موضوع مخصص لطلبة الشبه طبي دفعة 2016/17

[amine barigo]

السلام عليكم و رحمة الله و بركاته


مبروك لكل الطلبة الناجحين في الدخول للمعاهد الشبه طبية عبر كامل التراب الوطني دفعة 2016/2019



أنا طالب شبه طبي و خصصت هدا الموضوع لإستقبال إستفساراتكم و أسئلتكم المتعلقة بهدا التخصص و الإجابة عنها إن شاء الله



الرجاء من كل الطلبة الناجحين المشاركة في الإستطلاع الله يخليكم و شكرا مسبقا


مرحبا بكم :dj_17: :mh92:

[f سامة]

ساعات العمل كم ؟
الاجر الصافي كم يصل مع المنح؟
نظام المدامة كيف
يعني 24 ساعة عمل كم تقابل راحة هل 48 سا او 72
رأيك في تخصص الراديو

[ألفة 98]

سلام.انا بعتوني مشغلة اجهزة التصوير الطبي مع اني كنت حابة مخبرية .هل صحيح ان هدا العمل خطير على الصحة ؟؟ و هل المواد المدروسة صعبة فانا لا اتقن الفرنسية ابدااااا هل ساواجه مشاكل لهادا السبب ؟؟؟و شكراااا

[شهيناز99]

اخي ما رايك في تخصص قابلة ؟؟؟؟

[أسير الطموح]

السلام عليكم خويا .. انا من بومرداس وبعثوني كيني في وهران .. كشما تعرف على الاقامة تاعهم ؟؟؟ .. كم من شخص في الغرفة ؟ وهل هي في المستوى ؟ بارك الله فيك .

[macho.dz]

ساعات العمل كم ؟
الاجر الصافي كم يصل مع المنح؟
نظام المدامة كيف
يعني 24 ساعة عمل كم تقابل راحة هل 48 سا او 72
رأيك في تخصص الراديو

سعات العمل :
تختلف من موسسة الى اخرى باش نخصلك من الاخير كاين 3 انواع انت و زهرك
- عمل يومي 8 صباحا الى 4 مساءا و راحة سبت و جمعة
- عمل ليلة (من 5 مساءا الى 8 صباحا ) و الراحة بومببن ---ثابت ليلي او تطوعي ليلي
-عمل ليلة (5 م - 8 ص) ثم راحة يوم ثم عمل صباح (8 ص - 4م)
الاجر
تختلف حسب المنطقة و مصلحة العمل و الوضع الاجتماعي ( منحة الجنوب - اجر العدوى 6 متزوج اعزب و عدد الاولاد )
لكن حسب علمي بالنسبة للمتخرجين الجدد (حاصلين على البكالوريا ) فوق 3 ونص (انا نخلص 4 و متيين نسكن في الجنوب و مصلحة امراض معدية )
مع العلم انو عندي عام برك نخدم (ما عنديش علاوات الاقدمية )
تخصص الاراديو
صدقنى بعد العمل فترة راح تكتشف بلي كل التخصصات مثل بعض واحد ما خير من واحد
لانهم بساطة مثل الساعة اذا لم تتلامس مسنناتها مش راح تمشي

هذا راي والله اعلم

[macho.dz]

سلام.انا بعتوني مشغلة اجهزة التصوير الطبي مع اني كنت حابة مخبرية .هل صحيح ان هدا العمل خطير على الصحة ؟؟ و هل المواد المدروسة صعبة فانا لا اتقن الفرنسية ابدااااا هل ساواجه مشاكل لهادا السبب ؟؟؟و شكراااا

هل العمل خطير ؟

هذ العمل كان خطير بكري لكن الان الحمد لله كل الوسائل الحماية متوفرة و بالاضافة الى انو اثناء فترة الدراسة راح تفهمي
وش هي الحوايج الخطيرة الى لازم تردي بالك عليها ,,اذا كنتي انثى راح تمنحي فترة عطلة من اول شهر للحمل

هل المواد المدروسة صعبة

اي شي في بدايتو يكون صعيب .. عن نفسي اذكر انو اصعب فترة كانت الشهر الاول فقط لانو ما كنش نعرف كفاش راح نقرى ولا كيفاش شكل الامتحان
كيفاش يتحسب المعدل كيفاش نلخص بصح غير ما تفوت هذي الفترة (الى لازم يفوت بيها اي واحد طلع من ليسي) خلاص كلش يولي روتيين كلش يابن وساهل

هل سوأواجه مشكل بسبب اللغة

اضحكي عليا الى بغيتي , بصح ما كنتش نعرف نقر كلمة واحدة في الفرنسية (والله) ما نعرف نكتب oui لكن والواحد مايبقاش يفتش على اسباب
الفشل درت القلب و ديت معدل في العام الاول 15 وثاني 14.5 و الثالث 15,5 (كلاصيت 2 في البرومو) والحمد لله على هذى النعمة
نصيحة ما تفشليش كلش يهون بالوقت و عرفي بلي هذي مرحلة لازم تفوتي عليها

شكرا
عفوا هذا رأئي والله اعلم

[RANI2012]

هل يوجد طعن في الشبه الطبي ؟؟؟؟؟؟؟؟؟

[RANI2012]

ياجماعة الله يجازيكم جاوبوني ... راه عاااجل ياخاوتي ....قولولي كاين طعن في الشبه الطبي او لا ؟؟

[feriel farawla]

macho.dz (http://www.djelfa.info/vb/member.php?u=629346) وش رايك في تخصص انيستيزي

صح هو المليح فيهم و الخلاص نتاعهم اكثر

[macho.dz]

macho.dz (http://www.djelfa.info/vb/member.php?u=629346) وش رايك في تخصص انيستيزي

صح هو المليح فيهم و الخلاص نتاعهم اكثر

رائي في التخذير
تخصص تخذير تغير على بكري (اي قبل 2012) في السابق كان التخذير تخصص مباشر اي انو اول ما تسجل تقدر تخير تخصص تخذير لكن بعد دخول نظام L.M.D لشيه طبي اصبح تخصص تخذير ماستر بمعنى لابد من دراسة 3 سنوات تمريض عام ثم العمل سنتين على الاقل (على حساب ماراهم يقولوا) ثم دراسة سنتين ماستر
ملاحظة منذ 2012 لم فتح اي ماستر في التخذبر انما فتحت مسايقة للممرضين القدماء ليصبحو مخذرين (الدفعات بعد 2012 غير معنية بالمسابقة)

الخلاص تاعو مليح ؟

طبعا اذا قريتي 5 سنين الخلاص رايح بكون خير من 3 سنين على هك بقولو الخلاص تاعو مليح

ماذا عن التخصص في حد ذاتوا ؟

من فترة عملى في غرفة العمليات و احتكاكي بالمخذرين نقدر نقولك انو ليس بالمهنة السهلة مسؤولية كبيـــــــــــــــرة تقع على عاتقكك كمخذرة :19:

لماذا؟ لانو بسطة لما يكون الانسان مخذر انت مسؤولة عن كل شيى رفع و خفض ضعط , النبض, التنفس , عدم الاحساس بالالم , الغيبوبة , كل هذ الشيئ يتم عن طريق ادوية اللى تختلف مفعولها من شخص لاخر (لانو التخذير ليس رياضيات لازم تتقبلي انو 1+1 قدار يساوي 10) وهذا الى يقودنا للنقطة التالية الغاء التخذر (اصعب و اخطر مرحلة ) من انسان فاقد للتحكم التام في جسمه الى الحالة طبيعة (استرداد الوعية وردود الافعال) تتطلب قدر كبير من الحذر والاستعداد لانه على سبيل المثال قادر بفشل استرداد الوعي بحدث يعرف بـ "سبازم" اختناق و تشنج عظلات التنفس تؤدي الى الموت لازم تكوني مستعدة لاعادة التخذبر في ثواني و تحكم في الوضع دون تفكير ولو لثانية

حاجة اخرى ديري في بالك بلي ماشي كل المرضى الي رايحة تخذيرهم شباب في كامل قوتهم و صحتهم لالا , رايحة تخذيري ولاد صغار عمارهم يوم ويومين حجمهم اقل من الكف :rolleyes:شيوخة عمارهم فوق الـ90 جلد على عظم :o

راكي تخوفي فيا ؟

الجواب لا , انا نحط فيك في الصورة ماش حابة نرسملك صورة وردية عن التخذير
اذا كنتي قد المسؤولية مرحبا بيك راهم مسحقينك ياسر :mh31:

هيه والحل الخلاصة

الخلاصة تتعلق بشخصيتك هل انت انسان قادر يتحكم في اعصابوا و يتقلم مع الضغط ؟ اذا كان نعم اذا التخذير يليق بك :34: اذا كان مش عارفة و تخذير يهمك ننصحك تجربي تطوعي نهار وتروحي لوبطال (الاستعجالات) تشوفي الحالات الي تفوت من بعيد تقدري تتاقلمي ؟ اذا كان وي يا مرحبا :cool:


هذا رائي والله اعلم

[macho.dz]

ياجماعة الله يجازيكم جاوبوني ... راه عاااجل ياخاوتي ....قولولي كاين طعن في الشبه الطبي او لا ؟؟

طعن في واش التخصص الي عطاوهولك ؟ وضحي اكثر
على ما نعرف الطعن غير متوفر في الشيه طبي

[RANI2012]

طعن في واش التخصص الي عطاوهولك ؟ وضحي اكثر
على ما نعرف الطعن غير متوفر في الشيه طبي

طعن في التوجيه الي مادوهولي مثلا مادولي مخبري وانا حابة مساعد اجتماعي
ومن فضلك هل حاصل على باك علوم تجريبية يقدر يختار في التوجيه مساعد اجتماعي ام لا ؟

[ابو زكريا 48]

السلام عليكم خويا .. انا من بومرداس وبعثوني كيني في وهران .. كشما تعرف على الاقامة تاعهم ؟؟؟ .. كم من شخص في الغرفة ؟ وهل هي في المستوى ؟ بارك الله فيك .
انت راك داير مدرسة عليا في القبة

[شهيناز99]

اخي ماذا تعرف عن تخصص قابلة ؟ مليحة و لالا ؟

[أسير الطموح]

انت راك داير مدرسة عليا في القبة


لاا مشي انا . لكن تلاقيت بيه السيد هداك لراه فالقبة ... تعرفو ؟

[ابو زكريا 48]

لاا مشي انا . لكن تلاقيت بيه السيد هداك لراه فالقبة ... تعرفو ؟

واه تلاقيت بيه عتاوم مدلك kiné حاب يطلع ليسي

[imen98]

السلام عليكم

شكرا امين على الموضوع

التحقت بالشبه طبي الحمد لله

راجعه باسئلة ههه

[macho.dz]

طعن في التوجيه الي مادوهولي مثلا مادولي مخبري وانا حابة مساعد اجتماعي
ومن فضلك هل حاصل على باك علوم تجريبية يقدر يختار في التوجيه مساعد اجتماعي ام لا ؟


لا للاسف لايمكن لانو مساعد اجتماعي مخصصة للادبين وانتي علمية

[imen98]

السلام عليكم

أختي لدي بعض الاسئلة

أنا بعثوني ممرضة للصحة العمومية ، أريد التعرف أكثر عن هذا التخصص ؟


كيفاش يكون السيستام في الدراسة ؟ هل نفسه مثل الجامعة ؟

كيف تكون شكل الاختبارات ؟

+ المواد السنة 1

[macho.dz]

السلام عليكم

أختي لدي بعض الاسئلة

أنا بعثوني ممرضة للصحة العمومية ، أريد التعرف أكثر عن هذا التخصص ؟


كيفاش يكون السيستام في الدراسة ؟ هل نفسه مثل الجامعة ؟

كيف تكون شكل الاختبارات ؟

+ المواد السنة 1

أريد التعرف أكثر عن هذا التخصص ؟

تخصص جميل فيه كثير من الفروع الى تقدبر تدريسها لاحقا على سبيل المثال "تخدير و انعاش" مدة الدراسة 3 سنوات (دون التخصص) اي 6 فصول السنة الاولى تدروسوا فيها الاساسيات

واش هو تخصص تمريض*!

الخطاء الشائع ان التمريض تخصص تدرسه مدة 3 سنوات تتخرج ممرض: تضرب لبرة , تخيط , تجبر! صح !لا..لالا اسمحلي من يملك هذا الاعتقاد فأنه مزال يعيش في 1962.ما يدرس خلال الثالث سنوات هو مبادئ التمريض او التمريض العام (كيما الطب العام) تمكنك مزاولة مهنة التمريض بصلاحيات محدودة, يوجد اكثر من 12 تخصص في التمريض سنتحدث عنها لاحقا
واش يقراو الممرضين
الدراسة في المجموع تتكون من ستة فصول و لهذا الفصل يسمى سداسي او "سيماستر" كل فصل :
السداسي الاول (سماستر الاول) من السنة الاولى عبارة جذع مشترك اي جميع الفروع (لابو ,راديو , فراملة ,كيني , قابلات , سكرتاريا ..الخ ) يدرسون نفس الموديلات انها اساسيات المجال الطبي طبعا مع اختلاف المعاملات لكل تخصص. مثلا: التشريح معامله 8 لممرضين و 4 للسكرتاريا …الموديلات كآتي
[التشريح | Anatomie Physiologie ]
في هذ الموديل نظري بحت تدرسوا فيه جميع انظمة الجسم ..
الخلايا والانسجة و الانقسامات الخلوية
علم العظام
علم العضلات
الجهاز الهضمي
الجهاز التنفسي
نظام القلبي_وريدي
الجهاز العصبي
علم الاجنة و الوراثة
جهاز البولي
الجهاز التناسلي
[الأنثروبولوجيا و علم النفس | Anthropologie & Psychologie ]
- الأنثروبولوجيا تدرس فيه: تاريخ الانسانية و تطور الشخصية داخل بيئتها وعادتها وتقاليدها وهذا لتحسين مستوى الرعاية الصحة
- علم النفس تدرس فيه : ديناميكيات الشخصية , ميكانيزمات الدفاع , العلاقة معالج-متعالج (ممرض-مريض) - طرق وشبكات التواصل - القيادة - طرق المسائلة و التحفيز
[نظافة في المستشفيات -ميكروبيولوجي- | Hygiène Hospitalière ]
يدرس فيه
طرق انتقال العدوى وانواع الأوبئة الموجودة في في المستشفيات ..
الميكروبات فيروسات ,الطفيليات ,الفطريات ,خصائصها
العدوى , التلقيحات ,العلاج بالأمصال
الوقاية , انواع المطهرات , طرق العزل المرضى
ادارة المخالفات الطبية
[اقتصاد الصحة العمومية | Economie de Santé & Santé Publique]
في هذا الموديل رايحن تتعمقوا في اقتصاد الجزائر كيفاش ماشية البلاد وكل هذيك الهدرة الي توجع الراس و واحد ما يفهمها حول
تاريخ النظام الصحي في العالمي و الاسلامي (بيت المال)
نظام الصحي في الجزائر و العالم
مؤسسات الصحة وهياكلها - نظام تأمين الصحي ومالية - المساعدات الاجتماعية
النمو الديموغرافي - مؤشرات النمو حسابها
نظام العرض والطلب - الاستهلاك - رأس مال في الصحة ... جاكم النعاس ؟ نحبسوا خير ياك
[المعالجة اللغوية وتقنيات التعبير الكتابي والشفهي | Remédiation Linguistique et technique d'expression orale et écrite ]
الجمل المعقدة والبسيطة
توظيف الاسماء الشخصية - مرادفات
التعبير عن النفي - الحجاج
الفاصلة والنقطة ...الاشارات المفصلية معنها واماكنها الصحيحة
القواعد والتصريف - التحليل
التركيب وميثولوجيي - طرق العمل الفردي والجماعي
التعبير الشفوي :الاستماع و الحديث والعرض
الكتابة : الرسائل , التقارير, الملخصات... الخ تبانلي نرجعو للاقتصاد خير.
[المرادفات الطبية | Anatomie Physiologie ]
تدرس فيه اللغة الطبية الكلمات و ترجمتها تقسيماتها
اصل الكلمات
Racines
Préfixes/suffixes
[التشريع واخلاقيات المهنة | Législation & Déontologie et éthique proffessionnelle ]
القانون ومصادر التشريع - الحقوق والواجيات (صحة) - قانون العقوبات - قانون العمل (الخواص , علاقات العمل , تنظيمات , خصائص العمل ذو النوعية ) - القوانين المتعلقة بصحة العمومية - عقود العمل
الاعراف - القيم - المعتقدات - التقاليد الدينية - حرمة الموتى - حقوق الانسان حقوق المعاقين - البحوث العلمية و اخلاق الانسانية
المسؤولية والشخصية المهنية للشبه طبيين داخل وخارج المستشفيات و عند الخواص
[الانقاذ والإسعافات الاولية | Secourisme]
الايطار القانوني - تصنيف الحلات الطارئة - صعوبات التنفس -النزيف الداخلي والخارجي - الجروح - الكسور - الغرق - الصدمات الكهربائية - التسممات - لدغات الحشرات - انخفاض درجات الحرارة و الحمى - الحوادث - الكوارث الطبيعية -الاشعاعات
[مبادئ العلاج | Soins de Base]
تاريخ التمريض (الاحتياجات 14)
استقبال وتوجيه المريض
مراقبة وملاحظة المريض
محيط المريض
تكوين الملف الطبي
معاينة الثوابت ( الضغط - الحرارة -النبض - التنفس - نسبة السكر )

كيفاش يكون السيستام في الدراسة ؟ هل نفسه مثل الجامعة ؟
نعم ولا نفس الوقت
نعم, لانو نمشو بالفصول. نديرو تدي . وكاين الكريدي , و يطبق علينا نظام lmd , ديري ميموار عادي قبل ما تتخرجي كيما في الجامعة
و لا , حضو الكور واجب كيما التي دي مي كيما في الجامعة تحبي ما تحضريش الكور . مكانش رطرباج (كاين طرد او مجلس تأديبي) , كي تتخرجي ديبلومك ما تديهش يروح ديركت لوبيطال باش تتوظفي

كيف تكون شكل الاختبارات ؟

الاختبارات الفصل الاول تكون تقريبا L'examen à choix multiple QCM اختيار الاجواب و لاجوبة الصحيحة ولا وضع البيانات الا اللغة الطبية يكون ترجمة الكلمات والجمل مباشر الى القرنسية العامية
(التنقيط احيانا يكون بالنظام الامريكي : صحيح +1 خاطئ -1)
و بتدا من الفصل الثاني نبدى الاسئلة المباشرة (عرف و اذكر ,,,)

والله علم

[amine barigo]

السلام عليكم إخواني

نعتدر على الغياب لأسباب خارجة عن نطاقي


مشكورة الأخت macho.dz على الشرح المميز التي قدمتيه في غيابي ربي يجازيك إن شاء الله


أي إستفسار بخصوص الدراسة في السنة الأولى شبه طبي راني هنا الآن مرحبا بإستفسارتكم

[krystall]

السلام عليكم و رحمة الله تعالى و بركاته
مشكورة اختي macho.dz على المعلومات جزاك الله خيرا

تم توجيهي مخبرية
اريد معلومات اكثر حول هذا التخصص

حبيت نسقسيكم عندي مشكل كبير في اللغة الفرنسية هل هذا سوف يؤثر علي في الدراسة
بالتوفيق للجميع

[amine barigo]

السلام عليكم و رحمة الله تعالى و بركاته
مشكورة اختي macho.dz على المعلومات جزاك الله خيرا

تم توجيهي مخبرية
اريد معلومات اكثر حول هذا التخصص

حبيت نسقسيكم عندي مشكل كبير في اللغة الفرنسية هل هذا سوف يؤثر علي في الدراسة
بالتوفيق للجميع

تخصص المخبري يعد من أسهل التخصصات في الشبه طبي و أحسنها حيث معظم العمل تقوم به الألات

تدرس مقياييس في هدا التخصص :

السنة الأولى جدع مشترك مع كل التخصصات

السنة الثانية و الثالثة دراسة تخصص حيث تدرسين مواد مثل الرياضيات الإحصائية و الكيمياء و الكيمياء النووية

لا تتأثري باالغة الفرنسية لأن معظم المواد مصطلحاتها سهلة و بسيطة و متشابهة

[krystall]

تخصص المخبري يعد من أسهل التخصصات في الشبه طبي و أحسنها حيث معظم العمل تقوم به الألات

تدرس مقياييس في هدا التخصص :

السنة الأولى جدع مشترك مع كل التخصصات

السنة الثانية و الثالثة دراسة تخصص حيث تدرسين مواد مثل الرياضيات الإحصائية و الكيمياء و الكيمياء النووية

لا تتأثري باالغة الفرنسية لأن معظم المواد مصطلحاتها سهلة و بسيطة و متشابهة

شكرا اخي على المعلومات جزاك الله خيرا و جعلها في ميزان حسناتك

[imen98]

لك جزيل الشكر أختي macho.dz على الشروحات المميزة

كفيتي ووفتي

بارك الله فيك


بالنسبة للراتراباج لم أفهم قصدك ايسمح في الشبه طبي ام لا ؟

أم كل معهد و كيفاش

[krystall]

السلام عليكم و رحمة الله تعالى و بركاته
هل هناك اي مراجع اعتمدتم عليها اثناء الدراسة ؟
تحياتي
بالتوفيق للجميع

[amine barigo]

السلام عليكم و رحمة الله تعالى و بركاته
هل هناك اي مراجع اعتمدتم عليها اثناء الدراسة ؟
تحياتي
بالتوفيق للجميع


نعم إدا أردتي هنالك كثير من المراجع لتخصص الشبه طبي خصوصا التمريض العام

في رأيي شخصي الدروس المقدمة من طرف الأساتدة كافية حيث أن هدا التخصص يعتمد على العمل و التعلم في الميدان أي المستشفى أما الدراسة فهي مقدمة و زاد معرفي فقط

[amine barigo]

لك جزيل الشكر أختي macho.dz على الشروحات المميزة

كفيتي ووفتي

بارك الله فيك


بالنسبة للراتراباج لم أفهم قصدك ايسمح في الشبه طبي ام لا ؟

أم كل معهد و كيفاش





هههه عقلي راكي كترتي أسئلة ههههه


نعم هنالك دورة إستدراكية ككل التخصصات الأخرى

و لكن ما تخافيش كلش ساهل و بسيط

[hadjert]

هيه هيه زيد احكيلنا شوية على التخذير و انت واش مداير تخصص ؟

[abdeljalilchit]

.......................

[imen98]

هههه شكرا على الرد

نزيدك اسئلة ههههه

ما هي معاملات المواد المدروسة لتخصص ممرض؟

و ما هي التخصصات المتاحة لعلوم التمريض ( يعني الي بغا يزيد يكمل قراية) ؟

[أسير الطموح]

واه تلاقيت بيه عتاوم مدلك kiné حاب يطلع ليسي

اه داااكور .. انت تان بعثوك كيني ؟؟؟

[شهد*]

السلام عليك قرات ردك فيما يخص الراديو
استفدت كثيرا
وذرك حابة نسقسيك على الدراسة في هذا التخصص كيف هي
و ما هي المواد المدروسة.

[ابو زكريا 48]

اه داااكور .. انت تان بعثوك كيني ؟؟؟

لا انا isp

[ألفة 98]

السلام عليكم.حبيت نستفسراسكو نقدرو نقريو بعد التخرج يعني مادا نفعل لنصبح اساتدة في معهد الشبه طبي انا بعتوني راديو ومتخوفة من عملي اريد ان ادرس في المستقبل هل هادا ممكن ام مستحيل؟؟؟

[~ هبة الله ~]

السلام عليكم
انا قبلوني تخصص قابلة و الان وليت نخمم لوكان درت كيني او تخذير احسن
هل من نصائح و اعطوني معلومات حول تخصص قابلة من فضلكم