لماذا ام الزوج لا تحب ان يزور ابنها نسابه

[كاميلا]

السلام عليكم

لماذا ام الزوج لا تحب زيارت ابنها لاهل زوجته وفي بعض الاحيان يجن جنونها ان سمعت انه ذهب اليهم ومنهن تقيم الحروب لهذا السبب حتى ان البعض منهن تقول لكنتها اذهبي انت عند اهلك ...... بالعامية عرضوك ماليك روحي انت وعلاش تدي ولدي ؟
بما ان الحماة تعتبر الكنة منافسة لها فهل من المنطقي ان تكره ايضا اهلها ؟
او لانها تعلم جيدا ان ما تمارسه مع ابنتها المتزوجة من فتن ومشاكل وتحريض ممكن اهل كنتها يمارسوه ايضا ؟
او لاعتقادها ان ابنها غير ملزوم شرعا بزيارة اهل زوجته وبالطبع الزوجة ملزومة ؟؟؟؟؟؟

[فاطمة شلف]

السلام عليكم ورحمة الله وبركاته
والله يااختي الكريمة اسمه التخلف
لان ابنها عندما يتزوج تحسب زوجته ملكته وليس الا نسيت بانها ام لا يمكن
الاستغناء عنها لهذا تمارس السلطة ع
والله يااختي بعض الناس توجدهم هم يبادروا بخروج الزوجة وتنصح ابنها
ومن عندها وتعطي الى كنتها تحطهم على الدبرة تبرة
والبعض الاخر لاحولاولا قوة الا باالله اللهم يهديهم

[كاميلا]

السلام عليكم ورحمة الله وبركاته
والله يااختي الكريمة اسمه التخلف
لان ابنها عندما يتزوج تحسب زوجته ملكته وليس الا نسيت بانها ام لا يمكن
الاستغناء عنها لهذا تمارس السلطة ع
والله يااختي بعض الناس توجدهم هم يبادروا بخروج الزوجة وتنصح ابنها
ومن عندها وتعطي الى كنتها تحطهم على الدبرة تبرة
والبعض الاخر لاحولاولا قوة الا باالله اللهم يهديهم


انا زوجي يحب الذهاب لاهلي لا لشيء الا لانهم جامي قاسوه بالعكس يغلطوني انا وخصوصا امي واخي يسكن قريب ليا ساعات والله هو اللي يقولي نروحوا عند خوك وانا نكون مش في مزاج للخروج وحد المرة عرضنا اخي وقبل منروحه كنا عند والدة زوجي كي قلنالها وجها صفار وكي خرج راجلي يشوف صديق له جارهم حكمتني تقولي روحي انت لخوك عرضك انت يعني ولدي ميروحش ؟
وفي نفاسي عمرت راس امي ضد زوجي تخيلي تقولها ابني بخيل وقنطيط وفيه التفنيين الخ الخ الخ باش تغيرلها النظرة وبالفعل لعبت في راس امي حتى وضحتلها الامور كي مقدرتش تجبده باش ميزورش اهلي عادت تفتن بينه وبين امي يعني امي نية بزاف امنتها وحطتها تقول في الحق يرحم باباك كاش ام تذم ولدها وامام شكون امام ام كنتها ؟ مستحيل حتى وضحت الامور لامي وقتلها باللي حمتي قامت بعملية 20 مليون نصف ثمنها زوجي مدهولها ويروح ليها يتغدا وقت الاكل وفي يديه القضية يعني كون جا بخيل يدير هاد الامور
تعرفي معندي منقول غير لله في خلقه شؤون

[ع.عيسى]

حالات شاذة لا تستوجب التعميم...... والله اعلم

[*أم سجى*]

ياختي الكريمة هذ القضايا مفروغ منها ومابقالناش نظلو نهدرو فيها هذي أمور بديهية وكأنك قلتي لماذا نأكل عندما نجوع ولماذا نشرب الماء لما نعطش هكذا تلك الأمور فالكنة بطبعها تحب تعيش حياتها بحرية تامة وتحب راجلها يعيش ليها وحدها وماذا بيها ماتلقى لاعجوز لاشيخ يكونو متوفيين أو مغتربين المهم همها الوحيد تعيش مع زوجها وتدلل عليه وتحكم فيه وتحوس معاه تلبس واش تحب تاكل واش تحب وتظل مع التحواس والدلال ومذابيها متخدمش كامل كل حاجة تجيها طايبة هذي هي حالة المراة في غالب الاحيان أما بالنسبة للحماة العجوز ثان مذابيها وليدها ميتزوجش أصلا ويبقى لاسق فيها ويخدم ويصرف عليها وحياتو متعلقة بيها ويلا زوجاتو تزوجو جهد وبإصرار منو ومذابيها ميتفاهمش مع مرتو ويدوسو ويجي يشتكيلها وكاين لي تكون شرسة قادر مذبيها يضربها قدامها ويديها لدارهم ويطول باش يجيبها ويكره نسابو وميروحش لعندهم.....يعني هذالامور كاينة منها منصدق حتا واحد يدعي المثالية ....سلام

[أماني بلعلى]

السلام عليكم
تسحريه حنونة هذي هي الفكرة فقط

[ع.عيسى]

عندما تكبرين ويكبر ابنك ان شاء الله ويعطيكم ربي الصحة والعافية ومن بعدها تزوجي ابنك ان شاء الله ، وتسكني مع ابنك و كنتك ، ..في ذلك الوقت ستجدين كامل اجوبتك لأسئلتك حول ام الزوج

[soumia124]

واش رايكم في الزوج اللي ما يحبش يروح لاهل الزوجة بدون اي سبب وجيه و بعد الزواج مباشرة ارجوكم اريد تفسير

[الجليس الصلح]

عقدة لدى المرأة تريد أن تمتلك ذلك الرجل وهو الابن وتسير حياته وتوجه علاقاته مع من يخدمها ولا يؤرق حياتها المهددة من زوجة تنافسها مع الاسف في تحطيم قلب رجل مقبل على الحياة فما بالك بأم الزوجة التي تراها خطيرة على تصرف ابنها الضعيف أمام جبروتها لا ترتاح حتى لو علمت أن المرأة مسالمة ورحيمة بزوج ابنتها

[Karounehiba]

وعليكم السلام ورحمة الله وبركاته
بارك الله فيكِ على نقل هذه الدرر
وجزاكِ الله خيراً

[nidabaize]

لازم تنعلو ابليس هو لى دايرلكم هادى الخرافات ام الزوج لا تتدخل فى ابنها الا ادا رات شيئ غير عادى فى الكنه او عايلتها شوفي اكرام تقولي نحب نحوس و ندلل و...و...و... ادا حوستي مين كنتى فى دار باباك و كليتي و دللك ابوك حوس بيك و فحشك لا تحتاجين الراجل يكركرك فى كل بلاصه يروحلها يقول المثل شفنا و عفنا لكن بعض الناس تكون مكرازيه فى دار باباها ومين تتزوج تبغى الحريه باب من ابواب الشيطان و خاصه ان زوج اداها مرة او زوج تحوس تولي غوله وتحب غير الزنق وهده هى الحياه اسرة عندها نمط معيشي لازم المرأه تتأقلم معاها ماشي فى دارهم ناس ملاح وبنت فاميليا و لما تتزوج تقعد دير فى حركات نتاع مرأة وقحه ولو انها مكبوتات تخرجلها بعد الزواج لان عند ماماها و باباها لاتفعلي لاتدهبي حرزي ارمي عينك و...و.... مسكين راجل مايحبش يكون مسيطر الا من رحم ربك
نتمنى من الادارة غلق الموضوغ

[الزوجة البارة]

انا عادي عجوزتي ربي يبارك هي تقول لولدها روح طل على نسابك بصح زوجي والو من عامين زواج راح 4 مرات تاع العيد دقيقة ويخرج و فيهم مرة سلم على بابا لتحت لقاه برا راح من تم بصح عادي انا بالنسبة ليا النسيب يبعد احسن يبقى بالقدر خير

[amira005]

الله يصبرك اختي ، الغيرة تعمي البصيرة ، و الام تعتبر الزوجة سرقت ولدها ، و تنسى بلي الدور مشي كيف كيف ، كل واحدة و بلاصتها ، فبالتالي تحاول تلعب دور الام و الزوجة و ...و.. المهم تحس هي رقم 01 عند ولدها ............ الله يهدينا على كل حال

[almohib]

جزاكم الله خيرا