مشكلتي

[مشكلتي]

اسكن في طابق منفرد مع اهل زوجي حدتث خصومة بيني و بينهم جوابي كان فقط رداا على ما ضلموني بيه،اذ بهم يكبرو المسالة و اي ضيف يجي لعندهم الا انهم يعايروني و يعايرو حتى اهلي لي هوما مش طرف النزاع،حاولت مرارا للتكلم معهم الا انو حاقدين نلقي السلام ميردوش،اخت زوجي غير متزوجة حتى هي ترسل لي مساجات مع اولادي انيما نستاهلش خوها حتى ولادي يحرشوهم عليا،الان باش نشري راحة بالي وليت منروحش ليهم الا انو ولادي نبعتهم ليهم،زوجي في العمل يرجع في اخر الليل بلكاد ينام.يعني في رايكم كيف اتصرف مع ناس كيما هوما.

[Rima24k]

اجتنبيهم قدر الامكان شدي دارك ومابقيتيش تخالطيهم خليهم يهضرو يهضرو من بعد يسكتو

[حياتي نبع امل]

احكمي سابعك كما يقولو
شدي دارك وولادك ماتمنعيهمش من زيارتهم بالصح انت مراكيش مجبورة بيهم .وخليهم يهدرو العام طويل يجي نهار يسكتو .

[دنيا الامل 18]

ما عندك ما تديري مع ناس هكدا اطلبي السماح من حماتك باعتبارها كبيرة وفي مقام امك حاولي التحدث معهم ادا رفضوا اجتنبيهم

[*أم سجى*]

ياختي مدام عندك بيتك مستقل عنهم علاه راكي تقلقي في روحك احكمي دارك واولادك واخدمي شغلك يقولو ولا ميقولوش ارميهم فالثقيل ياك ربي راه يشوف ...وزوجك خليه يدبر راسو معاهم متدخليش فيما بناتهم ومتحكيلوش عليهم ....وان شاءالله رب يزح عليك الضر

[ماري نت]

لا تهتمي بهم كثيرا

[Om mimi]

فترة الصراع اصبري و حاولي اذا لقيتي فرصة تصلحي الأمور يجي وقت و يبرد المشكل ربي يحنن القلوب

[تاج الهناء]

يا اختي عيشي حياتك و ربي اولادك ما تعانديهومش و انساي الهم ينساك و الي يظلمك وكلي عليه ربي يتولاه
ربي يهنيك