تسجيل الدخول

مشاهدة النسخة كاملة : ◄أي المدرستين أفضل ؟ ►

nori madrid
2016-09-16, 14:58
السلام عليكم
خاوتي راهم أتصلوا بيا مدرستين الإشارة و الطيران
معرفتش وينها مدرسة نروحلها
من فظلكم لي عنده معلومات يقولي وينها لمليحة
قالولي تاع طيران فيه غيل طيار مليحة و ليق عرف
من فظلكم ساعدوني
javier nathaniel
2016-09-16, 15:12
وقتاه اتصلوا بيك اخويا ؟
وواش طلبوا عليك في الملف اللي تديه معاك من فضلك؟
kenane hamza
2016-09-16, 15:18
winta 3aytolek ta3 ichara transmition w nta FS w la Bac
nori madrid
2016-09-16, 17:24
أنا باك و عيطولي ليوم قوقلولي وينها لروحلها
javier nathaniel
2016-09-16, 19:26
شوف الرغبة تاعك اخويا
nori madrid
2016-09-16, 19:49
عونوني خويا وينها المدرسة الأفضل
nori madrid
2016-09-16, 21:40
?????????????????!!!!!!!!!!
Ayoub Rimaz
2016-09-16, 22:24
السلام عليكم

يا خويا شوف أنت الطيران مليحة بزاف وفيها تخصصات ملاح على الاشارة وفيها الاشارة و فيها مكافحة إرهاب

الاشارة مافيهاش مكافحة يعني تدخلها أنسى باه ترفد السلاح وتطلع للجبل تمشيط خدمتهم راديو ولا ميكرو

ذوكا أنت إذا كان المعدل نتاعك مليح وقادر تقرى خير الطيران وإذا كان معدل نتاعك 12 وخايف على روحك دير الاشارة

وإذا درت المدرسة نتاع الاشارة ماشي معناها مارحش تقرى العكس فيها قرايا بزاف هندسة كهربائية وإعلام آلي

والله أعلم

أنا كنت حاب ندخل اشارة بصح مصحتليش (مكتوب ربي ) وربي يوفقنا
nori madrid
2016-09-16, 22:49
صحيبارك الله فيك خويا مكانش علابالي بلي الطيران فيها مكافحة الإرهاب
Ayoub Rimaz
2016-09-16, 22:54
صحيبارك الله فيك خويا مكانش علابالي بلي الطيران فيها مكافحة الإرهاب

بلا مزية خويا

خويا تقدر تمدلي الفيسبوك نتاعك نسقسيك ؟؟
nori madrid
2016-09-17, 10:32
!!!!!!!!!!!!!!!؟؟؟؟؟؟؟؟؟؟؟
nori madrid
2016-09-17, 15:37
ممكن مساعدة ؟
amine009
2016-09-17, 17:57
شوف صاحبي بلا ما تكتر على روحك الاراء و تسقسي الناس فالشارع ... لانه فالشارع قليل لي يبغيلك توصل خاصة كي يسمعو باغي تولي طيار ، المهم راك عارف ناسنا كي دايرين :) .. انا نحكيلك كي صرالي معليش نطول شوي انا لعام لي فات مديتش الباك و صحابي لي نتمشى معاهم ب 3 راحو دارو هاد الكونكور نتاع الدرك الوطني و انا مكانش علابالي بحكم اننا مقربين نورمالمون يقولولي ولو كتشجيع باه ندي الباك و ندير كيفهم ولكن مقالوليش حتى هاد العام انا ديت الباك و درتها و كي قلتلهم بداو يطيحولي فالمورال قالولي حنا درناها العام لي فات و مكان والو و انا يا صاحبي كنت رايح نهبل على بعض المعلومات كيفاش نتاصل بيهم و الملفات و نحوس على شكون يفهمني و هوما مقدمولي حتى معلومه ! المهم راك شفت المرحلة اللوله شحال تقلقنا فيها ! ! ، انا الحمد لله نهار سجلت و بالرغم من انني مركيت الرقم نتاعي خطئ جاوني حتى للدار و داوني معاهم و دخلت عند الظابط و تعرفت عليه و مدلي نيمروه وراح معايا نقطة بنقطة حتى لضرك راني نستنى فالاتصال نتاع زرلدا ان شاء الله... القرار يرجع لك نتا وحدك ، تقولي كيفاش و انا منعرفش شوف نمدلك انا نقاط لي في كل وحده على حساب منعرف و نتا ورقة و ستيلو و زيد عليهم واش تعرف و دير هادي ايجابية هادي سلبية حتى تخرج ف لي تبغيها بشكل منطقي :19:

الإشارة
تنجم تقول هيا الـ Mi نتاع الجامعة اذا كنت نتا انسان يبغي ما يصطلح عليه المعلومياات و برمجة و الاتصالات و ماط هادي هيا نتاعك تعجبك بزف... لانه هدي بشكل او اخر البلاد راها في حرب نتا تحمي الخط الذي تقوم عليه المحادثات العسكرية نتاع بلادنا و تحاول تخترق خط العدو باش تسمع واش هيا الخطط نتاعهم و هكذا المهم هيا تقريبااا مشابهة شهادة ccna تقريبا :rolleyes: ابحث في قوقل اذا معرفتهاش

الطيران
هدي راها باينه على ما اظن تدرس فيها المركبات و الاحداثيات هيا صعيبة شوي لانه يحاولو يوردوك انسان متكامل كيما نقولو (كمال لله ) .. الواعره فيها كيما قالي واحد نعرفو على لسانه '' راك راقد فليل معا مرتك تنوض صباح متلقاكش حداها :D '' الخدمة قادر تجيك في اي وقت و لكن نظن اذا الواحد حاب الدرك ما يحوسش على الراحة و حاجة المليحة فيها هي انك تروح للخارج بززف و تحوس و تخرج صغير من الخدمه و كي تخرج يجوك الطلبات بزف من عند الشركات كيما اير الجيري و خلصة مليحة

و فالأخير نتمنا نكون اقنعتك بجواب مليح و نصيحة نتاعي انك تروح لي قالك قلبك و شوي عقلك لأنه الحاجة اذا محبيتهاش متتقنهاش و ربي يجيبلنا الخير كاملين ان شاء الله
mryounes04
2016-09-17, 22:31
سلام عليكم و رحمة الله تعالى و بركاته

أخي أنصحك نصيحة , صلي صلاة الإستخارة و بعدها إن شاء الله تتضك لك الأمور إن شاء الله
mryounes04
2016-09-17, 22:32
أخ amine009 ممكن نتواصل ؟؟