يعني لا يمكن الحديث عن اساسيات الشخصيه قبل العشرة
ربما امو اللي جابتو ما نعرفش عليه افكار لانو الشخصيه عده جوانب والناس راها تتغير
خاصه في عصر النت والاباحيه وووو
انت عندك خطوات تتبعيها
الاولى التوجه الى الله والاستخاره
ثم بالنسبه للاسباب
يمكنك الحديث معه في الموضوع ومناقشته ربما يكون مجرد تفكير سطحي قابل للزوال
ولكن الاهم من هذا هو كيفاش تعرفي باقي افكارو لاني بصراحه نخاف من هاذو اللي يقبلو بمن هي اكبر منهم ربما الغرض مادي بدرجه كبيره
وربما عندو اغراض اخرى فعوض انك تفرحي بزواجك تلقاي روحك تتخبطي في مشاكل كنت في غنى عنها لا سمح الله
ولكن فقط حبيت انبهك انو الجزائريين يكون يتمشى عريان ودار الباطل ولكن يحب ان يقترن برابعه العدويه
انت قبل لازم تعرفي ما هي قناعاتو في المراه ولماذا اختارك انت بين الناس ونقولك كفاش تختبريه
ما تقوليلوش علاه لبست هذا السروال سي نورمال راح يلعبها عارف ووو
ولكن انت قوليلو عجبتني الحطه الجديده خرجت عليك روعه
اذا فرح باطرائك معناها هذاك واش يحب وادخلي معاه في الموضوع
وزيد قوليلو انا نحب نمد شهريتي كامله للرجل وهو يتصرف
وشوفي واش يقولك اذا عجبو الحال معناها غرضو مادي واذا قالك لالا معناها ماشي طماع
وعلى مشيتو قوليلو انت تمشي كيما الرياضيين الله يبارك اسكو راك تمارس رياضه؟
يعني اظهري اعجابك باي شيء لا تحبين ان يكون في زوجك واذا شفتيه ارتاح للفكره معناها ماراحش تتفاهمو
اما اذا خرجتيلو للصراحه وقلتيلو مثلا انا مانحبش دورو نمدو لراجلي راح يظطر يجاملك ويكذب عليك وهو يخطط للعكس بعد الزواج
الرجل قبل الزواج رومنسي ولكن بعدو عملي وصاااااااااااااااااارم
هذي هي الخطوبه وليست مجاملات فقط
ننصحك بمشاهده هذه الحلقات ربما تعطيك بعض الدلائل
https://www.google.dz/webhp?sourceid=chrome-instant&rlz=1C1CHIK_frDZ608DZ608&ion=1&espv=2&ie=UTF-8#q=%D8%B7%D8%A7%D8%B1%D9%82%20%D8%A7%D9%84%D8%AD% D8%A8%D9%8A%D8%A8%20%D9%83%D9%8A%D9%81%20%D8%A7%D8 %B9%D8%B1%D9%81%20%D8%B4%D8%AE%D8%B5%D9%8A%D8%A9%2 0%D8%AE%D8%B7%D9%8A%D8%A8%D9%8A

سفير الأيام

2016-10-13, 19:51

رتبي امورك اختيوما تعجليش وما تقوليش كبيرة في العمر هدا مكتوب وما تحصيش ربي يعطيك واحد ماشاء الله

في رايي انا هدا اللي في عمره 34 ويلبس سروال هابط غادي يغبنك مازال ما شربش عقله

الراجل لازم يمد لنفسه قيمة قبل ما يقيموه الناس

وواحد كما هدا سروال هابط ما نسمحش لنفسي حتى نتكلم معاه

مرة واحد زميل لنا جا وهو محفف شعره ومطلع شعيرات من شعره كاعصفور المقنين

مجرد شفته اشمئزت نفسي وحدرته ان اراد الجلوس معي لازم يحترم نفسه وينحي الامور الغير اخلاقية

فكري مليح اختي وري سيوجهك ان كان باطنك جيد