تسجيل الدخول

مشاهدة النسخة كاملة : لي تعرف تطيب الماشطو

*أم سجى*
2016-09-20, 11:06
سلام حبوبات نتمنى منكم طريقة طهي اللوبيا ماشطو بالتفصيل متبخلونيش ربي يحفظكم
*أم سجى*
2016-09-20, 12:22
ولا مساعدة للأسف
منى27
2016-09-20, 12:37
نعطيك طريقتي انا نقيه ونغسلو ومن بعد نديرلو فلفل اسود و ملح ونفورو شوية و من بعد نجيب بصلة متوسطة مرحية مع وثوم و فلفل اسود و كركم كمون ابيض ملح نغليهم ونحط معهم اللحم و الماشطو و معهم 5 حبات زيتون للبنة برك و ماء ونسكر لاكوكوت عليه حتىى نطيب بزاف تحبي تحطي بعد ما طيب بطاطا مقلية هذي الوصفة نتاعي
*أم سجى*
2016-09-20, 23:33
شكرا اخت منى بارك الله فيك
*أم سجى*
2016-09-20, 23:34
هلل من مساعدات اخرى
~أمة الله~
2016-09-21, 00:00
عليك السلام ورحمة الله وبركاته أختي
نعطيلك طريقتنا في البيت:
- في أغلب الأحيان نحبّوها سلطة، ننقوها ونحولها هادوك الخيوط لي يجو في الوسط، ونقسمو الحبة على زوج مثلا، ونديرلها شوية ملح و نقطعوا الثوم والزودية رونديلات ونخلوها تفور من بعد نزيد شوية بطاطا مربعات ونديروهم سلطة هايلة، وهي وجبتي المفضلة في الماشطو.
- أو نفوروها مع الثوم برك وكي نقلو اسكالوب مثلا أو لحم في هاديك المقلة نفسها زيدي شوية زبدة وديريها سوتي وقدميها مع السكالوب أو اللحم.
-ولا نطيبوها بصل وطوماطيش يعني طاجين، تكثري فيه شوية البصل وديري طوماطيش حبّ وشوية ثوم برك وملح فلفل أسود وعكري وشوية طوماطيش كونسارف والماشطو وتمرقي شوية وتغلقي الكوكوط وتخليهم يطيبو
-ولا نديرو غراتان، نفورها وحدها بشوية ملح، وندير مرقة بيضاء بشوية دجاج ، ونقلي شوية بطاطا مربعات، ومن بعد ندير طبقة بطاطا وفوقها الماشطو ونفتت الدجاج هذاك والمرقة نحيها وندير فيها كرام فراش حوالي 2 ملاعق كبار والبيض ممكن 3 مثلا ونضرب ونصبها فوق البلاطو، وندير فرماج رابي من فوق ونطيبها

وشهية طيّبة
RIMA.87
2016-09-21, 00:25
سلام حبوبات نتمنى منكم طريقة طهي اللوبيا ماشطو بالتفصيل متبخلونيش ربي يحفظكم
السلام عليكم
*لوبيا ماشطو في الفرن ذوق روعة .....الاخت حياتي كلها امل
http://www.djelfa.info/vb/showthread.php?t=1954587&highlight=%E3%C7%D4%D8%E6

طريقتي في طياب لوبيا ماشطو رووووعة.........مريومة الاطرش
http://www.djelfa.info/vb/showthread.php?t=1905305&highlight=%E3%C7%D4%D8%E6

*طاجين لوبيا ماشطو بصح في الكوشة ... تفضلن....... أمنية غفران
http://www.djelfa.info/vb/showthread.php?t=1659432&highlight=%E3%C7%D4%D8%E6

لوبيا ماشطو رووووووووووعة............ om hind http://www.djelfa.info/vb/showthread.php?t=1763887&highlight=%E3%C7%D4%D8%E6

*لوبيا ماشطو في الفرن*طبق بسيط ولذيذ*....... حـــــــــــــــــوِيتَة
http://www.djelfa.info/vb/showthread.php?t=1615672&highlight=%E3%C7%D4%D8%E6

*لوبيا ماشطو من مطبخي بطريقة جديدة ولذيذة....... Nada perla
http://www.djelfa.info/vb/showthread.php?t=1573649&highlight=%E3%C7%D4%D8%E6
om kamilia
2016-09-21, 08:23
بالضافة اش قترحو علك الاخوات الكريمات ,نعطيلك ,
طريقة من ابسط الطرق ترافقيها باللحم , البوري , الفريت
تنقي اللوبيا تاعك , سواء تغليها في ماء و ملح و لآ تفوريها , كي تطيب
من جهة في مقلة ديري طرف زبدة و لآ مارغارين مع ثوم , رمي عليهم اللوبيا يتقلو و يتجمرو بلعقل , زيديلها ملح و لآ مخصوصة مع فلفل اسود و معدنوس مقطع رقيق و في الاخير ضيفي لها حبات فرماج لافاش كيري , يذووبو , آمممم خلطيهم و زيني بالمعدنوس , هذي طريقة ختي , و لآ قعدت نزيد لك
طرق وحد خرين
كما تقدري تديريها ماسيدوان
قطعيها صغيرة و فوريها مع جزر مقطع تني مكعبات صغار , وبطاطا , كي تطيب و تبرد شوية ضيفيلها صلصة المايونيز او اي صلصلة ثقيلة للسلطة
*أم سجى*
2016-09-22, 13:41
شكرا اخواتي باااارك الله فيكم ...شكرمميز للاخت ريما لي حطتلي روابط ربي يحفظك
حية بذكر الله
2016-09-22, 13:51
حنا عندنا طريقتنا
نغلوها ولا فوريها نورمال من بعد قليها غير تحمار شوية
نكونو طيبنا الحمص يعني مرقة بالحمص و نقلو بطاطا روندالات
و نحطو بطاطا في الطبق ونزيدو اللوبيا و من بعد الحمص و المرقة و اللحم
حية بذكر الله
2016-09-22, 13:52
و كاين الي طيبها نورمال مع المرقة بلاما يقليها و التزيين كيما قلتلك
حية بذكر الله
2016-09-22, 13:55
و مرات نديروها مقلية بالبيض
غليها و لا فوريها قليها كي تحمار تكوني وجدتي البيض خلطيه و ديري التوابل لي تحبيها وفرماج اذا حبيتي وحطيها فوق اللوبيا
حية بذكر الله
2016-09-22, 13:57
و مرات نديرها سلطة
غليها ولا فوريها و حطيها مع أي نوع سلطة تحبيها أنا نحبها سلطة مع بصل و طماطم و لا مع سلطة خضرا جي هايلة

في الأخير سمحيلي علغŒ الردود المتقطعة عندي بروبلام
samia28
2016-09-22, 20:50
أنا خالتي تقطع و ديرو مع سنات ثوم شوية زبدة شوية زيت فلفل أسود و جامبو دجاج و تخليه يطيب في كوكوط بلا ماء علا نار هادية يطيب كاي سوتي و تقدري ديري دجاج و شوية ماء ماشي يزاف و تسكري للكوكوطة
و نفس الطريقة مع االحم
و نزيد لها بطاطا مقلية أو روندال من الأخير في التقديم
algerienour
2016-09-26, 10:49
شوفي اختي انا ماشطو البصل و الماططم و اللحم نحضر كالاتي :نفور الماشطو بجهة
في كسرونة نقطع بصل رقيق و طويل كيما تاع تشكوكة كي يذبال البصل نزيدلو اللحم و التوابل الملح و الزيت نمرق و نخلي اللحم يطيب كي يطيب نضيف الطماطم مربية و طماطم مصبرة ونمرقو نخلي كل فوق النار كي تشوفي الماء نقص شوية ضيفي الماشطو و خلي لكل يجمر مليح.
هذه طريقة تعلمتها من عند امي ربي يحفظها قولوا امين صدقيني جي روعة
om obaida
2016-09-29, 09:02
اختي نعطيلك الوصفة اللي يحبوها ولادي نقي الماشطو نقطعها ونغليها في الماء والملح حتي تطيب ثم نقطرها ومن بعد نقليها مليح ومن جهة اخري نقلي البطاط دوائر ونحضر صوص طوماط كي تطيب لصوص نكسر فيها حبة بيض نجيب بلا نحط طبقة بطاط ونحط عليها شوية لصوص تم نحط الماشطو ونحط عليها شوية لصوص ونغطي بالبطاطا الباقية ونفرغ لصوص ونلوحها في الفور تنشف واذا حبيتي زيدي معاها اللحم مرحي صدقيني جي بنينة
zokhrofa
2016-09-29, 10:00
سلام حبوبات نتمنى منكم طريقة طهي اللوبيا ماشطو بالتفصيل متبخلونيش ربي يحفظكم

سلام أختي أمل واش راكي

الماشطو كاين طريقتين و فيزوج بنان : مرقة ولا grillée

المرقة : تحبي باللحم تحبي بلاش

أما باللحم فالطريقة هي :

سخني الكوكوت، اللحم باش يطيب خصو تسمعي فشششششششش نار عالية فالأول دايمن قاعدة

حطي اللحم في الكوكوت زيدي عليه زيت خليه يتقلى

كي يتقلى مليح نقصي للنار

زيديلو البهارات : فلفل أسود، فلفل عكري، ملح، كركم، راس حانوت

زيديلو نص كاس ماء و غلقي الكوكوت على نار هادية

خليه يتقلى

بعد 5د مرقي حتى يتغطى اللحم و غلقي الكوكوت زيدي النار لمدة 30د ثم عاودي نقصي لمدة 15د

حلي الكوكوت ضيفي أولا اللوبيا الماشطو للي منقية و مقسومة على 2 لا أكثر و مغسولة ملييييح

فوقها الطماطم مقطعة دوائر كبيرة و عريضة موعا ما باش متتحرحرش

و فوقها بصل دوائر

في كاس ماء حللي طماطم مصبرة و زيدي شوية بهارات ملي ذكرت سابقا و ضيفيها فوق الكل و غلقي كوكوت

زيدي للنار 30د و نقصيلها 15د

و طفيها

طبعا تفقدي الملح حسب الذوق
ساجده 82
2016-10-03, 00:36
سلام شوفيى ختي نقطع اللوبيا الخضراء وتغليها في كاء وملح من بعد نقطرها مليح ونقليها من بعد نقطرها من الزيت .في كوكوت نرابي الثوم حبات ثلاثه اواربعه ممكن نص حبه بصله صغيره نرابيها وممكن نستعمل لحم اودجاج وقيس فنجان زيت وحبه طماطم صغيره مجموله
نعمل فقط علامه زائد عليها بالموس بلامانقطعها .ونقلي من بعد نضيف نص كاس ماء ونخلي اللحم يطيب نص طياب نرمي فوقو اللوبياوعلى نار مهيله .ممكن نضيف جريوات مقليه .امممممم.وممكن بطاطا مقليه .وممكن في زوج مع بعض كيما نقدرو نستغناو عليهم في زوج .نسيت الملح والفلفل الاسود وصراحه تجي صوص قليله وبنينه.
heaven's road
2016-10-03, 13:09
444444444444444444444444444444444444444
أم يحي فراس
2016-10-03, 13:45
سلام عليكم أختي احنا في منطقتنا نطيبوها بزوج أنواع نوع نتاع المرقة و النوع في الفور
1- لوبيا ماشطو مرقة:
تنقيها و تقسيها و توجدي اللحم نتاعك و دوزنيه بالبصل و اللفاح و الثوم و الزيت و تقلي اللحم نتاعك مليح و تزيدي تحطي طماطم و هريسة و تقليهم كل مع بعضاهم و تمرقي و تضيفلهم اللوبيا نتاعك و تغلقي عليهم تلقايها طابت.
2- أما ماشطو في الفور:
طيبيها كيما الطريقة الأولى في المرقة عادي و قلي دوائر البطاطا و حطي في السينية نتاعك دوائر البطاطا اولا و من بعد قليل من اللوبيا ماشطو طبعا بعد ما طابت و من بعد فتتي اللحم اللي طيبتي بيه و زيدي طبقة اخرى نتاع البطاطا و من بعد حطي عليهم البيض و حطيهم يطيبو أختي تجيك روعة مام الأولاد يحبوها
مروة14
2016-10-22, 22:16
سلام
هاكي طريقتي انا
البصل مقطع (طويل) + ثوم + اللحم+الزنجبيل +فلفل اسود + الزيت
+الملح
هدو حطيهم يتقلو واحدهم على نار هادئة

و الوبيا ماشطو نقيها و ديرها تغلي و ديرلها شوية ملح
كى طيب قطريها و دريها فوق اللحم ومن بعد دريلها طماطم تاع الحب مقطعة ولا مرحية
وديرلها كاس ماء
وخليها طيب
و تكليها بصح ولهنا

.
فاتي تيارت
2016-10-23, 10:56
طريقتي انا نقيه ونغسلو ومن بعد نديرلو فلفل اسود وبصل شراائح و طماطم و قطعة لحم و كلهم فالكوكوط مدة 45د بدون ما ندير ماءما ننساش ملح
فاتي تيارت
2016-12-28, 13:44
غسلى اللوبيا قطريها قطعى 2حباة بصل متوسطين ديريهم فالطاجين زيدى لوبيا رابي 2طماطم متوسطين ارميهم ديرى لحم ملح حرور على نار
هاددئة و بلعى الكوكو غير تصفر حسبي 40دقيقة و طفى ديرى الثوم
rawda72
2017-01-29, 14:10
Ana nfawrou b malh tawabil
Ndir souce bchwiya lhm bagri lazam tkoun bayda
Lham marhiya nchawaha f makla ntabalha nhotalha 1 chef w chwiya berber
Njib noul ta3 koucha nhat zaligou li fawarna wlham marhiya w souce lbayda nkassar foug hom 2 baydat w hop lalkoucha hata tanchaf alad manha malanch
zinna
2017-02-13, 21:32
الحمد لله أنا نديرو فالكوكوت على طريقة أم وليد ربي يفرحها