عاونوني بآرائكم

[مشكلتي]

السلام عليكم ورحمة الله عندي مشكل مقديش نحكيه لأي واحد خيرتكم انتوم تعانوني ران في حال ميعلم بيه غير ربي سبحانو انا ياناس مخطوبة منذ فترة وخطيبي نعرفو ناس ملاس ويحبني المشكل انو يخدم في منطقة بعيدة علينا فيها فتيات متبرجات جميلات وأنا نغير عليه بزاف متتخيلوش والله قلبي يوجع لما ميعيطليش نحس راه مفتون لحد الان مزلت مذكرتلكمش المشكل انو يخدم 3ايام والرابع عطلة كان ديما يروح لدارهم فيوم العطلة ومبعد غدوة يرجع لعملو وهذالمرة قالي وليت نصرف بزاف كي نجي يطيحلي مصروف كبير وانا لازم نقعد فالخدمة باش منزيدش نخسر دراهمي ونخبي للعرس هو صح بلاك ميكذبش نيتو يخيبي دراهمو للعرس بصح ران خايفة يوالف ثمة ويغووه وينحرف ويولي يكرهني ولا يفتنوه عليا والله خايفة دبرو عليا دون تجريح نقولو ارواح ديما ولا نخليه يدير رايو كل شهر باش يجي مع العلم انو ياخذ برايي بزاف (نتمنى عدم التجريح رجاءا)

[ع.عيسى]

ما تخافيش اختي ، كوني متهنية هو ماهوش يكذب لاني اعيش حالة مشابهة له ، وصديقي ايضا كلنا نعمل خارج ولايتنا ونضطر لعدم المجئ الى البيت لاسابيع بل لاشهر كاملة وذلك لتوفير المصاريف ، ولا تقلقي لا من المتبرجات ولا من غيرهم ومادام خطيبك انسان ملتزم فلن يعبأ بهم لانه سيكون تفكيره منصب عليك وعلى العرس بل بالعكس ستدفعه الفتن الى الاسراع بالعرس وليس الانحراف ، كل ما عليك ان تسهلي له الزواج قدر ما تستطيعين ....والله يسجيلك وادعيلي ربي معاك

[نواعم]

يا اختي ربي يحفظلك زوجك زانا انصحك ان لا تدعي ان لا تدعي الغيرة تحطم حياتك وتتحول اى شك اولا ثم لا تضيعي وقتك في هذه الافكار بل تحببي اليه كي يزيد فيىحبك والتقرب اليه واقول لك الحب الحقيقي لا يزول وربي يجمعكم ويهنيكم

[Davidcena]

في رايي يريح تما خير بزاف عليه دايما رايح جاي
كيما قلتي السيد ناس ملاح ماتخفيش عليه
ربي يسهل لكم انشاء الله

[دنيا الامل 18]

لا تخافي اختي لا اظن انه سيتغير عليك و خليه يقعد فالخدمة خير ينقص مصاريف

[محبوبة ^_^]

ديري فيه ل confiance كيما مدايرو هوا فيك... لوكان حيتي متاكدة بلي ناس ملاح و يحبك متخافيش خلاص :)

[طيور الجنان]

ياختي مادام خطبك راهو مقتنع بيك واذا كان انسان ماتزم اكييييد ماش راح يعجبوه هاذو المتبرجات ديري الثقة في روحك و في خطيبك.
واذا كان راح يتبدل تعرفي دوك خير من كي تكوني في دارو و يتبدل ثم يكون طاح الفاس في الراس على العموم خليه في راحتو و ماتتقلقيش ان شاء الله مايكون غير الخير ربي يهنيك.

[خالد عنابي2]

ديري الثقة وتعاملي معه بما يظهر وخليك من التوسويس تع ابليس
ومع ذلك ما تقطعيش حبال الاتصال بيناتكم كاين الهاتف مرة على مرة عيطيلو ولا ابعثي ميساج باه يعرف بلي تفكري فيه

[randa3]

نحي التوسويس من راسك وخلي الراجل يخدم على روحه وعنده الحق كي يبقى رايح جاي راهو يتعب بزاف وزيدي مصاريف التنقل. هو راهو يخمم فيك وفي مستقبلكم وانتي تخممي في حاجة اخرى. كبري بالك وخمي في عرسكم ومستقبلكم

[*أم سجى*]

نعم اختي تفكيرك في محله ويدل على ذكائك وحذاقتك كامرأة تخشى على زوجها في وقت صعب انا منقولكش ديري كلي مكاش وخليه يريح ومتشكيش فيه كامل ...انتي فعلا متبينلوش غيرتك وخليك على اتصال دائم بيه ومدام يحبك متخافيش ينساك محال وان شاءالله رب يحبب بناتكم ويهنيكم

[elhosseyn3483]

بالعكس اختي
ادعي له بالثبات في الدين
وان كان من الناس لي يخونو
راه يخون في 3 ايام نتاع الخدمة
ولي خائن يخون حتى ولو كان متزوج

[سفير الأيام]

اسمعيني مليح اختي ربي يجازيك

الراجل كي يخطب وحدة يعني شاف فيها المراة المناسبة اللي باه ربي يمنحه درية صالحة لان اختيار الزوجة ليس عشوائيا خصوصا في وقتنا الراهن اين كثر فيه الفساد من في وقتنا الحالي يستطيع الظفر بدات الدين الا القليل ليس فقط من جانب المراة بل حتى من جانب الرجل فقد قل الرجال في زماننا والعيب ليس في الزمن بل فينا نحن لاننا اتبعنا شهوات الغرب وثقافتهم

المهم

ادا خطبك واختارك زيني معاه النية فالشخص لن يختار امراة عشوائيا فقد التمس فيك الحب والزوجة الصالحة

وان احب رجل امراة فلن تكفي نساء الدنيا كلهم بان يوقعنه في الفتن والفساد والخيانة

ومادام يعمل بعيدا عن الولاية وقد امتنع عن الدهاب للبيت في يوم راحة وارحك ان التكاليف باهضة ففعلا

لانني كعامل واعمل ليس بالبعيد عن بيتنا لكن مصروفي يتجاوز 700 دينار يوميا وما بالك بحاله لان المعيشة صعابت والدينار ما بقى يعمل والوا

والعرس لاز مصاريف كبار ليس بالامر الهين


خصوصا ان وجد فيك الصلاح فان طلبت في الشرط مليون هو يزيد يكبر بيك ويقدم لك اكثر مما طلبت


فالمال لا يساوي شيئا من اجل الظر بزوجة صالحة


وفي الاخير زيني نيتك وابعدي وسوسة الشيطان وادعي ربي في كل صلاة لحفظ خطيبك

ما الهاتف انا خصيا لا احبده لانه اكبر باب لوسوسة الشيطان وان تكلمت الا قليلا وفي الامر الضروري فقط

وفي حالة العقد على الفتاة


فالخوف على بنت الناس من شيم الرجال لانهم يحفظون ولا يحبدون ان يتلاعبوا باخوتهم رجال اخرين مثلما فعلوا ببنات الناس