ملف الأخطاء المطبخية les erreurs culinaires [الأرشيف] - منتديات الجلفة لكل الجزائريين و العرب

zokhrofa

2016-10-01, 08:19

السلام يا العدرات

اليوم جاتني فكرة هذا الموضوع الي يمسهم بزاف ناس

خاطش معظمنا تعلمنا الطبخ في دارنا و أحيانا بل في معظم الوقت حنا ناكلو باش نشبعو مناكلوش باش نساتبو.... صح و لا لالا ؟

مثلا الغالبية كي تحطيلهم طرف لحم كبير يموت بالفرحة، صح اللحم طايب مشي خضر لكن يقدر يكون طايب خير كيما نقولو حنا طايب زبدة

هذا هو هدف الموضوع

نحطو تصحيح لأخطاء مطبخية

سواء في الطبخ المالح أو الحلو

يمكن تكوني أنتي كنتي تغلطي مثلا و صححتي فحطيلنا تجربتك يستفادو منها أمة محمد

و هذا الموضوع عبارة عن ملف باش منكثروش المواضيع

نحطو فيه جميع الأخطاء بالتصحيح تاعها

أو أي وحدة فيكم تحس بلي هي راهي تغلط في كاش طياب ولا طريقة تطلب المساعدة في هذا الملف و الكل يستفيد من سؤالها

يادرا عجبتكم الفكرة ؟

و يا ترى من تفتح المشاركة بتصحيح ؟
أو تحط خطأها و تستنى الرد عليه انشاء الله

ludo.staar

2016-10-01, 11:21

فكرة رائعة.انتظر إشتراك الأخوات فأنا مبتدئة في الطبخ

zokhrofa

2016-10-01, 11:28

فكرة رائعة.انتظر إشتراك الأخوات فأنا مبتدئة في الطبخ

أهلا بك Ludo

أفهم من هذا أنك درتي أخطاء ؟

اذا نعم حطي خطأك و نجاوبولك عليه انشاء الله

48TALIBA

2016-10-02, 14:24

انا عندغŒ مشکله مع التوابل غŒعنغŒ منعرفش وغŒن نحط راس الحانوت و وغŒت مانحطوش فلفل اسود نستعملو فغŒ کل شغŒ
وهکدا کون غغŒر نلقغŒ الغŒ تحط کل نوع وغŒن نحطو ومشکوره علغŒ الموضوع

zokhrofa

2016-10-02, 17:43

انا عندغŒ مشکله مع التوابل غŒعنغŒ منعرفش وغŒن نحط راس الحانوت و وغŒت مانحطوش فلفل اسود نستعملو فغŒ کل شغŒ
وهکدا کون غغŒر نلقغŒ الغŒ تحط کل نوع وغŒن نحطو ومشکوره علغŒ الموضوع

أهلا أختي أرجو نكون فهمت سؤالك خاطش فيه حروف غير مفهومة

فلفل أسود ما ينحطش في أي مرق أبيض خاطش يرجعا كحلة المرقة اذا ماكانش عندك فلفل أبيض فشري أبيض أو متحطيش كامل في حال معندكش

أما راس الحانوت مثلا ما ينحطش في شوربة مقطفة خاطش هي فيها (فلفل أسود، قرفة عود، و زعفران فقط)

هذا مثال مثلا ماينحطف في صوص طماطم تاع مقرون أو سباغيتي (صوص يستعمل فيها ملح و فلفل أسود فقط)

هاذو الي راني متفكرتهم نتمنى باقي المشتركات يفيدونا تاني

sima sissima

2016-10-02, 18:01

bon ana mon probleme fi el msamen 2 yjo mlah lokhrine chwiya che pas pourtant n3ajno bien je pense ki nji ntaybo rani nyabssou
svp wach howa le secret bach ki ntayboh yatnafakh
et wach homa les techniques bach yji msamen mwarak wa najah a 100 pr 100

zokhrofa

2016-10-02, 18:17

bon ana mon probleme fi el msamen 2 yjo mlah lokhrine chwiya che pas pourtant n3ajno bien je pense ki nji ntaybo rani nyabssou
svp wach howa le secret bach ki ntayboh yatnafakh
et wach homa les techniques bach yji msamen mwarak wa najah a 100 pr 100

salam ma soeur

je crois que tu aplatis beaucoup avec ta main el m7ajeb lorsque tu fais les plies ne l'aplatis pas au milieu aplatis seulement les bords bach mayjouch m3ajnin comme les bords mafihoumch la farce

et l'astuce pour que elm7ajeb yjou mwar9in c'est l'huile lazem trochi belzit chaque plie koul matetwi trochi besba3tik el zit hadik el zit hiya elli matkhalich le3jina tedkhoul fi ba3daha

c'est pour ça asmou lemsemen

y'a deux sujets qui parlent de ça fais un tour peut être ça t'aidera à avoir une idée

c'est des sujets à d'autres soeurs du forum

http://www.djelfa.info/vb/showthread.php?t=1149126

http://www.djelfa.info/vb/showthread.php?t=1996553

الترجمة:

الاخت تطلب منا مساعدتها خاطش المحاجب يجوها معجنين و ميتورقولهاش

ساعدوها و أنا نتكفل بالترجمة للفرنسي

zokhrofa

2016-10-02, 19:15

سلام

أنا شخصيا عندي مشكل مع الفلفل الحلو كي نحب نطيب بيه جواز يجيني مر واش هو الحل

sima sissima

2016-10-02, 21:11

merci bc ma soeur
mais nn mayjonich m3ajnin yjo yabsine

zokhrofa

2016-10-02, 21:38

merci bc ma soeur
mais nn mayjonich m3ajnin yjo yabsine

ah d'accord ma3naha raki taybihom 3la nar 3aliya bezaf au point où l'huile ta7re9lek el 3jina comme si 9litiha

tu comprends ?

toujours sakhni mlih el tawa ou tajine et kit7oti fih el m7ajeb na9silou bech tib 3la khaterha

zokhrofa

2016-10-04, 08:10

السلام

اليوم نهدرو على الملح في الطبخ

http://img4.hostingpics.net/pics/896246sel.jpg

باش مايجيش مالح أو مسوس حاولي تحطي فوق كل قطعة قرصة صغييييييرة

و اذا جاك مالح تقدري تصحيحي باضافة قطعة بطاطا أو بصل يمتصو الملح

أما اذا جا مسوس من الاحسن تظيفي شوييييية ملح و تعاودي تشعلي عليه، لأنو اذا زدتي في الطبق المقدم اللي حا ياكلو يستبن الملح أكثر من أي شيء

*أم سجى*

2016-10-08, 16:52

يعطيك الصحة اختي وألف شكر ليك موضوعك رائع هذا وين شفتو ولو شفتو من قبل لراني دخلت نجري هههه...ايه اختي انا مشكلتي مع التوابل منعرفش الكمية شحال ندير واسكو يتقلاو مع الاول ولا وقتاش نحطهم ولماذا لاتظهر ريحتهم فالطياب مع الاخر وشكرا حبوبة

zokhrofa

2016-10-08, 18:05

يعطيك الصحة اختي وألف شكر ليك موضوعك رائع هذا وين شفتو ولو شفتو من قبل لراني دخلت نجري هههه...ايه اختي انا مشكلتي مع التوابل منعرفش الكمية شحال ندير واسكو يتقلاو مع الاول ولا وقتاش نحطهم ولماذا لاتظهر ريحتهم فالطياب مع الاخر وشكرا حبوبة

الكمية حسب كمية الطبق

اذا كان لشخصين مثلا ديري غير براس المغرف متعمريهاش

و اذا الكمية تزيد ضاعفي التوابل

أما على التقلية نعم يتقلاو مع المكونات قبل اذافة الماء

مثلا نحط اللحم يتقلى وحدو في الزيت لكي يحمار (أما اذا كان طبق بالثوم فنضيفه مع التوابل )

ثم نضيف البصل حتى يذبال

بعدها نضيفولو التوابل فقط دون الملح نغطيه بضع دقائق ثم نضيف الماء ثم الملح

نفس الطريقة في كل الأطباق

أما على الرائحة فاذا تتبعتي هذه الخطوات راح تتحصلي على نتيجة زاكية

لكن بعض الأطباق في الاخير متعطيش ريحة التوابل نفسها لكن تعطي رائحة تحبي تاكليه كيتشميها

معادا الحريرة الوهرانية يضيفو فيها مع الأخير كي تطيب الكروية فتشميها هي

و اذا كاين أخوات يمدولنا نصائح أخرى مذابينا

wissem setifienne

2016-10-08, 19:46

انا عندي اخطاء ما تخلاصش ههههههههههه
مشكل لكبير مع المرق دايما يجيني خفيف مفهمثش سبب

zokhrofa

2016-10-08, 22:01

انا عندي اخطاء ما تخلاصش ههههههههههه
مشكل لكبير مع المرق دايما يجيني خفيف مفهمثش سبب

سر المرق الخاثر

اولا اذا كان الوصفة فيها بصل لازم تسكرفجي البصلة متقطعيهاش بالموس قطع صغيرة

http://img15.hostingpics.net/pics/980033skerfaj.png

و السر الثاني هو الوقت المخصص للطياب

لازم يطيب الطبق على نار هادئة و حتى تخثر باش طفي

كاين بزاف مثلا لي طفي على اللحم قبل 60 دقيقة هو يحب 15د نار عليا و 45 د نار هادئة

zokhrofa

2016-10-10, 21:26

السلام

وقيل حشمتو تقول اخطاءكم ههههه

هيا شوية حركة الموضوع مهم جدا للمبتدأت و المحترفات

zokhrofa

2016-10-15, 10:13

السلام اليوم نحكو على خطأ اضافة الماء عندما ينشفلنا الطبق

خواتاتي شكون منا مينشفلهاش الجواز ولا الشوربة تنقص بزاف

كلنا تصرالنا

لكن كي نضيفو الماء اما : البنة تروح او تتكون طبقة شفافة فوق المرق لي تدل على انو الماء مضاف هههه و تبهدلك مع لي حياكلها

لتصحيح هذا الخطأ

بالنسبة للجواز:

لازم قبل ما تضيفي الماء تحطيه في كسرونة و تزيديلو البهارات لي استعملتيها في الطبق و تخليه يغلي

كي يغلي ضيفيه الى الطبق و خليه مدة 10د يغلي

اما الشوربة :

كي تمرقيها و تخلطي كلش ليتجانس نحي منها قيس زوج أو 3 طاسات مرق

الصورة منقولة

http://img15.hostingpics.net/pics/853834sauce.jpg

كي تنقس كمية الماء من الشوربة ضيفيلها هاداك الماء لي كنتي نحيتيه من قبل و خليها تغلي 10 د

و هكذا يكون الطبق تاعك قد حافظ على بنتو و مرق تاعو

السوسن ا

2016-10-18, 08:36

السلام عليكم والله عندي مشكل لم افهمه وهو عندتحضير الشكشوة البصل والفلفل والطماطم والثوم والبيض.عند طهيها هي بنينة لكن تحس بوحد الدوق مر ..السوال المرورة هدك واش سببها

zokhrofa

2016-10-18, 08:56

السلام عليكم والله عندي مشكل لم افهمه وهو عندتحضير الشكشوة البصل والفلفل والطماطم والثوم والبيض.عند طهيها هي بنينة لكن تحس بوحد الدوق مر ..السوال المرورة هدك واش سببها

السلام اختي سوسن

هذيك بنة المرورية تاع الفلفل

انتي تحطي الفلفل مشوي او اخضر ؟

اذا اخضر لا تحطيه مرة أخرى

لازم يا مشوي يا مقلي و انصحك تجربيه مشوي يجي احسن

كي تشويه حطيه في ساشي مدة 1 سا حتى يذبال مليح و نقيه و متوشيهش بالماء نقيه بلا ماء حاولي تنحي كلش بيدك و تشلي يدك وليس الفلفل و الا تروحلو البنة

و كي تجربيها قوليلي رايك

السوسن ا

2016-10-18, 12:54

جزاك الله خيرا..نعم انا نحطو اخضر...وكيتشويه .ادا مدة الطهي تكون اقل الله اعلم

السوسن ا

2016-10-18, 12:57

حبية نعاون ولو بالقليل....علاه معضم الناس تشكي من المصران بعد تناول شربة الفريك..ااسبب هو ان كتيرمن الناس ترمي الفريك قبل ماتطفي عليه ب10د وهدا غلط.والصحيح رمي الفريك بعد التمريق مباشرة

ajawid

2016-10-18, 13:04

شكرا قاراقو على الموضوع الله يجعلو في ميزان حسناتك

السوسن ا

2016-10-19, 19:11

السلام عليكم ..اولا باركم الله فيكم على العون والمساعدة التي تقدمونها طبى لمن عون الناس دربه ....ربح خاصة اذا كانت نيته خالصةلله.تانيا عندي مشكل في تمريق الحبوب ..هل من طريقة..وشكرا

zokhrofa

2016-10-19, 21:35

جزاك الله خيرا..نعم انا نحطو اخضر...وكيتشويه .ادا مدة الطهي تكون اقل الله اعلم

السلام سوسن

ممممممم انا نقول لالا لأنّ سر الاكل البنين هو التكتكة كيما نقولو حنى خليه يتكتك يعني نقسيلو كامل النار و خليه يتجانس كي تشوفي المرق خثار معناه اكلك بنيييين

و طبعا دايما ذوقي خاطش التشكشوكة تحب الملح اذا لاحظتي .؟؟؟

zokhrofa

2016-10-19, 21:36

حبية نعاون ولو بالقليل....علاه معضم الناس تشكي من المصران بعد تناول شربة الفريك..ااسبب هو ان كتيرمن الناس ترمي الفريك قبل ماتطفي عليه ب10د وهدا غلط.والصحيح رمي الفريك بعد التمريق مباشرة

بارك الله فيك

انا نعطيك طريقة خير

ليلة ما حديري الفريك شمخيه في الماء الساخن

او اذا حديريها لليل شمخيه في الصباح

و حطيه يتقلى مع التوبل قبل التمراق

جربيها و قوليلي

zokhrofa

2016-10-19, 21:37

السلام عليكم ..اولا باركم الله فيكم على العون والمساعدة التي تقدمونها طبى لمن عون الناس دربه ....ربح خاصة اذا كانت نيته خالصةلله.تانيا عندي مشكل في تمريق الحبوب ..هل من طريقة..وشكرا

مفهمتش سؤالك حديدي اختي نوع الحبوب

السوسن ا

2016-10-19, 22:03

الحبوب مثل اللوبياء البيضاء والحمص...لانه مراة تجي ناقصة الماء ومراة ماوية..يعني حبيت طريقة مثلا كي نمرق شحال لازم من سنتيم يتغطى الحبوب بالماء

zokhrofa

2016-10-19, 22:36

الحبوب مثل اللوبياء البيضاء والحمص...لانه مراة تجي ناقصة الماء ومراة ماوية..يعني حبيت طريقة مثلا كي نمرق شحال لازم من سنتيم يتغطى الحبوب بالماء

سلام سوسن

اللوبية كي تكون مشمخة ليلة مقبل تستغرق 1 سا و 30د طبخ في الكوكوت نار متوسطة

من الافضل نار هادئة باش متنشفش و ساعة على ساعة حركي الكوكوت و هي مغلوقة باش تعرفي اذا فيها الماء

و الكمية هي 1 طاسة بـــ 3 طاسة ماء

و أما على تجي ناشفة او مايهة فهذا راجع لمدة الطهي و ليس التمراق

اذا جات ناشفة معناه فات عليها وقت الطياب

و اذا جات مايها كيما قتلك مقبل معناها الماء لم يتجانس مع باقي المكونات

كي متكونش مشمخة أنا درتها غير كيما استغرقت 3سا طياب في الكوكوت

السوسن ا

2016-10-20, 06:09

جزاك الله خيرا

zokhrofa

2016-10-20, 07:56

امين سوسن

ياريت كي تتفكري كاش حيلة مطبخية تشاركينا بيها

السوسن ا

2016-10-20, 10:01

السلام عليكم مرحبا بكم.(لاسميرة تفي ولابنة) تحي هده الصفحة المبسطة والغنية بالخبرة بالتوفيق

السوسن ا

2016-10-20, 10:24

مجموعة استفسارات /1-هل الطريقة الصحيحة لتفوير الكسكس هي تغطية الكسكاس ام نتركه غير مغطى-يعني كي يكون الطعام يفور نغطيوه ولا لى?!.2-للكيلو غرام من الكسكس شحال لازم الزيت.3-الطريقة الصحيحة لقلي البطاطا متل النار لازم قاوية اوضعيفة.نملخوها قبل القلي اوبعد.ولازم نخليوها تحماراو....المهيم هذه مجموعة من الاستفسارات لي منتشرة بكثرة نتمنى المساهمة في الاجابة عليها لكي تعم الفاءدة

zokhrofa

2016-10-20, 10:26

السلام عليكم مرحبا بكم.(لاسميرة تفي ولابنة) تحي هده الصفحة المبسطة والغنية بالخبرة بالتوفيق

الله يسلمك سوسن

فالحقيقة انا نتفرج سميرة كاين لي يمدو حيلات ملاح

من داك اتفرجي نسا الكبار هوما لي تتعلمي منهم يالوكان تخطفي معلومة

انا مرة على مرة نتفكر حيلة و نحطها

لكن الموضوع في الاصل محطوط باش النساء تحط مشكلة و الاخوات يجاوبوها

للأسف ليس هناك تفاعل كبير

السوسن ا

2016-10-20, 10:31

طريقة اخرى لطهي السردين بعد التنضيف نرشها بشوي ملح وشوي ليمون وشوي خل .تم نشعل النار ونضع في طنجرة شوي ماء وشوي خل ونستفو السردين ونقوم برشها بالقليل من الكمون ونقطع حبة بصل وحبة طماطم دواور وشوي توم ونقص للنار ونخليوها تطيب على نار هادءة ..طعام صحي ولذيذ .

zokhrofa

2016-10-20, 11:41

طريقة اخرى لطهي السردين بعد التنضيف نرشها بشوي ملح وشوي ليمون وشوي خل .تم نشعل النار ونضع في طنجرة شوي ماء وشوي خل ونستفو السردين ونقوم برشها بالقليل من الكمون ونقطع حبة بصل وحبة طماطم دواور وشوي توم ونقص للنار ونخليوها تطيب على نار هادءة ..طعام صحي ولذيذ .

صح اختي انا جربتها مرات عديدة وجيني بنينة لكن دون خل و قارص المرة القادة نديرلهم و نقولك

تاج الهناء

2016-10-20, 11:52

ااااااااااه يا اختي qaraqo راكي طليتي على قلبي المعمر من الطياب هذا وين خرجت من الخدمة حليت المنتدى لقيت موضوعك عجبني بزاف
عندي بزاف اخطاء و بصراحة انا معقدة من الطياب ديما نتحس ماهوش حيجي بنين و صح يجي ماهوش بنين ديما ماكلتي مسوسة نخاف من الملح موووووووووووووووت
ونخاف تجي الماكلة حامضة ساعات الطماطم تكون حامضة وساعات تكون مايهة و ساعات حمرا و ملحمة و بنينة مزية كاينة طماطم تاع الباط
السؤال الي يطرح نفسو بالحاح هو وقتاش ندير طماطم حب وحدها ووقتاش ندير تاع الباط و كفاش ندير للحماضة

السوسن ا

2016-10-20, 12:07

التخلص من حموضة الطماطم عند طريقتين الاولى لازم تتقلى مليح مع اضافة القليل من السكر تانيا نوعية تركيز الطماطم لابد من الاخد بعين الاعتبار تركيز الطماطم

zokhrofa

2016-10-20, 12:15

ااااااااااه يا اختي qaraqo راكي طليتي على قلبي المعمر من الطياب هذا وين خرجت من الخدمة حليت المنتدى لقيت موضوعك عجبني بزاف
عندي بزاف اخطاء و بصراحة انا معقدة من الطياب ديما نتحس ماهوش حيجي بنين و صح يجي ماهوش بنين ديما ماكلتي مسوسة نخاف من الملح موووووووووووووووت
ونخاف تجي الماكلة حامضة ساعات الطماطم تكون حامضة وساعات تكون مايهة و ساعات حمرا و ملحمة و بنينة مزية كاينة طماطم تاع الباط
السؤال الي يطرح نفسو بالحاح هو وقتاش ندير طماطم حب وحدها ووقتاش ندير تاع الباط و كفاش ندير للحماضة

ههههه ضحكتيني اختي تاج

حتى انا عندي اخطاء كثيييييييييييييييييرة هههه لهذا حليت الموضوع باش نفيد و نستفيد

انا كان عندي هذا المشكل تاع الحموضة

اولا حموضة الطماطم تاع الحبة تجي من قشرتها و من زريعتها ... لهذا دايمن نحيهم

و ثانيا حموضة الطماطم تاع العلبة هي تقدر تجي من الماركة تاع الطماطم انا كنت نستعمل عمر بن عمر دوك راني نستعمل cab ماشي معناها ماشي حامضة لكن اقل حموضة من الاولى

و طماطم تاع العلبة خصك قبل ما تضيفيها للجواز ولا للشربة (للصوص ميهمش خاطش بنة الصوص هي الحموضة و الملوحية) لازم تدردريها في المء و تضيفيلها قر صة تاع سكر بين صباعتيك و تحطيها تغلي فوق النار كي تغلي مليح ضيفيها للطبق تكمل طيابها

و نعاودلك الطياب دايمن يكون على نار قليلة و لوت طويل باش تروح كامل حموضة

اما وقتاش نحطو طماطم حب فهي في كل طبق أحمر يحتاج المعلب لأنّ اصل الاطباق الحمراء هو الطماطم الحب و فلفل العكري

و اما طماطم العلبة فهي للكثافة فقط و اللون الاحمر ... امّا الكثافة فاني قتلك الكثافة تجي كي يطيب الطبق لمدة طويلة على نار هادية و اللون الاحمر يقدر بجي من الفلفل الاحمر ... يعني خلاصة تقدري تستغناي عليها الاّ في صوص العجائن انا نديرها على جال الحموضة

اما الملح تقدري تتحكمي فيه كان تحطي فوق كل مكون الطبق حقو تاع الملح قرصة صغييييييييييييييييييرة

و انا كنت نغلط في حاجة غير كيما فقت بيها

اني كي نزيد المرق و نذوق يجيني سامط نزيد الملح هههههه و هذا خطأ لانّ الماء راح يتبخر و الملح راح يبقى و تجيني الماكلة ياااااااااااااااااااااااع بسيف لتاكلها

لهذا مرقي و متذوقيش كي يمر 30 د ذوقي و شوفي ادا خصها الملح او من الاحسن كي توجد الطبخة ذوقي و زيدي الملح و خليها تغلي 10 د باش متوقعيش في الخطأ

لكن مطيبيش بدون ملح و تقولي نحطو في الاخير هههه جربتها و تجي الخضر سامطة كي تمضغيها او اللحم ههههههههه

جربي و قوليلي

تاج الهناء

2016-10-20, 14:09

التخلص من حموضة الطماطم عند طريقتين الاولى لازم تتقلى مليح مع اضافة القليل من السكر تانيا نوعية تركيز الطماطم لابد من الاخد بعين الاعتبار تركيز الطماطم

شكرا اختي و بارك الله فيك

تاج الهناء

2016-10-20, 14:13

ههههه ضحكتيني اختي تاج

حتى انا عندي اخطاء كثيييييييييييييييييرة هههه لهذا حليت الموضوع باش نفيد و نستفيد

انا كان عندي هذا المشكل تاع الحموضة

اولا حموضة الطماطم تاع الحبة تجي من قشرتها و من زريعتها ... لهذا دايمن نحيهم

و ثانيا حموضة الطماطم تاع العلبة هي تقدر تجي من الماركة تاع الطماطم انا كنت نستعمل عمر بن عمر دوك راني نستعمل cab ماشي معناها ماشي حامضة لكن اقل حموضة من الاولى

و طماطم تاع العلبة خصك قبل ما تضيفيها للجواز ولا للشربة (للصوص ميهمش خاطش بنة الصوص هي الحموضة و الملوحية) لازم تدردريها في المء و تضيفيلها قر صة تاع سكر بين صباعتيك و تحطيها تغلي فوق النار كي تغلي مليح ضيفيها للطبق تكمل طيابها

و نعاودلك الطياب دايمن يكون على نار قليلة و لوت طويل باش تروح كامل حموضة

اما وقتاش نحطو طماطم حب فهي في كل طبق أحمر يحتاج المعلب لأنّ اصل الاطباق الحمراء هو الطماطم الحب و فلفل العكري

و اما طماطم العلبة فهي للكثافة فقط و اللون الاحمر ... امّا الكثافة فاني قتلك الكثافة تجي كي يطيب الطبق لمدة طويلة على نار هادية و اللون الاحمر يقدر بجي من الفلفل الاحمر ... يعني خلاصة تقدري تستغناي عليها الاّ في صوص العجائن انا نديرها على جال الحموضة

اما الملح تقدري تتحكمي فيه كان تحطي فوق كل مكون الطبق حقو تاع الملح قرصة صغييييييييييييييييييرة

و انا كنت نغلط في حاجة غير كيما فقت بيها

اني كي نزيد المرق و نذوق يجيني سامط نزيد الملح هههههه و هذا خطأ لانّ الماء راح يتبخر و الملح راح يبقى و تجيني الماكلة ياااااااااااااااااااااااع بسيف لتاكلها

لهذا مرقي و متذوقيش كي يمر 30 د ذوقي و شوفي ادا خصها الملح او من الاحسن كي توجد الطبخة ذوقي و زيدي الملح و خليها تغلي 10 د باش متوقعيش في الخطأ

لكن مطيبيش بدون ملح و تقولي نحطو في الاخير هههه جربتها و تجي الخضر سامطة كي تمضغيها او اللحم ههههههههه

جربي و قوليلي
شكرا اختي على شرحك كان كافي ووافي :19:ربي يعطيك ما تتمناي
انا ماما تعرف اطيب و تعلمني بالصح ديما نتغانو في الطياب و نتقابضو في الكوزينة هههههههههههه
تقولي انتي تحبي تتفلسفي بزاف
مي نشتي البنات يعلموني تجيني النفحة و الابداع علابالي ماما راح يغيضها الحال مني ههه

ثلجَة

2016-10-20, 14:28

السلام عليكم

حاب نسقسي كيفاه تجي لاصوص بيضاء مثلا نتاع التليتلي؟؟؟؟

و زيد هل للتوابل دور في بنة الاكل و يجب اضافتها بكثرة أم قليل يكفي؟؟

مشكورين مسبقا

zokhrofa

2016-10-20, 14:32

السلام عليكم

حاب نسقسي كيفاه تجي لاصوص بيضاء مثلا نتاع التليتلي؟؟؟؟

و زيد هل للتوابل دور في بنة الاكل و يجب اضافتها بكثرة أم قليل يكفي؟؟

مشكورين مسبقا

اهلا بيك معانا

اختي سناو انتي من أي منطقة

خاطش ماشي كامل المناطق يستعملو نفس التوابل

ياريت تقوليلنا منين

ثلجَة

2016-10-20, 14:38

اهلا بيك معانا

اختي سناو انتي من أي منطقة

خاطش ماشي كامل المناطق يستعملو نفس التوابل

ياريت تقوليلنا منين

من الشرق عموما

شكرا على الترحيب و بكي أهلا اختي

zokhrofa

2016-10-20, 15:04

التليتلي العاصمي

http://img15.hostingpics.net/pics/715550tlitlialgerois.png

اختي يديرو

اللحم المفروم كيما يطيبو تاع البوراك

يعني يقلو البصل(متسكرفجيهش و متقطعيهش مربعات كبيرة ... لازم مربعات صغيرة)

ثم اللحم المفروم

ثم يضيفو الملح + فلفل اسود + قرفة

كي يتفتح اللحم المرحي كامل مرقي بنصف كاس ماء و خليه على نار هادية

غلي زوج حبات بيض (او حسب افراد العايلة) و نقيهم و فتيهم و خليهم تستحقيهم في الاخير

التليتلي ديريلو شوية زيت و فوريه

كي يفور في اناء عمري ماء (الماء حسب الكمية تاع التليلتلي ) خليه في الكسكاس و غطسيه في الاناء لي فيه الماء

4 مرات تفويرات حتى كيتمسي الحبة تشوفيها طرية

و كل تفويرة تغطسي الكسكاس فالماء

و الخطرة الثالثة تاني ديريلو الزيت

خلطيها باللحم المفروم لي يكون طاب (و خلي شوية تشبحي بيه )

و زيدي شوية بيض برك و الباقي للتزيين

من بعد ذوبي الزبدة فوق النار

و ارميها عليهم كامل

و خلطي الكل بملعقتين حطب كبار (او المتوفر)

و حطي في تبسي التقديم و شبحيه باللحم المفروم و البيض المغلي

ياريت كل وحدة تحط طريقتهم باش نفيدو SNOW

تاج الهناء

2016-10-20, 15:37

ما شاء الله وصفة رائعة
احنا نديرو قطع دجاج او لحم مع البصل المفروم و ملح و فلفل اسود و القليل من الكسبر و الجومبو و زبدة وزيت و نقليهم جيدا ثم نمرق بالماء و نضيف الحمص طايب مسبقا و الجريوات و الخردل حسب الرغبة
و بعدما نفورو التليتلي نصبو عليه المرق و نخليوه يتشرب فوق نار هادية حتى ينشف
وعندما نقدموه نزينوه بالجريوات و الخردل و البيض المسلوق و الحمص في الوسط
نتمنى تعجبكم

zokhrofa

2016-10-20, 15:41

ما شاء الله وصفة رائعة
احنا نديرو قطع دجاج او لحم مع البصل المفروم و ملح و فلفل اسود و القليل من الكسبر و الجومبو و زبدة وزيت و نقليهم جيدا ثم نمرق بالماء و نضيف الحمص طايب مسبقا و الجريوات و الخردل حسب الرغبة
و بعدما نفورو التليتلي نصبو عليه المرق و نخليوه يتشرب فوق نار هادية حتى ينشف
وعندما نقدموه نزينوه بالجريوات و الخردل و البيض المسلوق و الحمص في الوسط
نتمنى تعجبكم

هايلة

بصح فيها مكون زعفت كي قريتو نخليك انتي تجبديه

تاج الهناء

2016-10-20, 15:54

اااااه تزعفي عليا هادي ما تفاهمناش عليها :sdf:
على ما اطن الشي الي قلقك هو الجومبو

ثلجَة

2016-10-20, 19:09

التليتلي العاصمي

http://img15.hostingpics.net/pics/715550tlitlialgerois.png

اختي يديرو

اللحم المفروم كيما يطيبو تاع البوراك

يعني يقلو البصل(متسكرفجيهش و متقطعيهش مربعات كبيرة ... لازم مربعات صغيرة)

ثم اللحم المفروم

ثم يضيفو الملح + فلفل اسود + قرفة

كي يتفتح اللحم المرحي كامل مرقي بنصف كاس ماء و خليه على نار هادية

غلي زوج حبات بيض (او حسب افراد العايلة) و نقيهم و فتيهم و خليهم تستحقيهم في الاخير

التليتلي ديريلو شوية زيت و فوريه

كي يفور في اناء عمري ماء (الماء حسب الكمية تاع التليلتلي ) خليه في الكسكاس و غطسيه في الاناء لي فيه الماء

4 مرات تفويرات حتى كيتمسي الحبة تشوفيها طرية

و كل تفويرة تغطسي الكسكاس فالماء

و الخطرة الثالثة تاني ديريلو الزيت

خلطيها باللحم المفروم لي يكون طاب (و خلي شوية تشبحي بيه )

و زيدي شوية بيض برك و الباقي للتزيين

من بعد ذوبي الزبدة فوق النار

و ارميها عليهم كامل

و خلطي الكل بملعقتين حطب كبار (او المتوفر)

و حطي في تبسي التقديم و شبحيه باللحم المفروم و البيض المغلي

ياريت كل وحدة تحط طريقتهم باش نفيدو SNOW

سلام كراكو

طريقة تفوير التليتلي

يدهن ببعض الزيت

يغلى الماء جيدا

نضع التليتلي ليفور

بعد ما يفور يوضع في قصعة كبيرة و الا صغيرة على حسب الكمية

يصب عليه الماء الساخن لفورناه بيه و يغطى و نخلوه حتى يشرب الماء كامل

من بعد نزيدوا التفويرة الثانية

اذا طاب ok و اذا مازال شوي

نزيد نفوروه مرة ثالثة

و المرق الطريقة معروفة

و من بعد نشحروه في شوي أصوص

والتزيين و اذا ناقص نزيد نسقيه شوي من فوق
ا

السوسن ا

2016-10-20, 21:16

مع الاسف طيبة اليوم لوبيا بيضاء 02ساعات وهي تطيب واضفة لها خميرة القاطو ومع ذاللك ماطبتش مليح ساكتب الطريقة التي قمت بها واتمنى من الاخت كاراكو تصححلي(حطية اللوبياء بعد ماشمختها في الماء في طنجرة ثم الزيت والملح كي غلاة حطية البصل والتوم وطماطم حب والجزر والبطاطا ثم بعد مرور 45د اضفت طماطم العلب) ملاحظة .كاين لي قالي بلي الملح تضيف في الاخير لان كي تضيفيه في الاول تترقسل ....انا في حيرة

*أم سجى*

2016-10-20, 21:21

سالام اختي كراكو عندي مشكل كبييييييييييييييييير الا وهو التشكشوكة منعرفش نديرها يعني نحسها مش بنينة قوليلي اذا كانت عندنا المكونات مثلا طماطم حب.بطاطا.ثوم .فلفل أو باضنجان .توابل...كفاه نبداو وكفاه نكملو والله مشكل معاها والما نمرقوها ولا تطيب في الماء تع الطوماطيش برك ؟...والثوم شحال ندير ريحتو متظهرش اصلا والتوابل واش نديرلها؟

zokhrofa

2016-10-20, 22:51

مع الاسف طيبة اليوم لوبيا بيضاء 02ساعات وهي تطيب واضفة لها خميرة القاطو ومع ذاللك ماطبتش مليح ساكتب الطريقة التي قمت بها واتمنى من الاخت كاراكو تصححلي(حطية اللوبياء بعد ماشمختها في الماء في طنجرة ثم الزيت والملح كي غلاة حطية البصل والتوم وطماطم حب والجزر والبطاطا ثم بعد مرور 45د اضفت طماطم العلب) ملاحظة .كاين لي قالي بلي الملح تضيف في الاخير لان كي تضيفيه في الاول تترقسل ....انا في حيرة

اختي الطنجرة هي كوكوت عندكم ؟

اللوبيا فالطنجرة بدون ضغط تدي ضعف

و نورمالمو مطفيش حتى تشوفيها طابت علاش زربتي ؟

و اختي راكي قالبة كلش

الثوم هو اللول مع اللخضر بدون بصل اللوبيا مديريلهاش البصل

بهارات ملح فلفل اسود كمون فلفل عكري فقط

كي يتقلاو زيدي اللوبيا غطي الكوكوت و خليهم يتقلاو 5د

من بعد مرقي حتى للفوق

و اغلقي الكوكوت 2سا على نار هادية

و كي تحليها و تشوفيها مطابتش زيدي الطياب

متطفيش temps que مطابتش

zokhrofa

2016-10-20, 22:52

سلام كراكو

طريقة تفوير التليتلي

يدهن ببعض الزيت

يغلى الماء جيدا

نضع التليتلي ليفور

بعد ما يفور يوضع في قصعة كبيرة و الا صغيرة على حسب الكمية

يصب عليه الماء الساخن لفورناه بيه و يغطى و نخلوه حتى يشرب الماء كامل

من بعد نزيدوا التفويرة الثانية

اذا طاب ok و اذا مازال شوي

نزيد نفوروه مرة ثالثة

و المرق الطريقة معروفة

و من بعد نشحروه في شوي أصوص

والتزيين و اذا ناقص نزيد نسقيه شوي من فوق
ا

اختي مفهمتش انتي ماشي كان عندك مشكل مع التليلي ؟

zokhrofa

2016-10-20, 23:01

مجموعة استفسارات /1-هل الطريقة الصحيحة لتفوير الكسكس هي تغطية الكسكاس ام نتركه غير مغطى-يعني كي يكون الطعام يفور نغطيوه ولا لى?!.2-للكيلو غرام من الكسكس شحال لازم الزيت.3-الطريقة الصحيحة لقلي البطاطا متل النار لازم قاوية اوضعيفة.نملخوها قبل القلي اوبعد.ولازم نخليوها تحماراو....المهيم هذه مجموعة من الاستفسارات لي منتشرة بكثرة نتمنى المساهمة في الاجابة عليها لكي تعم الفاءدة

اختي اسمحيلي مقريتش هذا الرد والله منتبهتلو اسمحيلي بزاف

1- تفوير الكسكس بدون مايتغطى ضرووووووري يبقى معري باش ما يتعجنش

2- 1 ك 5 مغارف اختي انا نص كيلو ندير 2

3- الطريقة الصحيحة لأكل البطاطا هي عدم القلي .... لتفادي القلي نقيها و قطعيها كيما حابة و بعد ما تبرد تمااااااااااااااما ؤأكد ترد قليها فالزيت او حمريها فالكوشة

اذا ولا بد البطاطا تتقلى ملازمش تفوت حرارة الزيت 180 درجة و الا حتاكلي سم و ليس بطاطا (تسبب السرطانات مع الوقت) معدل اكلها مرة في الشهر فقط

الزيت كي يسخن ارمي فيه البطاطا و نقسي للنار متوسطة باش مطيبش من الخارج و تبقى خضرة من الداخل

انا شخصيا ضد التملاح مقبل خاطش الملح يخرج الماء من البطاطا (او اي شيء الملح يخرج الماء ) و الزيت تتخلط بالماء و تجيك البطاطا محرحرا و كيشغل مغليا

ضيفي الملح مباشرة بعد ما تخرجيها من المقلات

zokhrofa

2016-10-20, 23:04

شكرا اختي على شرحك كان كافي ووافي :19:ربي يعطيك ما تتمناي
انا ماما تعرف اطيب و تعلمني بالصح ديما نتغانو في الطياب و نتقابضو في الكوزينة هههههههههههه
تقولي انتي تحبي تتفلسفي بزاف
مي نشتي البنات يعلموني تجيني النفحة و الابداع علابالي ماما راح يغيضها الحال مني ههه

هههههههههههههههه سبحان ربي تقولي راكي تهدري عليا ههههه

لكن تبقى الام هي المدرسة

انا منسقسيهاش لكن نبقى نتفكر في طريقتها خاطش نلاحظ مليح واش تدير

zokhrofa

2016-10-20, 23:06

اااااه تزعفي عليا هادي ما تفاهمناش عليها :sdf:
على ما اطن الشي الي قلقك هو الجومبو

نعم راه منتوج سرطاني ردو بالكم يرحو مخلفات الدجاج من عظام و les abats

zokhrofa

2016-10-20, 23:13

سالام اختي كراكو عندي مشكل كبييييييييييييييييير الا وهو التشكشوكة منعرفش نديرها يعني نحسها مش بنينة قوليلي اذا كانت عندنا المكونات مثلا طماطم حب.بطاطا.ثوم .فلفل أو باضنجان .توابل...كفاه نبداو وكفاه نكملو والله مشكل معاها والما نمرقوها ولا تطيب في الماء تع الطوماطيش برك ؟...والثوم شحال ندير ريحتو متظهرش اصلا والتوابل واش نديرلها؟

انا مقبيل درت تاع الباتنجال (لشخصين)

تشوي 4 حبات باتنجال و 3 حبات طوماطيش

تحطيهم في ساشي 1 سا

من بعد نقيهم و نحي زريعة الطوماطيش

و ديري درسة في مهراز دقي (ثوم + ملح + كمون + فلفل اسود و احمر + كركم + سكنجبير )

ديري في طنجرة ولا مقلة شوية زيت و ماء كي و ارمي فوقهم الدرسة كي تبدا تبقبق حطي فوقها الطوماطيش من بعد 5د ارمي الباتنجال و حركي و غطيها و نقسيلها كامل

مدة 30 د طفي

تتاكل دافية شوية باردة و الاّ متستبنيهاش

و التشكشوكة تحب الملح ردي بالك تجيك سامطة

السوسن ا

2016-10-21, 08:32

جزاك الله خيرا على هذه المعلومات القيمة والنفيسة.الطنجرة عندنا هي العادية المعروفة والكوكوت وحدو

السوسن ا

2016-10-21, 08:36

اختي الطنجرة هي كوكوت عندكم ؟

اللوبيا فالطنجرة بدون ضغط تدي ضعف

و نورمالمو مطفيش حتى تشوفيها طابت علاش زربتي ؟

و اختي راكي قالبة كلش

الثوم هو اللول مع اللخضر بدون بصل اللوبيا مديريلهاش البصل

بهارات ملح فلفل اسود كمون فلفل عكري فقط

كي يتقلاو زيدي اللوبيا غطي الكوكوت و خليهم يتقلاو 5د

من بعد مرقي حتى للفوق

و اغلقي الكوكوت 2سا على نار هادية

و كي تحليها و تشوفيها مطابتش زيدي الطياب

متطفيش temps que مطابتش

طفية عليها على خاطر اللوبيا بدات تتفتت والحاجة التانية والله اللوبيا بدون بصل معلومة جديدة علي

zokhrofa

2016-10-21, 09:08

جزاك الله خيرا على هذه المعلومات القيمة والنفيسة.الطنجرة عندنا هي العادية المعروفة والكوكوت وحدو

الله يجازيك الخير انتي ايضا

هااا مرة اخرى ديريها 3 سا في الطنجرة

2 سا في الكوكوت

على نار هادية باش الماء ما ينشفش قبل ما اللوبيا طيب

zokhrofa

2016-10-21, 09:09

طفية عليها على خاطر اللوبيا بدات تتفتت والحاجة التانية والله اللوبيا بدون بصل معلومة جديدة علي

اختي انا نحكي على اللوبيا شربة تجي بالثوم

اما اذا حابة تديريها ناشفة تندار بالطماطم و البصل بدون ثوم

ثلجَة

2016-10-21, 10:57

اختي مفهمتش انتي ماشي كان عندك مشكل مع التليلي ؟

هههه لا يا أختي أنا سقسيت على الطريقة كيفاه يكون التليتلي بلصوص أبيض :)

أنت فقط لم تفهمي سؤالي

شكرررا

zokhrofa

2016-10-21, 11:01

هههه لا يا أختي أنا سقسيت على الطريقة كيفاه يكون التليتلي بلصوص أبيض :)

أنت فقط لم تفهمي سؤالي

شكرررا

ههههههههههه صحا عفوا

خاطش قاعدة نقول شبيها snow سقسات و من بعد طلعت شاطرة علينا ههههه

تاج الهناء

2016-10-21, 11:09

نعم راه منتوج سرطاني ردو بالكم يرحو مخلفات الدجاج من عظام و les abats

صباح الخير التبهديلة انا نحب نطيب بيه مزية قلتيلي
اليوم درت بربوشة من الصباح و ماما تجري ورايا هربتلها و راني نكونيكتي نزيد شوي و نروح نكملها
اييييييييه راني في دار بابا نتقلش نهار نروح لراجلي ما نعرف كفاه تصرالي مزية درت معاكم المعريفة غدوة كشما نحصل تجيو تسلكوني :mh5858::
هيا اختي كراكو حبيت نسنيي معاكcontrat من ضرك :19:

zokhrofa

2016-10-23, 07:51

صباح الخير التبهديلة انا نحب نطيب بيه مزية قلتيلي
اليوم درت بربوشة من الصباح و ماما تجري ورايا هربتلها و راني نكونيكتي نزيد شوي و نروح نكملها
اييييييييه راني في دار بابا نتقلش نهار نروح لراجلي ما نعرف كفاه تصرالي مزية درت معاكم المعريفة غدوة كشما نحصل تجيو تسلكوني :mh5858::
هيا اختي كراكو حبيت نسنيي معاكcontrat من ضرك :19:

ههههههه علاش عمبالك انا قبل ما نتزوج كنت master chef هههههههههههههههه

والله كامل المعلومات لي راني نمد فيهم هما محصول تجارب سنتين من زواج هههه

الحمد لله راني مزال نزيد نتعلم

ماشي مشكل ربي نشاء الله يعطيك شاري عمى ههههههه كيما تقول ماني

كي كنا صغار منفهموش واش حب يقول

كي كبرنا فهمتنا بلي شاري عمى هو راجل ميشوفش زبايل لي نديروهم و ياكل الماكلة ماشي بنينة هههه و ميشوفش الدار اذا مخملة

ماشي معناه عمى العينين معناه يقبل بكلش هههههههههه

السوسن ا

2016-10-25, 14:15

السلام عليكم نرجوا ان لاتحرمينا من الجديد

فاصلة

2016-10-25, 15:08

bon ana mon probleme fi el msamen 2 yjo mlah lokhrine chwiya che pas pourtant n3ajno bien je pense ki nji ntaybo rani nyabssou
svp wach howa le secret bach ki ntayboh yatnafakh
et wach homa les techniques bach yji msamen mwarak wa najah a 100 pr 100

أنا نجاوبك ولو أني مازال ما كملتش قراءة المشاركات غلا بالي راهم جاوبوك بصح نعطيلك طريقتي وسري
أولا نعجنه باليباس معنته كي نخلط نخليه يابس شوية ومن بعد نبدا نعجن بالشوي نزيد الماء ونعجن حتى تولي خفيفة العجينة في يدي . نصنع كريات صغار ونغطيهم للبلاستيك ماشي الكتان أنا نستعمل البورسات كي ما يكون عندي ولو. من بعد مدة نفتح الكويرات ونحط في الوسط زبدة ذايبة معناها نحل بالزيت ونحط الزبدة ونطبق ونحط في كل مرة نطبق فيها الزبدة هذا هو سر التوريق أختي.

السوسن ا

2016-10-25, 18:17

عندي استفسارين واحد عام وواحد خاص..1-طريقة طهي لبيري بالصلصة الحمراء مثل المطاعم..2-الاسباب المشهورة التي تخلي الطهي يجي سامط على خاطر في بعض الاحيان نبقى نزيد الملح ومع ذاللك تبقى سمطةهههههههههه.وشكرا

تاج الهناء

2016-10-25, 19:04

ههههههه علاش عمبالك انا قبل ما نتزوج كنت master chef هههههههههههههههه

والله كامل المعلومات لي راني نمد فيهم هما محصول تجارب سنتين من زواج هههه

الحمد لله راني مزال نزيد نتعلم

ماشي مشكل ربي نشاء الله يعطيك شاري عمى ههههههه كيما تقول ماني

كي كنا صغار منفهموش واش حب يقول

كي كبرنا فهمتنا بلي شاري عمى هو راجل ميشوفش زبايل لي نديروهم و ياكل الماكلة ماشي بنينة هههه و ميشوفش الدار اذا مخملة

ماشي معناه عمى العينين معناه يقبل بكلش هههههههههه

و االله عجبتني حكاية شاري عمي
من فمك ربي تمنيت يعطيني ربي راجل ياكل كلش و ما يشرطش
انا بابا يشرط بزاف هبلنا ماما تعيطلو عجوزتي

zokhrofa

2016-10-25, 19:20

و االله عجبتني حكاية شاري عمي
من فمك ربي تمنيت يعطيني ربي راجل ياكل كلش و ما يشرطش
انا بابا يشرط بزاف هبلنا ماما تعيطلو عجوزتي

عهههه صح حنا عندنا تان نقولو للراجل لي يتشرط عجوزتي ههههه

zokhrofa

2016-10-25, 19:23

عندي استفسارين واحد عام وواحد خاص..1-طريقة طهي لبيري بالصلصة الحمراء مثل المطاعم..2-الاسباب المشهورة التي تخلي الطهي يجي سامط على خاطر في بعض الاحيان نبقى نزيد الملح ومع ذاللك تبقى سمطةهههههههههه.وشكرا
لابيري تعني بيها بطاطا؟
اذا نعم فسر لابيري هو انك تغلي البطاطا بالقشور
اما كيما المطاعم فانا جامي كليتها هههه

الطياب السمت من كثرة الماء و مراكيش تخليه يتقلى مليح مع البهارات و الملح باش تدخل في المكونات قبل التمراق

zokhrofa

2016-10-25, 19:24

أنا نجاوبك ولو أني مازال ما كملتش قراءة المشاركات غلا بالي راهم جاوبوك بصح نعطيلك طريقتي وسري
أولا نعجنه باليباس معنته كي نخلط نخليه يابس شوية ومن بعد نبدا نعجن بالشوي نزيد الماء ونعجن حتى تولي خفيفة العجينة في يدي . نصنع كريات صغار ونغطيهم للبلاستيك ماشي الكتان أنا نستعمل البورسات كي ما يكون عندي ولو. من بعد مدة نفتح الكويرات ونحط في الوسط زبدة ذايبة معناها نحل بالزيت ونحط الزبدة ونطبق ونحط في كل مرة نطبق فيها الزبدة هذا هو سر التوريق أختي.
اهلا فاصلة واش من نوع زبدة تعيشي تستعملي؟

zokhrofa

2016-10-25, 19:25

السلام عليكم نرجوا ان لاتحرمينا من الجديد

اهلا سوسن انتي ايضا فيدينا مرة على مرة

السوسن ا

2016-10-25, 20:20

شكرا جزيلا .مافمتش سر لابيري القشور

zokhrofa

2016-10-25, 20:48

شكرا جزيلا .مافمتش سر لابيري القشور
متنقيش البطاطا من قشورها اغسليها فقط و خليها تغلي
بعد متخرجيها نقيها و خليها تبرد تماما
ثم ارحيها مع الحليب و الجبن
في الاخير زيديلها شويييية زبدة للبنة
اما الصوص منعرفهاش

السوسن ا

2016-10-25, 20:52

جزاك الله خيرا ماقصرة.ياريت جميع المجالات نلقاوى عباد كما انت..شكر.شكرا..ً..ً.......ً........

السوسن ا

2016-10-25, 20:57

تفضلي هذه الهدية قالالنبي صلى الله عليه وسلم قال: أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أوتقضي عنه ديناً، أوتطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً، ومن كف غضبه ستر الله عورته، ومن كظم غيظاً، ولو شاء أن يمضيه أمضاه، ملأ الله قلبه رضى يوم القيامة، ومن مشى مع أخيه المسلم في حاجته حتى يثبتها له، أثبت الله تعالى قدمه يوم تزل الأقدام، وإن سوء الخلق ليفسد العمل، كما يفسد الخل العسل. والحديث حسنه الألباني -رحمه الله-

zokhrofa

2016-10-25, 21:54

معلومة هايلة شكرا اختي سوسن

اللهم اني اعوذ بك من علم لا ينفع

مرحبا بيك في كل وقت

انتي اطلبي و انا و الاخوات نشوفو اذا نقدرو نعاونوك في مجالات اخرى اذا ربي حب

فاصلة

2016-10-25, 22:04

اختي اسمحيلي مقريتش هذا الرد والله منتبهتلو اسمحيلي بزاف

1- تفوير الكسكس بدون مايتغطى ضرووووووري يبقى معري باش ما يتعجنش

2- 1 ك 5 مغارف اختي انا نص كيلو ندير 2

3- الطريقة الصحيحة لأكل البطاطا هي عدم القلي .... لتفادي القلي نقيها و قطعيها كيما حابة و بعد ما تبرد تمااااااااااااااما ؤأكد ترد قليها فالزيت او حمريها فالكوشة

اذا ولا بد البطاطا تتقلى ملازمش تفوت حرارة الزيت 180 درجة و الا حتاكلي سم و ليس بطاطا (تسبب السرطانات مع الوقت) معدل اكلها مرة في الشهر فقط

الزيت كي يسخن ارمي فيه البطاطا و نقسي للنار متوسطة باش مطيبش من الخارج و تبقى خضرة من الداخل

انا شخصيا ضد التملاح مقبل خاطش الملح يخرج الماء من البطاطا (او اي شيء الملح يخرج الماء ) و الزيت تتخلط بالماء و تجيك البطاطا محرحرا و كيشغل مغليا

ضيفي الملح مباشرة بعد ما تخرجيها من المقلات
أنا نملح البطاطا فقط الجزء لي نبغي نطيبو يعني ما نملحهاش قاع كل مقلى نملحها وحدها تجي بنينة وما تطلقش الماء والزيت ما يطايش

zokhrofa

2016-10-25, 22:06

أنا نملح البطاطا فقط الجزء لي نبغي نطيبو يعني ما نملحهاش قاع كل مقلى نملحها وحدها تجي بنينة وما تطلقش الماء والزيت ما يطايش

مليح لكن ارجو انك متقليش اكثر من مرة او مرتين في الشهر ؟

فاصلة

2016-10-25, 22:14

نقلي بزاف من زوج الى تلاث خطرات. عندي ولدي ما ياكلش كثير من الامأكولات معناها في الاسبوع نطيب الشكشوكة والحريرة واللوبيا ماشطو والشوربة. والكسكس فاني نطيبو بزاف راجلي يبغيه هو وولدي ومرات الكرانتيكة والبركوكس وأنا نبغي الدنجال بلصوص تاع الطماطم حب ومرات ندير الروز انا ما ناكلوش هاذا هو الموني تاع الاسبوع هههههه وهاذو الايام تاع البرد ضوك ندخل العدس واللوبيا هههه

zokhrofa

2016-10-25, 22:53

نقلي بزاف من زوج الى تلاث خطرات. عندي ولدي ما ياكلش كثير من الامأكولات معناها في الاسبوع نطيب الشكشوكة والحريرة واللوبيا ماشطو والشوربة. والكسكس فاني نطيبو بزاف راجلي يبغيه هو وولدي ومرات الكرانتيكة والبركوكس وأنا نبغي الدنجال بلصوص تاع الطماطم حب ومرات ندير الروز انا ما ناكلوش هاذا هو الموني تاع الاسبوع هههههه وهاذو الايام تاع البرد ضوك ندخل العدس واللوبيا هههه

ههههههه هايل طيابك

و الباذنجال متقليهاش نتمنى ههههه

zokhrofa

2016-10-27, 21:32

شكون عندها مشكل ؟؟؟؟؟؟؟؟؟؟؟؟؟؟

تاج الهناء

2016-11-02, 17:47

شكون عندها مشكل ؟؟؟؟؟؟؟؟؟؟؟؟؟؟

يا اختي كراكو وشراكي وش احوالك مع الدار و الخدمة انا الخدمة قتلتني كرهت روحي
وعندي سؤال على نوعية الفرماج الي نديروه في البيتزا ويكون بنين انا ديما نشري اجبان لا علاقة مع البنة

السوسن ا

2016-11-02, 20:18

حتى لا ننسى جزاكم الله خيرا على ماقدمتموه من عون ويد مساعدة

*أم سجى*

2016-11-03, 14:49

الاخت كراكو حابة نسخسيك قوليلي اللوبيا شحال نديرلها من سنة ثوم واذا البصل يغلب علا الثوم ولا العكس؟ وكي نحمس فتوابل نحمس في زيت برك ولا ندير فنجال ماء ومبعد نمرق يارب دايمن نسقسي الاخوات علا هذالشي وميفهمونيش مليح يعطوني اجابة وحد اخرى فهميني فهذالنقطة اخت كراكو بليييييز

الامل الجديد

2016-11-03, 20:19

هادو نصائح للطبخ
1: باش يجيك الطياب بنين اوتكون كنتيتي كبير او فيه براكة قبل ما تبداي قولي بسم الله
2:سر الطياب باش يجى بنين هى انك ترابى البصل و تقليه مليح مع اللحم و الطماطم عاد تزيدى الماء الساخن
3: باش البقول الجافة تطيب مليح و بسرعة لا تضبفى الملح و الطماطم الا فى الاخير و ضعى ملعقة فى الكوكوت
4:سر المقروط يجيك يذوب في الفم
امبعد ماتذوبي المارغرين زيدها 4مغارف زيت.رشه زعفران يجيك لونه اصفر شباب.امحريه مليح يدخل السمن في السميد وخليه يبات.وغدوی ثاني زيدي امحريه
5:باش اطيب الحمص او اللوبيا بسرعة في الماء، أضيفي القليل من الخميرة الكيميائية
6:طريقه طيبي العدس في20دقيقه ويجيك بنين يهبل وخاثر
دوزني كلشي كيما مالفه(ثوم.بصل.فلفل اسود.كمون.زيت .طماطم مصبره.حبات طماطم مرابيه.فلفل احمر.خليهم يتقلاو فوق النار 5دقايق .وحطي العدس امبعد مانقيتيه وشللتيه مليح.وامرقي بالماء السخون+مغرف ص خميره الحلوی .واقفلي عليه الكوكوط 20د يكون طاب زيديلو ورقات رند وكسبر اخضر.وجامبوا حسب الذوق
اذا عندك اللحم حطي طرف ثاني يجيك بنين
جربووووه هايل
7:باش البيض يطيب بلخف زيدي الملح ف الما
8: لو احتجت الى حمص مشمخ ومكاش عندك فرغي حمص. فى ترموسه مع ماء سخن زيزدديلو كربونات وبعد ساعه تلقايه واجد طريقة سريعة
9:كي طيبي الارز حركيه بالفرشيطة مش بالملعقة باه ميدقدقش الارز ويحافظ على قوام
10:قبل ماترش الطعام بالماء يرطب حطي أولا 2مغارف زيت حكي الطعام م يتخلط من بعد ديري الماء عادي وكي يفور كل حبة تجي وحدها
11: اذا طيبتي مرقة و جاتك خفيفة ديري مغرف فرينة و لا مايزينة في شوية ما و زيديهم فالطياب تعقدلك عن تجربة
12: تحبى يجيك القريوش خفيف وبنين زيدي للعجينه مغرف كبيرة نشاء واعجنيها بالحليب العادي
11: صابلي باش يبقى طري حليه فوق سيلوفان و ديما استعملي فلوريال و متحليهش بالفرينة
12:كي تتحرق الكيك من فوق نحي الطبقة المحروقة بسكين و رشي سكر قلاصي في بلاصتها و رجعيها للفور رح تتشكل طبقة اخرى لذيذة
13: قبل ماتقلي البطاطا ديري شوي خل في الزيت دوك ماتجيكش مزيتة
14: باش تجي طيابك بنين كل مرقة خصيلها لعقاقر تاوعها مثلا الجاج يحب الزنجبيل الجلبانة تحب القرفة البصل ولكركم وراس حانوت مخلط الوبيا موشطو تحب البصل والقرفة والزيت ولا سمن بزاف الزيتون يحب الرند اللحم والمرقة الحمرا تحب الكمون والثوم والحشايش لحريرة تحب لكرافس وكل وحدة ولمستها
15: كي تفرغو بطاطا و كورجات تاع دولما قبل ما ديرو الحشو اطليوها بالملح ما جيش صامطة
16: باش اجيك الرشتة العاصمية بنينة اسكرفجي حبة لفت مع البصل للتقلية
17 :باش يجيك اللحم المرحي نتاع المتوّم طري زيديلو مغرفة سميد
18: باش ماتروحلكش لافورم نتاع الحلويات خاصة نتاع اللوز خليهم يرتاحو ليلة في البلاطوات قبل الطهي
19: باش يجيك الكيك والمسكوتشو خفيف ديري الياوورت في بلاصة الحليب
20: باش تجي الطبخة بنينة لازم تطيب على نار هادئة و ما تقوعديش غير تزيدي فالماء لأن لبنة تاع الماكلة تروح كامل يعني لازم تجي الماكلة مجمرة
21 :حتى تتحصلو على عجين سهل العجن بلوه بالماء فقط وخلوه يرتاح ومن يعد اعجنوه مليييح رايحين تلاحظو انه العجين تعجن تم تم، من بعد زيدي الملح وعاودي اعجني
22: غلي البيض في الماء وشويا خل باه مايتكسرش قشر البيضة و يخرج البياض وهو يغلي
23: للحصول على عجين طايب واحمر اضيفو الحليب غبرة
24: باه تتحصلي على زيتون طري لاستعماله في طاجين الزيتون غلي الزيتون ربع ساعة ومن يعد صفيه و غليه للمرة الثانية مع قليل من الخميرة الكيميائية بشرط يكون لما سخون بزاف وخليه يغلي مدة 20د ومن بعد صفيه وحطيه في ما عادي ليلة كاملة مع اضافة مغرف كبيرة نشا لازالة الملوحة والمرورة منو وغدوا صفيه ويحمص في قليل من الزبدة ويرمى في المرق
25: الزيتون وباه تحافضي على اللون ترقديه من قبل في شوي ماء وفرينة ومن بعد تغليه مع شوي سكر
26 : كي تحطي اللوبيا تتشمخ حطي معاها حبة بطاطا مقشرة هكذا الوبيا ما تضركش و يحكموكش لا غازات و لا وجع و كولي لوبيا كيما تحبي خصوصا اللي عندهم القولون مساكن محرومين منها
27: باش يجيك الدجاج عندو بنة كيما الي عند الطباخين ديري توابل خاصة للدجاج تشريها من عند العشاب و ماتنسايش الثوم المرحي
28:إذا كان اللحم شارف و محبش اطيب، حطي قلب تمر في الطنجرة (وما تنسيش تنحيه كطيب الاكل
29: لإزالة رواءح الأكل من الفرن و خاصة راءحة السمك، بعد ان تخرجي الطعام من الفرن ضعي نصف ليمونة ستمتص كل الروائح )أكيد بعد إطفاء الفرن
30:اذا بغيتي الروز المفور وعندك غير العادي واش ديري؟؟؟؟؟؟
نقي الروز العادي ورشيه بالزيت وحدوا بلا ماء وفوريه فوره واحده وامبعد لوحيه بالماء سخون مع رشه ملح 10دقايق وقطريه وفوريه الفوره الاخيره ديرولوا الزبده
يجيك فوررررر كل حبه وحدها كيما المفور والبنه احسن منه
31 : حلي عجينة البيتزا دايما بالنشا بدل الفرينة تجي خفيفة
32: قبل ما طيب الزيتون أضيفي له الفرينة واتركيه ليلة كاملة ومن بعد شليه بالماء خدي منه المقدار الذي تحتاجينه والباقي خزنيه في البراد لاستعماله عند الضرورة هذه الطريقة تخليه يحافظ على لونه وتاكلوا بالصحة و الهناء.
33 : باه تكسري لحماضة نتاع صوص طماطم زيدي مغرفة سكر
34:باه تروح ريحة الحوت من الكوزينة ديري في كسرولة ماء وعود قرفة ونص ليمونة حطيهم على النار يغلو.

نجمة ليل

2016-11-03, 20:48

انا عندي اخطاء في تتبيل اي شيئ دائما كاين حاجة اكثر من حاجة
لذلك نطلب منكم نصيحة مفيدة لهذه المشكلة و شكرا

أم إساف

2016-11-03, 23:21

نعطيكم نصيحة ومجربة وناجحة سر نجاح المسكوتشو او جينواز او الكيكة لازم طيبيها على نار قليلة اقل من150 مثلا من 120 الى 180 ومن الاحسن ونتي ولكويزبنيار تاعك ولازم ماتفتحيش عليها خلاص حتى تشمي ريحة طيابهامن بعد طلي عليها المهم اكثر من 45 دقيقة باش طيبلك وكل فرن وكيفاه وفالاخير تلقاي نتيجة هايلة مسكوتشو خفيفو وهشة ومثقبة دخلاني اممممم روعة

فاصلة

2016-11-03, 23:47

اهلا فاصلة واش من نوع زبدة تعيشي تستعملي؟

سلام. نسيت ما رديتش على سؤالك نستعمل أي زيدة عادي صول ولا لابال ولا المدينة ولا المرجان ويلا استعملتي أحسنهم يكون أفضل

تاج الهناء

2016-11-04, 11:27

شكرا اختي امل على النصائح القيمة جزاكي الله كل خير

zokhrofa

2016-11-04, 22:03

يا اختي كراكو وشراكي وش احوالك مع الدار و الخدمة انا الخدمة قتلتني كرهت روحي
وعندي سؤال على نوعية الفرماج الي نديروه في البيتزا ويكون بنين انا ديما نشري اجبان لا علاقة مع البنة

اهلا أختي انا كنت في دارنا ضيفة دخلت ليوم لداري

هههه تعشيت بيض مقلي من التعب

الفرماج البنين و الصحي نوعا ما و بنتيييييييييييييين و يتعلّك مودزاريلا

zokhrofa

2016-11-04, 22:05

نعطيكم نصيحة ومجربة وناجحة سر نجاح المسكوتشو او جينواز او الكيكة لازم طيبيها على نار قليلة اقل من150 مثلا من 120 الى 180 ومن الاحسن ونتي ولكويزبنيار تاعك ولازم ماتفتحيش عليها خلاص حتى تشمي ريحة طيابهامن بعد طلي عليها المهم اكثر من 45 دقيقة باش طيبلك وكل فرن وكيفاه وفالاخير تلقاي نتيجة هايلة مسكوتشو خفيفو وهشة ومثقبة دخلاني اممممم روعة

انا نسخن الفرن بزاف كي ندخلها نقسلو كامل

مرات مسكوتشو يطيب في 1سا و 30د

zokhrofa

2016-11-04, 22:06

سلام. نسيت ما رديتش على سؤالك نستعمل أي زيدة عادي صول ولا لابال ولا المدينة ولا المرجان ويلا استعملتي أحسنهم يكون أفضل

شكرااااااااا

انا تعجبني ماني

جربيها و قوليلي

zokhrofa

2016-11-04, 22:07

اخواتي لي ماجاوبتهمش اليوم وليت من السفر نرد عليكم من بعد انشاء الله

zokhrofa

2016-11-05, 11:29

الاخت كراكو حابة نسخسيك قوليلي اللوبيا شحال نديرلها من سنة ثوم واذا البصل يغلب علا الثوم ولا العكس؟ وكي نحمس فتوابل نحمس في زيت برك ولا ندير فنجال ماء ومبعد نمرق يارب دايمن نسقسي الاخوات علا هذالشي وميفهمونيش مليح يعطوني اجابة وحد اخرى فهميني فهذالنقطة اخت كراكو بليييييز

اختي أمل اللوبيا فيها عدة أطباق

اذا لوبيا شوربة بالجزر تديريلها الثوم فقط و هذا راجع للكمية لي طيبيها أنا ندير أربعة سنات كبار في قدر متوسطة

اذا لوبيا بالبصل فبدون ثوم

بالنسبة للتتبيل اذا تحطي فلفل عكري لازم تحطي 4 مغارف كبار ماء و الا التتبيلة تولي مرّة هذه الطريقة معتمدة في كل الاطباق لي فيها فلفل عكري

بعد ما تتقلى 5د تمرقي

اذا تحطي التوابل ما عدى الفلفل الاحمر متحطيش ماء الاّ بعد ما تقلي 5د و كي تمرقي ضيفي فلفل عكري

zokhrofa

2016-11-05, 11:58

هادو نصائح للطبخ
1: باش يجيك الطياب بنين اوتكون كنتيتي كبير او فيه براكة قبل ما تبداي قولي بسم الله
2:سر الطياب باش يجى بنين هى انك ترابى البصل و تقليه مليح مع اللحم و الطماطم عاد تزيدى الماء الساخن
3: باش البقول الجافة تطيب مليح و بسرعة لا تضبفى الملح و الطماطم الا فى الاخير و ضعى ملعقة فى الكوكوت
4:سر المقروط يجيك يذوب في الفم
امبعد ماتذوبي المارغرين زيدها 4مغارف زيت.رشه زعفران يجيك لونه اصفر شباب.امحريه مليح يدخل السمن في السميد وخليه يبات.وغدوغŒ ثاني زيدي امحريه
5:باش اطيب الحمص او اللوبيا بسرعة في الماء، أضيفي القليل من الخميرة الكيميائية
6:طريقه طيبي العدس في20دقيقه ويجيك بنين يهبل وخاثر
دوزني كلشي كيما مالفه(ثوم.بصل.فلفل اسود.كمون.زيت .طماطم مصبره.حبات طماطم مرابيه.فلفل احمر.خليهم يتقلاو فوق النار 5دقايق .وحطي العدس امبعد مانقيتيه وشللتيه مليح.وامرقي بالماء السخون+مغرف ص خميره الحلوغŒ .واقفلي عليه الكوكوط 20د يكون طاب زيديلو ورقات رند وكسبر اخضر.وجامبوا حسب الذوق
اذا عندك اللحم حطي طرف ثاني يجيك بنين
جربووووه هايل
7:باش البيض يطيب بلخف زيدي الملح ف الما
8: لو احتجت الى حمص مشمخ ومكاش عندك فرغي حمص. فى ترموسه مع ماء سخن زيزدديلو كربونات وبعد ساعه تلقايه واجد طريقة سريعة
9:كي طيبي الارز حركيه بالفرشيطة مش بالملعقة باه ميدقدقش الارز ويحافظ على قوام
10:قبل ماترش الطعام بالماء يرطب حطي أولا 2مغارف زيت حكي الطعام م يتخلط من بعد ديري الماء عادي وكي يفور كل حبة تجي وحدها
11: اذا طيبتي مرقة و جاتك خفيفة ديري مغرف فرينة و لا مايزينة في شوية ما و زيديهم فالطياب تعقدلك عن تجربة
12: تحبى يجيك القريوش خفيف وبنين زيدي للعجينه مغرف كبيرة نشاء واعجنيها بالحليب العادي
11: صابلي باش يبقى طري حليه فوق سيلوفان و ديما استعملي فلوريال و متحليهش بالفرينة
12:كي تتحرق الكيك من فوق نحي الطبقة المحروقة بسكين و رشي سكر قلاصي في بلاصتها و رجعيها للفور رح تتشكل طبقة اخرى لذيذة
13: قبل ماتقلي البطاطا ديري شوي خل في الزيت دوك ماتجيكش مزيتة
14: باش تجي طيابك بنين كل مرقة خصيلها لعقاقر تاوعها مثلا الجاج يحب الزنجبيل الجلبانة تحب القرفة البصل ولكركم وراس حانوت مخلط الوبيا موشطو تحب البصل والقرفة والزيت ولا سمن بزاف الزيتون يحب الرند اللحم والمرقة الحمرا تحب الكمون والثوم والحشايش لحريرة تحب لكرافس وكل وحدة ولمستها
15: كي تفرغو بطاطا و كورجات تاع دولما قبل ما ديرو الحشو اطليوها بالملح ما جيش صامطة
16: باش اجيك الرشتة العاصمية بنينة اسكرفجي حبة لفت مع البصل للتقلية
17 :باش يجيك اللحم المرحي نتاع المتوّم طري زيديلو مغرفة سميد
18: باش ماتروحلكش لافورم نتاع الحلويات خاصة نتاع اللوز خليهم يرتاحو ليلة في البلاطوات قبل الطهي
19: باش يجيك الكيك والمسكوتشو خفيف ديري الياوورت في بلاصة الحليب

سلام أختي

راح نجاوبك على نصائحك اذا مسموح

1- صحيح

2- خطأ اللحم يمرّق بماء بارد عادي يعني ممنوع تمرقي باماء الساخن رايح يتكمشلك و يولي عاصي

3- خطأ البقول باش طيب بسرعة لازم تكون بايتة في ماء بارد 12سا على الأقل اذا مضفتيش الملح في الأول البقول طيب مسوسة تفيقيلها كي تولي تمضغي فيها

4- لا أعرف

5- خطأ اذا كانت مشمخة و مخبيا في المجمد حطيها تغلي وحدها بدون ملح من بعد اضيفيها الى الطبق و خليها تزيد تكمل طياب معاه

6- خطأ كل ما هو سريع ماشي بنين و خميرة الحلوى أرجو أنك مطيبيش بيها كيما راكي تنصحي خاطش فيها مكونات كيميائية لا أحد يعرف واش هي من الأحسن تمرقي بماء بارد و تخليه يطيب في خاطرو طياب الزربة عمرو مكان كيما طياب التكتكة

7- لا أعرف

8- نفس الشيء بدون بكربونات حطيه في كوكوت مينوت لمدة 45د بدون ملح يوجد خطيك يا أختي من المواد المضافة ربي يستر عايلتك راكي هالكتهم بالبكربونات و الخميرة الحلوة هههههههه

9- معلومة جيّدة سأجربها

10- صحيح

11- صح حليه بالمايزينة يجي مقرمش و ميجيش عجينة

12- معلومة جميلة شكرا

13- لا أعرف سأجربها

14- لحريرة تحب الكروية أيضا أختي

15- صحيح

16- صحيح

17- لا أعرف سأجربها

18- لا أعرف

19- صحيح

الباقي فيما بعد هههههه عيبت

السوسن ا

2016-11-06, 19:45

عندما قراة اخر الردود في الحقيقة حصل لي تناقض وتخلطةههههههه ارجو الجواب الشافي حول الملح بالنسبة للحمص والعدس واللوبيا يعني نملح في لول او في الاخير مع العلم انا نطيب غي الطنجرة وليس الكوكوة

zokhrofa

2016-11-06, 22:43

عندما قراة اخر الردود في الحقيقة حصل لي تناقض وتخلطةههههههه ارجو الجواب الشافي حول الملح بالنسبة للحمص والعدس واللوبيا يعني نملح في لول او في الاخير مع العلم انا نطيب غي الطنجرة وليس الكوكوة

انا شخصيا نملح في الاول سواء كوكوت أو طنجرة

طبعا الحمص و اللوبيا يكونو تنفخو فاليل بالماء

و العدس لا يحتاج للتنفاخ يضاف كما هو

zokhrofa

2016-11-08, 15:59

20: باش تجي الطبخة بنينة لازم تطيب على نار هادئة و ما تقوعديش غير تزيدي فالماء لأن لبنة تاع الماكلة تروح كامل يعني لازم تجي الماكلة مجمرة
21 :حتى تتحصلو على عجين سهل العجن بلوه بالماء فقط وخلوه يرتاح ومن يعد اعجنوه مليييح رايحين تلاحظو انه العجين تعجن تم تم، من بعد زيدي الملح وعاودي اعجني
22: غلي البيض في الماء وشويا خل باه مايتكسرش قشر البيضة و يخرج البياض وهو يغلي
23: للحصول على عجين طايب واحمر اضيفو الحليب غبرة
24: باه تتحصلي على زيتون طري لاستعماله في طاجين الزيتون غلي الزيتون ربع ساعة ومن يعد صفيه و غليه للمرة الثانية مع قليل من الخميرة الكيميائية بشرط يكون لما سخون بزاف وخليه يغلي مدة 20د ومن بعد صفيه وحطيه في ما عادي ليلة كاملة مع اضافة مغرف كبيرة نشا لازالة الملوحة والمرورة منو وغدوا صفيه ويحمص في قليل من الزبدة ويرمى في المرق
25: الزيتون وباه تحافضي على اللون ترقديه من قبل في شوي ماء وفرينة ومن بعد تغليه مع شوي سكر
26 : كي تحطي اللوبيا تتشمخ حطي معاها حبة بطاطا مقشرة هكذا الوبيا ما تضركش و يحكموكش لا غازات و لا وجع و كولي لوبيا كيما تحبي خصوصا اللي عندهم القولون مساكن محرومين منها
27: باش يجيك الدجاج عندو بنة كيما الي عند الطباخين ديري توابل خاصة للدجاج تشريها من عند العشاب و ماتنسايش الثوم المرحي
28:إذا كان اللحم شارف و محبش اطيب، حطي قلب تمر في الطنجرة (وما تنسيش تنحيه كطيب الاكل
29: لإزالة رواءح الأكل من الفرن و خاصة راءحة السمك، بعد ان تخرجي الطعام من الفرن ضعي نصف ليمونة ستمتص كل الروائح )أكيد بعد إطفاء الفرن
30:اذا بغيتي الروز المفور وعندك غير العادي واش ديري؟؟؟؟؟؟
نقي الروز العادي ورشيه بالزيت وحدوا بلا ماء وفوريه فوره واحده وامبعد لوحيه بالماء سخون مع رشه ملح 10دقايق وقطريه وفوريه الفوره الاخيره ديرولوا الزبده
يجيك فوررررر كل حبه وحدها كيما المفور والبنه احسن منه
31 : حلي عجينة البيتزا دايما بالنشا بدل الفرينة تجي خفيفة
32: قبل ما طيب الزيتون أضيفي له الفرينة واتركيه ليلة كاملة ومن بعد شليه بالماء خدي منه المقدار الذي تحتاجينه والباقي خزنيه في البراد لاستعماله عند الضرورة هذه الطريقة تخليه يحافظ على لونه وتاكلوا بالصحة و الهناء.
33 : باه تكسري لحماضة نتاع صوص طماطم زيدي مغرفة سكر
34:باه تروح ريحة الحوت من الكوزينة ديري في كسرولة ماء وعود قرفة ونص ليمونة حطيهم على النار يغلو.

20- صحيح جدا هذا الخطأ يقع فيه الكثير من النساء

21- صحيح مدة تركه هي 15د فقط

22- لا أعرف

23- لا أعرف سأجربها

24- أختي خطوات طويلة سر نزع الملوحة هي أنك تغليه مرتين في ماء مضاف اليه ملعقة صغيييرة سكر

25- نفس المعلومة

26- سأجربها مع انو انا نضيف الكمون مع البهارات ميوجعونيش الغازات

27 - لا أختي مكالاه تشريها سر البهارات هوما (كركم + كمون + فلفل أسود + رند + زعيترة + زعتر + أكليل الجبل + زنجبيل + ثوم مدروس )

28 - اللحم الشارف الحل هو أنك تقليه بدون ملح و تضيفي البصل يتقلى بعد ما هو يتحمر مليح ثم تضيفي البهارات تخليها نار هادية 5د بشويييية ماء ثم تمرقي حتى يتغطى اللحم و تغلقي الكوكوت تخليه على نار عالية مدة 30د ثم تنقصيلو كامل و تخليه 1 سا بدون ما تحلي عليه من بعد تحلي و تضيفي باقي مكونات الطبق

29- معلومة جيدة

30- شكرا على المعلومة

31- ممممم معلومة قيمة شهيتيني ليوم نديرها هههه انشاء الله

32- مكرر

33- الاحسن ديري قهوة طيب يروح كلش

واااااااااااااا أني كملتهم هههههه شكرا أختي على المشاركة

فاصلة

2016-11-11, 15:14

[QUOTE=zokhrofa;3996269569]سلام

2- خطأ اللحم يمرّق بماء بارد عادي يعني ممنوع تمرقي باماء الساخن رايح يتكمشلك و يولي عاصي

شوفي أختي أنا لي نعرفها هو أنا البارد نحطله البارد والساخن نحط له الساخن معناها كي نمرق ونقلي اللحم راهو يسخن معناتها لازملو الماء الساخن ويلا حطتيه بارد وما قليتيهش تحطي البارد

فاصلة

2016-11-11, 15:18

نتمنى تحطونا ملف على انواع المرق و التوابل تاعها ناحية الغرب.
والحريرة. الشوربة. مرقة تاع الطعام . الجلبان. واللوبيا ماشطو. البقوليات بنوعيها واللوبيا والعدس. الصوص وانواعها صوص الباذنجان. صوص الروز. صوص المعجنات . البتزا. والزيتون. ومرق الشوفلور. والكرنب والبسباس وكاش ما نسيت فكروني . اني جبتلكم خدمة هي ههه

zokhrofa

2016-11-12, 10:34

[quote=zokhrofa;3996269569]سلام

2- خطأ اللحم يمرّق بماء بارد عادي يعني ممنوع تمرقي باماء الساخن رايح يتكمشلك و يولي عاصي

شوفي أختي أنا لي نعرفها هو أنا البارد نحطله البارد والساخن نحط له الساخن معناها كي نمرق ونقلي اللحم راهو يسخن معناتها لازملو الماء الساخن ويلا حطتيه بارد وما قليتيهش تحطي البارد

سلام أهلا فاصلة

أعلم أختي لكن اللحم حالة خاصة يمرّق بالبارد و قليل لي يعرفو هذه المعلومة

zokhrofa

2016-11-12, 10:37

نتمنى تحطونا ملف على انواع المرق و التوابل تاعها ناحية الغرب.
والحريرة. الشوربة. مرقة تاع الطعام . الجلبان. واللوبيا ماشطو. البقوليات بنوعيها واللوبيا والعدس. الصوص وانواعها صوص الباذنجان. صوص الروز. صوص المعجنات . البتزا. والزيتون. ومرق الشوفلور. والكرنب والبسباس وكاش ما نسيت فكروني . اني جبتلكم خدمة هي ههه

فكرة أكثر من رائعة لكن كان تحلو وحدة يماها و جدتها غربيات عن أبو و جد الجد ههههه

خاطش راهم يجو من كل مكان و يقولو حنا ولاد لبلاد

اقول هذا والله لا أقصد العنصرية بل أقصد الناس التي تتخلى عن تاريخها لأجل غرض لا يعرف الى حد الأن هههه

اناقة انثى

2016-11-20, 16:21

بارك الله فيك

zokhrofa

2016-11-21, 09:20

شكرا اناقة .........

zokhrofa

2016-11-22, 08:40

السلام الى كل من قلت لها ان اللوبيا شوربة تجي غير بالثوم

انا لبارح جربتها بالبصل و الثوم و خرجت روعة

اعتذر و اصلا هذا اسمو ملف الاخطاء هههههههههههه

sali kanouza

2016-11-22, 13:12

جعله الله في ميزان حسناتك

zokhrofa

2016-11-22, 13:56

امين اختي شكرا لمرورك

zokhrofa

2016-11-22, 20:39

ممممممممم موضوع شباب بزاااااااف زخروفة ربي يبارك عليك ندريه الاخطاء الطبية هههه

غاد نقلك عندي اخطاااااااااااااء مش غير خطا واحد هههه

مرة جيت نطيب طاجين زيتون ايا وش درت الجاج والجزر والزيتون غي شويه وانا مليت كوكوت بالماء ووووووووووووو مابغاتش تنشف بقات تغلي وتغلي وساعه وساعه وساعه مابغاتش تنشف

لقيت زيتون مرار بزاف وووو مرقة ملاحت بزااف

رحت قليت بطاطا بلا ملح

ونحيت الماء الفايض و خلته بالبطاطا وكلاوه في لافان الحمد لله

بصح تعلمت ندير الما غير القيس مانكترش ومانطيبوش في كوكوت في كسرول خير

اهلا اثر شفتي كان مغلطتيش كنتي عمرك ما تتعلمي

لكن مرة اخرى كي تشوفي الماء منقصش زيدي للنار و عري الطنجرة او الكوكوت يروح الماء

زيتون اخضر مالح غليه فالماء و مغرف سكر باش يخرجلو كامل الملح و المرورية تاعو

و كيما قلتي طنجرة احسن

و المهم تكون طياب على نار هادية

hasna2016

2016-11-23, 19:56

شكرا جزيلا على المعلومات الرائعة

zokhrofa

2016-11-23, 20:16

عفوا شكرا لمرورك

سحابة باردة

2016-12-01, 15:51

وين كان مخبي عليا هاد الموضوع انا مولات الاخطاء ومولات التصحيح
احنا تعلمنا بالي المرق الابيض مانديروش فيه الثوم مرة قولت نجرب بالثوم جاني روعة وريحة والطعم خيال مان داك النهار اعتبرت بالي كنت مخطئة

قارب النجاة

2016-12-01, 16:05

ياجماعة انا لا علاقة لي بالمطبخ بصح كي ندخل المطبخ واحد ماياكل يقولو انو طبخي ماسط انا بصراحة نخاف من الملح يعني نخاف تجي الماكلة مالحة وش الحل في هذه الحالة ماهي الكمية المناسبة

zokhrofa

2016-12-01, 16:22

وين كان مخبي عليا هاد الموضوع انا مولات الاخطاء ومولات التصحيح
احنا تعلمنا بالي المرق الابيض مانديروش فيه الثوم مرة قولت نجرب بالثوم جاني روعة وريحة والطعم خيال مان داك النهار اعتبرت بالي كنت مخطئة

لا كاين اكل يجي بالثوم

واش من اكلة درتيها بالثوم سحابة ؟

zokhrofa

2016-12-01, 16:48

ياجماعة انا لا علاقة لي بالمطبخ بصح كي ندخل المطبخ واحد ماياكل يقولو انو طبخي ماسط انا بصراحة نخاف من الملح يعني نخاف تجي الماكلة مالحة وش الحل في هذه الحالة ماهي الكمية المناسبة

راني حكيت بالتفصيل على الملح اختي لازم تحكمي الملح بين صباعتيك الزوج و تحطي فوق كل مكون شوييية كيشغل كل واحد عطيتيه حقو

هذا مكان

سحابة باردة

2016-12-03, 20:32

زخرفة السفيرية شطيطحة بطاط مرق الدجاج ولاصوص الابيض انتاع التليتلي وغيرها درك كلشي انديرلو الثوم سلك مني غير طاجين الحلو والكسكس هههههههههه

zokhrofa

2016-12-03, 20:48

زخرفة السفيرية شطيطحة بطاط مرق الدجاج ولاصوص الابيض انتاع التليتلي وغيرها درك كلشي انديرلو الثوم سلك مني غير طاجين الحلو والكسكس هههههههههه

ههههه صح هاذو كامل يقدرو يجو بالثوم بصحتك ههههه

هيا كاش نهار نجربو كسكس بالثوم ههههه

samira155

2016-12-04, 15:48

شكرا جزيلا

zokhrofa

2016-12-04, 17:47

عفوا اختي شكرا لمرورك

kamilya155

2016-12-04, 22:02

بارك الله فيك

zokhrofa

2016-12-05, 07:15

عفوا اختي شكرا لمرورك

sali kanouza

2016-12-06, 20:52

ما شاء الله اختي زخرفة راكي شاطرة في جميع المجالات وتساعدي الجميع شكرا لكي وبارك الله فيك وفي بناتك

sali kanouza

2016-12-06, 20:53

لكي مني احلى تقييم على الموضوع

zokhrofa

2016-12-06, 21:42

شكرا سالي على مرورك اختي

هيا فيدينا بكاش حاجة انتي كنتي تغلطي فيها ؟

nariman155

2016-12-07, 19:49

بارك الله فيك

zokhrofa

2016-12-07, 19:55

شكرا اختي لمرورك

khozama

2016-12-15, 14:43

شكرا زخرفة موضوع رائع

الميلاد

2016-12-17, 00:09

مساء النووور عليكن

موضوع رائع

تحيتي

الميلاد

2016-12-17, 00:20

ممكن اعرف قاعدة للعجين اقصد الدلك

متى تدلك العجينة حتى تكون كي العلك

و متى تلم العجينة فقط و تدلك بأطراف الاصابع (يعني لا تدلك دلكا كالمعتاد )

اعرف ان السميد كخبز يدلك لكن الفرينة كخبز تدلك كالسميد ام لا ؟

و كذالك

هل لما يتم العجن في العجانة الكهربائية و "يقولو تترك للعجن لمدة 5 دقائق

هل هذا عجن مثل اليد ام انها تلم فقط يعني هل 5 دقائق في العجانة يعوضها 5 د عجن باليد ؟

- العجن او الدلك او عدم العجن ما الفرق بينهما و ماهو تأثير كل منهما على العجينة ؟

يعني اريد قاعدة متى يتم دلك العجينة و متى يتم لمها فقط و تخميرها

شكرا لكن

zokhrofa

2016-12-17, 08:50

شوفي اختي انا لي نعرفها هي انو السميد يحتاج دلك اكثر من الفرينة

لماذا ؟ لانو الفرينة تم تم يدخلها الماء اما الدقيق يبطى باش يولي عجينة متجانسة

اما على الدلك جميع المعجنات تدلك

و جميع الحلويات لا تدلك فقط تتجانس بالاصابع

اما على جهاز العجن فهذا يرجع لقوته في الدلك و سرعته لذلك يقولك 5د

اما باليد صعيبة شوية

مع انو هناك طريقة تسهل عليك الامر الا وهي :

1 معيار سميد + نصف معيار فرينة + خميرة خبز + سكر + ملح (طبعا حسب الكمية المراد التحصل عليها )

خلطيهم و هوما ناشفين من بعد اضيفي الماء الدافئ حتى تتلم

غطيها و خليها 15د

ولي ليها و ضيفيلها شوية شوية الماء الدافئ مع الدلك ردي بالك تضيفي كمية كبيرة ماء راح تخسرلك العجينة

راح تلاحظي انو لن تأخذ معك اكثر من 5د دلك

جربيها و قوليلي النتيجة

zokhrofa

2017-01-09, 09:54

يا بنااااااااااااااااات

وين الأخطاء ؟

nassirat.er

2017-01-24, 17:43

مرحبا شكرا على الموضوع المميز والمفيد في نفس الوقت
انا مشكلتي اني لما نطيب اي ماكلة ماتجيش بنينة ، ندير فيها التوابل والحشيش مقطفة وتكون الطبخة باللحم واظيف الجامبو احيانا لكن ومع كل هذه المنكهات ماتجيش بنينة ، نظن انو ما نتمتعش بالنفس الطيب في الاكل كيما يقواو المصريين ...كل مرة نطيب فيها نكتئب خاصة كي افراد عائلي ما يكملوش الماكلة مع العلم اني لست متزوجة ، وعلى العكس اختي طيابها بنين خرجت لأمي ، أمي ماشاء الله نفسها وطيابها لذيذ ، على جال هاد الشي مانيش نطيب الا نادرا ...هل من حل ؟ افيدوني بخبراتكم ارجوكم

zokhrofa

2017-02-25, 11:42

ههههههههههه صح أنا كان عندي و ربما مازال

أنا نفسي فقط في patisserie مليح

لكن في الأكل نحس أنو ماشي بنين

مع أنو كامل يحبو أكل تاعي و يقولولي بنين

علابالك أضن أنو مشكل تاعنا هو مشكل عدم الثقة في النفس بما فيه الكفاية

جري تكوني واثقة من نفسك

آه و تفكرت حاجة اذا انتي من محبي الملح راح تبقى تجيك الماكلة سامطة حتى تحبسي الملح على الأقل 15 يوم تاكلي بأقل نسبة مالح ماشي بدون ملح أقول ملح قليل جدا

كذلك السكر

راح يتعدّل عندك الذوق

Rawaan

2017-03-09, 22:56

عندي مشكلة
نقولها ادا كان الموضوع مزالو ناشط

zokhrofa

2017-03-10, 11:16

اهلييييييييييييييين نعم ناشط هههههههه مثل مولاتو قولي قولي

Rawaan

2017-03-10, 19:15

اهلييييييييييييييين نعم ناشط هههههههه مثل مولاتو قولي قولي

شكرا شكرااا هههههههه
انا البارح طيبت اكلة واسمها معقودة مكوناتها عبارة بطاطا فقط و المشكلة انو لما اعمل كريات عند وضعها في المقلات تبدا تتفتت مع العلم اني جربتها مرمدة فالخبز و مرة فالفرينة ومرة غير هاكا و لكن منجحتليش ايبا وليت ندلها المدكورين مؤخرا الداخل فالبطاطا ونخلطهم ومبعديها ندلها كريات بصح محبتش تنجح
ايا دركا وش ندلها باش تخرجلي حاكمة روحها فالزيت

zokhrofa

2017-03-10, 20:03

ههههه سبحان الله اختي البارح درتها انا و نجحتلي بطريقة جديدة تبعي مليييييح

في قدرة معمرة ماء اغسلي الباطاطا و خليها بقشورها و خليها تغلي

كي تغلي غير تخرجيها نقيها و هي هكذاك سخونة ردي بالك على يديك
غير تنقيها جيبي صحن كبييير و امرسيها بالفرشيطة و هي سخونة

من بعد خليها حتى تبرد تماااااما

جيبي لوينة ولا بسينة كيما تقولو

حطي الباطاطا زايد الملح زايد الفلف الاسود زايد الكركم زايد بصل مقطع رقيييييق زايد المعدنوس زايد حبة بيض زايد الفرينة و خلطي بيدك مليييييييح مليح

حطي المقلة فيها الزيت على النار و خليها تسخن كي تشوفي الزيت سخنت ملييييح نقسيلها تماما باش كي تحطي الحبة ماتحمارش تم تم بلا مايقيسها الطياب الداخل
و من بعد جيبي طاسة ماء و كل ما تجي ترفدي وحدة شمخي يدك و ديري الكرية و ابلاطيها بيديك و حطيها في المقلة اذا شفتيها نحلت معناها مازال ناقسها الفرينة زيديلها

و طبعا مع الوقت راح تتعودي على الكمية

انا مثلا درت خمس حبات بطاطا متوسطين كي زدت الفرينة درت خمسة مغارف كبار تاع فرينة و حبة وحدة بيض

نتمنى تعجبك الطرقة و تولي ليا فرحانة

Rawaan

2017-03-12, 17:55

ههههه سبحان الله اختي البارح درتها انا و نجحتلي بطريقة جديدة تبعي مليييييح

في قدرة معمرة ماء اغسلي الباطاطا و خليها بقشورها و خليها تغلي

كي تغلي غير تخرجيها نقيها و هي هكذاك سخونة ردي بالك على يديك
غير تنقيها جيبي صحن كبييير و امرسيها بالفرشيطة و هي سخونة

من بعد خليها حتى تبرد تماااااما

جيبي لوينة ولا بسينة كيما تقولو

حطي الباطاطا زايد الملح زايد الفلف الاسود زايد الكركم زايد بصل مقطع رقيييييق زايد المعدنوس زايد حبة بيض زايد الفرينة و خلطي بيدك مليييييييح مليح

حطي المقلة فيها الزيت على النار و خليها تسخن كي تشوفي الزيت سخنت ملييييح نقسيلها تماما باش كي تحطي الحبة ماتحمارش تم تم بلا مايقيسها الطياب الداخل
و من بعد جيبي طاسة ماء و كل ما تجي ترفدي وحدة شمخي يدك و ديري الكرية و ابلاطيها بيديك و حطيها في المقلة اذا شفتيها نحلت معناها مازال ناقسها الفرينة زيديلها

و طبعا مع الوقت راح تتعودي على الكمية

انا مثلا درت خمس حبات بطاطا متوسطين كي زدت الفرينة درت خمسة مغارف كبار تاع فرينة و حبة وحدة بيض

نتمنى تعجبك الطرقة و تولي ليا فرحانة

صحيتي على المعاونة برك قوليلي الزيت تاني ياتر ؟ فالمقلات ندير بزاف و لا غير شوية ؟
و سؤال اخر وليت نحب ندير في وسط البطاطا الفيونداشي و لحم بلاصوص و لي كي نبلعها مرات تنتحلي فالمقلا هنا لاصوص اثرت عليها ؟
وشكرااااااا مسبقاااااا و ادا عاودت جربتها رح نردلك

zokhrofa

2017-03-12, 19:35

اهلين الزيت ما تكثريش يعني ماشي حتى تغرق الحبة فقط باش تلحق لنصفها

طبعا لاصوص هي لي راهي تأثر لكن لوكات توجدي اللحم مرحي كيما تاع البوراك و تخليه يبرد من بعد تضيفيه مع الباطاطا ما ينحلكش

لكن لاصوص ينحل من الأفضل تقطعي الطماطم صغيييييييييييرة بزاف و ماشي كمية كبيرة و تضيفيها

سلوى سلوى

2017-03-16, 12:00

مشكورة اختي على الوصفة

zokhrofa

2017-03-16, 12:46

شكراااااااااااااااااااا

سارة بسمة نادية

2017-03-17, 14:12

السلآم عليكم
اختي زخرفة
حبيت نسقسيك
عندي مشكل كل ماندير مسكوتشو ولا كيك بريوش....ميطيبليش من الداخل معلاباليش ا لبروبلام وين راهو مع اني نتقيد بالمقادير المضبوطة لكن...
هي كي تشوفيها تبان طابت عادي ومم ندخل موس فيها يخرج ناشف...
قلت من لفور خرج ما بيه والو باسكو ماما دير مسكوتشو ولا أي حاجة طيب من الداخل
ومام مرة تاني درت قلب اللوز كي تخرجيه يبان طايب ويا محلاه ههه انت تجي تقسمي يخرج ماهوش طايب من الداخل مليح ولا يتفتتت؟؟ يعني بزاف صوالح...
آسفة عن الإطالة. ..

zokhrofa

2017-03-17, 14:24

اهلا سارة هههههه لا اطالة ولا شي مرحبا بيك ضحكتيني على يا محلاه

كان عندي نفس المشكل لكن راحلي

المشكل هو النار قوية

شوفي المرة الجاية شخني الفرن ديالك لمدة 30د بعدها حطي الطبق ديالك و نقسيلو كاااااااااامل كيما الموسكوتشو يطيب في 1 سا او اقل او اكثر

ولازم يكون بعيد على التحت يعني ماشي الفوق كاااااااامل و ماشي التحت كامل و ماشي في الوسط يعني فوق الوسط بدرجة

جربي وقوليلي

سارة بسمة نادية

2017-03-17, 14:58

اهلا سارة هههههه لا اطالة ولا شي مرحبا بيك ضحكتيني على يا محلاه

كان عندي نفس المشكل لكن راحلي

المشكل هو النار قوية

شوفي المرة الجاية شخني الفرن ديالك لمدة 30د بعدها حطي الطبق ديالك و نقسيلو كاااااااااامل كيما الموسكوتشو يطيب في 1 سا او اقل او اكثر

ولازم يكون بعيد على التحت يعني ماشي الفوق كاااااااامل و ماشي التحت كامل و ماشي في الوسط يعني فوق الوسط بدرجة

جربي وقوليلي

زخرفتي
بارك الله فيك
ان شاء ءالله نجرب ونردلك لخبر^^

zokhrofa

2017-03-17, 15:32

عفوا سارة انا في الانتظار ما طولييييييييييييش ههههه

سارة بسمة نادية

2017-03-18, 08:24

عفوا سارة انا في الانتظار ما طولييييييييييييش ههههه

السلام عليكم
لبارح سيت وحد لقاطو هههه تع طبقات كي شغل كروكي
درت كيما قلتيلي شعلتو من قبل وكي دخلتو درتو على نار قليلة
ابنعمي شعال يطول هههههههه
عياني
مي النتيجة حسنة وليست جيدة ههه صراحة معجبنيش
مي راني نتعلم
صحييتي زخرفة^^

سارة بسمة نادية

2017-03-18, 10:27

وتاني خرج لي يابس معلاباليش علاه! !
ومام مرة هههه درت مقروط جا يابس كي شغل حطبة وخلاص ههه تخبطي بيه عبد يدخل كومة نورمال ههه

zokhrofa

2017-03-18, 19:47

هههههه هههههه هههههه هههههه هههههه هههههه هههههه هههههه

سارة خاطيك الكوزينة امزح

شوفي كاين قاطوات مالازمش يطيبو في فرن الغاز و انما فرن الكهرباء

خاطش الغز يبخر المء بسرعة كبيرة

&ام ايوب&

2017-03-18, 20:10

شكرا شكرااا هههههههه
انا البارح طيبت اكلة واسمها معقودة مكوناتها عبارة بطاطا فقط و المشكلة انو لما اعمل كريات عند وضعها في المقلات تبدا تتفتت مع العلم اني جربتها مرمدة فالخبز و مرة فالفرينة ومرة غير هاكا و لكن منجحتليش ايبا وليت ندلها المدكورين مؤخرا الداخل فالبطاطا ونخلطهم ومبعديها ندلها كريات بصح محبتش تنجح
ايا دركا وش ندلها باش تخرجلي حاكمة روحها فالزيت

السلام عليكم
شوفي باه ماتنحلكش البطاطا فيالمقلاة
رمديها في الفرينة ثم في البيض ثم في الشابلير وهكا ما تنفتحش
موفقة

zokhrofa

2017-03-18, 20:13

شكرااااااا ام ايوب على مرورك الطيب

تاج الهناء

2017-03-18, 20:22

زوزو راني موراك و الله حابه نولي طباخه ماهره تعيشي بغيت وصفه السمك بالصلصه و الارز و تكون مجربه و مقادير مظبوطه

تاج الهناء

2017-03-18, 20:23

و تعيشي قوليلي كفاه نحافظو عللى الكرافس و المعدنوس في الثلاجه لمده اطول

zokhrofa

2017-03-18, 20:26

انا نخليهم في كيس ديالهم كي نشريهم يبقالي عشرون ويوم

zokhrofa

2017-03-22, 20:35

خواتاتي كاش اخطاء هههههه

سحابة باردة

2017-03-24, 20:15

:19::19::19::19::19::19::19::19::19:

zokhrofa

2017-03-24, 21:29

شكرا لمروركن

سامي العالم

2017-03-24, 22:39

اذا اردتم مشاهدة و تعلم اروع وصفات الطبخ و خصوصا الحلويات فعليكم طبعل بقناة مطبخ أم سامي على اليوتيوب و راح تدعولي بالخير باذن الله. و ام سامي تعرفوها كامل فنانة ليس لها مثيل و من لا تتابع قناتها الرائعة فقد فوتت عليها الكثبر لانها عاملة روائع و حتى الاعراس صارو ضروري يستعملو الحلويات اللي ابتكرتها هي و صارو يتنافسون على تطبيق وصفاتها المميزة. فلا تفوتوا الفرصة و تابعو قناة مطبخ أم سامي على اليوتيوب و اشتركوا فيها و تجدون وصفاتها المصورة على صفحتها الرسمية على الفيس بوك. الف شكر

zokhrofa

2017-03-26, 00:10

.......................

دمعة فرح*

2017-03-26, 12:49

سلام عليكم بنات انا مشكلتى في ماء في مرقة كيفها نعرف بلي ماء كيما راها

zokhrofa

2017-03-26, 12:53

لم أفهم سؤالك أختي

دمعة فرح*

2017-03-26, 13:08

قصدى في لوبيا وعدس شوربة عندى مشكل في ماء كى نجى باها ندير مرات يجى ماء ياسر مرات شوية كيفاها نعرف بلي ماء راهو معتدل في مرقة

دمعة فرح*

2017-03-26, 13:12

شوفي طريقتى في معقودة رايحة نجربها ليوم قوليلي مليحة ولالا وقوليلي مقادير نتاعى صحيحة ولالا
انا اليوم والله مرة رايحة نجربها
قلت ندير 2بطاطات كبار ههه قلت نتعلم نجربها بشوية خايفة متجيشش مليحة
اولا شى ندير بطاطا تطيب
كى تطيب نمرسها وهى سخونة من بعدها ندير معاها معدنوس وملح وفلفل اسود 1حبة ثوم وكمون

zokhrofa

2017-03-26, 13:25

اختي طريقتك لا أعرفها في المعقودة اذا حابة ديريها لأوّل مرة علاش تغامري ههههه

ديري الوصفة تاعي في عوض 5 حبات ديري 2 حبات بطاطا و الباقي كيف كيف

الفرينة 3 ملاعق كبار في عوض 5

دمعة فرح*

2017-03-26, 13:34

شوفي طريقتى في معقودة رايحة نجربها ليوم قوليلي مليحة ولالا وقوليلي مقادير نتاعى صحيحة ولالا
انا اليوم والله مرة رايحة نجربها
قلت ندير 2بطاطات كبار ههه قلت نتعلم نجربها بشوية خايفة متجيشش مليحة
اولا شى ندير بطاطا تطيب
كى تطيب نمرسها وهى سخونة من بعدها ندير معاها معدنوس وملح وفلفل اسود 1حبة ثوم وكمون

بعدها 3مغارف فرينة و3مغارف ماء
وخميرة قاطو وكركم وفلفل اسود وملح
ونخليه ترتاح حوالي 10 دفائق
وبعدها نبدا نطيب فيها قوليلي صحيحة او خاطئة واش هى حاجة زايدة واش هى حاجة ناقصة وشكرااا هههه لازام اليوم نجربها ونردلكم لخبر مباعد في ليل
ادا قدرت نصورها ونبعثهالكم

دمعة فرح*

2017-03-26, 13:36

اختي طريقتك لا أعرفها في المعقودة اذا حابة ديريها لأوّل مرة علاش تغامري ههههه

ديري الوصفة تاعي في عوض 5 حبات ديري 2 حبات بطاطا و الباقي كيف كيف

الفرينة 3 ملاعق كبار في عوض 5

شكراااااااااااا هل استطيع في ندير بيض مع ماء وفرينة وكركم وملح خميرة قاطو وفلفل اسود ونخلطهم مع بعض مليح
بعدها نخليهم يرتاحو مد 10 دقايق

zokhrofa

2017-03-26, 13:37

يا اختي ما نعرفهاش طريقتك يعني لا أستطيع أن احكم هكذا برك بلاك مليحة و تنجح و نولو احنا تان نديروها

لكن اذا حبيتي الصراحة ؟ انا شخصيا لا احب اضافة خميرة الحلوى

اصلا ماشي قاطو هذا باش ديريلها الخميرة

خلي الوصفة كيما راهي و نحي الخميرة فقط

طبعا هذا رأيي حبيتي ديريها هذاك رأيك

دمعة فرح*

2017-03-26, 13:54

ايه انا شوفتها من قبل عند ام وليد
ممكن نجرب وصفة نتاعك
اختى زخرفة ممكن تقوليلي مقادير وصفة نتاعك قصدى انا واش ندير مقادير
علما انا باها ندير 2بطاطات كبار

ام كادي

2017-03-26, 14:14

انا المعقودة تنحللي في المقىة ومراتةالجزء العلوي اليةيكون خارج الزية ينقفاصل عن الحبة

zokhrofa

2017-03-26, 14:59

في قدرة معمرة ماء اغسلي الباطاطا و خليها بقشورها و خليها تغلي

كي تغلي غير تخرجيها نقيها و هي هكذاك سخونة ردي بالك على يديك
غير تنقيها جيبي صحن كبييير و امرسيها بالفرشيطة و هي سخونة

من بعد خليها حتى تبرد تماااااما

جيبي لوينة ولا بسينة كيما تقولو

حطي الباطاطا زايد الملح زايد الفلف الاسود زايد الكركم زايد بصل مقطع رقيييييق زايد المعدنوس زايد حبة بيض زايد الفرينة و خلطي بيدك مليييييييح مليح

حطي المقلة فيها الزيت على النار و خليها تسخن كي تشوفي الزيت سخنت ملييييح نقسيلها تماما باش كي تحطي الحبة ماتحمارش تم تم بلا مايقيسها الطياب الداخل
و من بعد جيبي طاسة ماء و كل ما تجي ترفدي وحدة شمخي يدك و ديري الكرية و ابلاطيها بيديك و حطيها في المقلة اذا شفتيها نحلت معناها مازال ناقسها الفرينة زيديلها

و طبعا مع الوقت راح تتعودي على الكمية

2 حبات بطاطا متوسطين كي تزيدي الفرينة ديري 3مغارف كبار تاع فرينة و حبة وحدة بيض

نتمنى تعجبك الطرقة و تولي ليا فرحانة

دمعة فرح*

2017-03-26, 15:04

شكراااااااااااااااااااااااااااااا

دمعة فرح*

2017-03-26, 15:09

زخرفة حابة نسقسك ديري كل شى مع بعضهم وتخلي برك فرينة وحده ؟

zokhrofa

2017-03-26, 15:12

عفواااااااااااااااااا

يا ترى تجيبيلنا الصورة في المساء ههههههههه

دمعة فرح*

2017-03-26, 15:17

ان شاءالله يارب

zokhrofa

2017-03-26, 15:38

اوكي أنا في الانتضار

ام كادي

2017-03-26, 18:39

في قدرة معمرة ماء اغسلي الباطاطا و خليها بقشورها و خليها تغلي

كي تغلي غير تخرجيها نقيها و هي هكذاك سخونة ردي بالك على يديك
غير تنقيها جيبي صحن كبييير و امرسيها بالفرشيطة و هي سخونة

من بعد خليها حتى تبرد تماااااما

جيبي لوينة ولا بسينة كيما تقولو

حطي الباطاطا زايد الملح زايد الفلف الاسود زايد الكركم زايد بصل مقطع رقيييييق زايد المعدنوس زايد حبة بيض زايد الفرينة و خلطي بيدك مليييييييح مليح

حطي المقلة فيها الزيت على النار و خليها تسخن كي تشوفي الزيت سخنت ملييييح نقسيلها تماما باش كي تحطي الحبة ماتحمارش تم تم بلا مايقيسها الطياب الداخل
و من بعد جيبي طاسة ماء و كل ما تجي ترفدي وحدة شمخي يدك و ديري الكرية و ابلاطيها بيديك و حطيها في المقلة اذا شفتيها نحلت معناها مازال ناقسها الفرينة زيديلها

و طبعا مع الوقت راح تتعودي على الكمية

2 حبات بطاطا متوسطين كي تزيدي الفرينة ديري 3مغارف كبار تاع فرينة و حبة وحدة بيض

نتمنى تعجبك الطرقة و تولي ليا فرحانة

شكراااااااااا ان شاء الله نجربها قريبا و نحطلك الصور

zokhrofa

2017-03-26, 19:34

ان شاء الله أختي نوّرتينا

حاملة الشهادة

2017-07-22, 15:17

سلام

أنا شخصيا عندي مشكل مع الفلفل الحلو كي نحب نطيب بيه جواز يجيني مر واش هو الحل

zokhrofa

2017-07-23, 09:28

السلام اختي المشكل ماشي فيك المشكل في الفلفل اذا كان طبيعي ولا تاع الاكياس البلاستيكية هذاك يجي مر من عندهم ههههه

لكن اذا حابة يجيك بنين اشويه من بعد طيبي بيه

zeroplus

2017-07-30, 22:39

شكراا لك رائع

zeroplus

2017-07-30, 22:39

ملف جميل ...

zokhrofa

2017-07-30, 23:15

................................

nassirat.er

2017-12-10, 16:36

ههههههههههه صح أنا كان عندي و ربما مازال

أنا نفسي فقط في patisserie مليح

لكن في الأكل نحس أنو ماشي بنين

مع أنو كامل يحبو أكل تاعي و يقولولي بنين

علابالك أضن أنو مشكل تاعنا هو مشكل عدم الثقة في النفس بما فيه الكفاية

جري تكوني واثقة من نفسك

آه و تفكرت حاجة اذا انتي من محبي الملح راح تبقى تجيك الماكلة سامطة حتى تحبسي الملح على الأقل 15 يوم تاكلي بأقل نسبة مالح ماشي بدون ملح أقول ملح قليل جدا

كذلك السكر

راح يتعدّل عندك الذوق

شكرا حبيبتي على جوابك
هههه والله نفس حالتي الحلويات يجوني ملاح وهايلين أما الطياب للأسف حتى يغيضني اللحم والخضر ة كي تجي الماكلة ماشي بنينة
و صح انتي عندك حق انا ما عنديش ثقة في نفسي و عندي مشكل الملح داااااائما ماكلتي ناقصة ملح تالمو نخاف تجي مالحة وماتداواش
المهم الواحد ماييأسش ويجرب حتى ينجح

zokhrofa

2017-12-10, 17:23

صح ان شاء الله مع الوقت تكتسبي ثقة اكبر بروحك

mimi hano

2017-12-10, 18:26

يعطيك الصحة على طرح الموضوع أنا عندي مشكل فحشوة البقلاوة كي تطيب لبقلاوة تجي غير متماسكة.ممكن تعطيني فكرة ناجحة

zokhrofa

2017-12-10, 19:48

شكون لي تجي غير متماسكة اختي الحشو ام البقلاوة كامل

اما اذا كنتي تتكلمين عن حشو البقلاوة فهي تجي حقا ماشي متماسكة يعني في الاخير هي حشو ماشي عجينة اضن انو اللعب كامل على سماكة الحشو يعني اذا رحيتيه رقيق اكثر كل ما تماسك

و ديري ماء الزهر و اعجني

لكن صراحة انا نفضل انو ما تعجنيهاش البنة كامل في انو الواحد كي ياكل يحس بالمكسرات قد ما كانت غليضة قد ما حسينة بيها

*أم سجى*

2018-01-29, 13:31

زخرفة ويينك ارواحي حنونة شفتكم تهدرو على اللحم كفاش يمرقو قوليلي اذا بعد التحماس نمرق اللحم والدجاج بالماء السخون ولا بلبارد انا شخصيا نمرق بسخون بصح جابلي ربي شفتكم قلتو الما السخون راه يقرسل اللحم ومايطيبش ولا غلطت في الفهم؟؟

zokhrofa

2018-01-29, 17:02

نعم زينونة تمرقي بالماء البارد و كي تكوني تحمصي فيه ما ديريش الملح حتى بعد ما تمرقي ب 30 دقيقة باش ما يفقدش الماء ديالو

*أم سجى*

2018-01-31, 15:28

زخرفة نشكرك بزاااف على هذالموضوع ران كنت نراجع فيه صفحة صفحة واستفدت منو بزاف ياريت المشرفات يثبتوه لانه يغني عن قسم الطبخ ومافيه ههه....لكن مازلت نسمط عليك انشاله تحمليني وتساعفيني ضرك نحطلك بزاف تساؤلات....

*أم سجى*

2018-01-31, 15:32

حابة نسقسيك على الاعشاب العطرية مثلا (باقة معدنوس .باقة حشيشة .كرافس)كي تكون خضرا واش هي الطريقة المثالية لحفظها في الثلاجة باش متخسرش ؟والدجاج كفاش تنظفيه هل نستعمل الملح ولا الخل ولا القارص وكفاه نحتفظ بيه داخل الثلاجة؟وما هي الطريقة المثلى للاحتفاظ بطماطم العلب (المصبرة )؟...وزيدي في عيدالاضحى المبارك واش هي الاطباق لي تديريها قصدي لما يكون اللحم متوفر عندنا فواش نقدرو نستغلوه؟ .حنا غالبا نديرو طعام ...شربة تع شيشة المرمز.....طاجين زيتون...مثوم.....كشما تزيدي تضيفيلي اختي زخرفة؟....وتاني قوليلي واش هي الاطباق المناسبة للمناسبات والعرضات الخفاف تع 3اشخاص او4حنا غالبا نديرو شربة زائد طاجين زيتون زائد سلاطة ومشروبات او شربة ومثوم او غراتان او شطيحة جاج ولا لحم المهم الشربة حاااضرة دايمن كطبق رئيسي......كشما عندك اطباق زخرفة اختي اسمحيلي كثرت عليك الاسئلة ياريت تقتبسي مشاركتي وتجاوبيني داخلها هكذا باش ماتتعبيش وشكرا مسبقا

zokhrofa

2018-01-31, 16:09

أمل 95 : حابة نسقسيك الاعشاب العطرية مثلا (باقة معدنوس .باقة حشيشة .كرافس)كي تكون خضرا واش هي الطريقة المثالية لحفظها في الثلاجة باش متخسرش ؟

الاجابة من زخرفة :

كاين عدة طرق و انتي خيري لي تساعدك هههه

1- كاين تاع تغسليهم و تنشفيهم تماااااااااااااااااما من الماء و تقطعيهم صغار و ديريهم في علب مختلفة باش تفرقي بيناتهم من الاحسن تكتبي الاسم و تجمديهم (انا ما نحبهاش هذي الطريقة لكن تسلك كي تكوني حاصلة يعني تقدري ديري كمية صغيييييييييييرة و تخبيها لنهار تكوني حاصلة)

2- ما تغسليهمش و كيما راهم فالصاشي تخليهم و تقفلي الساشي و تحطيهم في الثلاجة ماشي المجمد، لكن الشرط الوحيد انو يكون ثلاجة الله الله تبرد مليح ماشي لي تحطي فيها الحليب يصبح رايب ههههههههه (انا هذي الطريقة تحكمهملي 20 يوم بالدات )

3- ما تغسليهمش و تحكمي كل ربطة ديري في قاع العلبة ورق مصاص و تحطي الربطة فوقو و تغلفي بفيلم غذائي و تغلقي العلبة بالغطاء تاعها (هذي الطريقة تشد اكثر من الثانية و مرات اقل على حسب التبريد )

والدجاج كفاش تنظفيه هل نستعمل الملح ولا الخل ولا القارص وكفاه نحتفظ بيه داخل الثلاجة؟

الاجابة :

شوفي الخل لازم لتطهيرها لكن ماشي خل المائدة لي نستعملوه للأكل لذلك في هذه الحالة ديري يا اما الملح يا اما الليمون يا اما خل الأبيض يجي مكتوب فيه خل ابيض

وما هي الطريقة المثلى للاحتفاظ بطماطم العلب (المصبرة )؟

الاجابة :

شوفي انا احسن طريقة اكتشفتها غير كيما و لقيتها هااااااااااايلة

كاين وحد العلب لتخزين الطعام بالزجاج و غلاقها بالبلاستيك و فيها شريط كاويتشو لمنع تسرب الهواء ديري داخلها الطماطم و هناك ربي ما تتأكسدش كامل

...وزيدي في عيدالاضحى المبارك واش هي الاطباق لي تديريها قصدي لما يكون اللحم متوفر عندنا فواش نقدرو نستغلوه؟ .حنا غالبا نديرو طعام ...شربة تع شيشة المرمز.....طاجين زيتون...مثوم.....كشما تزيدي تضيفيلي اختي زخرفة؟

الاجابة :

انا شخصيا في العيد الاضحى ندير اللحم مفور راني درت موضوع ديالو يعني نديرو هو و ندير طبق عادي بدون لحم باش نستبنو اللحم وحدو و من جهة نتخلص من الدهون الزائدة فيه

الرقبة تقدري ديريها كوشة محمرة في طبق زجاج بالغطاء ديالو فرشيلها البصل و البطاطا و الطماطم و ديري البهارات لي راني دايرتهم في اللحم المفوّر تجيك هايلة

الدوارة نديرها بالقرعة و مرات باللفت و مرات بالبصل و الطماطم

البوزلوف نديرو محمر في الكوشة او شطيطحة بالحمص

الكعالة تاع الغنمي نديرو بيها الطعام و انا درت بيها عدس و مرة درت بيها بويون جاو يهبلو مممممممممممم ما تفكرينيش ههههه

الفخض نديروه مشوي بروشات راني حاطة الموضوع ديالو

الكتف نديروه في الطعام و انا نديرو في الجوازات و الشربات

الكوتلات نديرهم مقليين او محمرين فالكوشة او مفورين تان باش نحيلهم الشحم

اللسان شطيطحة طبعا

....وتاني قوليلي واش هي الاطباق المناسبة للمناسبات والعرضات الخفاف تع 3اشخاص او4حنا غالبا نديرو شربة زائد طاجين زيتون زائد سلاطة ومشروبات او شربة ومثوم او غراتان او شطيحة جاج ولا لحم المهم الشربة حاااضرة دايمن كطبق رئيسي......كشما عندك اطباق زخرفة اختي اسمحيلي كثرت عليك الاسئلة ياريت تقتبسي مشاركتي وتجاوبيني داخلها هكذا باش ماتتعبيش وشكرا مسبقا

الاجابة :

كاش ما خليتو اعرضوني ههههههههههههه (امزح )

شوفي انا وحد المرة فطرت في مطعم تركي كي كنا نستناو حطولنا بيون تاع خضر مابيد يجيبولنا واش طلبنا

انا حسيت فيه الجزر و البطاطا و الدجاج و الحمص بكمية معتبرة خاطش كنت نسبن فيها اكثر من المكونات الاخرى و صدر الدجاج بنتو باينة و الكمون و القرفة و فلفل الاسود و قصبر و بصل طبعا ديري كلش يطيب و ارحيه في الاخير المهم يكون خاثر ماشي شورورو

هاذي تقدري تضيفيها في بلاصت الشربة للتغيير

بوراك او باركات او كيني بيتزا

سلطة الخضر المفورة او الورق او جزر مسكرفج و بيطراف مسكرفج ، سلطة الفلفل الحلو مشوي، سلطة باتنجال مشوي، الحميص

الاطباق : الكباب، طاجين الزيتون بالفطر، شطيطحة جاج او شطيطحة لحم، دولمة الحوت، او حوت فالفرن، سردين دولمة ولا شطيطحة

التحلية : انا نفضل كي يدخلو الضياف نحطلهم الماء فقط و الفواكه مشكلة مقطعة على شكل سلطة خاطش صحيا يقولك من الاحسن الفواكه تكون قبل الاكل ب 15 او 30 دقيقة و ليس بعد الاكل خاطش يثقال الانسان
لذلك كي يدخلو حطيلهم هكذا باش من بعد ياكلو و هوما خفاف

بعد الاكل ب 30 د حطي شاي فقط و مكسرات بدون حلويات

خاطش الانسان يترك انطباع كي يروح لدارو اذا راح خفيف من عندك ولا ضراتو كرشو ههههههههههه يقولك حطتلي حاجة خاسرة و لكن هي في الحقيقة هو خلطها ولا نتوما حطيتولو كلش و هو كلا كلش هههههههههه

نتمنى نكون جاوبتك و انا تحت تصرفك في كل وقت اهلا و سهلا

*أم سجى*

2018-02-01, 09:48

باااااااارك الله فيك اختي كفيتي ووفيتي جعلها الله في ميزان حسناتك.. ...حبيت نسقسيك تاني..عندي خبز يابس مرحي احتفظت به في ساشي شفاف واغلقتو وحطيتو فلبيت هل هذه الطريقة جيدة للحفظ؟ والعلب لي قلتيلي عليهم تع حفظ الطعام معنديش فكرة عليهم ممكن توضحيلي بصورة بلاك ران شايفتهم وجايزة عليهم ههه؟يتباعو عند مول الاواني شحال سعرهم؟والبويون لي قلتيلي عليه تع االمطعم التركي يشبه لي لنديروه حنا للمريض تع العملية وللنافس ايه بالنسبة للدجاج والحمص تاني نرحوهم فهذا البويون حنا منديروش الحمص نرحو الخضر ونخلو قطع اللحم ولا الجاج هكداك منرحوهاش ..شكيت البيون لي راكي تحكي عليه راحيين كلش ايه فكرة مليحة؟

*أم سجى*

2018-02-01, 09:51

اختي قطع الدجاج نحطوهم في صحن ونحطوه في المجمد ؟ والسردين ولا الحوت كفاه نحتفظو بيه قاتلي وحدة بلي المجمد ينحيلو كامل البروتينات لي فيه لازم منديروش فلمجد بصح شكيت يخسر؟همال كفاه الحل اخت زخرفة؟....وفتمريق لاحظي معاي اختي وصحيلي الخطأ..نضع زيت ودجاج يتقلى شويا ومبعد بصل مرابي يتقلى معاهم ومبعد قيس كاس ولا زوج ماء بارد قيس ميغطي اللحم ولا الجاج مع التوابل والملح ومبعد نرمي الخضر او الحبوب ونمرق بلتر ولا تحت يدين الكوكوت ماء سخون ونخلي تكمل طيابها؟ وطماطم الحب وقتاش نديرها؟ساعديني اختي تعيشي ران مخلطة في مجال الطهي كل واحدة كفاش تقولك ديري انا قررت نتبع المنهج تاعك وفرات ران حاطة فيك ثقة كبيرة اختي زخرفة

crakabyle

2018-02-01, 13:30

شكرا جزيلا على الموضوع
بالتوفيق

zokhrofa

2018-02-15, 13:31

.حبيت نسقسيك تاني..عندي خبز يابس مرحي احتفظت به في ساشي شفاف واغلقتو وحطيتو فلبيت هل هذه الطريقة جيدة للحفظ؟

الجواب :

من الاحسن علبة زجاجية او بلاستيك مغلوقة بواقي ديالها

والعلب لي قلتيلي عليهم تع حفظ الطعام معنديش فكرة عليهم ممكن توضحيلي بصورة بلاك ران شايفتهم وجايزة عليهم ههه؟يتباعو عند مول الاواني شحال سعرهم؟

الجواب :
شريتهم سعر ناقص 1000دج من الكبيرة الى الصغيرة كامل كاش مرة نحط صورتهم ان شاء الله

والبويون لي قلتيلي عليه تع االمطعم التركي يشبه لي لنديروه حنا للمريض تع العملية وللنافس ايه بالنسبة للدجاج والحمص تاني نرحوهم فهذا البويون حنا منديروش الحمص نرحو الخضر ونخلو قطع اللحم ولا الجاج هكداك منرحوهاش ..شكيت البيون لي راكي تحكي عليه راحيين كلش ايه فكرة مليحة؟

الجواب : نعم نفسو هذاك

*أم سجى*

2018-02-19, 18:01

شكرا اختي زخرفة ربي يحفظظظظظكك

zokhrofa

2018-02-19, 18:56

اختي قطع الدجاج نحطوهم في صحن ونحطوه في المجمد ؟

الجواب : كيفاش قصدك ما تغطيش الصحن ؟ قصدك قطع الدجاج طايب ولا ماشي طايب وضحيلي اختي نجاوبك باذن الله تعالى

والسردين ولا الحوت كفاه نحتفظو بيه قاتلي وحدة بلي المجمد ينحيلو كامل البروتينات لي فيه لازم منديروش فلمجد بصح شكيت يخسر؟

الجواب :

السردين رديييييييييييييييييييييييييييييييييييييييييي بالك تحتفظي بيه لا في الثلاجة ولا في المجمد اذا كان ماشي طايب الدم تاعو يدير تسمم غذائي
راني حاطة موضوع على السردين ما نعرف اذا شفتيه يا ريت تقرايه يفيدك كثيرا

الحوت لا ما يفقدش القيمة الغذائية تاعو كيما اللحوم الحمراء لكن لازم تحتافظي بيه و هو منقي في اكياس مليحة برك و منحية كامل الهواء

التصحيح : فالتمريق لاحظي معاي اختي وصحيلي الخطأ..نضع زيت + ملعقة صغيرة سمن + دجاج يتقلى شويا ومبعد بصل مرابي يتقلى معاهم ومبعد نرمي الخضر او الحبوب ومبعد نضيفو التوابل بدون ملح ونمرق بكاس فقط ماء بارد و نخليها 5د من بعد نمرق حتى يتغطاو كامل المكوّنات بماء بارد ونخلي تكمل طيابها

طماطم الحب وقتاش نديرها؟

الجواب على حسب واش من وصفة ... انتي واش من وصفة راح تستعملي فيها طماطم حب ؟

ساعديني اختي تعيشي ران مخلطة في مجال الطهي كل واحدة كفاش تقولك ديري انا قررت نتبع المنهج تاعك وفرات ران حاطة فيك ثقة كبيرة اختي زخرفة

الجواب : شكرا على الثقة هههههههههههههه ان شاء الله تنجحي و تدعيلي

*أم سجى*

2018-02-22, 15:36

شكرا اختي زخرفة....الدجاج كي يكون خضر مش طايب ....مشفتش موضوعك تع السردين ضرك نشوفو شكرا لكي

zokhrofa

2018-02-22, 15:55

شوفي الدجاج كي ما يكونش طايب اقسمي الجاجة على حساب انتي كيفاش طيبي و كل قطع ديريهم في ساشيهم

مثلا انا نهار ندير الافخاض نحب نطيبهم غير هوما نحطهم وحدهم و الصدر وحدو و العنقوق و الظهر وحدهم و الاجنحة وحدهم

هكذا يولو 4 اكياس

*أم سجى*

2018-02-24, 00:41

شكرا اختي زخرفة ....عندي ايضا مشكل مع المحاجب يجوني خشان العجينة تاع المسمن تخرجلي هايلة اليوم درتو بصح الحشو تع المحجوبة منعرفلوش السر باش متجنيش المحجوبة خشينة ولا عادي كي تكون خشينة وطايبة مليح ملداخل؟

zokhrofa

2018-02-24, 15:02

سلام

شوفي هذا انا تان عندي مشكل معاه ههههههههههه هيا نروحو للكوزينة و نسقسو على هذا الامر فيها بزاف لي قدامات في الطبخ

*أم سجى*

2018-02-24, 15:40

اوكي اوكي زخرفة هاني رايحة نسقسي وقيل أم فاطمة راها حاطة موضوع عليهم

zokhrofa

2018-02-24, 15:44

حسنا

انا في الحقيقة نضن المشكل يكمن في أننا فنيانات ما نعجنوش حتى تولي العجينة ايلاستيكية و بيضة و كي تجبديها ما تتقطعش تم تم

نضن تم تم نعياو و نحبسو العجين

في حين انو العجينة تكون ما شربتش بزاف الماء للتحصل على هذيك النتيجة

zokhrofa

2018-03-02, 18:45

شكرا لمروركم العطر

*أم سجى*

2018-04-03, 11:51

سلام اختي زخرفة درت المرة هذي طاجين زيتون كي جاو عماتي فلعطلة بصح خرجلي مشي خاثر مفهمتش المشكل وين .قد ماحاولت نعقدو محبش قعد جاري
هو بنين بصح مشي عاقد مفهمتش الخطأ؟
زخرفة انا هذالطبق منديرلوش الثوم ندير بصل فقط وانتوم؟والتوابل واش تديرولو؟

zokhrofa

2018-04-03, 21:23

تقدري ديري الثوم

و باش يجيك عاقد المرجة الجاية كي تغلطي في التمراق خرجي قيس كاس تاع المرقة منو و ديري فيها ملعقة قهوة فرينة لكن المرقة لازم تبرد تماااااااما والا الفرينة تولي عجينة و ما تتحركش

*أم سجى*

2018-04-03, 22:54

شكرا لك اختي

zokhrofa

2018-04-04, 10:58

عفوا اهلا بيك

knovel

2018-05-12, 19:47

شكرا لك كثيرا

zokhrofa

2018-05-13, 01:39

عفوا اهلا بيك

عدالة الله

2018-06-17, 19:38

السلام يا العدرات

اليوم جاتني فكرة هذا الموضوع الي يمسهم بزاف ناس

خاطش معظمنا تعلمنا الطبخ في دارنا و أحيانا بل في معظم الوقت حنا ناكلو باش نشبعو مناكلوش باش نساتبو.... صح و لا لالا ؟

مثلا الغالبية كي تحطيلهم طرف لحم كبير يموت بالفرحة، صح اللحم طايب مشي خضر لكن يقدر يكون طايب خير كيما نقولو حنا طايب زبدة

هذا هو هدف الموضوع

نحطو تصحيح لأخطاء مطبخية

سواء في الطبخ المالح أو الحلو

يمكن تكوني أنتي كنتي تغلطي مثلا و صححتي فحطيلنا تجربتك يستفادو منها أمة محمد

و هذا الموضوع عبارة عن ملف باش منكثروش المواضيع

نحطو فيه جميع الأخطاء بالتصحيح تاعها

أو أي وحدة فيكم تحس بلي هي راهي تغلط في كاش طياب ولا طريقة تطلب المساعدة في هذا الملف و الكل يستفيد من سؤالها

يادرا عجبتكم الفكرة ؟

و يا ترى من تفتح المشاركة بتصحيح ؟
أو تحط خطأها و تستنى الرد عليه انشاء الله

السلام عليكم اختي انا حبيت نفيدكم

عدالة الله

2018-06-17, 19:47

السلام يا العدرات

اليوم جاتني فكرة هذا الموضوع الي يمسهم بزاف ناس

خاطش معظمنا تعلمنا الطبخ في دارنا و أحيانا بل في معظم الوقت حنا ناكلو باش نشبعو مناكلوش باش نساتبو.... صح و لا لالا ؟

مثلا الغالبية كي تحطيلهم طرف لحم كبير يموت بالفرحة، صح اللحم طايب مشي خضر لكن يقدر يكون طايب خير كيما نقولو حنا طايب زبدة

هذا هو هدف الموضوع

نحطو تصحيح لأخطاء مطبخية

سواء في الطبخ المالح أو الحلو

يمكن تكوني أنتي كنتي تغلطي مثلا و صححتي فحطيلنا تجربتك يستفادو منها أمة محمد

و هذا الموضوع عبارة عن ملف باش منكثروش المواضيع

نحطو فيه جميع الأخطاء بالتصحيح تاعها

أو أي وحدة فيكم تحس بلي هي راهي تغلط في كاش طياب ولا طريقة تطلب المساعدة في هذا الملف و الكل يستفيد من سؤالها

يادرا عجبتكم الفكرة ؟

و يا ترى من تفتح المشاركة بتصحيح ؟
أو تحط خطأها و تستنى الرد عليه انشاء الله

السلام عليكم اختي انا حبيت نفيدكمبحاجة فيما يخص الشكولاتة بنوعيها بش ماتجمدش ليكم
ااول حاجة لازم تذوب على حمام مائي ولازم الايناء لي حطيتي فيه الشكولاتة مايلامسش الماء تاع الحمام المائي
ثاني حاجة ماتحركيهاش في الاول حتى تذوب
في الاخير كي تحركاها تبدا تجمد في هذا الوقت زيديلها الزيت بالشوية وحركي حتى تولي طرية و يمكن تلوينها اذا كانت بيضاء وكل ماتتكتل زيدي الزيت
ارجو ان اكون قد افدتكم لا تنسوني بصالح الدعاء مع العلم راهي اول مشاركة ليا ماعرفتش حتى وين نكتب ونرد
:dj_17:

**ملاك**

2018-07-10, 15:10

شكرااااااا على الموضوع

zokhrofa

2018-07-10, 20:06

شكرا اختي عدالة الله معلومة في غاية القيمة

سارة حمداوي

2018-07-15, 22:12

أشكركي الشكر الجزيل على الجهد المبذول جعله الله في ميزان حسناتك

zokhrofa

2018-07-17, 11:16

يسلمك شكرا على مروركم العطر

lila2007

2018-12-02, 11:54

سر المرق الخاثر

اولا اذا كان الوصفة فيها بصل لازم تسكرفجي البصلة متقطعيهاش بالموس قطع صغيرة

https://img15.hostingpics.net/pics/980033skerfaj.png

و السر الثاني هو الوقت المخصص للطياب

لازم يطيب الطبق على نار هادئة و حتى تخثر باش طفي

كاين بزاف مثلا لي طفي على اللحم قبل 60 دقيقة هو يحب 15د نار عليا و 45 د نار هادئة

يعطيك الصحة على المجهوووووووود الله يبارك

facebetter

2018-12-12, 11:56

شكرا على موضوع

zokhrofa

2018-12-19, 17:23

اهلا بالجميع شكرا على المرور الطيب

zahra1999

2018-12-20, 14:44

شكرا على الموضوع