المساعد الشخصي الرقمي

مشاهدة النسخة كاملة : الاتصال الثاني للمسابقة النهائية اعوان الشرطة 2016 ( كل الافواج المتبقية ) - عاجل

Mr.Saddam
2016-09-15, 13:21
السلام عليكم و رحمة الله تعالى و بركاته

بدأت عملية توزيع الاستدعاءات للمسابقة الثانية الخاصة بالرياضة و الكتابي لاعوان شرطة 2016
و ستكون يومي 17 و 18 سبتمبر في جميع المدارس الوطنية الخاصة بالشرطة كما تم استدعاء كل الافواج و الحروف المتبقية دفعة واحدة


كما اريد ان اشارك معكم حادثة حصلت معي اليوم باش تعرفو الحالة اللي وصلت لها الادارات الجزائرية للللاسف الشديد

انا كنت معلق امالي كلها على مسابقة الشرطة لانها الفرصة الاخيرة و خاطرت ببزاف امور في جالها و راطيت فرص في جالها
لهدا كنت نستنى في هدا الاستدعاء بفارغ الصبر خصوصا انه نجاحك في الفحص الطبي و استدعاءك للرياضة و الكتابي يعني انك مقبول بنسبة 90 بالمية
انا كنت انتظر من اشهر و البارح برك بعتلي واحد صاحبي صورة لاحد الاستدعاءات و مكتوب انه المسابقة راح تكون يومي 17 و 18
استغربت كيفاش معيطوليش و طاحلي المورال و قلت خلاص كل شي راح و لاول مرة فعلا قلت خلاص ممبعد الوالدة الكريمة قاتلي اطلع سقسي بالاك غلطو ولا كاش حاجة
رحت سقسيت و كي دخلت قلتلهم جيت نسقسي لانو رقمي ضاع و قلت بالاك عيطتولي و ملقيتوهش مفتوح علما انو رقمي عندي و 24/24 مفتوح و لكن قلت هاك باش ميرجعونيش من الباب
المهم طلعت سقسيت استقبلني الضابط المسؤول عطيتو اسمي قلي عيطولك ؟ قتلو لالا قلي ماكش مقبول و قلي روح ..
معليش تقبلت مشيئة ربي و خرجت بعد ساعتين رجعت باش نخرج شاهدة القامة و انا فايت على مكتب الضابط لقيت مكانو امرأة
قلت نزيد نسقسيها .. دخلت سقسيتها قتلها استدعاء المسابقة و عطيتها اسمي شافت في الحاسوب لقاتني قاتلي كيفاش هدا وين جيت تديها
ما فهمت والو راسي حبس قتلها علاش ؟ قاتلي عندها سمانة هنا و نهار السبت تفوتو كيفاش جيت روطار قتلها مباليش و معيطوليش مكاش لي قلي
رجعت عيطت للضابط الاول كي جا شافني حشم و وجهو حمار قلي عيطنالك و نتا مصكر تليفونك لانو ضاعلك و انا و الله ما ضاع 24/24 مفتووووح
ممبعد قلي قلت عليك لصاحبك و قتلو يقلك جي و هو من ساعتين قلي مكاش .. مع اني عطيتلو اسمي
و نخليلكم التعليق ليكم مع انو هدا الضابط ولد مدينتي و يعرف دارنا و الحمد لله ما بيناتنا غير الخير بصح فعلا ما فهمت والو علاش ماكش حاب يمدهالي و بزاف استدعاءات جاو مقلهمش قال ل 2 برك و اليوم النهار الاخير لانو المسابقة يوم السبت .....
و عندي صديق من الفوج الاول جامعي و لياقة بدنية عالية كان يسنى في اتصال هاتفي و مجاهش و مسكين يسخيب مقبلوهش و لكن بعد اللي شفتو اليوم فانا متاكد انو استدعائو جا و هو محبش يعيطلو ...

المهم نصحيتي من هاد القصة متسناوش الاتصال الهاتفي في اي مسابقة روحو نتوما سقسو
المهم اللي عيطولو و راح يفوت في الدار البيضا نهار السبت يقلي
ali djelfa
2016-09-15, 14:18
وعليكم والسلام و رحمة الله تعالى و بركاته
خويا وين جاي البلاصة في الدار البيضا بالضبط
الطالب المسلم
2016-09-15, 15:30
نورمالمو طريق المطار يقلولها تبالي بلاصة هاديك 5 جويلية مسامي الوحدة الوطنية للتدريب والتدخل للحماية المدنية الحميز
javier nathaniel
2016-09-15, 16:04
و اللي مانجحش ياخاوتي وماعيطولوش يجوز الكتابي و السبور كيفاه يددير ؟
الطعن وقتاه؟
سعدودي
2016-09-15, 16:08
مبروك عليك المهممم انك خضيت تجربة زيد يمكن كان هناك سوء تفاهم وانت تسرعت وحكمت علي السيد... الي كاتبتلك تلحقك خويااا ......
" سرحات "
2016-09-15, 19:50
مبرووك عليك يعني مقبول
انا دفعة الاولى وعيطولي وكملت كل الإمتحانات ونجحت
حيث قالولي كملنا الملف نتاعك وكملتولهم
مازالت الركبة برك ههههههههههه
iscomadrid
2016-09-16, 19:55
يا خاوتي ممكن نظرة عن الأسئلة التى ممكن أن تطرح
ramdz
2017-02-01, 11:14
:mh31: سلام
ramdz
2017-02-01, 11:18
:sdf: يا خاوتي راني حاب نعرف اذا كاين لي عيتولو باش يفوت ستاج نتاع و اذا كاين دفعة راح يعيتولهم واقتاش
Rami09
2017-02-01, 18:08
خويا رمزي جماعة نعرفهم مشاو 29جانفي راهم في العاصمة ستاج وقالو فالكوميساريا بلي مزال دفعات عنابة مسيلة سطيف قسنطينة
linkensalah
2017-02-01, 18:15
:)...................................
ramdz
2017-02-02, 16:29
الله يخليك خويا rami
naçeres
2017-02-02, 18:02
خويا رمزي جماعة نعرفهم مشاو 29جانفي راهم في العاصمة ستاج وقالو فالكوميساريا بلي مزال دفعات عنابة مسيلة سطيف قسنطينة

والله ياخو كل واحد كيفاه يقول
قالو مدرسة سطيف و المسيلة دخلوا ديجا