ذقت ذرعا بها

[مشكلتي]

السلام عليكم
أنا معلمة في مدرسة إبتدائية و لله الحمد ربي جعلي قبول و محبة من طرف زميلاتي في العمل متفاهمات مع بعض و نخدموا في جو أسري و خاصة أن مدرستني يغلب عليها العنصر الأنثوي بنسبة 90 بالمئة.
مشكلتي بدات في بداية السنة مع تغير المدير هو في الحقيقة يبدو انسان طيب لكن ما خلانيش نكمل مع قسمي لي خدمت معاه في السنة الأولى و اضطرني باش نحكم السنة الأولى مجددا و أنا الحق حزنت على تلاميذي على خاطر والفتهم من جهة و من جهة اخرى هوما شاطرين ما عدا 4 منهم لي فيهم شوية نقائص.
مشكلتي تفاجأت بالمعلمة لي حاكمة قسمي القديم مصدعتلي راسي يوميا تستدعيني لقسمها و تشكي منهم مرة تقولي راهم ما يعرفوش كامل الحروف و ما يفرقوش بيناتهم مع أنهم العام لي فات في نهاية السنة كانوا يقراو نصوص كاملة باسترسال و مرة تقولي ما يعرفوش يكتبوا و مرة تجيبلي الألواح تاع التلاميذ و تقولي شوفي كيفاش دايرين ولادك راني مشوكية منهم المهم أنا خلاص قلبي طلع منها ما عدتش نحمل كلامها قلقتني بزاف مي خليتها في قلبي و اليوم استدعاتني و كي رحت ليها قالتلي دوري على ولادك و شوفي ما يعرفوش يكتبوا جملة سليمة بدون أخطاء أنا ثم خلاص تقلقت و قلتلها و علاش في عام الذراري يعرفوا يعبروا و يكتبوا بدون أخطاء إملائية امالا واش يقعد يدير معلم السنة الثانية و الثالثة وووووووو يقعدوا يديروا رجل فوق رجل و يتفرجو عليهم ! ثم المدير دخل فجأة للقسم و أنا ملقلقة قلتلها هاهو قدامك المدير إذا ما عجبكش القسم رجعيهولي و أنا نعرف نعالجهم المهم المدير ناض يقول راكم فريق تربوي واحد و مالازمش تكون هذي الحسابات بيناتكم و قالي لي مالازمش تكوني حساسة و لازمك عادي تتقبلي النقد أنا ثم خلاص مخي طار سورتو كي قالتلو لالا الشيخ انا عيطلها غير باش نسقسيها كيفاش نعالجهم على خاطر هي أكثر خبرة مني ! قلبت كامل الموقف .
قولولي ربي يعيشكم كيفاش نقنع المدير يرجعلي قسمي و كيفاش نفهموا بلي فهماتوا الموضوع بالخطأ .
مع العلم أن هذي المعلمة مكروهة من طرف جميع المعلمات من كثرة ستاتتها سورتو قدام المدراء

[الرحالة المغامر]

أختي هناك شيء إسمه التجاهل يعني . حاولي أن تقومي بتفاديها قدر المستطاع ولا تدخلي معها في ألاعيبها وركزي على قسمك وفقط وليس في كل مرة تدخلين معها في جدال ونقاش عقيم يعني هي قد تجرك في صراعات أنت في غنى عنها . تجاهليها ثم تجاهليها ثم تجاهليها هذه أفضل على الإطلاق في حالتك

[*أم سجى*]

ربي يهنيك منها ان شاءالله

[رَكان]

حسب علمي أن أي معلم ملزم بمتابعة تلاميذ قسمه على الأقل بإنهاء طور من التعلم معهم ..يعني قانونا كان يجب عليك مواصلة تدريس تلاميذك ..
طيب
المدير لما سحب منك القسم ..ماذا كانت تبريراته ؟؟؟؟؟
هناك بعض المديرين سامحهم الله يعتبرون المؤسسة التربوية ملكية خاصة يفعلون ما يهوون دون مناقشة صاحب الشأن المعلم ..أنا لو كنت مكانك لرفضت التناول عن تلامذتي ..وتحت أية ذريعة ..فغن كنت تمتلكين بعض الجرأة ..راجعي قرار المدير معه شخصيا أو مع مفتش المقاطعة ..بحكم أن السنة الدراسية في بدايتها ..

[دنيا الامل 18]

احكي للمدير الحكاية كما حكيتها لنا ادا لم يقتنع ما تمرضيش بيهم في زوج خدمي خدمتك وروحي تروحي

[فاصلة]

بعض المعلمين انا نقولهم اتقوا الله في أولادنا كاين لي الله يبارك حرص وضمير وكاين لي يحب يقعد مريح لا سامحهم الله.
اختي شيء عادي ان التلاميذ يجيهم بعض التاخر والنسيان ، لا تنزعجي من ملاحظاتها لكن عليك ان تتجاوزيها وتصوميها كما نقولوا فهميها بلي ما تزيدش تخبرك عليهم قوليلها عومي بحرك معاهم . والا طقت تدي قسمك اديه واذاما اديتيهش ما تزيديش تهدري معاها في الموضوع واقزيها واجهيها بلي اخطاوك واخطاو مسؤوليتك وكي تعيطلك ما تروحيش وما تسمعيش منها،
ربي يوفقك

[Rihab chocola anana]

ديريها فالتقيل و دوموندي حقك

[randa3]

التلاميذ راهم في بداية السنة ، بطبيعة الحال راهم نساو القراية من العطلة الطوييييلة الي كانو فيها
لازمهم شوية وقت باش بتأفلموا وبتفكروا تدريجيا ، وزيدي راهم مازال في السنة الأولى كيفاش راح يعرفوا كلش ؟؟؟
حاولي مع المدير يرجعلك القسم تاعك وحاولي تقنعيه بلي هذا في مصلحة التلاميذ أولا لأنهم مازالوا صغار ويتعلقوا بمعلمتهم وبالتالي يقدروا يتجاوبوا مع الدراسة
وان شاء الله يقتنع
واذا ما حبش خلاص اخدمي خدمتك وقلها تخدم الي عليها وماتزيدش تعيطلك

[شمس 15]

قوليلها متزيديش تشكيلي اذاما عجبكش القسم رديهولي ما دام راهي بداية السنة الدراسية كل ما تجي تسقسيك عليهم اعطيلها هذا الجواب تبطل تشكي منهم.

[lalib40]

السلام عليكم
أنا معلمة في مدرسة إبتدائية و لله الحمد ربي جعلي قبول و محبة من طرف زميلاتي في العمل متفاهمات مع بعض و نخدموا في جو أسري و خاصة أن مدرستني يغلب عليها العنصر الأنثوي بنسبة 90 بالمئة.
مشكلتي بدات في بداية السنة مع تغير المدير هو في الحقيقة يبدو انسان طيب لكن ما خلانيش نكمل مع قسمي لي خدمت معاه في السنة الأولى و اضطرني باش نحكم السنة الأولى مجددا و أنا الحق حزنت على تلاميذي على خاطر والفتهم من جهة و من جهة اخرى هوما شاطرين ما عدا 4 منهم لي فيهم شوية نقائص.
مشكلتي تفاجأت بالمعلمة لي حاكمة قسمي القديم مصدعتلي راسي يوميا تستدعيني لقسمها و تشكي منهم مرة تقولي راهم ما يعرفوش كامل الحروف و ما يفرقوش بيناتهم مع أنهم العام لي فات في نهاية السنة كانوا يقراو نصوص كاملة باسترسال و مرة تقولي ما يعرفوش يكتبوا و مرة تجيبلي الألواح تاع التلاميذ و تقولي شوفي كيفاش دايرين ولادك راني مشوكية منهم المهم أنا خلاص قلبي طلع منها ما عدتش نحمل كلامها قلقتني بزاف مي خليتها في قلبي و اليوم استدعاتني و كي رحت ليها قالتلي دوري على ولادك و شوفي ما يعرفوش يكتبوا جملة سليمة بدون أخطاء أنا ثم خلاص تقلقت و قلتلها و علاش في عام الذراري يعرفوا يعبروا و يكتبوا بدون أخطاء إملائية امالا واش يقعد يدير معلم السنة الثانية و الثالثة وووووووو يقعدوا يديروا رجل فوق رجل و يتفرجو عليهم ! ثم المدير دخل فجأة للقسم و أنا ملقلقة قلتلها هاهو قدامك المدير إذا ما عجبكش القسم رجعيهولي و أنا نعرف نعالجهم المهم المدير ناض يقول راكم فريق تربوي واحد و مالازمش تكون هذي الحسابات بيناتكم و قالي لي مالازمش تكوني حساسة و لازمك عادي تتقبلي النقد أنا ثم خلاص مخي طار سورتو كي قالتلو لالا الشيخ انا عيطلها غير باش نسقسيها كيفاش نعالجهم على خاطر هي أكثر خبرة مني ! قلبت كامل الموقف .
قولولي ربي يعيشكم كيفاش نقنع المدير يرجعلي قسمي و كيفاش نفهموا بلي فهماتوا الموضوع بالخطأ .
مع العلم أن هذي المعلمة مكروهة من طرف جميع المعلمات من كثرة ستاتتها سورتو قدام المدراء


اضنها استعملت مقولة خير وسيلة للدفاع هي الهجوم لكي تبرر اخفاقها في التدريس.ولا يحاسبها المدير.

[lalib40]

90% اناث يعني بقى العساس وحدو هو الراجل ومعاه المدير.

[نورسين.داية]

الفكرةالتي فهمها المدير سواءكانت بالسلب أو الإيجاب ماذا سوف تغير في حياتك ؟؟؟ يضرب راسو على الحيط

أما زميلتك أنا حيرني شيئ : ماهو المانع و العائق الدي يمنعكي أنتقولي لها في المرة القادمة ...طيري عليا ؟؟؟؟؟؟؟

مسألة القسم عادي الإنسان لا ينظر للأمور بعاطفة صدقيني التلاميذ سوف يغيرون وجهة نظرهم لكي بمجرد تجاوزهم للمرحلة الإبتدائية و كثير من الأساتدة عانو ا من جحود الطلبة لهم لا تبني آمالك على أبناء الغير ....الإنسان يؤدي واجبه و ينسى ..........

وفقكي الله عزيزتي

[خالد عنابي2]

الغلطة منك انتي لي موقفتيهاش عند حدها

مافهمتيش ؟ راهي تغير منك ولهذا تحاول تطيح فيك

كون قلتيلها 2 كلمات حارين من لول كانت تفهم روحها


ولكنها لقات الركوب ....

[حسنات21]

المفروض ان العام الماضي تكون معلمين واحد للسنة الاولى و الاخر للسنة 2 يعني المفروض تلفيت تكوينا و تطلعي مع قسمك للسنة 2 و المعلم الاخر الذي تكون هو الذي يسند اليه قسم السنة الاولى فاين هو ؟
في رايي التلاميذ امانة في اعناق المعلمين و مادام اختاروك فهذا لكفاءتك ... ابوعين مع العمل معهم لماذا تتركينهم و قد اعتادوا عليك فكري في تلاميذ السنة الاولى الجدد يتاجون الى معلم كفء و ليس معلم يستعرض عضلاته
نصيحتي هي
قولي لها الخروج من القسم ممنوع و التحدث معي عن القسم الماضي منوع
ان رغبت في الحديث معها فلا باس و ان كرهت منها قولي لها
الحديث معي ممنووووووع

[oumhana]

عجبي هذا التعليق

[oumhana]

عجبي هذا التعليق تاع نوسين دايه

[edelweiss_dz]

ماكانش لازم تسكتيلها من أول يوم

[kaltum]

حالة نفسية لدى التلاميذ. وسببها مفارقتك لهم لذلك ليس في مقدورهم أن يدرسوا أو يقرؤا لذا حاولي أن تستعيني بطبيبة نفسية واديها للمدير معاك وان هاذا المشكل مرده إلى أنهم لم يواصلو مع استاذتهم التي تعودوا عليها وتغيرت. معاملتهم وهذاماولد عنهم أعراض ونفرة من القراءة والدراسة

[مواطنة]

اعتقد ان مسؤوليتك تجاه القسم الماضي انتهت
فرضا اتك رجعتيلو وهي استلمت قسمك الحالي ممكن تعملك نفس الشيء
هي تقريهم و لي ميعرفوش يقراو حتى لو كان قسم كامل يعاودو السنة عندك هكدا تكملي معاهم
متخليهاش تشوش عليك دماغك وتركيزك تروح عند مستشار يفهمها التعامل ا
لا تجادليها و كوني سياسية معاهاواحدري من تصرفاتها