تسجيل الدخول

مشاهدة النسخة كاملة : حشرة السوس دمرت مطبخي 222

مشكلتي
2016-09-18, 14:21
السلام عليكم
للتوضيح فقط السوس لي نقصدو هو لي يجي فالحبوب و السميد و الفرينة... مثال كنت نستعمل باكي فرينة و كي تفضال نغلق العلبة مليح و نزيد. نحطها في ساشي دو كونجيلاسيون بعد يومين ن!لقى فيها السوس!يعني انا من النوع لي نشري مؤونة شهر خاطر زوجي يخدم ماعندوش الوقت و مايحبش يروح يشري كل يوم.. هيه يا اختي راهو وبخني و قالي راكي ناقصة نظافة سينو ماعندو منين يجي موش حاب يفهم لي مش حكاية نظافة
راني عاودت شريت مؤونة جديدة و قبل ما .. نحطها فالبلاكار عقمت الباكيات بماء الجافيل و خليتهم حتان نشفو باه ستفتهم فالبلاكار.. نشوف فيه نقص و خف.. و بديت نشك لي راهو يحبني من السوبيرات لي نقدي من عندو
خاطر مستحيل الاحتياطات والتعقيم هادا كل و يزيد يظهر.. راهو عندكم الحق كي قولتولي غيري المحل
وليت نلقى كي نمسح سوستين او 3 فقط و راني نفصت الدار مالقيتش في غرفة النوم وومالقيتش فالصالة.. نلقاه فالكولوار ولا المطبخ.. وليت كي المهبولة كل نص ساعة نروح نجري للمطبخ نشوف إذا زاد جاء... درك بدل السوبيرات و نشوف.. و بعد مدة نزودكم بالمستجدات
ادعيولي نتخلص منو ربي يعطيكم ما تتمناو و يرحم والديكم
والأخت لي قاتلي اشري محلول اسمو القاز.. وين نلقاه يتباع يا اختي؟ و كان على زوجي ما يحبش يعاوني يا اختي.. يعرف غير يعاير هاداكان لقى حشرة اأخرى وقيلة يسحتني من الدار.. على العموم موضوع زوجي موضوع آخر.. ربي يهديه برك.. راني نعاني معاه
شكرا ربي يحفظكم كي عاونتوني بالنصائح
- بصمة خير -
2016-09-18, 22:37
ربي يستر عليك
و يوفقك
و ربي يسخرلك زوجك
noussa_94
2016-09-18, 22:49
فحلة ربي يعينك ان شاء الله
الطيب الجزائري34
2016-09-19, 00:43
ستتغلبين عليه.. . شوفي مع من يبيع المبيدات الخاصة بالحشرات.
rose de sable s
2016-09-19, 08:32
زوجك لم يجد سبب لدلك يبحث عن سبب تافه فقط
ع.عيسى
2016-09-19, 09:25
اعتقد ان سبب هذه الحشرة والله اعلم ، انكم تشترون منتجات من محل معين ، تحتوي على بيض هذه الحشرة ، لذلك عليكم تغيير نوعية المنتجات المشترات من الفرينة والسميد وكذلك تغيير المحل الذي توردون منه ، بالاضافة الى القيام بحملة واسعة لتطهير جميع المنزل لان بيض الحشرة منتشرة فيه فالانثى الواحدة من هذه الحشرة تضع الاف البيوض ، ولكن الحذر من استخدام المبيدات من ان تصل الى مياه الشرب او مخزن الاكل .
طيور الجنان
2016-09-19, 16:28
اختي ان شاء الله تتخلصي منو و تتهناي وربي يسخرلك زوجك و يهنيك.
ibtissembiti
2016-09-19, 19:53
اختي ان شاء الله تتخلصي منو و تتهناي وربي يسخرلك زوجك و يهنيك.

أظن انه المحل لتشرو من عنده
عقمي البيت جدا وغيري المحل وان شاء الله يتحل الموضوع
intel-i7
2016-09-19, 23:28
اظن انه يهجم بكثرة وقت الصيف
حاولي عمل حملة لتنطيف المطبخ بالكامل
واذا كان المنزل صغيير نظفي المنزل كله في وقت واحد


الله يكون في عونك
oumhana
2016-09-20, 12:45
اسمحيلي أختي متستعمليش الموبيدات . زيد بزيادة ممكن كما قالو الأخوات تكون السوسه جات في القضيان. وكتزيدي تحطيها في ساشي نيلو هداك وين تزيد تكثرـ أنا نظن من الرطوبه هوي مليح الدنيا ومحطيش في شكاير نيلو هذا مكان.أنا نلقا فرططو في الفرينه نسيرنا و خلاص.
ايمان نور الجزائر
2016-09-20, 17:06
عملتي مليح يا اختي كي بدلتي السوبيرات لي تقضي منها
ان شاء الله تتهناي منو
اما بالنسبة لي السوس لي تقصديه حنا نقولولو الكوز هذاك نصيحة من عندي ديري فلفل حب اسود
في اي حاجة تستعمليها من بعد راكي تغربلي قبل الاستعمال نتاعهم
اي حاجة تفتحيها ديري فيها حبات وخليه ورديلي الخبر
راهم ناس زمان كان يديرو هك للكسكس كي يفتلو بزاف والسميد يرمو داخلو
star_dz
2016-09-20, 20:04
اعلني الحرب عليها
aminazy
2016-09-20, 20:17
يا اختي هذا السوس عادي في وقت الصيف يليق ما طوليش وتعودي تنقي مثلا اذا كان دقيق او شيء اخر سقسي يماك تقولك انو وقتوا الصيف ما تتقلقيش منوا ذوك يجي شتاء وما تلقايهش
pomaria_aindefla
2016-09-20, 22:15
عليك بالتهوية لا تضعي كيس الفرينة في البلاستيك . أما عن الحبوب فتستطيعي وضع قليل من حبات الفلفل الأسود . أما عن الفرينة فعندما تقعد في المنزل مدة طويلة يدير السوس عند كل واحد هذه فرينة هذا الزمن . و مع الحرارة السوس يلد
randa3
2016-09-21, 10:09
عليكي بتهوية البيت جيدا
ولا تنسي وضع الفلفل الاكحل في السميد، الفرينة، الكسكس
ام ايمان16
2016-09-23, 10:08
كيما قالولك السوس هاذاك يجي كي تقعد الفرينة ولاسميد مدة طويلة في مكان مغلوق مفيهش تهوية فيخرج السوس
انا ثاني ساعات نلقاه في الصيف في السميد لانو الرطوبة والسخانة تخلي السميد يندي ويخرج السوس هذاك
فلازم تهوية والسميد والفرينة مايططولوش مفتوحين
ام رضوان
2016-09-26, 18:50
السلام عليكم
اختي كيما قلتلك ديري شوية حبوب الفلفل الاسود في المؤونة تاعك راه يتنحى باذن الله
اما عن محلول القاز والله يااختي ماعلابالي وين يتباع
راهي جابتولي وحدة نعرفها
سامحيني
ربي ينحي عليك هذه الشدة اميييييين