راني حاصلة عاونوني

[ام اسحاقو]

السلام عليكم ورحمة الله وبركاته
مثل ما ذكرت في العنوان راني حاصلة وكرهت من الضيق انا عايشة مع اهل زوجي وعندي غرفة فقط عطاوهالي والمشكل غرفة نومي راهي ماشي غير غرفة نوم تاعي فقط بل غرفة نوم وليدي وصالون نقعدو فيها ومطبخ ناكلو فيها لانو عجوزتي ماتخليناش ناكلو في المطبخ والمشكل راني ننتظر بيبي اخر ان شاء الله والغرفة ماشي واسعة بزاف كرهت الضيق والفوضى خاصة كي يكون وليدي يلعب كيفاش يرجعهالي. تعيشو ماتقولوليش روحي تكري ولا شوفي سكن مستقل لانو ظروفنا المادية لا تسمح. الله يخليكم اذا قدرتو تقترحو هليا افكار باش نعاون روحي ما تبخلوش على اختكم في الله وشكرا جزييييييلا لكم.

[lina87]

السلام1
ربي يفرج عليك اختي الكريمة

[ام اسحاقو]

السلام1
ربي يفرج عليك اختي الكريمة
شكرا لك حبيبتي ان شاء الله ربي يستجيب لدعوتك. بارك الله فيك

[ام اسحاقو]

33 مشاهدة ورد واحد فقط ولو دعوة الخير باش ربي يوسعها على عباده تكفي. لا حول ولا قوة الا بالله

[حياتي كلها امل]

ربي يفرج عليك اختي غرفة واحدة فيها كل شيء ماشي سهل تبقى طول الوقت منظمة حاولي متكثريش القش وعملي قجور مثل الي يتباعو تاع النيلو مايحكموش بلاصة ويرفدو اشياء كثيرة

[ام اسحاقو]

ربي يفرج عليك اختي غرفة واحدة فيها كل شيء ماشي سهل تبقى طول الوقت منظمة حاولي متكثريش القش وعملي قجور مثل الي يتباعو تاع النيلو مايحكموش بلاصة ويرفدو اشياء كثيرة

شكرا عزيزتي فعلا حبيت نديرهم لكن ماكاش وين نحطهم .بارك الله فيك على الفكرة

[ايمان نور الجزائر]

ربي يفرج عليك اختي
انا ننصحك تديري بلاكار يكون عالي وتخبي فيه قع حوايج
تبان الدنيا مخملة وتخبي حوايج دراري والالعاب تاني وتوفري خصوصية لغرفتك
واذا جاك الضيق مالقيتش مكان للبلاكار حطي خزانتك في داركم زديري مكانها بلاكار واسع

[ام اسحاقو]

ربي يفرج عليك اختي
انا ننصحك تديري بلاكار يكون عالي وتخبي فيه قع حوايج
تبان الدنيا مخملة وتخبي حوايج دراري والالعاب تاني وتوفري خصوصية لغرفتك
واذا جاك الضيق مالقيتش مكان للبلاكار حطي خزانتك في داركم زديري مكانها بلاكار واسع
شكرا جزيلا على النصيحة اختي الكريمة

[اسما38]

ربي يفرج عليك و يوسع عليك، بالنسبة لالعاب طفلك حاولي تمديلو غير لعبتين كي يكره منهم خبيهم و جبديلو واحداخرين هكذا مايكثروش عليك الالعاب و تقدري تخمليهم بلخف، الله يكون في عونك و يرزقك بسكن اوسع

[عاشقة تراب فلسطين]

ربي يفرج عليك اختي بالنسبة للنصيحة لاكان دايرة سرير كبير نحيه ديري كانابيات تقدري تخبي تحتهم حوايج وتقدري تضميهم ولا تفرقيهم بالنهار وخلي غير الضروري الاشياء الزايدة ديها عند ماليك حتى يفرج ربي خلي شويا بلاصة ورا الكنابيات حطي السينية والبلاطات والخزانة ادا كبيرة بدليها بوحدة صغيرة ماتكونش واصلة للبلافو باش تحط فوقها حوايج اخرين واخيرا الصابر ينال و الاخوات يمكن يفيدوك اكثر

[ام اسحاقو]

بارك الله فيكما ان شاء الله نعمل بالنصائح ديالكم وربي يفتح علينا جميعا ان شاء الله

[ام اسحاقو]

ربي يفرج عليك و يوسع عليك، بالنسبة لالعاب طفلك حاولي تمديلو غير لعبتين كي يكره منهم خبيهم و جبديلو واحداخرين هكذا مايكثروش عليك الالعاب و تقدري تخمليهم بلخف، الله يكون في عونك و يرزقك بسكن اوسع

ربي يفرج عليك اختي بالنسبة للنصيحة لاكان دايرة سرير كبير نحيه ديري كانابيات تقدري تخبي تحتهم حوايج وتقدري تضميهم ولا تفرقيهم بالنهار وخلي غير الضروري الاشياء الزايدة ديها عند ماليك حتى يفرج ربي خلي شويا بلاصة ورا الكنابيات حطي السينية والبلاطات والخزانة ادا كبيرة بدليها بوحدة صغيرة ماتكونش واصلة للبلافو باش تحط فوقها حوايج اخرين واخيرا الصابر ينال و الاخوات يمكن يفيدوك اكثر

بارك الله فيكما ان شاء الله نعمل بالنصائح ديالكم وربي يفتح علينا جميعا ان شاء الله

[Oum hayet]

صبري وصي مكانش حل الحل هو الصبر وربي يجازي الصابر

[ام اسحاقو]

صبري وصي مكانش حل الحل هو الصبر وربي يجازي الصابر

والله لولا الصبر لما طلبت المساعدة منكن . حزيل الشكر لك اسغدني مرورك وردك الطيب

[karimdoc]

أختي ام اسحاق انا راني مثلك عندي غرفة وحدة و ناكلو فيها و نجمعو فيها انا زيادة عليك في حاجة عندي توام بنات كل وحدة عندها السرير نتاعها و عندي خزانة نتاعي و خزانة نتاعهم و السرير تاعي كبير و راني حامل و الله لا البيبي لي جاي راني نخمم عليه وين نحطه والله السكن مع اهل الزوج صعب خاصة اذا كانو الافراد كثار و البيت مشي منظم تخيلي اختي انا ساكنة الفوق و ماكانش اعزك الله حمام ...و الظروف المادية بلا ما نحكي ..ما رانيش حابة نطول عليك الله يفرج عليك وعليا و يرزقنا بالمسكن ان شاء الله

[أُمْنِيَةٌ]

ربي يفرج عليك وعلى كل واحد في ضيق عليك فقط بالدعاء

[~اسيل ريحانتي~]

ربي يفرج ويوسعها عليكم اخواتي

[mariamalak]

ربي يرزقك السكن و المسكن و السكينة يا رب

[ام اسحاقو]

أختي ام اسحاق انا راني مثلك عندي غرفة وحدة و ناكلو فيها و نجمعو فيها انا زيادة عليك في حاجة عندي توام بنات كل وحدة عندها السرير نتاعها و عندي خزانة نتاعي و خزانة نتاعهم و السرير تاعي كبير و راني حامل و الله لا البيبي لي جاي راني نخمم عليه وين نحطه والله السكن مع اهل الزوج صعب خاصة اذا كانو الافراد كثار و البيت مشي منظم تخيلي اختي انا ساكنة الفوق و ماكانش اعزك الله حمام ...و الظروف المادية بلا ما نحكي ..ما رانيش حابة نطول عليك الله يفرج عليك وعليا و يرزقنا بالمسكن ان شاء الله

ربي يفرج علينا ان شاء الله ويوسعها على جميع المؤمنين

[ام اسحاقو]

ربي يفرج عليك وعلى كل واحد في ضيق عليك فقط بالدعاء

ربي يفرج ويوسعها عليكم اخواتي

شكرا جزيلا على دعوات الخير والردود الطيبة

[ام اسحاقو]

ربي يرزقك السكن و المسكن و السكينة يا رب

امين من فمك لربي ان شاء الله. بارك الله لك

[أم شروفة]

يا اختي راني مجربه عشت انا ثاني في غرفه وحده ..والحمد لله الان ربي فرجها ...اول حاجه تديريها ...مضربك نتاع عرسك ..هذوك مطارح الصوف والفراش التقليدي. واي شيئ ما استعملتيهش مده عام خبيه في دار باباك ..الفاليزات...علبالي تقولي نحتاجو...بصح صدقيني ما تحتاجيه ما والو ....الحل انك تخلي كل شيئ فارغ الا الضروريات ....خلي 2كوفرولي برك تبدلي بينهم ....وساعه على ساعه ديري حمله نتاع رمي الاشياء اللي ما لبستيهاش...اقول رميها ...من الغرفه برك خبيها عند عجوزك ولا دار باباك ....قش ابنك من كان صغير ..تصديرتك اذا ضاقت عليك ....خلي الدار تتنفس ...فرغي كل شيئ باش يعطيك احساس بالاتساع والنقا...حاولي ابني بلاكار صغير يساعدك في القش نتاع الغطاء....وربي يفرج عليك اختي

[ام اسحاقو]

شكرا على الردود الطيبة. اختي ام شروفة فعلا كاين حاجات مارانيش نستعمل فيها درك نفرغ اي حاجة ماستعملتهاش ان شاء الله

[Marc Edouard]

:dj_17:صباح الخير ان شاء الله يكون صباح تفاؤل وبركات انا نقولك الاخت ان شاء الله ربي يفرج عليك شوفي مدام انتي وزجك متفاهمين تنجمي ترجعي ذيك الغرفة جنة وتبالك واسعة

[ام اسحاقو]

:dj_17:صباح الخير ان شاء الله يكون صباح تفاؤل وبركات انا نقولك الاخت ان شاء الله ربي يفرج عليك شوفي مدام انتي وزجك متفاهمين تنجمي ترجعي ذيك الغرفة جنة وتبالك واسعة

الله يجازيك على الدعاء والرد الطيب.

[تاج الهناء]

يا اختي الضيق في القلوب اتفائلي و اضحكي و تمتعي بابنك و هو يكبار قدام عينيك و مرة على مرة اخرجي بدلي جو وتبعي بوش نصحوك بيه الاخوات ان شاء الله ربي يوسع عليك دنيا و الاخرة و ديري حاجة وحدة في راسك بلي الصابر ينال

[ام اسحاقو]

يا اختي الضيق في القلوب اتفائلي و اضحكي و تمتعي بابنك و هو يكبار قدام عينيك و مرة على مرة اخرجي بدلي جو وتبعي بوش نصحوك بيه الاخوات ان شاء الله ربي يوسع عليك دنيا و الاخرة و ديري حاجة وحدة في راسك بلي الصابر ينال

شرفني مرورك وردك الطيب

[دنيا الامل 18]

ربي يفرج عليك

[خوخة02]

سلام اختي والله غير راني حاسة بيك اصبري
انا اختي 8 سنين وهي فغرفة وحدة تطبخ فيها وترقد فيها عاشت حياة صعبة وصبرت وماسمعو منها حتى كلمة ودرك بناولها السكن الريفي راهي 4 اربع غرف كبار ماشاء الله وحوش صغير والحمد لله

[نواعم]

ربي يفرجها عليك اختي وعلينا

[randa3]

ربي يفرج عليك وعلى كل مهموم ان شاء الله
اصبري والصابر ينال

[ام اسحاقو]

شكرا جزيييييلا لكم على ردودكم والله لقد اثلجتم صدري بادعيتكم لي بارك الله لكم

[OUM LOUBNA]

ربي يفرج عليك اختي نقصي القش و خلي غير الضروري

[شمس 15]

ما لقيت ما نقول لبنات كفاو ووفاو صبراا جميلا اختي تفرج باذن الله ربي يقول و رحمتي وسعت كل شي اصبري تلحقك رحمة ربي.

[ام شفيق]

الله يفرج عليك في اقرب وقت انشاء الله

[عاصمة الضباب]

ربي يفرج عليك ختي، صح الواحد كي يشوف هموم الناس ينسى همو ويبانلو قد القطرة في وسط بحر.

[muhibbat rrasoul sws]

السلام عليكم و رحمة الله و بركاته

أنصحك بأمور :
- الرفوف العالية القريبة من السقف سائرة دايرة، تضعين فيها الأمور التي لا تحتاجينها يوميا، و تكون أحسن شيء أمور خفيفة أو أن الرفوف تكون حاشيتها فيها حاجز بسيط يمنع سقوط الأشياء في احتمال حدوث هزة أرضية لا تسقط عليكم، لا تجعلوها عريضة كي لا تشمت الغرفة
- وراء الباب ممكن تعليق الملابس التي تحتاجونها يوميا و الصغير ممكن تعلقوا أيضا حوايجو الملبوسة بأن تركب على بعد شي 30سم من الارض على الباب
- السرير : لا أعلم إن كنت تريدين تغيير سريرك أو لا، لكن هناك نوع من الاسرة بحيث يكون ملتصق بالأرض و بهذا تكون كل المساحة مثل الصندوق الكبير، و زاد مليحة في البرد، تمنع وصول البرد.
اذا كان عندك سرير، أر أن يبقى هذا الحل للتفكير لحين إيجاد الحل كيف و بأناقة و أقل تكاليف
-الزوايا ممكن وضع رفوف فيها بشرط أن تكون مثبتة في الحائط لتفادي سقوطها على الصغير
-هناك نوع من الأكياس اذا لقيتيهم يتباعوا جيهتكم، تقدري تحطي فيهم الحوايج و الفراشات ثم امتصاص الهواء يولي حقيقة رقيق و هو كان بضع سنتمترات عرض، عجب حقيقي، هي أكياس يتم امتصاص الهواء منها بعد وضع الأشياء، قابلة لإعادة الاستعمال

قبل ما نخرج نقولك، الله يصبرك، و الله يفرحك، ما علاباليش إذا كان هذه نعمة أو نقمة، اللي عندهم الايتساع يضالوا يشروا و يدكسوا حتى ما يلقاوش الايتساع و ما يقدروش يصدقوا خاطرش كلش عزيز :)

مبروك عليكم مسبقا

سلام

[ايملي فتاة الريح]

ربي يفرج عليك ويوسعلك في رزقك و اصبري... الصابر ينال
:)

[crono]

والله غير راني حاسة بيك اصبري ما لقيت ما نقول لبنات كفاو ووفاو صبراا جميلا اختي تفرج باذن الله ربي يفرج عليك ويوسعلك وعلينا