مشكلتي

[مشكلتي]

السلام عليكم
اولا نتمني تنشروا استفسار تاعي اليوم لانوا لازم نتخذ قرار اليوم
انا موظفة و مخطوبة و الحمد الله على هذي النعمة انا موظفة في منصب بشهادة اقل من شهادة تاعي وخطيبوا كان طول يقلي ان شاء الله تخرجي من المؤسسة لي رني نخدم فيها دوك لمكان اخر و انا وليت نشارك في المسابقات وللعلم كل هذي المسابقات على مستوى الولاية يعني على بعد 35 كلم وبعد عدد من المسابقات نجحت في واحدة منهم بعد ماقلتلوا بلي نجحت قلي دبري راسك حبتي روحي روحي حبتي متروحيش متروحيش و الجديد في الموضوع انوا احتمال يزيد يبعد في خدمتوا هو دوك اني حايرة هل نلتحق بالمنصب او نتنازل عليه
ممكن تساعدوني لانوا انتم ممكن تشوفوا الموضوع بموضوعية اكثر لانوا انا خفت من منصب هدا و البعد و مسؤولية الزواج

[خالد عنابي2]

اين المشكلة في طرحك ؟

[حياتي نبع امل]

مشكلتك غير مفهومة وضحي اكثر

[ايمان نور الجزائر]

مافهمناش مليح لكن يا اختي اذا قصدك تبقاي في خدمتك الاولى او تبدلي منها
على اساس انو خطيبك قالي لوكان تلقاي ماخير منها
فانا نقولك مادام انتي موالفة في خدمتك ومتعودة عليها ابقاي فيها على جال نفسك ماشي على جال خطيبك
هو حر في عمله وانتي ايضا
وايضا بعج الزواج مسرولية وان كان عملك الجديد سيريحك فاختاريه وان كان عملك الاول مريحك فابقي فيه

[زبدة ذايبة]

وين ماكان زوجك كوني انت

أبدا ماتفرطي فيه على جال الخدمة

خاصة أنك في بداية مشوار الطريق

إذا فيه مجال يكون وين تكوني انت هذا أحسن الاختيارات

لكن

تكوني انت في جيهة وهو في جيهة ثانية والله صعب جدا

بداية الزواج تحتاج أنكما تكونان مع بعضكما البعض حتى تتولد بينكما المشاعر الحقيقية التي تكون بين الزوجين

وهي مختلفة كل الاختلاف عن مشاعر الخطوبة

حاولي تكوني مع زوجك حفاظا على بيتك

أقلها أن تبقي في وظيفتك التي أنت فيها الآن ومع زوجك

حتى وإن كانت بمرتب أقل

رب يهنيك ويهديك للخير