هل يكمل معاها أم يتوقف و يطلق

[master.mohammed]

صديقي مقرب استاذ جامعي طلب مني نصح أحكي لكم قصته و من منكم يستطيع إفادة يفيدنا جزاه الله كل خير

صديقي تعرف على فتاة من ولاية قريبة من مقر عمله تدرس في مدرسة عليا للأساتذة . بعد اسبوع من تعرفه عليها ذهب للأهلها و خطبها وذلك عندما كانت سنة 3 و بعد سنة قام بعقد الشرعي لكي تكون الأمور مرسمة بينهم . يعني عندما كانت سنة 4 عقد عليها . بعد عقد اصبح يتكلم معاه يوميا احبها من قلبه و لمدة سنة و هوا يروحلها للجامعة و يحوس بيها و يخرجها و يشريلها واش تحب من ذهب هاتف نقال ايفون و حاسوب محمول من أخر طراز يبعثلها الدراهم كل انواع العطور اي هدية تجي في طريقو يشريهالها كل ما يروح للخارج تخيلو يشريلها غير ليها و هوا يخلي روحو علاجلاها باش يفرحها و هدايا غير الغالية في المناسبات المهم يحبها من قلبو . و هيا تاني ديما تقولو نحبك و تحب تكلمو في الهاتف و تجيبلو مرة على مرة هديا المهم ضاهرها تحبو . ايا بعد سنة من العقد لي هيا هاذ السنة بدا يتقلق منها قالي راسها خشين بزاف شحال من مرة تغلط في حقي و لا نهار تجي تطلب مني السماح و كي نتقلق عليها انا تزيد تتقلق معايا و متحاولش تطلب مني السماح . يقولي شحال من مرة نفهمها بلي متتقلقيش معايا . صاحبي راسو خشين مي معاها مرن يسمح من حقو و يسمحلها . ايا كل مرة كيما هاك تزيد تعاودها . ايا قالي تعبت نحسها ماهيش من نوع لي ضحي علاجلاي و تحبني من قلبها خايف لديرها بيه في الدنيا ايا بدا يخمم لكي يحبس معاها . بصراحة عييت و انا نقولو انعل الشيطان و هو لا و راني عارف بلي يحبها اكثر من نفسو مي كره من عقلية نتاع متطلبش منو سماح و تستسمح منو كي تغلط حتا هوا يكلمها و يقولها اوكي راني سامحتك . بصراحة البلاد كامل تعرفهم صاحبي متربي مدين و خلوق خدمة في جامعة الجامع الدار . و هيا تاني متربية و متخلقة .

المهم واش رايكم هاذ طفلة يحبس معاها و لا يكمل و هاذ العقلية عادي و لا لا و اذا كانت طفلة تحب واحد تطلب منو سماح و لا كي تكون غالطة . ايا أفادة نعاون بها صديقي مرحبا .

[إسلام الفاروق]

هذه لحظة استقاظ لصديقك
البنت العاقلة هي البنت القبيحة مافاقولهاش برك

[RAHETBAL45]

والله اخى هذه القصص تتكرر يوميا الانسان المحب يرى الطرف الثانى كالملاك اى خالى من العيوب ولا يتقبل اى نقد بشانه وبمرور الايام و الساعات تبدا الامور تنكشف تدريجيا ويبدا المستور بالظهور الان كيما يقولو وقع الفاس على الراس واصبحت زوجته شرعا لذلك يجب ان يستخير الله ليريه الراى السديد و يمكن ان يصعها فى امتحان يراه هو مناسبا و يختبر مدى تمسكها به لشخصه لا لشئء اخر عنونت ملاحظتى بلحظة لان لحظة واحدة فى الحياة قد تغير كل تفاصيلها لذلك يجب ان يفرك مليا فى تلك اللحظة بالتوفيق

[فاطمة شلف]

السلام عليكم ورحمة الله وبركاته
اخي الكريم نحن بشر مكاش انسان معصوم من الخطا
عليه بي الدعاء وصلاة الاستخارة
ولي كتبها ربي تلحق
والله يوفق كل انسان الى مافيه الخير والرشاد

[nihal159]

يعني بعد أربع سنوات من لعلاقة باش فاق أنو راسها خشين؟؟؟؟؟؟ فهامتو شوية ثقيلة؟؟؟؟؟؟
الحل راه في يدو هو لي عاقد عليها مش واحد آخر.....إمساك بمعروف أو تسريح بإحسان؛ له الإختيار.

[*أم سجى*]

ماشي راسها خشين هذي لقات الدلال راها تدلل عليه وعليه الحل بسيط لازم عليه يحطها في بلاصتها كي تعرف بلاصتها زين ترجع لعقليتها ....وأكيد راح ترجع لصوابها لما تحس بلي راح تخسرو

[سجل أنا جزائري]

مشكل ليس في عقليتها المشكل هو في طول مدة الخطبة و ما ترتب عنه من خروج و دخول و و و حتى اصبحت كانه دخل بها

بالتالي هذي مشاكل و سوء التفاهم تحدث حتى لمتزوجين الجدد ما بالك بالمخطوبين فقط لمدة 4 سنيتن !

و مستحيل ان يجد فتاة توافقه 100/100 في كل شيء فلو طلقها أجزملك ان سوف يندم حتى و لو تزوج أخرى لأنه سوف يقارن بينهما و أكيد سوف يزين له الشيطان الأولى و يبدى يقول يا ليتني ...

و هذي تع راسها خشين ليس بالصفة اللي ما يقدرش يغيرها و خاصة بعد الزواج

الخلاصة قولو عجل الزواج و اخزي الشيطان و اترك هذي الهدايا و خرجات و دخلات بعد الزواج

[karima48-87]

أوافق رأي أمل 95 الدلال الزايد عن حدو، هدي عرفت نقطة ضعف صاحبك و راها عارفة مستحيل يسمح فيها، قولو جبد منها يمات و متقيمهاش و شوف كي ترجع

[ايمان نور الجزائر]

هادي البنت باينة بلي ولفها دلال بزاف...مالا تعلمت عليه
وكان خلاها تحس بقيمتو وتطلب السماح وتسترضيه تم تستعقل والا تخرجها ديراكت
انا نقولك...لا يتعجل صديقك ابدا ويخلي لما تغلط المرة الجاية مايحوس عليها ماوالو
ويطفي تيليفونو ويخليها تحوس وتتقلق عليه ويشوف واش تتصرف من بعد باش يقدر يحكم

[أنور]

اسمحلي مي صاحبك دللها بزاف

[master.mohammed]

ايه مشكلتو انه دللها بزاف و كي نقولو ستحفظ على روحك يقولي منقدرش تجي حاجة في بالها لازم نشريهالها .

اغلب ارائكم تصب في انه دللها بزاف و لازم يقاطعها .

على حساب رايكم انو يقاطعها مع غلطة جاية مدة من وقت و يشوف ردة فعل نتاعها من جيهتو و في رايكم واش يكون ردة فعل نتاعها اذا كانت صح تحبو

[*أم سجى*]

ايه مشكلتو انه دللها بزاف و كي نقولو ستحفظ على روحك يقولي منقدرش تجي حاجة في بالها لازم نشريهالها .

اغلب ارائكم تصب في انه دللها بزاف و لازم يقاطعها .

على حساب رايكم انو يقاطعها مع غلطة جاية مدة من وقت و يشوف ردة فعل نتاعها من جيهتو و في رايكم واش يكون ردة فعل نتاعها اذا كانت صح تحبو
ردة فعلها ؟أكيد مهيش راح تسمح فيه قطعيا الحاجة 1عندو دراهم ومدللها والحاجة 2عندها سنين وهي معاه راها والفاتو مستحيل تستغنى عليه ...

[rose de sable s]

لازم يحاول يبدل عقليه معاها
يبتعد عليها لفترة كي يري مدي حبه لها وايضا ليعرف هل يستطيع استغناء عليها ام لالا
لا يبعث لها هدايا ولا يكلمها او يغلق هاتفه ول يبلوكيها
رجل مثله كان عليها ان تحافظ عليه و تكسبه بكل طرق

[master.mohammed]

ردة فعلها ؟أكيد مهيش راح تسمح فيه قطعيا الحاجة 1عندو دراهم ومدللها والحاجة 2عندها سنين وهي معاه راها والفاتو مستحيل تستغنى عليه ...

قتلو اسهل حاجة أنك تبطل , كلمة طلاق و تبعث عايلتك ليها و قال خلاص و لكن اصعب شئ انك تحافظ على علاقة نتاعك معاها خاطر وقت لي تحب تبطل تبطل ولاشئ يوقف في طريقك . عطيتو اقتراحك قتلو جربها تجربة اخيرة تغلط معاك قاطعاها مدة من وقت و شوف ردة فعل نتاعها اذا كانت تحبك و شادة فيك اكيد دير مستحيل لكي توصلك و خاصة اذا عرفت بلي انها رايحة تخسرك و اذا كانت معلابلاهاش بيك متجيبهاش فيك و تخليك تغضب كيما تحب و نتا في ديك حالة أعرف انها ذرة حب من جيهتك مفيهاش اذا كي تطلقها تكون مقتنع بقرارك طول حياتك

[master.mohammed]

لازم يحاول يبدل عقليه معاها
يبتعد عليها لفترة كي يري مدي حبه لها وايضا ليعرف هل يستطيع استغناء عليها ام لالا
لا يبعث لها هدايا ولا يكلمها او يغلق هاتفه ول يبلوكيها
رجل مثله كان عليها ان تحافظ عليه و تكسبه بكل طرق

حقيقة هذا الأختبار لي لازم عليه يديرو . كلمتو أمس و قتلو عليه بدا يقتنع بفكرة رغم انو قالي بالعكس مارهيش رايحة تجيبها فيا ولكن حب فكرة يبعد فترة من الوقت و يراقب ردة فعل نتاعها . قالي اذا شدت فيا و حبتني جامي في حياتي ولا نكسرلها قلبها نحطها بين عينيا و نخليها اسعد وحدة في الدنيا و اذا مجبتهاش فيه قالي والله ما ننسها حبي الأول و لكن لازم عليا نعيش مع وحدة تحبني و تسعدني في حياتي و تكون أم ولادي .

بكل صراحة نشالله الطفلة تكون تحبو و متصبرش عليه للأنو يحبها بزاف و جياتو صعيبة انو يفترق معاها

[amira005]

كل شيء لازملو حدود ، و هي شافت بلي مستحيل يفرط فيها و لا هاكا دايرة في راسها ........

[جنى الجنتين]

سلام اخي الكريم والله صح انو المراة تحب القلاش ولي يتهلا فيها مي مشي لهاذ الدرجة جابلي ربي صاحبك راه مخلوع فيها واذا زاد الشيء عن حده انقلب الى ضده

وهذي المشاكل هي الضريبة بسسب طول فترة الخطوبة وكملها زاد عقد عليها الناس دوك راهي تخلي العقد دقيقة تالية نصيحتي ليه انو يجبد روحو 10 او 15 يوم والا عيطت

ما يردش باش تتعلم كيفاش تحافظ على النعمة وراح تشوف كيفاش تولي هي تجري موراه ههههههههه قول لصاحبك يفريني شوية يمشي بعقلو مشي قلبو وزيد لما تحس بلي رايحة

تفقده تم عاد تولي تعاود تفورماتي روحها

[اميرة اليالي البيضاء]

بارك الله فيك
انت ونحن وكلنا لا نعرف الفتاة
مثلما يعرفها هي .

لهذا انصحه لا يبتعر عن الغتاة
ونصيحة مني لا تكون طرفا في
صراع متحابين
اعلم تريد ان تعمل الخير ولكن
النتيجة لا احد يدركها .

شكرااااا

لا تنسانا ان تكمل لنا القصة الواقعبة

[master.mohammed]

كل شيء لازملو حدود ، و هي شافت بلي مستحيل يفرط فيها و لا هاكا دايرة في راسها ........

نعم هي متأكدة جدا بلي حيبها بزاف ولكن مقابلاتوش بلحب لي يلزم

[master.mohammed]

سلام اخي الكريم والله صح انو المراة تحب القلاش ولي يتهلا فيها مي مشي لهاذ الدرجة جابلي ربي صاحبك راه مخلوع فيها واذا زاد الشيء عن حده انقلب الى ضده

وهذي المشاكل هي الضريبة بسسب طول فترة الخطوبة وكملها زاد عقد عليها الناس دوك راهي تخلي العقد دقيقة تالية نصيحتي ليه انو يجبد روحو 10 او 15 يوم والا عيطت

ما يردش باش تتعلم كيفاش تحافظ على النعمة وراح تشوف كيفاش تولي هي تجري موراه ههههههههه قول لصاحبك يفريني شوية يمشي بعقلو مشي قلبو وزيد لما تحس بلي رايحة

تفقده تم عاد تولي تعاود تفورماتي روحها

عندك حق صديقي مشكلة نتاعو انو خطبة طويلة و لكن ميقدرش راه مازال بخدم في دارو حاب يسكن وحدو عليها ماشي مقلق بزاف على زواج أصلا كي خطب كان داير في بالو بلي 3 سنين على أقل لكي يوجد مليح و ايضا عقد عليها انو حب يهدر معاها و يتلقا معاها و يعيش حياتو كيما يقول و خاصة انها أول طفلة في حياتو . راني قتلو بعد شوي عليها و نقص هدرة معاها و كي تغلط اجبد روحك نهائيا حتا تعرف قيمتك اذا كانت تحبك ترجعلك و اذا لا راك مرتاح شوف مكتوبك في جيهة أخرى

[master.mohammed]

بارك الله فيك
انت ونحن وكلنا لا نعرف الفتاة
مثلما يعرفها هي .

لهذا انصحه لا يبتعر عن الغتاة
ونصيحة مني لا تكون طرفا في
صراع متحابين
اعلم تريد ان تعمل الخير ولكن
النتيجة لا احد يدركها .

شكرااااا

لا تنسانا ان تكمل لنا القصة الواقعبة

والله يا أختي كنت محضر خير هوا كان حاب يطلق بدون رجعة حتا قالي نبعث دارنا و يروح هوا ل أبيها يحبس كلش . ولكن بيا راني عارف بلي يحبها بزااف نصحتو ان يثريث في قرارو و ايضا حبيت يجربها تجربة صغيرة معاها لكي يتأكد بلي راها تحبو بزااف و هنا نكون ربحتو خاطر يتأكد بلي تحبو و راني متأكد يتراجع على قرارو . هوا بمجرد راسها خشين و متطلبش منو سماح شك بلي متحبوش .

[master.mohammed]

و أيضا هاذا ايام راه يهدر معاها غير يتأكد على أحولها و خلاص دقيقة دقيقتين ميزيدش .

[اميرة اليالي البيضاء]

بارك الله فيك
اين كان صديقك قبل ان يتم العقد
لماذا لم يجربها قبل العقد
الهذه الدرجة اصبح العقد سهلا و
الطلاف اسهل منه
ياأخي هذه الفتاة الان تراه زوجها
ومن حقها ان تتدلل قليلا قبل
دخولها للسجن الذهبي .

انت راك تشوف فيه عاى جق
فتاة كانت تخرج معاه ودايرا فيه
ثقة كبيرة ومبعد يجي هو مابين
يوم وليلة يريد الطلاق وبحجة راسها
خشين هذا حق .

انا راني خايفة على الفتاة
تقومون بالتجربة مع رأس خشن
اذا حدث لها خيرا اللهم بارك
واذا اصابها مكروه فأنت والاعضاء
من تتحملون المسؤلية .

اعرف فتاة اصيبت بانهيار عصبي
ومن كثرة الجزن والدمع اصيبت
بالانطواء والكأبة .
خاصة ان كانت تحبه حبا شديدا

المهم لا تنسانا فقط واكمل لنا
القصة والتجربة



شكرا لك

[rose de sable s]

هو الاول الدي سوف يتعب ويتالم
وان يضع ثقته في امراة اخري ولن يحب امراة اخري الا بعد وقت طويل
حتي وان تزوج اخري سيضلمها لانه سيفقد ثقة ويبق يحب اولي
ان شاء الله تقدر وتعرف قينتو و متسمحش فيه لان رجال مثله وحبه قليل في وقتنا
قبل دلك قل له ان يستخير الله عدة مرات ربي يعوض ويفرج عليه لان زواج عشرة عمر وان كان حب من طرف واحد سيتولم

[مواطنة]

اعتقد انو قبل الانسحاب عليه ان يتكلم بصراحة وحزم عن الطباع التي لا تعجبه فيها
ويستنى ردة الفعل و بعدها يسحب القليل من الدلال و سشوف ردة الفعل
ادا البنت هدي متسلطة و لقاتو فريسة عليه ان يقرأ عن خواص النساء المتسلطات
قد تكون متربية و متدينة و التسلط طبع فيها
انا اعاني شخصيا من هادا الطبع في احد اقاربي وليس بالامر السهل التعامل مع شخص يتباها بشخصه لحد انه لا يعترف بالغلط والامر ينتقل بالوراثة

[master.mohammed]

بارك الله فيك
اين كان صديقك قبل ان يتم العقد
لماذا لم يجربها قبل العقد
الهذه الدرجة اصبح العقد سهلا و
الطلاف اسهل منه
ياأخي هذه الفتاة الان تراه زوجها
ومن حقها ان تتدلل قليلا قبل
دخولها للسجن الذهبي .

انت راك تشوف فيه عاى جق
فتاة كانت تخرج معاه ودايرا فيه
ثقة كبيرة ومبعد يجي هو مابين
يوم وليلة يريد الطلاق وبحجة راسها
خشين هذا حق .

انا راني خايفة على الفتاة
تقومون بالتجربة مع رأس خشن
اذا حدث لها خيرا اللهم بارك
واذا اصابها مكروه فأنت والاعضاء
من تتحملون المسؤلية .

اعرف فتاة اصيبت بانهيار عصبي
ومن كثرة الجزن والدمع اصيبت
بالانطواء والكأبة .
خاصة ان كانت تحبه حبا شديدا

المهم لا تنسانا فقط واكمل لنا
القصة والتجربة



شكرا لك

و تاني ماشي مليح واحد يحب وحدة و هي لا . نتي في رايك تقبليها يربط حياتو معا وحدة متحبوش . لوكان معاها ولاد و تكون متحبوش يزيد يزوج عليها عادي . علاه صاحبي بايع عمرو يربط روحو معا وحدة مارهيش جايبتها فيه اصلاااا . بنات فاميلية كاينين و يحبو لي كون معاهم راجل. اصلااا اذا كانت تحبو متأكد بلي ميخليهاش هوا يموت فيها . عليها اذا كانت تحبو و بانت عليها صاحبي عقلو ماشي صغير علابلاي يكمل معاها هوا يحبها و هيا أول طفلة في حياتو

[master.mohammed]

هو الاول الدي سوف يتعب ويتالم
وان يضع ثقته في امراة اخري ولن يحب امراة اخري الا بعد وقت طويل
حتي وان تزوج اخري سيضلمها لانه سيفقد ثقة ويبق يحب اولي
ان شاء الله تقدر وتعرف قينتو و متسمحش فيه لان رجال مثله وحبه قليل في وقتنا
قبل دلك قل له ان يستخير الله عدة مرات ربي يعوض ويفرج عليه لان زواج عشرة عمر وان كان حب من طرف واحد سيتولم

تخيلي ختي والله غير قلهالي . قالي لي راح نزوجها بعدها نخلي روحي نحبها غير بلعشرة و شاك في روحو يظلمها . ربي يجيب الخير مع لي راه معاه و الله نشالله من قلبي تبين ليه غير ذرة حب فقط لكي تعطيه الأطمئنان مع روحو

[master.mohammed]

اعتقد انو قبل الانسحاب عليه ان يتكلم بصراحة وحزم عن الطباع التي لا تعجبه فيها
ويستنى ردة الفعل و بعدها يسحب القليل من الدلال و سشوف ردة الفعل
ادا البنت هدي متسلطة و لقاتو فريسة عليه ان يقرأ عن خواص النساء المتسلطات
قد تكون متربية و متدينة و التسلط طبع فيها
انا اعاني شخصيا من هادا الطبع في احد اقاربي وليس بالامر السهل التعامل مع شخص يتباها بشخصه لحد انه لا يعترف بالغلط والامر ينتقل بالوراثة

ممكن تكون من طبعها التسلط و ايضا كي شافتو يعزها بزاف جابتها في روحها وقالت مني مكانش . نشالله ربي يوفق بيناتهم و تكون من مكتوبو . هوا اصلا راه بدا يغير في عقلية معاها و قالي بلي راها لي حد الأن محستش بلي بدلت معاها عقلية . راه يسنا في ردة فعل نتاعها .

[رَكان]

المسألة بسيطة جدا ..
المفروض أنك لاتعترض على قراره بالتوقف والإبتعاد عنها ..لو أنت في مكانه لكان لك رأي غيره ..صاحبك راه يعاني المسكين ..ولكن ........
هو السبب ..هو من جعلها كذلك فأفسد طباعها هو كان لها بمثابت خاتم سليمان ..مع الوقت كيف سيصير أمرها ؟؟
ستطلب المزيد ..المزيد هذه المرة ليس ماديا خاطرشبعت .ستطلب رؤيته يتذلل لها مهما فعلت معه ..
إنصحه بأحد أمرين ...
أن يقطع العلاقة ..ولاداعي لمواصلتها فلن يذوق سوى المرار معها ..
وفي حالة أنه سيواصل ..فلديه حل آخر من عندي ..يغلقالحنفية تدريجيا .ليترك خيطا فقط من الماء يسيل هو الأمرالواقع سيضعها فيه ..ويديرقلبو تحت رجليه ..مع الوقت أنا على يقين ستعود الى مرحلة سابقة المرحلة التي سبقت عملية افساده لها والله اعلم ..

[اميرة اليالي البيضاء]

و تاني ماشي مليح واحد يحب وحدة و هي لا . نتي في رايك تقبليها يربط حياتو معا وحدة متحبوش . لوكان معاها ولاد و تكون متحبوش يزيد يزوج عليها عادي . علاه صاحبي بايع عمرو يربط روحو معا وحدة مارهيش جايبتها فيه اصلاااا . بنات فاميلية كاينين و يحبو لي كون معاهم راجل. اصلااا اذا كانت تحبو متأكد بلي ميخليهاش هوا يموت فيها . عليها اذا كانت تحبو و بانت عليها صاحبي عقلو ماشي صغير علابلاي يكمل معاها هوا يحبها و هيا أول طفلة في حياتو

بارك الله فيك
اذا رجعنا للاصل ياأخي الفاضل
الحب بعد الزواج والمودة بعد الزواج
اما قبله فهو مجرد وهم وكذب خاصة في زماننا
فالفتاة غرضها الزواج وفقط
المهم راني خايفة على صديقك يتزوج بغيرها
ويصيب راس خشين وسلبيات اخرى

شوف هذي ديها عليا الفتاة قبل الزواج شييئ
وبعد الزواج شيئ اخر
كذلك الحب قبل الزواج شيء وبعده شيء اخر
والكارثة الكبرى الحب شيئ والزواج شيئ اخر
والستار ربي سبحانوا

المهم غير تكملوا التجربة اخبرني بنتيجة

رغم انني اتوقع النتبجة الكبرى بعد الزواج

بصح نصيحة من عندي مدخلش روحك في
امور متعلقة بالحب والزواج لان الله اعلم
بالقلوب.

سلام من اختك الاميرة

[اميرة اليالي البيضاء]

المسألة بسيطة جدا ..
المفروض أنك لاتعترض على قراره بالتوقف والإبتعاد عنها ..لو أنت في مكانه لكان لك رأي غيره ..صاحبك راه يعاني المسكين ..ولكن ........
هو السبب ..هو من جعلها كذلك فأفسد طباعها هو كان لها بمثابت خاتم سليمان ..مع الوقت كيف سيصير أمرها ؟؟
ستطلب المزيد ..المزيد هذه المرة ليس ماديا خاطرشبعت .ستطلب رؤيته يتذلل لها مهما فعلت معه ..
إنصحه بأحد أمرين ...
أن يقطع العلاقة ..ولاداعي لمواصلتها فلن يذوق سوى المرار معها ..
وفي حالة أنه سيواصل ..فلديه حل آخر من عندي ..يغلقالحنفية تدريجيا .ليترك خيطا فقط من الماء يسيل هو الأمرالواقع سيضعها فيه ..ويديرقلبو تحت رجليه ..مع الوقت أنا على يقين ستعود الى مرحلة سابقة المرحلة التي سبقت عملية افساده لها والله اعلم ..

بارك الله فيك على ردك الطيب

الاصل من افسد يصلح
افسدها وهي قريبة منه
فاليصلح طباعها وهي قرببة منه
والصلاح يأتي بالزواج
وكم من فتاة رأسها خشن وطبعها متقلب
وصلحت بالزواج

سلام من اختك الاميرة

[nihal159]

عمبالك من الردود نتاعك على صديقك المسكين وكيفاش يحب خطيبته وهي مامديتهاش فيه؛ حتى غاضني والله العظيم قلبي وجعني؛ ربي يهديها المخلوقة هذي وتحط رجليها في الأرض شوية راهي طير مع الطيور؛ إن شاء الله ربي يصلح بيناتهم

[rose de sable s]

نتكمي انها تحس بيه ومتضيعوش لانها لن تجد مثله و ستندم عليه طوال عمرها
من راي ادا تستطيع انت ان تكلمها ايضا هدا راي خاص
لانه كما قلت ادا ابتعد عندها سيتولم طويلا و سيتغير و ينعزل علي عالم واكيد انت من سيقف معه و ستتالم لالمه
ربي يصلح بينهما وارجو منك ان تخبرنا بجديد علاقته
كما يقال
علاش لي قلبو حنين يعيش حزين

[Algam]

قلشها بزاف حتى ولات تتكبر عليه على قول أبو الطيب المتنبي" ادا اكرمت الكريم ملكته وادا أكرمت اللئيم تمرد "اظنها من النوع الثاني للأسف

[دكتورة حبيبة]

قولو راك طولت فترة الخطوبة أتزوجو تولي تطلب منك السماح بلا سبب

[دنيا الامل 18]

اين وصلت القصة

[rabia99]

مشكوووووووووووووووووووووووووووووووووووورة اختي وبارك الله فيك