تسجيل الدخول

مشاهدة النسخة كاملة : انتكست

مشكلتي
2016-09-18, 14:43
السلام عليكم ورحمة الله وبركاته .عاونوني راني في دوامة أنا كنت فتاة ونعم الأخلاق ما نحب نهدر مع رجال ما نحب نخالطهم . لكن بعد طلاقي من 4 سنوات وليت نهدرمع الرجال عادي في الفايس .في الحقيقة هدرة عادية لكني والله ماني راضية على روحي خاسة روحي انتكست في ديني ما وليتش هاذيك الأنسانة المحافطة اللي تخاف على روحها تصدقو اني حتى كرهت روحي .انصحوني ,لوموني قولولي أي شي لعل وعسى تكون هدايتي بسببكم
و جزاكم الله خير
- بصمة خير -
2016-09-18, 22:33
راكي في امتحان الله حطك فيه
و انت اختاري
تخرجي رابحة او خاسرة
او تربح نفسك الامارة بالسوء

اختاري







ربي يصبرك
و يرزقك الزوج الصالح
ييييييييييارب
و اتمنى لك التوفيق في الامتحان اللي راكي فيه
فاصلة
2016-09-18, 22:38
هاذي خطوة الى التوبة الاعتراف بصح غير كافي غيري
قمر الماس
2016-09-18, 23:03
ربي معاك اختي
ننصحك اقفلي الفيس بوك إذا كنت ماعندكش خدمة ولا قرايا بيه ديزاكتيفيه و اتهناي
يا اختي الدنيا قل خيرها ربي يحفظك
وكان تحتاجي الفيس بوك افتحي واحد جديد و ما تضيفي حتى راجل باه تتجنبي الاحاديث العابرة مع الأجانب عليك هكا اضمن
استغفري و نوضي توضاي وصل ركعتين أدعي فيهم ربي يهديك و يغفرلك و يزيدك ايمان و ثبات
ربي يحفظك
ع.عيسى
2016-09-19, 00:07
ان شاء الله يرزقك الزوج الصالح
ماري نت
2016-09-19, 09:35
السلام عليكم ،نورمال هذا فراغ عاطفي حاولي تملايه بنشاط مفيد : حلقات تحفيظ القرآن متابعة أشرطة وحصص تثقيفية صادقي نساء أوفتيات صالحات في سنك وفقك الله
جنى الجنتين
2016-09-19, 12:11
سلام اختي راح نقولك الفراغ العاطفي اللي راه عندك هو اللي راه يدمر فيك باش ديري هاكذا وزيد ضميرك راه حي معنتها البذرة تاعك طيبة وهاذاك الاحساس تاع التانيب

مساج من عند ربي فيقي لروحك و الفايس والتلفون باب من ابواب الشيطان حذاري فلا يخصعن في القول فيطمع الذي في قلبه مرض اللي راكي تهدري معهم قاع ذئاب بشرية

متعطيهمش الفرصة باش يجرك بالكلام المعسول نصيحتي ليك روحي حفظي القران ف المدارس القرانية وشغلي نفسك بحاجة مفيدة لان الفراغ هو راس البلاء

والله لو قرات 5 اجزاء من القران يوميا مارح يكون عندك الوقت باش تخمي هاذ التفكير السلبي و زيد هي تجارة مربحة راكي دخلي الحسنات تخيلي كون يجي ملك الموت و انت

قدام الفايس او تلفون تهدري واش تعملي هل هذه هي الخاتمة وراح يبعثك ربي على ذيك الهيئة و العياذ بالله الحل راه في يدك قطعها هبرا تبرا

ابكي لربي و راح يعوضك خير ذوقي حلاة الايمان والقرب من الله الله يرزقك بولد الحلال
خالد عنابي2
2016-09-19, 15:53
هذا قسم مشكلتي وليس قسم تناقضي

فهمي روحك

انتي عارفة الداء والدواء وماكان حتى حاجة نضيفوها
طيور الجنان
2016-09-19, 16:26
اهتي اقفلي الفايس بوك و تهناي واشغلي وقت فراغك احفظي القران روحي لمدرسة قرانية و سجلي باه تحفظي راح مايكونش عندك وقت تضيعيه و هكذا تتبدلي الى الاحسن لانو الشيطان شاطر دوك راهي هدرة عادية و مع الوقت يزينلك حوايج بزاااف و تولي حوايج اخرى.
ربي يرزقك الزوج الصالح اللي يسترك من الفتن.
*أم سجى*
2016-09-19, 21:30
والله غضتيني اختي صعيب واش راكي تمري بيه ننصحك تقفلي كل السبل لي تتواصلي بها مع الرجال تلهاي بصلاتك ومتضيعيهاش ...وننصحك ديري حرفة تنفعك لدنياك مثلا تتعلمي خياطة تجيبي بها مصروفك وتشدي بها يدك خليك مالافكار السلبية وان شاءالله رب يفتح عليك بزوج صالح ...
Davidcena
2016-09-19, 22:00
رانا كيف كيف
ربي يهدينا
رقية الناجحة
2016-09-19, 23:12
ربي يكون في عونك اشغلي وقتك بحاجة مفيدة والله ياخيتي الفراغ قاتل
intel-i7
2016-09-19, 23:24
قبل الزواج كنتي ملتزمة فعلا ام لغرض الزواج مثل اصحاب البكالوريا يصلون الا ايام البكالوريا
وفي الاقامة الجامعية ايضا تجد المصلى ممتلئ ايام الامتحانات و 8 من الناس في الايام العادية

انا انصحك لتعلم اشياء جديدة من النت او تعلم اللغات وتجنبي السهر
الله يهدينا ويهديك