المساعد الشخصي الرقمي

مشاهدة النسخة كاملة : كيف اتصرف مع زوجي

مشكلتي
2016-09-18, 19:00
السلام عليكم
ياريت تنصحوني كيف اتعامل مع زوجي قبل ان اتخذ قرار اندم عليه الا وهو الطلاق.
فمشكلتي مع زوجي هي
انه كل ما اقول له اخرجني لاشتري حاجياتي يرفض بحجة انه يعمل. فهو يعمل في محل عند شخص ودخله بسيط جدا وانا معلمة.
في العيد الصغير قتلو ديني نشري ماحبش يقولي قولي لخاوتك .جات الدخلة ماحبش يديني .جا العيد الكبير نفس شي بحجة انه لايستطيع ترك العمل .والان قتلو اديني نشري لوليدي قش المشتا وبدراهمي انا ماحبش .والله غير كرهت فات الصيف كامل ماخرجنيش نحوس كيما الناس.واذا قتلو اديني للطبيب يقولي شوفي خوك وانا دارنا كثرت عليهم بزاف وزيد راهم رحلوا بلاصة بعيدة عليا .
دبروا عليا والله الصح كرهت .يا انا بدراهمي يا انا مشتاقة كاش
رغم انه انسان متخلق ومصلي بصح فيه هاذي الطبيعة الشينة
وراني نفكر نرجع لدارنا حكيت معره بزاف بلا فايدة .
عاونوني ربي يحفظكم.
- بصمة خير -
2016-09-18, 22:27
يعني تطلقي لانه ما يخرجكش؟؟؟
مليح
هذا سبب للطلاق؟؟؟
في مشاكل اكبر و اخطر و اصعب و النساء و الرجال ما يطلبوش الطلاق و ما يفكروش فيه خلاااااااااااااص
خصوصا اذا بالاولاد
يعني راكي خدامة تقدري تعيشي و تعيشي ولدك
و بابا و خواتك رايحين يفرحو بيك
بنتنا قوية خدامة طلقت باش تقوم ببنها وحدها
باباه ما كانش يخرجهم
التربية ساهلة؟؟؟
لازم الاب كما الام لازمة كما الاب
كل واحد في مكانه
///////////////
زوجك راكي انت اللي عوديته على خاوتك و عائلتك
من بعد تحوسي في لحظة يتبدل
مستحيل
اصبري معاه
بالعقالة و الابتسامة و الحنانة و طول البال
و الا ارضاي بالامر الواقع
و تعودي تروحي وحدك
ربي يسخرلك زوجك
****************
اسمحيلي اذا كلامي قاسي عليك
لكن ربي يعلم بنيتي
نصحتك من قلبي
حتى تنساي فكرة الطلاق
لان المشكل ما يستاهلش خلاااااااااااااااص
و تفكري في حل مش الهروب من المشكل
و من بعد تقولي يا ندامتي
طلقت من اجل الخروج
و الرجال كامل كيفكيف
الراجل على واش عودتيه
ربي يصلحك الاحوال
قمر الماس
2016-09-18, 23:15
يا اختي وعلاه ديما بالكم يروح للطلاق؟ راهو مش ساهل
كيما قالت الأخت تحسبي والدك رح يفرح بيك كي ترجعيلو بطفل
أي عائلة تتمنى ابنتها تعمر في دارها
استغفري و ماتخليكش أسباب كيما هادي تاتر عليك و تخمي طول فالطلاق
هو مامنعكش من الخرجة راهو يقولك اخرجي مع خاوتك
أنت جربي احكي بهدوء اضحي معاه القاي طريقة تساعدك في أنك تقنعيه
ربي يحفظكم و يسخركم لبعضاكم ان شاء الله
ع.عيسى
2016-09-19, 00:00
فكرة رائعة ...نعم تطلقي لانه لا يستطيع اخراجك .وربي ابنك وحدك وكوني عالة على اهلك ......كاينة لي راهي مجداكة باش تشم الهوا نتاع الزقاق ومع ذلك هي حامدة ربي
rose de sable s
2016-09-19, 08:15
بما انك تعملين وتخرجين لما لا تدهبي وحدك لتشتري ام انه لا يدعك وحدك
شوف وقت من عمل وادهبي لتشتري ما تريدين
طيور الجنان
2016-09-19, 16:43
بما انك عاملة اختي يعني راكي تخرجي روحي مع وحدة من صديقاتك في العمل او اخوات زوجك و او اطفالك و هني راسك و انساي فكرة الطلاق.
*أم كوثر*
2016-09-19, 17:07
يظهرلي والله اعلم ان زوجك انسان خلوق وفيه معظم الميزات التي تتمناها اي زوجة ...لان سبب تفكيرك في الطلاق سبب تافه!!! طلقني لانك ماتخرجنيش
زوجة عايشة مع سكير
زوجة عايشة مع بطال
زوجات شافوا كل انواع الذل والمهانة ...كاين حتى لي بلا مأوى او قوت يوم وتقلك نتحمل من اجل داري واولادي
وانت ملكت كل شيئ جات غير على الخرجة؟؟
نفرضوا طلبت الطلاق وطلقك مع شكون رح تخرجي؟؟ وهل رح تكوني راضية؟ صدقيني رح تتمني ترجعيلوا حتى ولو حبسك في الدار طول العمر
الزواج ميثاق غليظ والطلاق ابغض الحلال مش في اي عثرة تجيبي سيرتو
انت معلمة يعني تخرجي بشكل يومي؟ اشري حاجياتك وحاجيات ولدك مرة وحدة وانت راجعة من العمل
واستغلي الوقت وعيشي حياة سعيدة مع زوجك وابنك وماتضيعيش الوقت في وساوس الشيطان
sarl02
2016-09-19, 17:08
غالبية الرجال يكرهون الخروج مع زوجاتهم للتسوق وزوجك ليس حالة شاذة خاصة بعدة سنوات من الزواج...لذلك الان في المدن تجد النساء يصرحون بمفرددهم ومع اخواتهن وابنائهن في غياب الزوج المكتفي بامدادها بالمصروف وفقط وبعدها انطلقي واصرحي لوحدك .
melissa lola
2016-09-19, 20:53
انا نشوف فيها عادي كاين اللي مايحبش يخرج يقضي مع مرتو شوفي اختك ولا عجوزتك ولا سلفتك تكوني مرتاحة خير ولا حبيبتك المهم هذا ماشي مشكل حتى تلحق للطلاق
Amouna.DZ
2016-09-19, 22:49
بصراحة لفترة ضننت أنك تتمسخري ولا تمزحي . تطلقي علاجال الخرجة ماقالكش ماتخرجيش .... قالك هو مايخرجكش .... وأنا تظن كامل رجال هكذاك إلى من رحم ربك هكا عقلية .... الحمد لله ماكيش مقطوعة من شجرة أهلك في نفس البلاد.... بالعكس أنا نحب نخرج مع أمي و خياتي ناخذ راحتي فالشريان و يساعدوني فالذوق لو خرجتي مغ زوجك كل حاجة و يقولك لواش....بزاف...فساد....وغيرها
المهم روحي صلي ركعتين و ستغفري مولاك على التفكير ديالك
دنيا الامل 18
2016-09-20, 08:34
هدا ليس سببا للطلاق انظري للنعم التي تعيشينها غيرك يتمناها لا تكوني سببا في خراب بيتك لامر تافه ستندمين
LogicielsPlus
2016-09-20, 11:32
طلاق من اجل عدم الخروج للشراء

عظم الله اجر الأمة في نسائها
ام جهاد2008
2016-09-20, 15:02
ختي تبالي الخرجة ما تستاهلش الطلاق انا 10 سنين زواج عمري لا خرجت مع راجلي كنت نروح مع سلفتي امبعد وليت نخرج مع ولادي نشريلهم صوالحهم نديهم لطبيب يعني بالمختصر راجلك مليح معاك لاه تفتحي عليك ابواب ما تقدريش تغلقيها نتمنى ربي يهدي سرك ويهنيك.
النجمة القطبية
2016-09-20, 16:05
يا اختى ابحثي عن اسباب رفضه الخروج معك
انتى قلتى انه عامل براتب زهيد وانتى معلمة بالاك حاس بالنقص والخروج للتسوق يعني مصاريف زائدة
وحتى لو قلتيلو دراهمي هادي ماشي طريقة للتعامل مع الرجل متقوليلوش رايحة نشري بدراهمي ارواح انت معايا
واش يجي يدير يتفرج ولا يوصلك برك
المهم حاولي توصلي للاسباب ومتكرريش كلمة دراهمي بزاف
ويظهرلي والله اعلم كاين اسباب اخرى لردود افعالك لان الطلاق كلمة كبيرة متجيش بالساهل
ربي يوفقك ويفتح لزوجك ابواب الرزق ويولي يخرجك بادن الله
موفقة
pomaria_aindefla
2016-09-20, 23:17
طلبيه أو أطلبي الإذن و روحي وحدك و تسوقي
ساجده 82
2016-09-21, 09:53
سلام اختي راح نكون شويه قاسيه معاك .لوكان كل امراه تخمم في الطلاق خطرش زوجها مايخرجهاش كان واحده ماراهي في دارها.ممكن تغيضك روحك تزعفي .اي شئ ولكن جاتك ساهله باش تحرمي ولد من باباه.على جال هذا السبب.وكي يجي واحد يخطبك هده في حاله ماادا جاك الناس تهدر واش خذا زوجها مايخرجهاش طلقت.
لا لا ختي .باينه عليك نازالك صغيره واثرو عليك .خطراكش كان جيتي شاربه عقلك .
كاين نساء خدامات ماتشوف شهريتها ماتتمتع بها ماتخرج
واللي يدخل سكران ويوكلها لعصا واللي مشحاح .وهو لاباس بيه .ووو وغيرو وغيرو .
صح هدا خطا وكبير ولفتيهولو تاع داركم .غدوه خوك يزوج وترجع عندو مسؤوليات مايخرجكش امالا رقعي الحاله بالشويه . ممكن زوجك من النوع اللي مايبغيش يشوفوه الناس مع مرتو كل واحد كيفاش.انا مغتربه .ونخرج مع زوجي ولكن تلحق لمحلات لعرب ماندخلش معاه وكاين بلايص يعرفوه فيهم منعني ندور فيهم .ممكن مايرضاش يشوفك تصرفي من جيبك وهو معاك .هدا زوجك مش خوك او بوك .المهم ماهسرتي والو ادعي المولى يسخرولك.
mouradalg007
2016-09-21, 10:45
حافضي على بيتك اختي وعادي والله ليس سببا ان ترجعي لاهلك وتطلقي
randa3
2016-09-21, 15:02
أنا يظهرلي كي تخرجي مع أمك ولا أختك ولاصديقتك خير
تلقاي راحتك أكثر في التسوق
وزيد هو ما عندوش الوقت، معظم الرجال ما يحبوش التسوق خاصة مع زوجاتهم
كبري بالك و خليك من وساوس الشيطان، المهم هو ما منعكش من الخروج مش شرط أنه لازم يخرج هو معاك
ربي يكون معاك
semayaalg
2016-09-21, 19:36
راكي تبالغي

ليس سبب للطلاق

حاولي تقنعيه او اخرجي وحدك ياخي راكي خدامة
mario ger
2016-09-22, 10:14
لا أظنه عذر قوي فهنالك من يعيش مشاكل أقوى و لم يفكر في الطلاق أبدا حسب رايي حاولي تغيير موقف زوجك بالكلام الحنين الطيب و مع مرور الوقت فقط الصبر
nooriman
2016-09-25, 15:13
انا زوجي يحب الخرجة لكن امه تغضب و هو ارضاءا لها لا يخرج معي و انا تى ان خرج يخفي عليها حتى لا تغضب و لا
يخبرهافاين العيب ان خرجت مع زوجي
خرجنا مؤخرا في ثالث يوم اجازة ....شنفت و قعدت غي تمعني فمن داك اليوم ...بقي 7 ايام لانتهاء الاجازة لم نخرج ارضاءا لامه السليطة بوجهها المسكين ....
ااااه شخصية زوجي امقدة بسبب امه. و انا كرهت منها لكن ليس لدرجة الطلاق اختى ربي يهديك الطلاق مر
snowiman
2016-09-25, 21:52
اطلقي وخليه يتزوج وحدة تستاهل
البنات في هذا الوقت يحوسو يسترو مع ريحة راجل ولايمينها من مجاميعو ماشي معلمات برك راهم قاضيات ومحاميات ويحوسو على راجل برك يسترهم
وانتي تطلقي على جال الخرجة!
لوكان رجل اخر في بلاصته راه رمالك صرايرك عند اهلك وطلقك هذا زمان احمدي ربي على النعمة لي راكي فيها