رسالة لزوجي

[مشكلتي]

السلام عليكم
لم اجد سوي هدا الباب لاكلم زوجي فهو ام يعد يابه لكلامي واصبحنا نختلف في ارائنا والسبب امه امه التي ستجنني
انا متزوجة مند 3سنوات وزوجي هو وحيد امه بين البنات ووالده متوفي ولدي طفل وانا الان حامل وحماتي تكرهني لدرجة غير متوقع وتفعل كل شيئ لايدائي وايداء طفلي والله والله اني لا اقول غير الحق تشتمني وتسبني وتعايرني وتقطع عني الماء والكهرباء وتغلق كل ابواب الغرف وتمنعني من الدخول وتمنعني احيانا من استخدام الثلاجة والحمام والفرن ولاتدعني اتجول في ارجاء البيت لا انا ولا طفلي وحاولت مرتين ان تضع لي مادة كريهة بالاكل مع اني حامل وتضع البول في طعامي وطعام طفل ي وتضرب طفلي وضربتني مرتين وتطردني من البيت بقول ارحلي من هنا فهدا بيتي ولا تتركني استخدم الاواني وتسرق المال والملابس من غرفتي وتغير الماء الصالح للشرب بماء الحنفية وتطلب مني مرارا ان لا اكل من طبخها رغم ان زوجي هو المتكفل بالمصروف و و و و و و و و
كل هدا وانا اتحمل مند 3 سنوات في صمت من اجل زوجي وطفلي وانفد كل ما يطلبه مني بان احترمها وان لا اعاندها لكن الاااان ااااسفة يا زوجي فحياتي وحياة طفلي في خطر لم اعد اقوي علي كل هدا تعبت وتعبت وتعبت نفسيتي اصبحت في الحضيض ولا احد يبالي اتالم كلما رايتها امامي لم اعد اطيق البقاء في هدا البيت لحظة واحدة مع هده المراة القوية التي رسمت علامات الحزن علي وجهي
اريد الخروج من معاناتي اريد من ياخد بيدي تحملت 3سنوات ضربت وجرحت وطردت و عندما حان الوقت لافرض رايي واقول اني لم اعد اقوي واني ساموت قهرا وجدت زوجي الدي لطالما وقف بجانبي ضد عائلته وضد الظلم يقول وببساطة انت لا تريدين الصلح
ساعدوني رجاءا فانا مهمومة

[- بصمة خير -]

زوجك لازملو دليل مادي على واش راهي دير امه
و راهي تضر في ابنه
بالكلام فقط ما يقبلش
شوفي طريقة كيفاه تجيبيلو و الا تخليه يشوف بعينيه
اعمال امه

و ربي يسخرلك زوجك
و يصلح احوالك

و
الصبر
الصبر
الصبر
الصبر

[مواطنة جزائرية]

ربي يصبرك و يفرج عليك و على كل مهموم

[جهينة اليقين]

لاتسكتي على حقك وكل واحد عندو حدود ما لازمش يتعداها والا على الدنيا السلام

[نواعم]

الله يفرجها عليك ويكون معاك ويسخرلك زوجك

[دنيا الامل 18]

ربي يكون في عونك هده معيشة لا تحتمل كيف صبرت 3 سنين على هدا الحال

[انغام المنى]

ديري خطة باش يشوف بعينية حتى وان تصوريها خفية واش قاعدة دير فيك باش يصدق ويقف معاك وربي يفرج همك

[محبوبة ^_^]

صوريها ... و ربي يفرج و يصبر عليك :)

[♥ياسمين عاشقة العلم3]

ربي معاك ياختي حسبي الله ونعم الوكيل *****ماعندهاش قلب تاع الصّح والله غير حرام عليها****نتي ♥♥♥سيي كيفاش جيبي دليل صوريها متلا

[توحيد الجزائرية]

نصيحة ،،
حافظي على نفسك وولدك ،،هذا اهم شيء
فاذا خسرت نفسك،،صحتك،،راحة بالك،،،،لن تعوض ابدا من اي انسان اخر حتى زوجك وولدك ،،،،
استعيني بالصبر والصلاة

[زبدة ذايبة]

أنت لاتريدين الصلح !!!!!!!!!!!!!!!!!!!!!!!!!!!!

يقولها زوجك بملئ فيه وبكل بساطة ، ودون أدنى إحساس أو تقدير منه !!!!!!!!!!!!!!!!!!

من السبب يا ترى ؟

هل هو زوجك؟ حماتك أم أنت ؟؟؟

في ظل هذه المشكلة أقول لك بملئ في أنك أنت من تسبب في هذا المشكل

وأنت من أوصل نفسه إلى هذه المواصيل

ماذا تركت لنفسك من تقدير واحترام وأنت تهانين وتضربين ؟؟؟؟؟؟

كنت المتسبب الرئيسي في هذا المشكل

وها أنت ذا تحاولين الهروب مهزومة مدحورة

ليتك اختصرت على نفسك السنوات الماضية وحاولت الهروب باكرا قبل هذا الوقت

سأستخدم اللهجة العامية في ردي لعلها تكون أكثر وضوحا وإيقاعا من الرد باللغة الفصيحة

شوفي يابنتي !!!!!!!!!!!!!!!!

ماشي هذا هو الوقت اللي تخلي فيه دارك

عندك حسابات مازال ما كملتيهمش في هذيك الدار

باش تخرجي وتخلي الجمل بما حمل راكي غالطة 100%

عالأقل ردي الاعتبار لنفسك

مارانيش نقولك اضربي لعجوزة وسبيها ماشي بهذ الطريقة

كاين عدة بدائل

اسمحيلي حنونة

اطلقتي روحك حتى عفسو عليك

اسمحتيلها دير فيك هذا الشيء كامل وانت صابرة

علاه صبرتي وبسبب واش صبرتي

كنت خايفة تطلقي !!!!!!!!!!!!!!!!؟؟؟؟؟؟؟؟؟؟؟؟؟؟

راكي رحتي برجليك لهذ النتيجة

حتى لما قررتي تغيري من حياتك كان تفكيرك في رسالة تكتبيها

وش بيك هكذا ضعيفة

راكي أم أولاد !!!!!!!!!!!! راكي رايحة تربي الرجال !!!!!!!!!!!

ولا نقولك قاعدة فاقد الشيء لايعطيه

بركايك من البكاء واوقفي على رجليك وحافظي على أب أولادك

ماتخليش وماتسمحيش لأي وحدة مهما كانت تدخل وتلعب في الحدود تاع الأسرة تاعك

وهذ المحافظة على بيتك تبدا من عندك وانت قوية ماشي ضعيفة

قاعدة تماركي لعجوزتك وش دير فيك ودرتي مدونات من تصرفاتها

هي تهبل فيك وانت تكتبي !!!!!!!!!!!!!!!!!!

والنتيجة هي = ترك البيت أو الطلاق أو العيش بذل

عاودي راجعي روحك

مارباوكش والديك باش تروحي لعجوزة (تبصق) -أعتذر - في طعامك وانت تاكلي منو

ماتسنايش من حتى واحد في هذ الدنيا يعطيك عصا سحرية تغيري بيها مجريات الأحداث

التغيير يبدأ من عندك

ماكاش عجوزة -إلا مارحم ربي- تحب عروستها نادرا

وكل وحدة كيفاش تعيش

الاحترام والتقدير انت اللي تفرضيه وانت اللي تحددي المعالم تاعو

برقي عينيك واوقفي على رجليك

وعوذ ماتشكي انت خليها هي اللي تشكي

مارانيش نقولك اضربيها

لكن ماتخليهاش تضربك وماتخليهاش تسبك وماتخليهاش طلقك

ماتخليش دارك وحياتك الزوجية تنهار بسبب غيرة إمرأة أعطيتها الضوء الأخضر باش تعفسك

تقديري تبداي من جديد وتوريلهم وجه جديد بأسلوب جديد

على الأقل يترباو اولادك في وسط صحي مايكونش فيه المشاكل وماينتاهيش بيهم الحال في مستشفى المجانين

إذا تقدري انت تتحملي كل هذا الإهانات والضرب نقولك الله يعاونك

لكن أولادك ماشكيتش يقدروا يتحملوا يشوفوك مطلقة أو ...................

رب يصلح حالك ويهديك

انفضي لغبار على روحك راكي طولتي وانت راقدة

[خالد عنابي2]

والله عجيب امر بعض الناس !
توجهين رسالة لزوجك من خلال المنتدى ؟ هههههههههه !

وعلاش ماكيش تشوفي فيه قدامك كل يوم ؟ اكتبيلو رسالة بريدية خير

وانتي هي السبب في الوصول الى هذه الحالة وحكايتك باينة عجوزتك تكرهك لانها من النوع لي يشوف فالمرا تع وليدها عدوتها على اساس تخاف تسرقيها منو
لاتحاولي ان تبرري او تمشي بالمنطق فهي هكذا ولن يتغير رايها تشوف فيك عوتها وخلاص

لكن هذا ليس مدعاة للسكوت على الاذى والاساء والاهانة

اوصلت لهذه الدرجة التي تقولينها في موضوعك وساكتة ؟

طبعا راجلك والف على السكات من جيهتك وصار يرى الحل السهل بكل بساطة انك انتي تسكتي
ولهذا لما استفقتي مؤخرا ماعجبوش الحال لانه يشوف بلي رح تديريلو مشاكل وهو والف بالحل السهل وهو سكوتك الغبي

المهم الهواتف الحديثة تصور كما انها تسجل ايضا ديري الهاتف في جيبك واعملي رقم زوجك على الاتصال السريع ولما تبدا فيك اتصلي خلسة وخليه يسمع باذنيه كلام امه او سجلي لها مقطع لكن دون ان تنتبه والا رح يتعقد الوضع
التصوير صعيب ولازمو فني محترف ولهذا اخطيك منو

حاجة اخرى من جهة القانون التسجيل ماعندو ما ينفعك ويعتبر غير قانوني ولهذا احذري واعرفي حدود للعبة فالهدف فقط مواجهة زوجك بالدليل القاطع وايضا لاهلك لو دارت عليك الدوائر باه متلقايش روحك وحدك

هذي هي اخر السكات والمذلة

[yasmina16]

انصحك اخت بعدم الاستسلام لها وكوني قوية وكما قالوا الاخوات استخدمي الدليل المادي لزوجك لان البكاء لا ينفع

[ايمان4]

الدليل المادي علاش راكي تكذبي ؟ قيمي روحك شوية ... لكن اذا كان زوجك من لي ما يقيموش لمرا اكيد يلزمله الدليل المادي ... الله يسهلك

[yasmina16]

لماذا الاتهام بالكذب كنت اقصد ان تقدم ا اثبات اهانة حماتها لها كتسجيلات هاتفية

[طيور الجنان]

ياختي ديري قيمة لروحك امام زوجك و امامهم بدون ظلم لازم يحترمك و يحترموك خلااااص ان الاوان ياش ترفضي واش راه يصرالك ماتقوليهاش هنا في رسالة اختي قوليها علنا امام زوجك و حماتك ربي يكون معاك و يرفد عليك هاذ الظلم.

[خالد عنابي2]

الدليل المادي علاش راكي تكذبي ؟ قيمي روحك شوية ... لكن اذا كان زوجك من لي ما يقيموش لمرا اكيد يلزمله الدليل المادي ... الله يسهلك

عجيب هذا الكلام
تريدين من الرجل ان يصدق زوجته ويعطيها الحق على حساب امه فقط لانها قالت وبدون اي دليل لدعم اقوالها ؟
انتي تليقي قاضية فالمحكمة العليا او استاذة في المدرسة العليا للقضاء !

[فاصلة]

شوفي أختي كون أنا ما نصبرش حتى يوم وانت صبرت 3 سنين معناتها انك امراة قوية ماشي ضعيفة برك ما عرفتيش كيفش تبيني قوتك واجهيها وما تخافيش منها وحتى من طلاق بالاك راهي حاسبة بلي انت تخافي من الطلاق عفست عليك وبالنسبة للضرب قادر بالدليل الطبي والمادي تفوتيها شرع انت قبل اهدري مع راجلك وفهميه بلي ما لازمش تتعدى حدودها لازم يوقفها عند حدها ولازم لازم دارك وحدك ويصرف عليك وعلى دارهم وما تخافيش ايا كان الحل المهم راحة بالك وولادك شتا يديروا بيك بلا صحة وبلا عقل وانت غير مطلقة

[كاميلا]

نعتيلي عجوزتك هادي نروح نعاودلها التربية هههههههههههه نتمسخر برك والله تنارفيت كي قريت مشكلتك
شوفي انت اللي ركبتيهم على ظهرك اختي بسكوتك علاش لانه مجتمعنا المريض يقولك مهما ديرلك العجوزة اسكتي راها كي امك لالا حبيبتي لا راها امك ولا ابوك متعبتش فيك كيفاش امك؟ من الظلم تقارني اي انسان او تحطيه في بلاصة الحبيبة الام
علابالي رح الكل يقولك عليك مش متربية لوكان تدافعي على نفسك بصحح اسمحيلي تضربك؟هادي جريمة في القانون يا اختي تسبك هادي جريمة ؟ من الاول صديتي عليك هاد الهجوم
انا اجزم ان هد الام تمارس السحر ايضا فاتووا عليا حكايات عديدة مثل حكايتك والعجايز ساحرات يعني ربي ومهمش مدايريله اعتبار كيفاش رح يقيموا اللي دايرين بيهم تسما كيما نقولوا راهي في الظلمات والهلاك مبقالهاش تمييز بين الخير والشر او حتى بين دمها ولحمها مدام دير هكا في حفيدها اللي من المفروض اعز من ولدها 80
الراجل يقنعه اختي الدليل المادي لانه يعمل بعقله صوريها راهم يتباعو الات تصوير على شكل بورتكلي او porte clé ou usb مش غالي بزاف اشريه حطيه في مكان باين وخليه يعمل عمله او ديري كيما قالك الاخ عنابي ايضا
واحكمي الادلة هاديك ليك انت فيما يخص التسجيلات متوريهملوش ديري سع كيما قالك الاخ وراها واجهيها قدامه وخليها تلم عليك االفاشي وتزيد في الكدب وادا هو مزال ماقتنعش افضحيها بلا حشمة هادي راهي مجرمة وانفدي بحياتك وحياة ولدك خليه يشبع بميمته ادا كل هدا ومقنعش
موفقة

[nihal159]

ياختي أنت فرطتي في كرامتك؛هل أنت قادرة تفرطي في حياة ولدك بعيد الشر؟؟؟؟ كيفاش تحطلك البول أكرمكم الله في الأكل تاعك؟؟؟؟؟ البول راه سام و قادر يمرضلك الطفل وليدك؛ واش بيك أنتِ جبانة؟؟؟ فيقي مع روحك والإخوة قبلي راهم عطاولك الحل.....الدليل....صوريها.

[smylee]

الله يهدي ماخلق الصبر

[TOFNINE]

هذا مصير بنت الفاميليا
هذا واش راهم يحوسو الرجال الان على هذا النوع من النساء الي ديرها يماه صباط في رجلها
وهو يعاونها بكلمة امي والجنة تحت اقدامها املا انا تعيشني يماك في جهنم باه انت تعيش تحت الجنة الي راهي تحت اقداهمها
يرحم والديكم واذا كان هذا الشئ صحيح واش من جنة تحت اقدام الشياطين
روحي انفضي روحك وبدلي العقلية ليس بالضرورة تخرجي وتغضبي
اقعدي في دارك يا اخي طيبي ماكلتك انتي ووليدك واديها لبيتك كوليها نظيفة
خليها تشبع بالبيوت والمفاتح عندك بيتك نقيه وقعدي فيه خليها تبلع وكي تشوفي كاش بيت مفتوح نبهيها خليتي بيت مفتوح
باختصار هذه العجوزة تبغي تتعاف عيفيها احسبيها مكانش
وما تشكيلوش ماهوش راجل هذا ولد يماه يخاف خله يترعد
ديري الزكارة فيها من جهة اعمال البيت خليها تحس النعمة الي كانت فيها تتمناها ومتجعش

[صبرا13]

السلام عليكم و رحمة الله و بركاته
يحكى فيما يحكى انه كانت سلحفاة تعيش في الغابة، فكان انه تبدل الحال و نشفت الارض بمائها و أكلها، فبدأت تفكر في الرحيل، فرات طائرين يستعدان للرحيل، فقالت يالا حظكماً لو كنت فقط أطير، فقال الطائران لا تحزني فسوف نجعل لك عودا تمسكيه بفمك و يمسك كلانا بطرفه و نحملك معنا أين نذهب، ففرحت السلحفاة، فلما كان في وسط الطريق سمعت و رأت أناس يشيرون اليها بالبنان قائلين بالذكاء هذه السلحفاة انظروا كيف احتالت لتطير، فتمايلت السلحفاة طربا لكلمات الثناء و مسكت العود بكل فخر، فلما مضى السرب فإذا بها ترى أناس اخرين يشيرون اليها باستهزاء قائلين : يالا حمق هذه السلحفاة، ما هذا الغباء !!! فاستشاطت السلحفاة غضبا و فتحت فمها لترد قائلة بل أنتم الحمقى، ففلتت من العود اللذي يحملها و سقطت ميتة على الارض
كذلك يفعل الاحمق، فلسان العاقل وراء قلبه و قلب الاحمق وراء لسانه، اما العاقل فينظر في اللذي قيل له فان كان النقد حقا يقبله و يحسّن في حاله، اما اذا كان باطلا فهو لا يخصه بل لا يتعدى فهم و اخلاق قائله.
يعني هذه العجوز التي يستشاط في ذكر مساوئها عندما تحذو المتكلمة حذوها، فلا اعلم لماذا يذم الناس على اخلاق تأتون مثلها، و عندما يصاح فوق المنازل بسوء اخلاق الجدة عندما تذهبن للخطبة لأولادكن سيذكركن الناس بالحسب و النسب الرفيع الذي صرختم به فوق أسطح المنازل
المفيد صاحبة الرسالة، ان بعض الظن اثم و خير الكلام ما نفع، لكلمتين تنفعان و لا تؤذيان لام زوجك شقها في البيت و لك شقك، فالحمد لله تتزوج النساء على ان يكون لهن في بيتهن شيء من الرأي. و الله الموفق

[riheb razane]

ربي اكون معاك اختي هذوهما بنات الفميليا الي يصبرو ويحملو مي الرجال تع دوكاتيك الا من رحم ربي اموتو علي بنات الفميلياراهم منصنفينهم صنف البهلولات الجايحات النيات المهم اختي واش انقولك نسيتيني في همي ايييييييييييايييءءء

[ibtissembiti]

ربي يفرج عليك وكل ولية مضلومة

[riheb razane]

المهم حنونتي لازم توقفي على رجليك وتدي الاستقلال يا حليلك راح وقت الاستعمار والاستغلال والعبيد والامة لازم تاخذي موقف صارم وهو السكن وحدك يلوكان غرفة ومطبخ ومن راي اهلك لازم يدخلو ان الاوان صبرتي 3 سنوات بزاف طفحى الكيل وعلى حساب ما فهمت عجوتك هي لي راهي شادا المنوبول اي كلش تحت تصرفها البيت والمال اي زوجك مسسسسسسسسسسسسككككككين ما بيدو حيلا ايقولك وين نروح بيك الشي غالي راهو داير حساباتو يا الغافلا راهو علابلو بكلش مرهوش راقد علا وذنيه مي راهو مطنش يماه يعرفها ملي كان في كرشها حنونتي حتى ولو اجيبيلو الدلائل ما راح تسفادي والو خوذي راييحاولي تكسبي عجوزتك نعرفك ذكية علابلي عاجئب السبع مايعجبوهاش لاخطر هي دايرا هكذا ربي يهديها حاولي تتجنبيها قدر المستطاع يا اختيطايبي في الغرفة تاعك حتى افرج ربي العلمين اكثيري مت الاستغفار والدعاء وقيام الليل وربي انشاء الله سوف ينصفك وكي تشوفيها اقراي عليها هذا الدعاء اللهم انى نجعلك في نحورهم ونعوذ بك من شرورهم باذن الله ماتاذيكش وتبعد عليك اقرايه يوميا

[riheb razane]

قصتتتتتتتكككككك اثرت فيااااااا بزززززاااااااف احكيتههههههها حتىىىىىىىى لزوجي