مشكلتي
2016-10-05, 23:27
السلام عليكم جميعا
ندخل مباشرة في الموضوع وكيما راه باين من العنوان التعسف في استعمال السلطة ما راهش امر خاص بفئة معينة وفي مكان معين على العكس كل واحد سلطة على اخر يولي عندو حق استعمال هاذي السلطة كما تمليه عليه حالاته
المهم انا هنا راني نقصد في الزوج التاعي والله والله غير تعبت من التحكم المطلق فيا وكاني انا مش انسان نقدر ندير قرار ينفعني وكانو هو ادرى بشؤوني كلها اكثر مني
الحمد الله انا قريت وكملت قرايتي وكان بوسعي اني نخدم وطبعا ارضاءا لولي امري الي هو زوجي رضيت بالقرار نتاعو انو المرا ما ينفعها غير بيتها وبلعتها وسكت وما ناقشت حتى شي
كي تزوجنا تفاجئت انو انا البنت الجامعية الواعية الي كانت متحررة بقيود مظبوطة في دارهم يفرض عليها راجلها دير عجاااار وهنا ما قدرتش نسكت وهدرت وهدرت وفي الاخير كيما تعرفو المرا ما لازم غير طيع زوجها ومش من الاخلاق انها ترفضلو طلب المهم فوتناها ودرت واش حب تاني بصح باش توصل انك يمنعك تزوري اهلك غير كي يكون هو في القوسطو تاعو وقت ما حب هو هنا خلاص تحس المرا وكانو راهي في حبس ومحكوم عليها بالاعدام مع وقف التنفيذ ....
تخيلو حتى لو كان اهلي يحبو يجو عندي نسمع الي ما يتسمعش سيرتو ادا ما كانش في حوالو المهم والله والله يا خاوتي غير راني نضلي ساكتة ومكتأبة وحتى وليدي نضلي نضرب فيه من التفكير تاع راجلي العبودي تخيلو يما مرضت قتلو ديني نشوفها ما حبش مع انو ما كاين حتى مشكل بينا برك هو نفحتلو هكا راني كل يوم نساعف فيه ونقول بلاك اليوم يرضى والو ربنا كما خلقتنا
انا تعبت من هاذ الموضوع ما نجي نروح لدارنا بالف حساب وحساب والحجة تاعو ما لازمش نخرج في الشهر اكتر من مرة وقالي غير في العيد رحتي لوكان نقولكم في العيد شعال قعدت 4سوايع قولولي هاذ حق ولا باطل يما كل ما نهدر معاها تقولي فلانة جات شافتني وفلانة ...وانا كل مرة نعطيها اعذار خاصة راني بالحمل نقولها ما رانيش نقدر والعيا تاع الحمل وووو المهم نحط اللوم قاع عليا باش ما تكرهش نسيبها ونزيدلكم راني في الشهر السابع رحت زوج مرات للطبيبة علاه قالك راكي تخرجي بزاف وانا مرتي ما نحبهاش كل يوم برا وين كل يوم هاذي ما علاباليش والله كرهت ومليت من هاذ التحكم وكل مرة نقول بلاك يتبدل بلاك مع انو راجلي قاري وفاهم ومثقف بصح كي توصل للسوجي تاع الخرجة لازم يكون سبة كبيرة حتى ديفوا يقولي يما علاه ما تخرجش وساكتة وهنا عرفت بلي المشكل وراثي خاطر باباه داير هكا مع يماه وديفوا نقول ما عنديش امل نغيرو بصح لازم نغيرو وما عرفتش
ما حبيتش نطرح الموضوع تاعي في قسم النساء فقط خاطر حابة نعرف الراجل كيفاه يخمم وواش نقدر ندير باش نغير تفكير الزوج التاعي نحسو اناني بزاف سيرتو مين نسمعو يهدر مع اختو ويقولها علاش ما جابكش راجلك وكي تجي تقعد بالسمانة ويقولها علاه مازال الحال على المرواح نحس بالغيرة والله يا خاوتي وانا كي يديني في نهاري لازم نرجع نبات غير في المناسبات
كيفاه انا والديا الي كبروني وقراوني وزوجوني ما يستهلوش صلة الرحم تاعي والله غير تعبت مع العلم دارنا نص ساعة بالطوموبيل نوصل اقترحو عليا كيفاش نتعامل مع راجل هكا هو عصبي بزااااف
ندخل مباشرة في الموضوع وكيما راه باين من العنوان التعسف في استعمال السلطة ما راهش امر خاص بفئة معينة وفي مكان معين على العكس كل واحد سلطة على اخر يولي عندو حق استعمال هاذي السلطة كما تمليه عليه حالاته
المهم انا هنا راني نقصد في الزوج التاعي والله والله غير تعبت من التحكم المطلق فيا وكاني انا مش انسان نقدر ندير قرار ينفعني وكانو هو ادرى بشؤوني كلها اكثر مني
الحمد الله انا قريت وكملت قرايتي وكان بوسعي اني نخدم وطبعا ارضاءا لولي امري الي هو زوجي رضيت بالقرار نتاعو انو المرا ما ينفعها غير بيتها وبلعتها وسكت وما ناقشت حتى شي
كي تزوجنا تفاجئت انو انا البنت الجامعية الواعية الي كانت متحررة بقيود مظبوطة في دارهم يفرض عليها راجلها دير عجاااار وهنا ما قدرتش نسكت وهدرت وهدرت وفي الاخير كيما تعرفو المرا ما لازم غير طيع زوجها ومش من الاخلاق انها ترفضلو طلب المهم فوتناها ودرت واش حب تاني بصح باش توصل انك يمنعك تزوري اهلك غير كي يكون هو في القوسطو تاعو وقت ما حب هو هنا خلاص تحس المرا وكانو راهي في حبس ومحكوم عليها بالاعدام مع وقف التنفيذ ....
تخيلو حتى لو كان اهلي يحبو يجو عندي نسمع الي ما يتسمعش سيرتو ادا ما كانش في حوالو المهم والله والله يا خاوتي غير راني نضلي ساكتة ومكتأبة وحتى وليدي نضلي نضرب فيه من التفكير تاع راجلي العبودي تخيلو يما مرضت قتلو ديني نشوفها ما حبش مع انو ما كاين حتى مشكل بينا برك هو نفحتلو هكا راني كل يوم نساعف فيه ونقول بلاك اليوم يرضى والو ربنا كما خلقتنا
انا تعبت من هاذ الموضوع ما نجي نروح لدارنا بالف حساب وحساب والحجة تاعو ما لازمش نخرج في الشهر اكتر من مرة وقالي غير في العيد رحتي لوكان نقولكم في العيد شعال قعدت 4سوايع قولولي هاذ حق ولا باطل يما كل ما نهدر معاها تقولي فلانة جات شافتني وفلانة ...وانا كل مرة نعطيها اعذار خاصة راني بالحمل نقولها ما رانيش نقدر والعيا تاع الحمل وووو المهم نحط اللوم قاع عليا باش ما تكرهش نسيبها ونزيدلكم راني في الشهر السابع رحت زوج مرات للطبيبة علاه قالك راكي تخرجي بزاف وانا مرتي ما نحبهاش كل يوم برا وين كل يوم هاذي ما علاباليش والله كرهت ومليت من هاذ التحكم وكل مرة نقول بلاك يتبدل بلاك مع انو راجلي قاري وفاهم ومثقف بصح كي توصل للسوجي تاع الخرجة لازم يكون سبة كبيرة حتى ديفوا يقولي يما علاه ما تخرجش وساكتة وهنا عرفت بلي المشكل وراثي خاطر باباه داير هكا مع يماه وديفوا نقول ما عنديش امل نغيرو بصح لازم نغيرو وما عرفتش
ما حبيتش نطرح الموضوع تاعي في قسم النساء فقط خاطر حابة نعرف الراجل كيفاه يخمم وواش نقدر ندير باش نغير تفكير الزوج التاعي نحسو اناني بزاف سيرتو مين نسمعو يهدر مع اختو ويقولها علاش ما جابكش راجلك وكي تجي تقعد بالسمانة ويقولها علاه مازال الحال على المرواح نحس بالغيرة والله يا خاوتي وانا كي يديني في نهاري لازم نرجع نبات غير في المناسبات
كيفاه انا والديا الي كبروني وقراوني وزوجوني ما يستهلوش صلة الرحم تاعي والله غير تعبت مع العلم دارنا نص ساعة بالطوموبيل نوصل اقترحو عليا كيفاش نتعامل مع راجل هكا هو عصبي بزااااف