حشرة السوس دمرت مطبخي

[مشكلتي]

السلام عليكم و عيد اضحى مبارك كل عام وانتم بخير
كيما شفتو العنوان... حشرة السوس أصبحت كابوسي! أرجوكم ساعدوني كيف اتخلص منها؟ زوجي اكتشفها و كل يوم يوبخني لكني فعلت ما بوسعي للتخلص منها دون جدوى
تخلصت من كل المواد الغداءية الموجودة في المطبخ و نظفته مع أنه نظيف لكن دون فائدة فهو يختفي مدة ثم يظهر من جديد
جدتي تقول أنه يظهر بسبب عين او حسد
هذه ثالث مرة اتخلص من المؤونة لتفاديه لكن يظهر من جديد.. لا أعرف ما السبب!! ارجوكم ساعدوني بأي اسم او ماركة تع اي برودوي يمكنني من التخلص منه.. كما أصبحت أخشى أن ينتشر في كامل البيت!! و حينها لا استطيع السيطرة عليه.. أقسم أن بيتي نظيف ولا يعني من ااي خطب.. فدائما ما أقوم بحملة نظافة لأني مسوسة شوية خاصة انو تخصصي ميكروبيولوجيا
افيدوني بارك الله فيكم فقد أصبحت اتوهم وجوده فوق جسدي و في فراشي وحتى اكلي... لقد خسرت 2 كلغ من الوزن بسببه "ونعاف حاشاكم" ربي يصلحلكم ولادكم و يعطيكم ما تتمناو عاونوني
يرحم والديكم
راني قريب تهبل مانرقدش فالليل كيما درك راهي ال 3:20 تقريبا
الموضوع هادا سببلي احراج كبير قدام زوجيوالعاءالعائلة
بارك الله فيكم

[ايمان نور الجزائر]

اهلا يا اختي
اولا ولتجنب انتشار الحشرة انصحك بتغيير مكان المواد الغذائية الى مكان اخر في البيت ستفيها في صنادق وحطيها في كاش زاوية
او بالكون
بالنسبة لاماكن حفظ المواد الغذائية فانصحك باعادة دهنها جيدا واستعمال الفارني
فالحشرات تحب اللوح او الخشب وتجد مكانا لاعادة التعشيش فيه
ايضا انصحك بدهان المكبخ من جديد

[صمت الرجوله]

ضعي لنا صورته

[mimozza]

صُنع خليط الماء والخل الأبيض، فهو من أكثر المواد فعاليَّة في طرد الحشرات وخصوصاً النّمل والسّوس، وهو عبارة عن خليط من كميَّتين مُتساويتَيْن من الماء والخل في وعاء ومزجهما جيِّداً، ويُمكن رشُّهما في المنطقة التي تتواجد فيها الحشرات، وكذلك رشّ الأرفف والزّوايا احتياطاً لانتشار الحشرات إليها، مع الحرص على تجفيف المنطقة بعد مرور فترة بسيطة من الوقت إن لم تجفّ من تلقاء نفسها.

[النجمة القطبية]

اختى معنديش فكرة عن هده الحشرة ولا اعرف ان كنتي تقصدين السوس الدي يتكون في السميد مثلا او الطعام والحبوب او امر اخر
ادكر مرة اني كنت اشاهد جدتي رحمها الله تضع حبات من الفلفل الاسود وحبات من الفلفل المجفف الاحمر في الاطعمة لحفظها من الفساد وكانت الطريقة ناجحة والله اعلم
موفقة

[قمر الماس]

وعليكم السلام
اختي شغلي القرآن خاصة سورة البقرة و حصني روحك و عايلتك ماتخسري والو
و روحي للحوانت لي يبيعو هادم المنتوجات الخاصة بالقضاء على الحشرات ممكن جدا يساعدوك وتلقاي عندهم منتوج يفيدك
و ننصحك تاني زيدي اعملي "حملة نظافة " كيما تقولي اقلبي المطبخ لازم تلقاي المصدر وانا متأكدة لي المصدر راهو تم
فرغي كلش و تخلصي من انصاف علب الأكل مثال استعملت القليل من علبة المقرونة و احتفظتي بالباقي... حاولي تتخلصي من الباقي لي قعد
اشري المؤونة بكميات قليلة و كي تخلاص زيدي اشري خاصة السميد و الحبوب
تولهي من المكنسة ولا النشافة حاشاك لازم تغيريهم مرة على مرة و حاولي تكون عندك مكنسة و نشافة خاصة بالمطبخ برك و باقي الدار اعمليلهم مكنسة و نشافة خاصة "عملية مؤقتة" حتان تتخلصي من هاد الافة
و نظفي كل يوم غرفة... اقلباها من تحت لفوق و انفصي لفراش و عرضيه للهواء و لاشعة الشمس
نتمنى نكون افدتك... راهي كانت عندي زميلة تعاني من نفس المشكلة ربي يعافينا
و في الأخير نقولك عيد اضحى مبارك

[ايمان4]

عيد اضحى مبارك يا اختي هذا الحشرة مشي من الاوساخ راكي على الكافار يتكاثر بالخف جدتي دار عندها و هي سوووبر نقية تعيش ف اللوح بالصح ف فرانسا يجيو يغطيو الدار و يتكفلولك بيها ينقيوها و يروح ماشؤ كما هنا

[تراب77]

و عليكم السلام و رحمة الله تعالى و بركاته

و عيد مبارك لكم انتم ايضا اختي الكريمة و لجميع الاعضاء


من الحلول المنزلية من احدى المواقع الاجنبية المتخصصة فان اوراق الرند هي فعالة في طرد ذلك السوس


بحيث توضع ورقة او ورقتين فوق تلك المادة الغذاية المعرضة لللاصابة و كذلك نثر اوراق الرند في الاماكن التي يوضع و تخزن فيها الاغذية

و كذلك حبات القرنفل هي مفيدة ايضا و يتم نثرها في الاماكن المحتملة لتواجد ها.




...........................

و بعد ان تتخلصي كلية من الاغذية المصابة ..

ربما تجريب محاولة تغير المحل الذي تتقتنون منه الاغذية و البقول لمدة معينة يكون مفيد فقد يكون هو مصدرها ..و سبب تواجدها فيما بعد .
............
و لا تشغلي بالك كثيرا اختي الكريمة بمسالة الحسد و العين كي لا يصبح الامر وسواس و قد تدخلين في حلقة قد لا تنتهي

و استعيذي بالله وحده من كل سوء ومن كل شر

الاستعاذة و الدعاء كافية باذن الله

[mariana1]

كيما قالت لك الاخت سابقا غيري محل اقتناء المواد الغذائية ربما تجي مسوسة من عندو
شغلي سورة البقرة يوميا وزيدي أقرايها يوميا هذه عن تجربة كان عندي النمل بشكل فضيع وكل ما استعملت المواد يزيد يظهر وفي الشتاء وظهر في بيتي لكن مع تكرار البقرة اختفى نهائيا
كذلك ملتنسايش تروحي عند اللي يبيع مبيدات الحشرات وأحكيلو على الوضعية حتى يعطيك المبيد المناسب

[mariamalak]

السلام عليكم
يا اختي اذا كان قصدك السوس اللي يدير فالخشب و يخليه يتفتت ما يديرش مالاوساخ يدير مالميديتي و هنا في فرنسا كاين برودوي خاص بيه انا دارلي الفوق فالالواح الكبيرة تاع السقف و شرالو راجلي البرودوي هذا و لازم نعاودوه كل عام ولا عامين باش ما يرجعش
سقسي عند الحوانيت تاع البريكولاج ولا عند النجار يعرف الصوالح هذو

[pomaria_aindefla]

عليك بتنظيف المحيط الذي حول منزلك و تطهيره ربما المشكل ليس في المنزل بالذات ربما يوجد أوساخ متراكمة بالقرب من مسكنك

[لمسة ابداع]

اختي اغسلي خزانة المطبخ بالماء الغليان و حطي الفلفل الاكحل خصوصا في اكياس الماكولات التقبيدية مثل الكسكس ادا كان عندك و رشي بمبيد الحشرات قبل ما ينتشرلك و ما تلقايش روحك

[طيور الجنان]

اختي اذا كان قصدك السوس عذاك الصغير خلاص راهو يدير من الرطوبة حاولي تحطي المؤونة تاعك في مناطق جافة وربي يهنيك منو.

[ام رضوان]

السلام عليكم
ربي يكون في عونك ويهنيك منو راهو علة
اختي السوس راني جربتو راهو يدير من القمح والشعير لقديم والدقيق والمؤونة كي طول
حاولي تشري المؤونة بكميات قليلة وديري في المؤونة تاعك حبوب الفلفل الاسود راهي تنفع مع السوس باذن الله
اغسلي المطبخ وديري واحد السائل اسمو القاز
رشي بيه الجدران وخليه مدة ومن بعد اغسليه مليح ونشفيه
ويارب وترتاحي منو
بصح اختي حبيت نقولك وعلاه تستحي من زوجك وهو يتذمر على انت اللي جبتيه
السوس مايديرش من الوسخ راه زوجك غالط لكان حملك الذنب تاع السوس
نحي من راسك هذا التخمام واذا لام عليك قولي نتعاونو فيه انا وانت
ربي يعاونك عليه وتتخلصي منو

[ع.عيسى]

كيف هي شكل حشرة السوس؟؟ ........المعلومة لي عندي انه اللي يعانوا من الحشرات يجب عليهم تربية حيوان آكل للحشرات كالقنفذ (الكنفود) فهو لا يترك لاحشرة ولا بوبريص ولا عقرب ...والله اعلم